賞茶 (已結業)

平時都好鐘意飲珍珠奶茶不過通常都係外帶見到呢間賞茶有野飲又有野食仲可以堂食 有位坐🍽鹽酥花枝丸併一口雞(新竹米粉+沙茶醬)份量唔算少有幾舊鹽酥雞加三粒花枝丸鹽酥雞熱辣辣 雞肉幾滑有肉汁炸得唔乾身花枝丸好彈牙 調味岩岩好新竹米粉超淋 又多水個醬好鹹 加埋落米粉度唔夾🍽蜂蜜綠茶好香蜜糖味飲落覺得唔係糖水加綠茶有少少清潤 唔錯🍽台南套餐(鹽酥小派對+小時候波霸奶茶)鹽酥小派對有鹽酥雞、花枝丸同薯條鹽酥雞同花枝丸評價一樣薯條就係幼身薯條 炸得太乾小時候波霸奶茶話係無咖啡因珍珠食落有d硬 煮得唔夠淋成杯野奶味好重同埋已經叫左少甜 都仲係超甜下次可以呢微甜餐廳食物質素算合格不過員工態度係超差係兩個員工態度都一樣咁差問佢擺個餐牌睇 都黑面一路都有人買野飲員工成個態度似唔想做 語氣超差兩個員工之間就大大聲傾計 大大聲笑餐廳請佢地基本上係趕客傾計就開心 做野就黑面唔通餐廳請佢地返來係負責傾計？請餐廳正視下呢個問題因為員工態度令人感覺好差就算食物OK 都係比劣評(試過去其他分店 員工係正常)

依間分店有得堂食 大概20個位有下午茶餐同套餐 台式料理例如肉燥飯同鹽酥雞等等 試過佢d鹽酥雞都幾嫩 服務態度好 坐得又舒服 飲品都好好味 飲左桂花烏龍蘆薈 建議走冰 因為飲到得翻小小果陣d冰會卡住d蘆薈會長期幫襯！

每天都盡量有意識地選擇買的店舖和食的店舖，在能力範圍內做多點。一直以為賞茶只有飲品，今天才知道原來有食物供應!立馬決定光顧~🔸鹽酥一口雞拼貢丸沙茶乾伴即食麵套餐 $48鹽酥雞太乾身，雞肉沒什麼肉汁，有點失望。而且大家記得一定一定一定要把麵拌勻才吃，否則會太鹹喔。🔸肉鬆蛋餅 $19 （另加芝士$7）讓我心心念念的蛋餅!我真的超喜歡蛋餅但香港有得吃蛋餅的地方實在不多啊~ 餡料比我想像中多! 外加我芝士我也以為會是一片片裝芝士，但似乎不是！應該是用了芝士碎整溶，都乣多芝士啊🤩餅皮面頭煎得幾脆，入面滿滿芝士肉鬆和雞蛋，好吃好吃🤪這個可以encore✅🔸芝士奶蓋綠茶 套茶加$10 這裡的芝士奶蓋幾特別！餐牌有寫了會加巴馬臣芝士顆粒，喝奶蓋時發現還真不少！而且奶蓋芝士味幾濃，又唔會過甜（有啲奶蓋會加煉奶超甜不好喝），依間的奶蓋是好喝的！

珍珠奶茶☕️一早已由台灣特色變咗香港特色，開到成行成市，夏天飲番杯真係透心涼又醒神😝😝去深水埗街買平嘢，鬼死咁攰真係想飲杯嘢抖抖，竟然賞茶有得坐低飲🤩🤩講真，未算係頂級嘅珍珠奶茶，有得坐真係加晒分👍👍

今次食賞茶嘅晚餐，平日夜晚店入面冇乜人，地方唔大但都有三張卡位，坐低食野都幾舒服，坐底揀完就去counter度比錢，之後職員就會送餐過黎🤤佢豬軟骨個飯好好食~好食到男朋友仔每次黎都要叫呢個🤣個豬軟骨煮得好淋好入味，配飯真係一流🥰不過留意返佢外賣個盒擺餸個位比較細，堂食個碗會多啲豬軟骨而我試左煎豬扒腐皮花枝丸卡邦尼起司撈麵，個麵有少少乾好難撈，卡邦尼起司嘅味道唔算濃，淡淡地有豬扒同花枝丸送就會好啲，而且塊豬扒都幾大塊下~加左個小食鹽酥花枝丸拼薯條，薯條啱啱炸起好熱好脆，裡面又好有薯味，好食~不過真係有少少細份🤫檸檬賞紅茶用左新鮮檸檬，飲落好清新好香，甜酸度啱啱好一間台式飲品店可以坐，仲有有台式小食同飯賣，價錢仲要唔算貴，算唔錯㗎啦

話說今日有啲事去咗深水埗附近，向來好鍾意飲台式飲品同埋食物既我，經過發現左呢間餐廳。餐廳內款式主要圍繞台灣小食、飲品， 佢亦有提供套餐嘅選擇。我叫咗一個朱古力醬厚多士同埋一份鹽酥雞。。。。。。。。。。。。。。。。。。。。。。。🌻西多士唔記得影相，所以剩係得鹽酥雞嘅相片。坦白講，厚多士同我想像中有好大出入，入口好乾身，但係未至於到非常差。反而呢杯鹽酥雞，覺得有少少過分。24蚊只有一杯幾舊嘅雞，而且味道得個咸字，表面又唔脆。倒不如我去 豪x大叫一份雞仲好可見價錢唔合理，份量唔合理，味道更加唔掂！

來到深水埗 逛到攰了就去飲個東西吧這日去沒有太多人 因為是工作日的關係所以有很多位置可以坐耶可以休息一會兒飲個東西挻不錯現在 香港也開始愈來愈多飲品店在位置坐這也方便行到攰想休息的朋友吧·荔枝蘆薈 HKD$24飲品不會太甜 挻潤喉的而且很大杯😂到了走的時候還未飲完呢~.黃金鳥龍茶 HKD$18我點了走糖 飲茶不要糖🤭我要飲純茶耶這個味道還可以 但打開杯子的茶色很濃

今日喺深水埗行咗一個中午，真是累透了，係 附近搵咗個地方休息～賞茶！地方整齊簡潔！點了杯 檸檬賞 紅茶$24點了走甜， 但是出來的味道好像也有落糖，檸檬味係幾清香， 可能檸檬本身有甜味吧！the only plus here in this restaurant is that it is more comfortable to have our tea here as there are fewer customers here than in other restaurants!

點左一個 雞亦花枝丸沙茶醬公仔麵花枝丸係可以 可能都係炸 無特別雞亦係鹵水 所以都唔會差得去邊但個主角沙茶醬撈面點解可以咁咸 花枝丸同雞亦已經係咸一齊食 只有一個味 全部都係咸公仔面完全無口感 一咬落去就散曬真係唔會再有下次之前食都唔會差到咁

好耐之前有飲過賞茶覺得佢地d珍珠奶茶唔錯！估唔到原來有得叫餐堂食見係台灣餐應該唔會差得去邊附近又無乜心水一於試下無人即刻有位 正呀 ...不過坐底就見到餐廳用一次性即棄餐具唔like, 扣分呀！👎🏻為免中伏穩陣起見點個肉躁豬扒飯好d !仲有30分鐘就下午茶L1同T4相差大拿拿 $10 可惜太肚餓等唔切啦 😩套餐飯都大碗 作為男生絕對夠飽個飯無咩特別 豬扒幾好食geh肉躁又不過不失 有少少菜感覺健康d話好好食又未至於 ! 未必再來 !

位於深水埗黃金電腦商場附近的一家台式餐廳, 門口是做外帶台式飲料的生意, 亦可選擇餐廳點餐堂食 ~也許是閒日關係, 堂食客人伶仃, 唯間中也有人買外攜台式飲料餐牌選擇不算多, 隨便點了個鹵肉豬扒飯配熱珍珠奶茶套餐 $48~豬扒都幾大塊, 炸得脆口上面用了椒鹽不錯, 鹵肉亦夠味, 配菜蛋和菜則比較一般, 整體水準平平~反而欣賞熱奶茶, 要求少甜果然味道平穩, 奶茶清香夠滑, 珍珠有咬勁但不會硬實, 恰到好處, 猜想其他飲料應該做得不錯吧 ~

行完黃金商場就去附近搵野食買完票就等待食物，環境都舒服好大块煎豬扒啊香脆花枝卷，好多粒，好吃芝士撈即食麵，香而膩，太豐富啦珍珠彈牙入味，包埋飲品唔使50元超抵食飲品多款，值得一試好多人外賣飲品

｛ 賞 茶 @ 深 水 埗 ｝芝士奶蓋賞紅，諗住裝修幾別緻，包裝設計幾靚所以入手一杯招牌野試一試，明明啲人話正宗飲奶蓋係45度角斜斜地要飲到芝士加茶，飲完咀邊有奶夠浪漫嫁嘛！點解店員問我係咪而家飲之後就黎手插埋飲筒呢？🙄可能咁飲先係佢地嘅正宗飲法呢，點知一飲，伏味出哂泥，紅茶味已經冇嘜，誰不知奶蓋更出事，芝士奶蓋仲有芝士粒粒唔夠smooth，如果可以篩一篩啲粒粒先會更好，芝士太多奶油唔夠咸香味，一味得個甜（已經叫少甜）重點係⋯佢係推介飲品。_芝士奶蓋賞紅$28

在香港，可以坐，又有小食吃的台式飲品店不多，賞茶是其中之一。之前吃過，覺得不錯，特別再來過過口癮。晚上差不多九時到達，店內人客不多。叫了一套餐，咖喱公仔麵，配鹽酥杏鮑菇和雞翼。下單後等幾分鐘已上餐，神速。味道很合我口味，一流。跟餐的冬瓜仙草（左），和友人的翡翠檸檬（右）。杯的圖案很美，看著心情也特別好。收據上有聖經，寫道：你們或吃或喝，無論做什麼，都要為榮耀神而行。教徒應該會認同吧？另，不知它和隔離的 pizza 餐廳是否關連？

係朋友屋企肚餓例牌去外賣app搵野食，唔洗落樓就有好野食今次揀左賞茶，因為我想飲珍珠奶茶。我地叫左鹽酥一口雞併貢丸沙茶乾拌新竹米粉、鹵雞翅併花枝丸沙茶乾拌烏冬、煎豬扒併腐皮花枝卷卡邦尼起司撈即食麵、台式肉燥雞扒飯、珍珠奶茶、蜂蜜綠茶。大部份野食都係難食嘅，飯會好過粉麵，因為送到黎嘅時候乾晒，一餅野咁。肉燥飯正正常常香港味道，其他野因為放耐左所以都唔好食。野飲都係普通台式餐廳嘅水準，唔好抱太大期望。