貝嘉餅屋

营业中

休息中

適逢小朋友爸爸生日🎂所以走去買咗個蛋糕黎慶生🎉原價$155 （1磅）嘅芒果蛋糕，今日$150🫶🏻自從佢半磅蛋糕加到$80個，我就冇再買了～反而1磅冇乜點貴過。因為1磅感覺好多🫨2個人食唔晒…依家啲小朋友都大，諗住1個蛋糕做晚餐😂結果真係大個仔..唔夠食，1人食1/4個仲可以食到麵講返個蛋糕，佢啲芒果超多超甜！海綿蛋糕底，中間有芒果肉醬！佢唔會好糖嘅甜，啲甜都係來至水果（除咗士多啤梨🍓🥲好孫～）

嗰日經過荃灣見到呢間麵包店啲嘢都幾抵食，所以買咗返去試試。老婆餅好好味，個皮很薄，又夠軟熟，仲要熱辣辣。豆沙餡料又香又滑，唔會太甜，老少咸宜。老公餅同樣好大一片，鬆脆可口，口感十足，味道甜甜，下次再買😊椰撻都係$5.5，香港好少地方賣咁平，餡料又厚又多，皮薄，鬆脆，甜度適中，真係好出色。

個人中意食新鮮出爐食物有日見呢間鋪岩岩整好一盤紅豆燒餅所以買左2個食 ($10 2個)一個燒餅都幾大份而且一拎上手超級熱食落覺得紅豆部份都ok不過唔中意太甜既人可能會覺得太甜皮既部份可以再煙un少少不過呢個價錢好過食d 軟林林冇口感既mochi

這家小餅店的「朱古力栗子蛋糕」真的是讓人回味再回味！單單是蛋糕那層已感覺到非常柔軟，蛋糕蛋香已直攻入你的味蕾，口感細膩入口即融化，而且非常濃郁的巧克力味道和栗子的香甜味道相結合，令人難以忘懷。蛋糕上的栗子裝飾更是經過精心製作，唧花技術熟練，栗子的味道和口感非常好，吃起來真的不太甜且很有層次感。相比連鎖店，每當大時大節均粗製濫造，這款朱古力栗子蛋糕是一款非常值得推薦的甜點，不論是作為下午茶丶還是作為節日慶祝，都非常適合。除此之外，我也嘗試過這家制的蝴蝶餅，鬆脆而不油膩，如果你是喜歡吃餅吃飽的愛好者，那麼一定不能錯過這款推介的蛋糕！也不能不嘗試一下這家餅店！

Every time I come to Tsuen Wan, I must visit this bakery, today other than the mango mochi, I wanna try the Swiss roll in the fridge too so I buy the original flavour. The butter cream inside is satisfying, and the cake layer can feel that it used lots of egg.

經過見到新鮮出爐熱辣辣嘅葡撻，睇落每隻都焗到脹卜卜，超級吸引！撻皮好酥脆，蛋漿做得挺身而滑溜，蛋味很濃郁，吃起來質感似燉蛋，甜度適中。單買$4.5/1個 $24/6個 價錢平，性價比高👍🏻

呢間係荃灣區䇄立左多年麵包舖， 成日都大排長龍， 出名價廉物美佢哋嘅迷你麵包尤其出名， 多款式揀， 而且都算平一件$4；四件$13 ；六件 $20另外佢哋都有賣其他麵包舖買少見少嘅葡撻$5，但係食過幾次， 水準唔多穩定，一來 酥餅皮唔夠酥化，二來中間嘅蛋漿太甜，有時更會焗得唔夠，蛋漿面唔夠焦香。今次就試佢個鬆餅，因為都唔係間間麵包舖有得賣，見平平哋$4 ，所以決定一試。鬆餅毫無牛油香蛋香， 中間一啲都唔軟熟，完全唔濕潤， 直情可以用乾來形容。 或者再形象化啲形容，佢係一件外表似英式鬆餅嘅光酥餅。🙉印象中， 2-3年前仲有麻薯波波賣個陣， 佢嗰鬆餅係好食嫁， 係咪轉左師傅呢？👀下次都係食返佢個鮮果🥭撻， 起碼係用新鮮芒果， 實無伏💁🏾https://www.instagram.com/p/Cct30wUppLI/?igshid=YmMyMTA2M2Y=

今日係卡樂b生日🎂💋早排開唔同麵包店app俾佢揀蛋糕…原本話要食黑森林😑好彩買之前問多次，佢最後轉呔要食芝士蛋糕今日亦都係我細佬生日，因為冇得一齊慶祝，所以買左個鴛鴦蛋糕🤣爸爸鐘意芒果，細佬鐘意朱古力椰撻呢個都好高性價比！$6/件，比其他地方都大隻…好香椰絲味服務因為佢哋啲麵包蛋糕好食所以係超忙😵‍💫我俾錢買完蛋糕再等椰撻都等左5分鐘…不過佢哋冇話發脾氣，就講個程序岀黎:買幾樣野就一次過係收銀俾左錢先，再行去拎撻、拎蛋糕如果買得少又唔洗找錢，就可以直接叫姐姐夾

自從許留山汁晒之後都唔知邊度搵到好食既芒果糯米糍 最近睇到有人介紹荃灣有間舊式既麵包舖有賣芒果糯米糍 仲要係大大粒既 只係$4.5/1粒 好平好抵食 經開荃灣附近就順便去買黎試下 去到見到仲有好多 買4送1 真係好平好抵 難得過到黎買 就梗係買多啲返去同屋企人一齊試下啦 不過味道就普普通通啦 芒果唔甜 可能咁岩唔係芒果當做 但佢個皮做得唔錯 有芒果味 好夠煙韌 $36蚊買到十粒 個人覺得唔可以有咁多要求 下次經過會再買黎試下 值得一試

成日行過貝喜都覺得佢既蛋糕幾抵食，平時我買開切餅，今次直接買一個半磅芝士蛋糕返屋企食！依款芝士蛋糕我食過好多次，唔太甜，不過又有好濃芝士味，正！原價$65，照價再減$5，都好抵食啦。

最近常常到{Baker House}買早餐，小小的家庭式麵包店，相比很多其他連鎖麵包店，這裡物價便宜得多，也較有人情味。甜包方面，我最喜歡吃這裡的「菠蘿包」，一個只需要$3.5！在特價時段更是$6兩個！「菠蘿包」外皮香甜酥脆，下層麵包則夠鬆軟，滿滿牛油香！CP值很高！另一款也想推介的甜包是「椰絲卷」($5)。「椰絲卷」用料充足，每一圈內外都有滿滿椰絲，而且椰絲爽甜有咬口，配合軟滑麵包，香甜滋味。鹹包方面，我則喜歡吃「薄餅」($6.5)。同樣用料充足，菠蘿香甜多汁；腸仔沾上蕃茄醬烘焗，酸甜惹味；再搭配滿滿芝士，剛出爐的時候外圍香脆，中間芝士微微流心，多層味道和豐富口感。如果「薄餅」的形狀可以更圓或呈三角塊，相信外觀會更吸引。除了以上幾款，這裡的「呑拿魚包」，還有「椰撻」等等，都很足料而且味道不錯。上班和下班時段，新鮮麵包和餅撻都一盤接一盤地賣出，之後還想試試看這裡的「栗子包」、「提子包」、「葡撻」和「芒果糯米滋」。小店麵包價廉物美，經過務必一試。

今日屋企人生日就去咗貝嘉買咗個黑森林生日蛋糕平時啲美X呀，聖X娜呀，入面勁多cream🤢蛋榚就勁少都係老餅店麵包鋪先做到合我全家口味既蛋榚😬淨係面果層生果都贏晒！今日買蛋糕仲平咗$5雞仲送多包低筋麵粉俾我！ ！不過比我都冇用啦，我寧願買呀

有個朋友搬咗屋，雖然間新屋仲係裝修中，未曾正式housewarming，但我都買啲蛋撻西餅去，慶祝下佢，反正都係去人哋屋企都唔可以帶梳蕉。因為未去過佢屋企，人哋生疏唔知道嗰度有乜嘢出名餅店，所以就喺佢屋企附近 啲比較街坊嘅西餅舖買咗半打蛋撻去。金牌酥皮蛋撻，個老闆娘同我講話啲蛋撻啱啱出爐，咁樣我就買咗半打。蛋撻唔係好大件，我唔係KOL，所以冇度過圓週/直徑，唔知道係乜嘢size，咁我就當係正常size，蛋漿又嫩又滑又香又甜， 個皮真係好酥脆，仲好夠油水， 嗰種酥脆係，未入口都已經碎曬咁濟。食得好messy，不過都好happy。

剛好是媽媽正日生日，前兩天我們已經吃了生日蛋糕，今天來個簡短甜品慶祝。老公下班回來到貝嘉餅屋買芒果糯米滋，這間的芒果糯米滋都挺有名，我記得以前好幾次想吃，但每次都賣完，最後就要買了其他甜品，像芝士撻及果撻今次終於第一次吃到，比想像中大顆，很足料，每粒裡面有起碼四五粒芒果！我感覺味道不算很甜，超推介給各位芒果糯米滋愛好者！

社會氣氛非常沉重，大家都出去行街街，去野餐，唱聖詩，我都不例外，只不過，每個人骨肉都來自父母，母親節大家都搞得好大，父親節當然都係要盡一點孝心。我阿爸現在仍然四十幾歲，雖然年紀唔係好大，但佢好鬼小氣，非常之妒忌心重， 如果唔幫佢搞個父親節慶祝，佢一定會記足一世，咁樣做女嘅就冇運行。有咁啱得咁橋，今年嘅父親節，大家姐又要返工， 二家姐又出咗國，我唔整個蛋糕畀老爸，佢一定玻璃心，而且會好嬲。因為地點方面嘅問題，就喺貝嘉餅屋買咗一個黑森林蛋糕，給老爸。這個黑森林蛋糕外型都唔錯而且有好多水果襯托，有桃、藍莓、奇異果、士多啤梨、菠蘿， 仲有個牌寫住 Happy Fathers Day, 一定唔會話求求其其。切開個蛋糕，都好濕潤，一啲都唔乾口， 食落去有少少酒味，內裏仲有啲黑加侖子味的 jelly 喺度。老爸話好食，希望佢內心真心係覺得好食 Happy Father's Day