2
6
2
| 餐厅: | 財記茶餐廳 |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港铁黃埔站 A 出口, 步行约6分钟
继续阅读
电话号码
23633823
付款方式
其他资料
外卖服务
室外座位
以上资料只供参考，请与餐厅确认详情
急急腳想係紅磡食個快飯，同事介紹左去財記因為佢去開觀音廟都會必食😀入到去普通茶餐廳，唔好預坐得好舒服，叫左個同事推薦既土魷蒸肉餅，真係有啲驚喜喎，雖然細細碟，但對我來講份量剛剛好👍👍🤤味道不錯，送飯一流 套餐仲要跟野飲
继续阅读
放假經過紅磡搵食我有個姐姐喺門口叫我哋入去食有啲趕時間，所以就揀咗呢間咁啱係下午茶時段（2-6點）叫左A餐 五香肉丁時菜公仔麵 港式奶茶好正宗 茶餐廳嘅服務 快同平不過環境就有啲＊舊式
继续阅读
連放 4 日假到返工先黎失眠，訓得 1 粒鐘眼訓死我喇！非誠勿擾。訓覺總是餓，起身都只餓，長期係肚餓﹗出門口已開始諗食咩早餐，火腿奄列叉燒意粉還是太蛋餐肉雪菜肉絲米線呢？到財記坐低先決定到 ﹗比平時早到五分鐘，室內竟然滿座，唯有坐係門外乾煎，想熱死我咩 ﹗好采坐低無耐就有食客埋單，梗係即刻調返冷氣位啦。冷氣夠勁好舒服啊﹗檯面料味架衛生可以改善下就更好，鋪滿塵亦有點油。叔叔嬸嬸哥哥服務有熱誠而友善，食得開心暢快。坐近出入口都幾熱，深入一點坐底較好。後生仔、肥叔叔、四眼叔叔最親切有禮面帶笑容招呼周到。紮辮瘦嬸嬸就比較凍冰冰，不過都十分友善及服務良好，可能因為要擔起總指揮，所以繃緊一點。阿叔您成日拿出半個八月十五想趕客咩，您唔係以為有人想睇麻？影響情緒，影響食慾，嘔心之作。最憎大叔自私自利無公德心 ﹗睇報紙就報紙，唔好騷擾到人，揭到張報紙大一大又開又閂，撐到隔離撩撩下，真係火到黎﹗罕有地有神州蟲出沒，老豆老母加細路！由 3 歲到 60 歲都一樣鬼殺咁嘈，比我靜靜地安安樂樂食個早餐好麻？個細路仲要打機不時係度大嗌，佢老母鬧都無用！對面位肥叔叔跟我一樣黑臉滴汗唔出聲，急急食完閃啦！熱檸茶，茶味濃烈，浮著檸檬酸澀，提神醒腦。熱奶茶，港式茶記的首選 ﹗撞茶撞奶係有幾板斧，茶香奶滑，洒點砂糖攪勻，熱熱入口，好舒服啊﹗凍檸樂，真係估您唔到，居然唔係罐裝，仲要係樽裝大可樂，非常好，我鍾意 ﹗夠冰凍夠檸檬，舒暢無比﹗醉到要飲回魂曲，好采爬到起身返工啫﹗火腿奄列，即煮有誠意，香噴噴熱騰騰送到。煎得兩面金黃焦香，見得到蛋漿與火腿融合，不是蛋皮捲火腿絲，蛋甜腿咸撞得美味。沙嗲牛肉湯通粉，湯底微溫那會好食呢？硬著頭皮悶悶的清掉她們吧。腍腍的鬆牛肉、粉粉的通粉、混濁的沙嗲汁，食得不開心。腸仔太陽蛋沙嗲牛肉出前一丁，嚥韌沙嗲牛肉，凝結沙嗲醬要用滾湯灼溶先敢放入口，甜美清爽不濁，都蠻滿意既。麵質 9 成熟多少少有點偏硬，掛著濃湯還不錯。硬香腸在怪味邊緣，幸好唔難食。焦香太蛋大愛，讓丁麵拖著蛋汁狂啜甘香美味無比﹗價錢有點高，連凍齋啡索價 $34 蚊。豬扒湯烏冬，難得地食得清淡一點，連太陽蛋都唔加喇 ﹗出乎意料的極品煎豬扒，推介必食之選 ﹗原汁原味，肉質軟棉中富彈性，啖啖內汁水潤，半肥瘦剛剛好，有骨既豬扒肉味最濃，香甜可口。外層金黃焦香，加上醃味清爽使我回味無窮。濃濃的雞湯底襯托著即食烏冬，雖然烏冬質地硬實，但一次過連湯掃入口，味道卓越拍手掌﹗紅腸太陽蛋五香肉丁出前一丁，斜切紅腸大大塊，再炸燶一點，再香口一點就更加好味 ﹗忘記走麵包，實在抱歉。無回鍋肉？是但五香肉丁。太蛋躺在滾湯上吸收一下熱力更加熱騰騰，讓麵條掛上黃汁大大力啜，美味絕輪無得彈﹗蛋白滑、蛋黃甘香味濃，好好好食﹗五香肉丁比四粒可以既，略肥少少，香辣味有，可以。食多兩啖出前一丁，已發現係用白滾水煮熟，湯粉已預先放碗，煮好麵就連白滾水一齊撞湯，所以麵條有濃濃的滾水味道，湯還湯、麵還麵，不是一齊煮的，湯汁並沒有迫入麵條之中，麵條亦沒有吸收湯汁，味道差一大截。幸好質地都滑彈既，免強合格。火腿雙太陽蛋湯通粉，飄住返工，要大檸樂回魂喇 ﹗有少少頭痛，有打算食雞扒湯意，真心堅宿醉，都係食得清淡一點較好。濃濃雞湯夠味夠甜無水汪汪，足料無欺場。灑上胡椒粉添點香辣更醒神，連湯帶通粉細味，滑彈不粉口，烚得剛好無過火。搭上咸香腿絲齊齊食加倍可口，幾乎連湯都飲晒。雙太陽蛋，慢煎蛋白滾熱辣帶著焦香突別美味 ﹗鹽都不用了，簡單就是美。蛋黃有點凍不緊要，滾滾湯送暖，將蛋躺在湯中半響，再帶著微溫品嚐。無可抗拒甘甜黃汁，口中爆開浸滿舌尖，拍案叫絕！太陽蛋雞扒出前一丁，麵條一入口，使我立即滴汗 ﹗又腍又粉又無麵香呢？抬頭向廚房望去，一個個已拆開包裝的麵餅整齊地排放在筲箕內風乾，跟我年少時在快餐店工作既手法一模一樣，已證明所有屬實，不是我的幻想啊﹗曾沖過水，放涼的麵條，香氣、麵粉、彈性全部流失。再來個滾水白烚，食得出麵條散發著濃濃白滾水味道。湯還湯、麵還麵的烹調，十分討厭﹗最後決定要辣椒油打救一下，誰知係咸豆瓣醬來的﹗讓麵條掛著大量豆瓣醬啜入口中，都是算吧﹗發現撈蛋汁更可口，更好食﹗熱騰騰太陽蛋真的不錯，吉穿蛋黃再用麵條捲上同吃，濃郁甘甜、滑滑黏黏，味道好，質感正，簡單而驚嘆的味道。炸雞扒，不是煎雞扒，炸到縮埋一舊，又乾又硬，非常失望，味道麻麻。太陽蛋餐肉雪菜肉絲米線，不到 3 分鐘開餐，最緊要快 ﹗小巧的骰細細碗，明顯份量比出前一丁少一點。雪菜同米線真的天作之合，味道與質感都超級匹配，而且還能互相提升味道呢﹗咸香爽爽雪菜夾著幾粒肉碎搭上彈滑米線，最緊要有香濃味美雞湯底助攻。相得益彰，不需要任何調味料食得我津津有味，回味無窮啊﹗險些兒全部湯都被我倒晒落肚。太陽蛋餐肉雪菜肉絲米線，太陽蛋竟然可以載著大量食油，難得一見的奇觀 ﹗立即掉到滾湯中沖沖會更好，順便讓蛋黃吸收一下熱力。蛋白非常熱騰騰，白滑又有焦香，好好食﹗略凍的蛋黃給點時間讓滾湯賜點溫暖，原粒啪入口。爆開甘甜無比，黏黏滑滑的蛋漿正到震﹗一厚一薄的餐肉鬆軟棉滑，咸香出眾但不嗆不咸不過份。受過滾湯洗禮後就更加可口，如果煎得外脆內軟就更加開心啦。火腿奄列叉燒湯意粉，意粉、通粉、米線比粉口丁邊更好食。依碗勁多意粉，好鬼飽喎。雞湯底濃郁香甜，意粉彈滑，不腍不粉。叉燒結實帶爽，揚州炒飯的叉燒粒，味道還可以。蛋皮捲著微量蛋汁合格的，少少腿絲跟蛋約 1 比 4 左右啦。雞翼腸仔太陽蛋出前一丁，麵質有進步，十分正常。不腍不粉，爽而滑溜，雖然依舊滾水白烚麵，湯還湯，麵還麵。滾水白烚麵真的有點滾水味又淡茂茂。太陽蛋係發揮既時候喇，刺穿蛋黃讓蛋漿牢牢黏附在麵條上，擘大口用力啜，甘甜無比超好味呀﹗腸仔實淨無過咸亦無怪味，如能夠炸得外脆內嫩就更加開心。雞中翼，微波味極為強烈，炸會好一點點。外購南乳雞翼，味道及質地死實無生氣。陰沉的味道，硬掘掘又乾爭爭，浸湯也無補於事。榨菜肉絲米線，雞湯底依舊香甜可口，嚥韌彈滑米線夾著重咸爽脆榨菜連熱燙靚湯灌入，暢快無比。略煎的煙肉咸香宜人，瘦肉有嚼勁，脂肪膠彈不油膩。師傅似乎慣性用油浸法煎太陽蛋，每次我將蛋移到碗後，大量熟油留在碟上呢。幸好我喜歡浸湯吃，不太受影響。蛋汁箍著米線實一實，甘甜黏黏，大力一啜蛋黃蛋白跟米線全收到肚裡去。咸豆瓣醬加上咸榨菜真的太嗆了﹗都係跟湯撈混沖淡一下，舒服順喉得多。發現有樽辣椒醬係檯面，有機會可以試試。餐腿蛋治，要成 $32 蚊好似貴左少少喎。麵包軟塾，包邊有點乾。第一啖有似咬落 A4 紙一樣，好奇怪 ﹗炒蛋熱騰騰有蛋香滲著點點蛋汁，不老又夠嫩。清淡的牛油咸味，搭上薄薄鬆軟餐肉及微凍火腿，香噴噴都幾好味既。財記麵包特別薄的呢？是否我的錯覺？厚切肥美油潤的午餐肉煎得熱騰騰，搭上即炒嫩蛋，溫度將牛油完全溶化香噴噴，甜甜的牛油將咸香火腿、鬆軟餐肉、滑溜雞蛋融為一體，三一無敵比滿分，正呀﹗本想食沙嗲牛湯河架，點知嬸嬸話朝早無供應，我見特餐寫住全日供應我先問乍。腿蛋牛治，蛋牛原來分開的。室溫咸牛及火腿拼熱騰騰炒蛋，可口滿意。雙太陽蛋豬扒雞扒，嬸嬸求其將豬扒雞扒掉晒落去炸唔係煎，搞到乾爭爭鞋烚烚，無肉汁韌到死﹗早前哥哥仔煎豬扒雞扒非常好味道喎。我有話講到走包，唔想浪費照單全收食晒去。百搭蛋漿配什麼都好味道，夾蛋夾豬夾雞同樣超卓﹗吞拿魚芝蛋治，唔知食咩好呢，新嘗試新創意，味道九唔搭八勁搞笑 ﹗冰火半熱半凍，甜酸咸兒童食品，下次唔好喇。炒蛋嫩滑熱辣辣不過芝士都溶唔到，還有乾鞋鹽水味室溫吞拿魚碎，全部食材完全被沙律醬酸味蓋過。熱狗，左想右度，未試過熱狗，嘆您啦 ﹗嬸嬸話早餐都有供應呀。製作需時預料之內，另類港西早餐，堅係時間緊迫，最後剩下 2 分鐘送到，快快塞入嘴仔消減掉就即閃﹗完全跟我幻想的不一樣，脆皮長包黎喎，估您唔到﹗拿起感覺到麵包的暖意及外皮鬆化，大啖一咬，包肉乾棉香噴噴，趙多兩下，原來都係本地熱狗。酸酸涼浸浸沙律醬、酸瓜片、鮮茄片，普通廚師腸混埋齊齊食，半冰半火，腸仔熱辣辣油淋淋，幸好彈彈多汁，味道十分有趣，不過不失啦。沙嗲牛肉蛋治，跟我幻想熱辣辣的沙嗲牛肉蛋治有天淵天別 ﹗杰杰濃稠沙嗲汁包著微鬆牛肉凍凍的，幸好有熱燙燙炒蛋幫忙一下，不過蛋香蛋味已被沙嗲汁完全掩蓋。可能先入為主，早年食過尖沙咀家家樂的沙嗲牛肉三文治念念不忘，新鮮走油出爐沒有汁的沙嗲鮮牛肉，嫩滑帶著沙嗲清甜，好好食﹗突然腦海閃過好想再次回味一下之麻。雙太陽蛋雪菜肉絲出前一丁，全紅磡煮出前一丁最好食既合記已執笠，幸好還有金源及富華都煮得不錯。財記煮出前一丁手藝都係麻麻地，有點粉、有點腍、有點滾水味道，夾著蛋漿甘香又黏黏滑滑可以彌補少少缺點。勁多的雪菜，不太找得出肉絲，隱約見到兩條啦。咸味濃濃，浸下湯舒服多了﹗爽爽的跟麵條齊齊食，更加舒服了﹗
继续阅读
一直工作到五點，終於可以放MEAL BREAK，求其搵間靜靜地嘅餐廳食碟飯。咁啱見呢到無乜人，應該都好快有得食。見午餐又係例牌嘅蒸餸，呢個時間叫應該都反蒸N轉喇。好睬話仲有東江雞飯，咁就要佢喇，有D保證呱。好睬碟東江雞都唔差，一上檯都睇得下。份量可以話正常。雞嘅味道一般，勝在肉質滑。呢碟雞唔太肥，仲可以食到啖啖肉。加埋碗飯，半個鐘內完全晒，可以話滿足咗個胃先，停咗打鼓先。可以慢慢、靜靜地享受埋杯奶茶，之後返去完全埋餘下工作。
继续阅读
是夜，又去了紅磡。時間逼切，路過橫巷，見財記茶餐廳乃有下午茶提供，顧不得環境好壞，只想十五分鐘內走人。因此，皺著眉，心不甘情不願地，與正叼著煙頭在騰雲駕霧的麻甩大叔搭枱。小妹要了豬扒包配凍檸茶$25，深褐色的凍檸茶茶味頗為濃烈，幸甜度適中，且帶檸檬的清香。豬扒包咬下去外皮烘得香脆，質感十分鬆軟且具彈性，挺有驚喜﹗包內，夾著兩三片甜美多汁蕃茄片、一片酸香爽脆的酸青瓜，以及一件醃得入味的薄切香炸豬扒。炸豬扒食味和口感均不俗，只略嫌體積太小了。
继续阅读