影片
以上资料只供参考，请与餐厅确认详情
貴川星期日，作為happy weekend。緊係要訓到自然醒，再去搵食。今次森仔要去食反一間滿有回憶的小店。e間貴川位於旺角的米線店，係一位之前曾好fd的友人介紹。講反個環境先，佢地方唔算大，但都叫坐得舒服。數年來，裝潢也沒有變，但夠光猛整潔部份坐位更有梳化的感覺！食物方面，1年多沒食，質素還如以前般好食。我叫酸辣小鍋米線配豬頸肉，女友叫左沙嗲米線配豆扑，肉燥，冬茹。另外，我加了一客小食炸芝士丸。酸辣小鍋米線配豬頸肉：酸辣湯底，我叫小辣，酸酸辣辣的十分開胃，令人食指大動。對於嗜辣的我而言，略覺得可以挑戰中辣，應該會惹味更多。不過，今次個豬頸肉真係令我失望，猶如豬肉干般，又細件又干身同硬，完全沒有豬頸肉應有的口感和肥美。沙嗲米線配豆扑，肉燥，冬茹：沙嗲湯底的味道不濃，亦不辣，適合清淡的朋友。豆扑，吸在湯底，就變得好好食！肉燥配米線一向都好搭配，e到亦不例外👍🏼冬茹係用鮮冬菇，所以亦都好好食，好鮮甜炸芝士丸：當天見到14蚊再以有3粒炸芝士丸就叫左。真係不得之了，外酥脆內爆芝士醬！果種口感同味道，正正正！如果係芝士控更加要黎試下！飲品方面，對我亦有驚喜，我試左新野荔枝雪泡，即係類似沙冰既質地。荔枝味好足，同時個雪泡質地，不如一般沙冰，更加軟綿綿的，好好飲。不過，減肥人士一定要叫小甜。整體而言，米線店係正既，有時間我一定會去食。不過一定唔會再叫豬頸肉🙈🙈😆
继续阅读
呢間餐廳位於波鞋街，新寶戲院隔離，所以好方便。我本身就好鍾意食酸辣湯底嘅米線，所以我朋友帶我試呢間。呢間餐廳有多種湯底比你揀，例如係酸辣、麻辣、沙嗲、清湯和撈麵等等。我叫咗酸辣湯底，就咁湯底連米線24蚊，另外每個餸都要加幾蚊，可以加$8蚊加普通飲品一杯。 碗米線都多夠食既，飲品太細杯。酸辣湯底好好食，可以揀酸但唔辣，而且湯底入面有酸菜，係好自然嘅酸辣味。但呢間餐廳太細啦，所以入親去坐都搭枱，食食下都會比員工叫人調位，d員工冇咩禮貌，一放低筷子就問人要唔要收左碗野，好明顯想趕人走，所以去呢間野要食快d！米線係好食嘅，但好受氣！
继续阅读
喺旺角上完堂，晚上10點半，3個人一齊搵野食，就黎左呢間餐廳食。一黎到職員態度已經令我地對間野打哂折扣：事緣係其中一個女仔喉嚨唔舒服，所以食唔落野，所以我地叫左兩碗米線。有位肥肥地既女服務員見我地三個人叫左兩個米線，就話要最底消費每人２０蚊，叫我地叫多個小食夾份，我就問佢：「乜而家夜晚十點半係繁忙時間咩？」同埋其實我見間鋪頭都無坐滿人，職員就話：「係咁架啦」我個下已經燥左，但無謂同佢嘈，咁我講左句：「等陣先再落啦」。關於飲品嗰部份佢亦都講得好誤導，佢主動叫我地叫飲品，我問佢：「米線包埋？」佢話：「係啊！個餐包埋，加錢就有」我已經唔想同呢位服務員對話落去。之後拎左張單黎，我地叫左嗰兩碗米線加埋係６８蚊，己經超過左人均消費２０蚊（３個人即係６０蚊啦）。最令人不爽係落單後女服務員一直企喺我地隔離，想睇下我地係咪會加單。等左一陣，清湯小鍋米線黎到啦！味道都算唔錯，米線食落口幾順滑，湯底唔會太鹹，金菇菜都好清甜，唯一敗北係蘿蔔，唔知啲蘿蔔係咪用左黑椒腌，食落去竟然係覺得辣，唔單止完全蓋過左蘿蔔本身既甜味，仲完全破壞左清湯米線既味道平衡。一樣失敗既配料已經令到呢碗米線fail。
继续阅读
星期五同朋友去左旺角,朋友話想食米線,經過呢間入去試下,兩個人都即刻有位唔使等,入面都坐滿人喎,我地都分別叫左酸辣,我食薯粉配豬潤及腐皮,朋友食米線配雞亦及豬潤,飲熱柑桔蜜及熱凍珍珠奶茶.等左一陣就嚟,都好大碗喎,賣相一般,味道都一般啦,唔係好出味,唔酸唔辣既,我地叫小辣,但唔係好有辣味,個湯底的味道麻麻,配得唔多好,配料都OK,腐皮好淋好味,豬潤都好淋的. 朋友的雞亦都煎到金黃色,OK呀.我杯凍珍珠奶茶好大杯,但半杯都係泡,冇咩味的,好淡,珍珠有少少都OK的.普普通通的一餐.
继续阅读
午市尾段，本來去譚仔，見呢間有小人龍，就試吓，要撘檯，叫咗酸辣薯粉，餸要木耳絲同冬菇，小辣（$28）好快上菜，配菜有韮菜，酸菜，芽菜，肉碎，腐竹，份量都算多，湯底幾濃，薯粉粗身，幾煙韌，小辣可接受，木耳絲好多，反而冬菇唔算多一隻冬菇一開四，一碗得八件，即係兩隻，加分係冬菇幾厚肉，環境坐得幾迫，旺角係咁上下，侍應勤快，食完碗麵幾口渴
继续阅读