赤柱大街 (已結業)

六月十七‧炎熱工作太忙，是年要到炎炎的七月才正式第一次下水，近年罕見。在一個陽光普照的清晨，一班跑友從大潭水塘跑落赤柱，再變身落水游一小時。由熱辣辣到涼浸浸，非常爽！未到十二時上水，餓極，來吃點東西才出市區吧，就拉了朋友來這邊。游完水的慣例，不知何解，第一件事是總是想喝啤酒，而第二件事，想食炸薯條及烤扒類。先來杯啤酒，Beer of the month是麥啤Boddingtons，先來一pint。朋友要的是Hoegaarden，是穩陣之選。Boddingtons夠凍，麥啤的泡沫通常較鬆散，但喝起來也很順喉。大熱天時，玩完自製的兩項鐵人，再喝這杯冰凍麥啤，真的不知人間何世，超正！拿個午餐牌來看看，選擇不少，但一比較價錢，主菜包一杯細啤酒也要百四，其實不便宜過a la carte多少。但看內容，剛好我想吃烤豬扒，而朋友想吃牛扒三文治，又立即一拍即合，要了兩個午餐。烤豬扒兩大塊，厚厚的，烤得很香，上面溶著一片香草牛油，很對辦。切一塊來吃，肉質鬆化，有肉味，帶著的肥肉更是甘香美味，非常不錯。除了墊底的濃肉汁，還有在旁的菠蘿味醬汁，出色的配合，好吃；用一塊豬扒換了半件牛扒三文治，也很好吃。包烘得

星期日番完教會，即搭車去美食展，逼完一輪，好想去海邊 hea 下，於是便到了赤柱。星期日的赤柱，餐廳例必人頭湧湧，但感覺非常舒服，見此間餐廳正播著奧運女子網球雙打賽事，便入內。點了 hoegaarden 和青島生啤和一客三文魚鮮茄醬墨魚扁意粉。生啤不是太夠冰凍，但個意粉好得，三文魚厚切略煎再與蕃茄醬同煮，個汁還有青口仔、黃瓜、青瓜、雜椒，吃落更滲著淡淡的海水味，意粉煙煙韌韌的，好食，只是個汁偏鹹，份量亦細。

次次食晚餐都一定會叫Fish & Chips!佢既Fish & Chips簡直無敵,條魚柳好大塊炸得鬆脆又無雪味!至於D薯條都唔錯,熱辣辣點埋茄汁食,正!仲有個set dinner既appetizer有湯或沙津揀~我上次食左個泰式牛肉沙津都好好食,D午肉好juicy,加埋D汁酸酸甜甜,好醒胃!不過食完個set dinner會好飽,因為樣樣都份量唔細~但餐飲最好唔好叫凍奶茶,因為勁難飲...我估叫wine或lemon tea會好好多~仲有我覺得D待應既態度冇下面幾位食客講得咁差,相反我仲覺得幾nice添~哈...可能我好彩啦~

周日難得放假, 去完沙灘後, 再去飲番杯. 赤柱大街酒吧多的是, 我們沒有特別目標, 周日下午人流稀疏, 就找家人氣稍為旺盛的吧.黑啤vs白酒, 原來我們的喜好那麼分明. 前者無什麼好說, 後者水準亦只一般, 但在這些地方喝wine, 也不應該有什麼期望吧. 喝的, 不過是環境與氣氛.喝至中途, 見鄰桌客人在吃著一小碗nachos, 一直叫餓又擔心自己吃不完一客小食的友人, 立即雙眼發光. 問waiter那是什麼, 他爽快地送上一客, 也不知是人人有份的下酒小食, 還是熟客專享的優待了.

明顯的種族歧視，專程同老豆去睇波，可以睇睇下擺幾個鬼佬向前面阻住，投訴後重可以聲大夾惡鬧翻我轉頭話我0黎食飯唔包睇波......想試下比錢人鬧自己，就好去幫襯。

D waiter的態度：見白人有四萬口見黃人黑過墨豆根本佢地唔知醜間餐廳遲早會收特別係某個男的waiter....價錢也比起其他同街餐廳貴其他set lunch都係$70-$90但係呢度要$128....但係食物的份量唔多，味道都一般環境入面好焗，雖然出面好舒服，但條街間間都係，呢間管唔過！

上次我平日去,都ok...價位0向果度黎講都唔貴,order左個三文魚steak同Tea Set都幾豐富，個chef係foreigner ,幾型．食雪茄．．哈！不妨一去！*4,5點去仲正<個ｖｉｅｗ!*<br />

見到有人對赤柱大街留評, 讚佢聖誕節大餐做得好, 感到可惜: 早知留番佳節先去啦!尋日(星期日)去赤柱, 大街一帶變到好似嘉年華咁, 好多外國人, 間間餐廳都滿座, d枱擺到出街, 便到「赤柱大街」吃了一個熱狗和芝士釀薯角。所謂美國傳統熱狗只有酸瓜汁(或者可以要求加料吧!), 比較單調, 薯角仲慘, 冇味, 我要下大量的鹽才能入口。侍應問我意見, 我問唔夠鹹, 佢問要咁鹹做乜...... 佢都係講下笑, 或者, 其他野好食d掛!

趁聖誕節入赤柱的朋友家小住兩天，平安夜飲個不亦樂乎，第二朝兩點幾至起身食午飯。走在赤柱大街聖誕氣氛亦絲毫不減，選了這裡吃純粹因為侍應姐姐的落力招徠，同價錢都唔係貴，一試無妨。地方都算好坐，同其他赤柱大街的舖頭般係有好多檯?了出街，來得吃當然坐出面，享受一下和熙的陽光同個side walk feel。兩道菜的午餐118蚊，三道菜就138，為了要食埋個雪糕甜品所以都選了三道菜的。先來的沙律有蝦、煙三文、cranberries及豆，幾新鮮味道不錯，份量不少，有少少宿醉又唔係太飽的我們已飽了一截；主菜有火雞同牛扒可供選擇，當然要火雞應應節。烤火雞伴洋蔥汁，配菜仲有肉腸同薯菜，又係夠份量，味道OK，但就食唔完，唯有留下肉質不甚嫩滑的燒火雞；甜品是期待的栗子條加云呢拿雪糕，栗子條好味，但幾漏，云呢拿雪糕雖不是什麼特別貨色，但就吃到一滴不漏。連咖啡兩杯埋單三百多，美式風格不是什麼fine dinning，但食物份量足夠，都算是不錯的。