走過十萬八千里找到你

营业中

休息中

食店想盡辦法讓客人記得自己，改一個特別的名字是辦法之一，這間位於旺角的「走過十萬八千裡找到你 」就是好例子。浪漫的店名加上佈滿乾花的浪漫裝修，讓人印象深刻。餐牌上的飲品比食物選擇多，這裡的確是三五知己談天暢飲的好地方。先來餐湯和餐包，甘筍湯很Creamy幼滑《北海道帆立貝海膽醬扁意粉》$178有兩粒帆立貝，煎的香脆，超多的木魚絲灑在意粉上增加口感，意粉軟硬適中，帶有香濃的海膽味。《日式原條鰻魚意大利飯》$178原條鰻魚份量足夠，底下的意大利飯飽滿綿密，飯粒分明，令人滿足。《洋甘菊茶》$52洋甘菊口感清甜，帶有獨特淡雅清香，而且對健康益處多多，可以細細品嚐。《柚香菠蘿檸檬梳打》$58清新解渴宜人的一杯飲品

「走過十萬八千里找到你」聽過名已經覺得好浪漫，令我諗番Netflix 套 First Love 最後一集，滿島光走咗唔止十萬八千里去搵佐藤健☺️講返呢間餐廳先，主要用乾花💐佈置，牆身畫上浪漫氣氛嘅畫，好啱打咭。午餐主菜只需加$3️⃣0️⃣就可轉套餐，有餐湯🫕+蒜蓉多士🥖+飲品☕️（可揀$60以下）是日餐湯係甘筍湯🥕 甘筍用攪拌機打成泥，口感順滑，帶出甘筍嘅清新甜味。蒜蓉包香脆可口。明太子岩燒蟹棒貓耳朵🍝$1️⃣4️⃣8️⃣貓耳朵煮至 al dente 程度，明太子醬汁同三文魚子鹹香，為貓耳朵增添了層次感同海鮮嘅鮮味。三文魚子龍蝦汁意大利飯🍛$1️⃣7️⃣8️⃣意大利飯吸收龍蝦汁的精華，帶有微微咬口。煎大虎蝦🦐、青口、三文魚子為意大利飯增添了奢華和層次感。焙茶拿鐵🍵焙茶香氣濃郁，帶著微微的焦香，十分提神。黑芝麻拿鐵☕️黑芝麻甜而不膩，芝麻的香氣在口中持久回蕩。餐廳無論食物、飲品同環境，都讓我感受旺角鬧市中仍可享片刻寧靜，值得再回訪～是日消費💰$4️⃣2️⃣5️⃣（自費）

星期六同朋友黎食飯，本身想同朋友開開心心慶祝生日，點知就比呢度嘅服務員整和哂。首先叫極都冇人落單，只係掛住玩電話，然後服務員態度極惡劣呼呼喝喝，毫無態度可言。面口非常難睇，俾錢食飯仲要望你面色，不停強調要不要跟套餐，其實我自己識睇，話唔要咪唔要點解要問個客人咁多次都唔要㗎喇真係十分之奇怪。入座嘅時候十分強調需要甜品寫字，結果乜都冇，完全冇服務要收費加一，永不再光顧！差!差!差!差!差!差!差!差!差!差!差!差!垃圾服務！不知所謂員工! 極差!

唔好比疑似買返黎既食評厄到呢間野真係黎過一次呢世都唔會再黎第一, 入到店, 幾多位唔問, 有冇卜位唔問個男人當我地冇到咁咁我地8個人咪自己搵位坐囉同佢講卜左位又唔應第二, 坐低之後, 因為佢天花上面掛滿晒勁霉勁舊既乾花台上面已經有幾隻細細點既蟲生勾勾既我地要叫個侍應黎抹多次台同比水我地洗餐具第三, 另外兩個女侍應態度都係差既第四, 份量少, 呢杯野飲原價要成$58, 大佬你收$20都接受, $58飲梳打水加糖漿第五, 豬肋骨有陣雪味, 解又解唔晒凍, 嗌左半份$158, 完全唔值呢個價第六, 全程都滴晒汗好似冇冷氣咁*因為D野唔值得影, 所以影好少相, 而且熱到咁, 真心冇心情打卡囉, 店員又態度差唔該唔好再買咁多好評厄人上去受苦喇比錢買難受請好好改善餐廳情況先否則負評有增無減囉

真的因為openrice既好評過左黎，食到出哂汗，又貴，完全唔明點解仲會有人幫襯無咩特別值得去之處大家食完整體都係唔滿意一定無下次喺旺角隨便搵間餐廳都好過佢，後悔！叫咗個牛肉，完全切唔到，差唔多成$300真係完全唔值墨汁意大利飯，一個字，超級鹹！叫嘢飲因為真係太熱，差唔多50一杯完全唔值唯一好食就係薯條囉，不過真係唔需要特登嚟食一開始叫咗個無骨雞翼做小食，真係嚇一嚇親我，炸到勁乾，點估到無骨雞翼都可以唔好食仲要碟碟都好細份+唔好味巳經又難食又無用，仲要9:30清場趕人🙏🏻良心勸大家唔好去

近年市況不景氣，好多鍾意嘅餐廳都無奈已結業。阿仔暑假回港點名要嚟呢間樓上cafe。可能因為佢個名夠特別。數下手指原來差不多有兩年無嚟，尤其鍾意佢嘅店名，亦都鍾意佢嘅花海，更加鍾意佢嘅食物同咖啡。查看Openrice ，好開心見到仍在，於是專登再去支持一下小店。大概下午2:00嚟到，吾算太多人。午餐牌主要分三大類：包括有十款意大利粉、四款意大利飯及五款肉類主菜，豬、牛、雞、魚皆有。《忌廉龍蝦汁甲羅燒貓耳朵》（$158）貓耳朵口感很好，不太硬亦不太淋，配上雜錦海鮮、蜆肉、濃龍蝦汁等，非常好味 。甲羅燒有蟹肉、蟹膏，再加芝士放入蟹蓋燒香。《磯燒魷魚筒墨魚汁意大利飯》（$148） 有整隻尤魚筒燒香。而意大利飯加入了瓜粒，令口感更豐富，鹹香惹味。午餐加$55可轉跟餐，跟餐有是日餐湯、餐包，及$60以下飲品。是日餐湯係《薯仔濃湯》，湯夠熱薯仔味濃。蒜蓉包好味，表面烤至微脆，包中心仍帶軟，吾會乾爭爭。《玫瑰拿鐵》奶泡打得夠滑，唔少得嘅當然要有拉花，可愛嘅拉花最啱打番個靚卡。《冰培茶拿鐵》 採用日本丸久小山園之培茶調製，確係味夠香濃。整體食物仍能保持不錯嘅質素，真係難得。如果想有靚靚環境打卡，又對食物

光線太暗了其實成晚就係得兩檯客，都未坐低就話限時90分鐘🤣（不過其實食完已經想走，不過朋友懶得轉場再吹水，光線暗到眼睛痛😓）食物偏貴而且份量少🫠咁嘅價錢其實大把環境更好嘅西餐廳可以選擇😂我自己就覺得環境一般啦（好睇個人感官，可能我唔係好識欣賞d雜草，我擔心會唔會有灰塵跌落黎）同埋地點真係好難搵（相當切合餐廳個名）俾個like佢🫣餐牌有一定歷史……反正唔會有第二次啦……以上純屬個人觀點，可能其他顧客好鍾意都話唔埋啦

一早book 定8個人中午飯同同事farewell, 滿心滿意去食失望而回。環境，差! 唔通風, 仲有餐廳頂層d乾花好多一隻隻黑色昆蟲落在枱面末叫食物已吃一驚。食物，質量差又貴又唔值。服務，差。服務員沒笑容，刀乂叫先俾。飲品，味道質量差仲要$60元杯自己在家沖仲好過它。總結，一次沒返頭唔明點解咁多好評唔通是買返來？？？

旺角呢間以花花作主題嘅餐廳🌸環境充滿浪費氣氛．非常舒適地點位置方便．吸引不少食客🍴Menu上主菜同飲品嘅款式好吸引😋配上蒜蓉包同餐湯賣相好精緻✨三文魚籽龍蝦汁意大利飯🍛除咗加入🦞龍蝦汁同三文魚籽之外面層仲有大大隻青口同鮮蝦🦐口感爽彈 好足料✨玫瑰抺茶🍵餐廳選用日本小山園抺茶抺茶同奶嘅比例控制恰好．亦唔會苦澀上面舖上玫瑰花瓣．同抺茶味道好夾啖啖都滲出玫瑰香味以後同班姊妹聚會，又多個選擇喇

一間少女心又浪漫的餐廳, 餐廳用優美的乾花裝飾, 主打設計簡約舒適, 環境優雅, 打卡一流, 性價比高. 是日餐湯 好鐘意呢個貓貓肉球杯, 裝著磨姑湯 ,個湯好creamy同勁濃郁, 好可愛三文魚籽龍蝦汁意大利飯 $178.0飯粒軟硬適中，原隻青口及大蝦, 蝦肉爽口彈牙, 又鮮甜, 飯粒吸收曬所有材料嘅精華，真係食到停唔到口, 飯面仲有三文魚籽, 把味道加以提鮮明太子岩燒蟹棒貓耳朵 $148.0意粉形狀像可愛的貓耳朵, 貓耳朵軟硬適中, 煙韌得嚟有咬口蟹棒鮮味, 配明太子做基底，既咸鮮又濃稠飲品自家製草莓醬梳打 $60.0自家製草莓醬, 清新香甜，加埋冰凍的梳打調製而成, 酸酸甜甜，味道清新可口冰莫卡 $60.0巧克力向來是咖啡的好朋友，冰莫卡更將他們的關係昇華到極致。口感香甜滑潤，説不出的好味道。重點店員畫了十分可愛的熊bear bear, 打卡一流👍

入到門口全個天花頂垂吊著乾花，而且細心留意還會有輕微的陣陣花香味道，而牆上有月亮和油畫。每個位都是攝影好位置。生日聚會、情侶和朋友gathering都好適合。餐牌有多款飲品提供選擇，而且都有小食品同飯類選擇。北海道帆立貝海膽醬意粉 ＄178意粉有海膽嘅味道帶小小苦和甜味的混合，意粉彈牙，帆立貝大粒。日式原條鰻魚意大利飯＄178鰻魚原條厚肉大條，risotto汁已滲進飯內，還有一些木魚碎在飯上面。香果草莓自家窩夫 配雲呢拿雪糕＄882人份量每人可以吃到2舊，士多啤梨切成星型排在waffle 上，餅底鬆化配上雪糕一起吃好味。忌廉蘑菇湯配蒜蓉包清甜蘑菇味加上蒜蓉包永遠都係最佳組合。

同朋友睇戲之前搵左間裝修美美既樓上餐店食個晏先😆😆😆呢度menu 上既主菜都可以加錢轉為套餐～套餐附有餐湯、蒜蓉多士同自選既飲品😚😚呢日既係忌廉椰菜花湯我地揀左一款pasta 同一款risotto 一齊share🥰🥰✨三文魚籽龍蝦汁意大利飯✨除左三文魚籽之外，配料仲有大蝦、青口、蟹棒同蟹肉，食落調味適中，十分豐富💕✨忌廉龍蝦汁甲羅燒貓耳朵✨忌廉龍蝦汁加上甲羅燒既蟹膏同芝士混搭後，味道香濃鮮味，貓耳朵亦煮得剛好，甚有嚼勁😃😃飲品方面我地都揀梳打～分別係“巨峰提子梳打”同“柚香菠蘿檸檬梳打”，兩杯都清爽香甜又解渴，岩曬依家夏天飲😆😆

呢間餐廳個名好浪漫，令人印象好深刻，之前食過杏花邨杏花新城的分店，上次食完覺得好好食，今日再嚟試吓旺角呢一間分店😍今日我哋叫咗一個鰻魚飯，鰻魚飯嘅鰻魚好新鮮，而且加埋餐廳特製嘅汁，好入味好好食再嚟叫咗一海鮮意粉，海鮮好新鮮，粉質都好有咬口，好味最尾叫咗個窩夫甜品，窩夫好脆，士多啤梨加買朱古力醬好sweet，最尾食埋呢個甜品滿😍😍餐廳位於旺角，距離地鐵站都只係5分鐘左右，地點方便，入面真係好浪漫，播住音樂聽住歌食住嘢，亦都有唔少打卡位，值得過嚟試吓😊

暑假係me time嘅時間💗呢日我就去咗浪漫感滿滿嘅 💐走過十萬八千里找到你 全店佈滿好多乾花同埋浪漫壁畫🥰無論自己一個人嚟chill、約朋友定另一半都非常合適👍🏻我自己就最鍾意身後嘅🌕月亮+沙灘壁畫🖌️🎨個月亮仲識發光💡好靚.我叫咗北海道帆立貝海膽醬扁意粉🍝加$55跟餐仲有是日餐湯、餐包同埋一杯$60以下飲品添~我就揀咗🌹玫瑰鮮奶咖啡餐湯嘅擺盤超可愛，係貓貓造型🐱當日飲嘅係南瓜湯，味道唔錯幾甜，餐包亦好香脆海膽醬扁意粉夠creamy掛汁，醬汁味道香濃，海膽量都唔少，帆立貝亦煎得好香，連埋面頭嘅木魚碎食好夾👍🏻玫瑰鮮奶咖啡☕絕對係少女心爆發之選，唔係成日飲咖啡嘅我好鍾意佢奶味夠濃，淡淡玫瑰香氣令人好放鬆🥰下次要帶埋朋友嚟再影多啲相📸

朋友同我講走過十萬八千裡終於遇到你😍朋友又搵到呢間佈滿乾花嘅樓上cafe，牆上仲畫滿好多夢幻嘅畫好浪漫,好似進入咗一片花海午餐，令感覺人好舒服💐✨北海道帆立貝海膽醬扁意粉帆立貝大大隻，鮮甜彈牙，再加埋香滑嘅海膽醬掛滿扁意粉,真係好正！😋✨日本原條鰻魚意大利原條鰻魚好大條，肥美肉厚，加埋個意大利飯口感好夾,食落啖啖肉好滿足，令人回味無窮😋🍓自家製草莓醬梳打自家製草莓醬加梳打好特別，真係食到原粒草莓，清新又開胃！🍋柚香菠蘿檸檬梳打柚子同菠蘿嘅組合好fresh，梳打飲落真係好解渴！🌾餐廳仲有啲貓貓小陶瓷杯蓋好cute cute 餐廳環境設計好少女心，又充滿夢幻感,真係好啱同朋友生日慶祝或者sweet sweet拍拖！