超級自助壽司店

营业中

休息中

星期五，難得同老婆一齊放假，決定出去睇場戲睇戲前緊係要食返個午餐先。平時夜晚經過見好多人幫襯呢間餐廳，心諗人都應該唔差，之前已經係到食過一次晚餐，味道都還可以，但價錢偏貴，價錢完全對唔起個質素，未算中伏，但呢個價位，可以去食其他。記得呢到午巿價錢經濟，所以決定俾多次機會佢，試佢一試。價錢真心經濟，50-80蚊左右，叫左滑蛋豬同生姜豬，嚟到好大份，但一啲都唔好味，啲豬肉好肥同好韌。同場見到隔離枱有兩個學生妹叫左個冷麵set，記得個餐係有配壽司，但嚟到原來係紫菜壽司卷，中間放左粒細細粒嘅三文魚，原來呢啲就係跟餐壽司，個兩個學生妹都o晒嘴最重要係啲杯好污糟，睇到啲漬都唔想飲。完全唔知點解咁多人嚟食🤔搵唔到再要嚟幫襯的理由，同區大把選擇

呢間鋪頭都喺呢區屹立咗好多年， 我記得以前個袋唔係好夠錢都唔敢行入去， 咁其實佢啲嘢就唔係好貴嘅~不過係要現金找數，同埋選擇比較多唔小心就會買多咗~ 話說要去牛頭角做少少嘢， 兩三點想搵飯食， 天氣熱辣辣諗無可諗決定去食壽司， 其實我係未試過lunch去幫襯，原來佢係有lunch set仲幾抵食添； 入門口要量體溫再畀搓手液捽手~ 正常程序， 姐姐幾好笑容服務態度都唔錯， 坐低都研究咗少少時間 叫咗一個set﹐ 都話來親抵唔住頸~另外再嗌咗半打日本珍珠蠔~最先上嘅竟然係烏冬，不過我嗰陣時仲係好熱所以都係擺埋一邊冇食住， 跟住上嚟嘅就係生蠔~非常新鮮海水味啱啱好~ 啱我口味， 再來個lunch box就上啦， 魚生壽司沙律齊備，而且仲幾新鮮， 炸物鬆化唔油膩，食完返轉頭食個烏冬， 稻庭烏冬口感 唔錯~浸咗咁耐煙韌度仲好好， 雖然個湯 少少味精味，但都冇例如茶記嗰種純味精咁hea~可能太餓我都食得幾快，埋單嘅時候攞出我嘅信用卡，無錯~與時並進而家係可以收信用卡~放心食

雖然不是住在附近，但仍然會不怕路遠過來。吃過已經不止一次，但每次來到這裡，都有不同的驚喜。老板很好人，如果您不知道想吃什麼，或者想吃些和別的餐廳不一樣的款式，都可以問一下老板。他都會非常樂於和您推介當天新鮮的食材，而且不一定會出現在餐牌上。如果熟稔了，有時老板會提早和您說什麼時候會有特別的食材來到，如果有興趣也可以約定時間過來品嚐。今天主力吃了龍蝦刺身，肉質非常新鮮爽口，而且味道非常香甜，老板還特意把龍蝦頭用來煲粥，來一個「一蝦兩吃」。另外，也點了活赤貝，同樣是非常新鮮香甜，一級棒。老板在配碟方面都非常有心思，今天還附送了螢光魷魚。

三文魚海膽丼 ($80)海膽雖然外表唔靚仔, 但有驚喜, 味道中等以上, 份量充足。 三文魚正常, 飯欠醋味。 吉列蝦三文魚冷/湯麵/拉麵? ($50/$53?)餐牌有一些混淆, 寫可配拉麵, 但叫左吉列蝦拉麵就變左另一個餐無三文魚, 仲要貴$3。 最後無收$3, 但無得食三文魚, 雖然拉麵和吉列蝦都好食。 生蠔($78+堂食$10)有4隻, 價錢便宜, 但今天無放在外賣雪櫃, 問職員在廚房雪櫃拿出來。 可惜, 一咬落去是冰, 未溶雪。 今天終極黑仔😌 店員又唔肯理。

已經幫襯左好多年，嚟呢到食除左食物高質之外，同老闆夥計的感情亦係我地飯堂原因今日嚟係因為老闆一早同我地講返左伊勢海老🦞，不嬲我地都交俾廚師發板，果然冇令我地失望，賣相同埋刺身質素都非常高，赤貝、象拔蚌、龍蝦、北寄貝，每樣都獨當一面👍🏻食完我地都覺得未夠喉，再嚟每人一隻即開海膽，好重鮮味，口感好棉花老闆亦為我地將頭先食完的龍蝦再炮製一味龍蝦粥，一吃兩味

細細個已經好鍾意同屋企嚟呢到食，冇好華麗嘅裝修但永遠有新鮮空運日本貨😋嚟親都唔會失望。嗰日去到仲啱啱空運左條100kg即鰹魚😱好壯觀！✨✨廚師發板嘅拼盤亦都食到我哋lamlam 脷😋😋唔講咁多，睇相！😆

附近雖然多食肆，但超過10pm就閂晒鋪，得呢間壽司店嘅營業時間比較長同夜收鋪。竟然呢度有蠔食！不過同出面賣嘅價錢差不多，唔算街坊價。今次叫左其他，無食到蠔～叫左menu中間$188個餐（二人份）隻牡丹蝦算幾肥美，而且仲炸左個蝦頭，其他都中規中矩，算對得住呢個價錢。

要了個 $588 的二人餐，當中有四只西班牙生蠔⋯ 點解當中有只肉是黃泥色的呢❓我吃生蠔都這麼多年了，都是第一次見黃泥色肉。他們四只不是同一家族的嗎？怎麼三個長黑髮一個長金的❓問了兩個店員，都解釋得不清不楚，最後走來廚房啲女大廚，權威地說：這是正常的，經常都會見到，沒有問題。鼓起勇氣吃下去，味道也真是沒分別。唯有說句，長見識了。

上次失準，今次ok！同男朋友睇完show, 去九龍灣搵嘢食都已經接近11點，周圍唔多選擇，當然係encore 呢間！我哋叫咗壽司，炸雞軟骨，同一個蠔粥。先講鰻魚小卷，入面嚿鰻魚唔會太細嚿，感覺都叫抵食。之後叫咗三文魚，油甘魚，鱆紅魚，仲有蟹籽。三文魚啲油脂分布好均勻，好靚，都算大件。蟹籽爽脆，出面有啲食過好難食，呢個係好食的。其實我唔太識分鱆紅魚同油甘魚，但我估油脂較豐富應該係油甘魚，而鱆紅魚食落好似有筋，但就超大塊。真係超級大塊炸雞軟骨同上次一樣都係偏乾，有啲硬，好似炸得太耐，同埋越嚟越細碟，要$50最後係個粥，數過好似都有五隻廣島蠔，其實都幾抵食，隻蛋又好滑，不過啲粥好似冇米粥咁，就咁食呢煲未必會夠飽，好似飲緊水咁

位置係九龍灣地鐵站淘大花園附近，係附近日本菜價錢幾平民既一日小店，店舖內有幾個產地既生蠔同刺身選擇，價錢唔價，係雪櫃選擇完可以外賣或堂食，海膽堂食會有飯團同紫菜一齊上，海膽新鮮，海鮮炒烏冬配料幾多，生蠔同聖子刺身值得試下

呢間壽司店開得都幾夜質素亦唔錯所以都吸引好多人嚟食餐廳冇乜裝修，但魚生刺生非常新鮮今次叫咗十件壽司，一碟鰻魚小卷，炸雞軟骨，同廣島蠔粥食得出係手握壽司，壽司飯醋味適中。魚生好新鮮！仲大大塊，呢到好似$7 件，鰻魚小卷$22 一條。其實我唔識分鱆紅魚同油甘魚，但2件都好好味，又夠厚，冇腥味！雞軟骨就爭少少啦，炸得太乾，份量少，要$50。感覺唔太抵。最後係廣島蠔粥，等咗勁耐。等到想放棄走人嗰下就到咗有5隻蠔，仲有啲粟米同蛋，幾甜，但覺得似廣島蠔湯多啲，因為冇乜米係入面。但啲蠔都算大隻。大概$8x

平時好鍾意去呢間食晚飯通常兩個人去我哋都會叫一碟海鮮炒烏冬，一兜蟹粥，同埋炸雞軟骨炸雞軟骨越嚟越貴，$50不過真係好食嘅，但係份量可以多啲囉另外兩個唔記得咗影相海鮮炒烏冬都正常味道嘅，不過烏冬又係好少另外嗰個蟹粥就有啲失望，平時啲蟹好新鮮，啖啖肉。今日啲蟹好霉，好唔新鮮。不過我都會再俾機會佢嘅，希望下次會好味啲啦

已經係熟客 食咗都有2至3年 平時買壽司外賣都會喺嗰度買 因為壽司同刺身真係好食好新鮮但今日真係有個好唔愉快嘅經歷 之前食嘢都有位員工過嚟sale嘢 咁埋單嘅時候我哋都有留意 張單上面多咗一樣我哋冇食同埋冇叫嘅嘢 但嗰位員工就有過嚟sale過呢樣野 但今次佢竟然係張單度加咗四樣我哋冇食過嘅嘢 個四樣食物加埋$520 有一樣係佢行過嚟sale 我哋話唔要 佢都照加咗落張單度 然後我哋叫咗個焗青口 等左一個鐘 枱面啲嘢都食完 之後嗌走 埋單 話取消個青口 起身走佢先係廚房拎出嚟 check單嘅時候 我哋明明冇食到個螺 佢就話廚房出咗俾我哋 最後好彩老闆有退返錢同講sorry真係希望下次各位員工sale還sale 唔好落咗單先sale 然後我哋話唔要佢又唔幫我地取消

超級壽司喺九龍灣將近20年，好多街坊/上班族幫襯，皆因佢哋嘅午餐算係經濟實惠，最平都只係$48蚊起，免加一，仲有凍/熱綠茶。午餐時間佢哋經常爆滿嫁，街坊、上班族、學生...咩類型嘅客都有，就証明咗佢哋係幾咁受歡迎啦。我最中意就係佢哋嘅$68雜錦魚生飯。依個飯一定會有五片三文魚，再加上雜錦刺身五款各兩件。五款刺身次次依都唔會完全一樣，俾到你期待嘅心情。飯量好充足，刺身亦好新鮮。依個價錢食到咁嘅質素，實在無咩嘢可以彈嫁喇。

呢間係學生時代既飯堂，幾乎每一個星期最少有一次都尼呢到食野。今日有機會返尼九龍灣，緊係去望望呢間野仲係唔係到，結果仲在生！！間野出名刺身抵食又新鮮，愛蠔者應該都會聽過下呢間野。咁我咁多年尼只係食佢既午餐，因為果陣做學生嘛～ 今次嗌左68蚊魚生飯，跟餐有杯凍既蜂蜜綠茶。價錢無點貴過，但食落去啖啖都係回憶既鮮味，呢d咁有心做既小店真係要多多支持下，呢個時勢好難做，難得佢地肯堅持，他朝連呢d小店都放棄我地香港真係咩都無....