越不同

营业中

休息中

這個是早排期天氣很熱的時候去爬山的午餐，記得當天溫度大概有34度吧？但還是跟朋友去爬山（很crazy 我知🤦🏻‍♀️）正午時間到達赤柱廣場，去過赤柱的朋友應該都知道赤柱廣場一帶是面對大海，無遮擋的，太陽直射，更熱，為了涼快所以趕快走入這間越南餐廳。下午茶時段並沒有太多人，所以空間感很充足，冷氣更強勁，我跟朋友叫的當然是最涼快的撈檬，酸酸的最適合夏天，我叫的是越式醬汁牛肉撈檬，因為平時較少見到，而朋友就揀了香茅豬扒撈檬，檬粉並不是平時食的越南檬粉，望落比較像米粉，但是是爽口的，而撈檬配上大量芽菜、生菜絲、青瓜絲是清新的，再有魚露更是無敵，但我所揀的越式醬汁牛肉卻過份咸，因為醬汁已經咸，再加魚露就更咸，而我不知道就直接全倒下去😢，但朋友的香茅豬扒好正常，所以有機會試的朋友要有對咸的覺悟先好叫呢個。整體餐廳裝修好有特色，而且除越南菜外，亦有西式菜選擇，可照顧不同客人的需要，而酒類飲品選擇更多元化。

赤柱之所以受歡迎, 除咗環境優美, 美利樓歷史悠久,仲有就係赤柱大街 ,加上高質素嘅西餐廳 氣氛, 熱鬧有外國feel ,都係赤柱吸引嘅地方, 不嬲都好鍾意. 有個朋友直情喺赤柱大街買咗屋搬咗嚟呢度, 疫情以嚟第一次再嚟, 所有嘢都好好 可惜最遺憾揀咗這一間食越南嘢。 首先因為朋友狗狗, 所以選擇坐外面, 點知就視為外賣, 可能因為外面枱櫈唔屬於佢, 但係佢又會嚟落單, 又會送食物出嚟, 超級奇怪. anyway 最討厭都係佢用外賣膠盒 , 外賣餐具 非常之唔環保之餘， 食物質素仲非常求其。 100蚊一個軟殼蟹卷, 我真係食唔到軟殼蟹, 嗰層皮做非常奇怪，黏得呢非常之刃， 除咗見唔到嘅軟殼蟹， 仲有一扎粉絲嘅東西，菜都唔多條， 租貴都唔使 cheap到咁㗎. 餐廳生意唔好仲做到咁衰 自己倒自己米。 有朋友嗌咗越南麵包 扎肉飯 羽衣甘藍沙律 冇一個話好食!

打算同朋友過開心星期日，入赤柱食晚餐食到成肚氣😡😡😡1）雞翼-個樣好似好好食一點都入味唔好食2）牛肉湯河-湯底普通有點鹹河粉唔夠滑，口感有點粗，牛肉一般3）咖啡就最穩陣講完4）越式香茅海蜆粉絲煲-呢個就最垃圾，仲要買$178，真係豈有此理，本身叫蜆，店員說沒有蜆了叫我轉帶子，最後上枱是超細隻扇貝，本身係同我哋講帶子，唔緊要，細隻都唔緊要，係成煲都好多沙，有沙呀，成個湯又好鹹，係粉絲比較好😂我有向店員反映但沒有理會😡真係好嬲，但我都好有禮貌比錢👎🏻👎🏻👎🏻食物質素差👎🏻👎🏻👎🏻人生第一次亦是最後一次幫襯

知道赤柱廣場新開左一間越南餐廳，所以決定試下！weekend去到唔駛等位，仲有室外座位可以揀，但呢日太熱所以要坐翻入去🤣黎到越南餐廳我竟然唔係食越南粉，而係食burger🤣 但呢個burger非常okay，黎到熱辣辣，應該係即叫即整！用牛肉片擺係burger入面幾特別🤤 係越南嘅牛肉片，而且洋蔥炒得非常入味🥰 睇落好似細細舊，但其實好夠飽！朋友叫左大廚炒飯，係豬肉，仲揀左辣！賣相非常吸引，坐係對面都聞到好香，佢話食落超正🤤

今日嘅天氣好適合到外面行下，散下步，仲可以帶太陽眼鏡同著短䄂衫添😎於是我同老公決定入赤柱一遊。赤柱廣場多咗幾間新餐廳（或者係我太耐冇去過😅）我哋想enjoy 一下咁靚嘅天氣，揀咗間有露天坐位嘅越南餐廳食lunch。➡️香茅豬扒撈檬 （$85）紅蘿蔔絲、青瓜絲呢啲配料好多，就算食到尾都唔使淨係齋食檬粉。檬粉同我平時食開嘅有D唔同，比較煙靭，幾特別。香茅豬扒好入味，不過就實咗D。➡️越式春卷（$53）跟餐可以追加小食，我同老公都不約而同想食春卷，所以叫咗一份。春卷炸得好鬆脆，唔油膩，但係入面嘅料就唔係好多。➡️招牌咖喱配飯（$138/牛腩）咖哩香料好特別，聞落去有香茅味，食落口濃郁但係清爽唔會漿住個咀。我覺得幾好食。➡️滴漏咖啡 （$15跟餐）食越南菜好似要配合返越式滴漏咖啡先match。咖啡慢慢滴期間，店員有細心咁幫我哋檢查下滴完未。滴完後又會先收走個滴漏容器。我覺得圍住赤柱廣場嘅餐廳都好適合帶小朋友去，因為小朋友食完飯之後可以喺個廣場度玩，而爸爸媽媽又可以坐喺餐廳入面望住佢地😁