越僑

营业中

休息中

正午要去中環中心附近辦些事情。11點半經過上址已經見到有食客，而且外賣order不絕。小小食店有點殘舊，但店員好招呼。第一次幫襯，我叫了乾炒牛河：真係好得，我尤其欣賞用幼河粉炒份量足而且夠曬鑊氣!

係一個平價既越南餐廳，lunch時間好多人，不斷餐廳電話不斷響，亦都有好多人外賣，外賣平台既order，所以堂食都係要等同埋搭枱，但好彩唔洗等好耐- 越式四牛湯河湯頭幾好飲，可以要辣椒檸檬，加左之後仲有少少酸酸既味道，更加好飲。而牛肉唔算好韌，雖然係有生牛肉，但因為啲湯好熱，所以生都變熟左。而牛筋都好大塊，好筋，而牛丸都好幾彈對於打工仔黎講呢間都抵，平平地，份量又足夠。餐廳稍為細，所以外賣拎走會更加好。

唔明點解咁多人食！！！！！！！！質素普通，外賣好早叫都等超耐，等左9個字係完全唔合理，以後唔會再食，大把越南菜好食過佢！而且餐廳好明顯漏咗單或者比人攞咗，追左好多次佢都話唔會漏，後過我嘅單都早過我好多攞，所以我懷疑佢係無幫我追過張單！！！！！！！！！！！佢啲外賣放哂係外面由得啲人自己攞，我見到有人攞錯單都無人理，我相信無辜嘅你可能都同樣有呢個經歷，所以真係無下次！！！！呢間嘢真係唔值得咁多人幫襯！

之前幫襯過幾次，份量大味道正常，都幾抵食。今次試招牌法式牛柳粒紅飯，見佢話係招牌 ，本身都有啲期望。牛柳粒超級多，但最弊係超咸😣😣加埋蔥油真係咸到苦😣唔知係師傅今日重手左定點…食完真係會腎虧🥲下次都係叫返湯粉算🥲

12-2:00 中環街上人頭湧湧各自搵食，相信入得鐵巷里搵食的都是附近上班族。上星期路過中環，做定research選定這間。✅ 小店就是迫，人貼人坐，但感覺到大家都是撐小店💛✅待應收銀有禮貌。即使好多人在外等位，也沒有半點催促，黑口黑面。✅蔗虾四條，第一送蔥油（也有甜酸伴醬），感覺都幾特別，喊香加虾肉有另一番風味。不過虾肉就略嫌多粉。✅中環中午餐食到飽，$5-60蚊，有飲品，性價比高 ⚠️炒貴刁都幾辣，味道似咖喱加星洲炒米，而且底部分明顯很油

越僑一個坐落在小巷子內最深處最不起眼的位置但這家餐廳的水準及營業方式真的很合我胃口食物部分:這次點了:豬扒雞翼紅飯你可以看到這飯盒是爆出來的豬扒多 雞翼也多 份量非常充足正所謂豬扒軟嫩不黏牙雞翼入味超愛他紅蔥香香脆軋軋紅飯高級笑哈哈他的蔥油也是有一定的水準另外一點是老闆決不會讓人插隊每次來老闆都會很專業的控管人流不向他隔壁隔壁隔壁的隔壁那家店 完全不懂先來後到的順序另外這家店也可以打電話或網站先下單到店才付款拿餐點外帶還有折扣喔~~~

星期六下晝，做完嘢，諗住過中環街市趁下熱鬧食下嘢，見到萬頭鑽動嘅情況都嚇怕咗，立即撤退去附近覓食，結果喺對面街搵到寶藏🤗。越僑隱身喺鐵行里入面，地方細細，有啲蛇竇 feel。由於約咗人食晚飯，唔敢食太飽，於是淨係叫咗個招牌蒜香牛油雞翼 tea set。呢度嘅雞翼蒜蓉味重好多，相比之下，牛油味唔太夠，不過上碟時伴有炒得好香嘅韭菜，芽菜同紅蘿蔔絲，整體味道偏濃，幾惹味。餐飲我叫咗龍眼冰，上枱時見到杯嘢白色，以為落錯 order，原來呢度嘅龍眼冰係椰汁底😲，嘩，真係第一次試。老實講，我比較鍾意平時飲開嘅龍眼冰，不過呢杯都唔錯，因為龍眼肉好多，清甜爽口。

中環高水準越南菜,CP值高 抵食好食水準出色~香茅厚煎雞扒 配炒飯蔥油 ,小食網春卷一份 越南綜合粉一碗 ,越南河呢電夠大碗,乜料都有~有生牛肉,蘿蔔,牛腩配河粉,牛骨濃湯好鮮甜濃香 河粉滑溜!生牛肉脂肪少肉嫩滑肉味香濃,蘿蔔清甜小食一份3件既春卷,入面係菜絲,脆得黎唔油膩!厚燒雞扒,超大份!厚切都有1CM!好濃香茅味又食到少少黑椒味,又香又惹味 仲好嫩滑~炒蛋飯加蔥油,香又好食!炒得夠獲氣~中環租庇利街鐵行里12號地下消費$150

🍗烤雞脾蕃茄蟹膏濃湯飯 🍅 $60湯底重蕃茄味再有少少淡淡嘅蟹膏味雞脾肉厚嫩滑但味道不重烤到外皮有少少脆份量超大料又足食完唔會太口渴🐮生牛肉湯河 🥕 $51牛肉味道份量都正常但湯底清甜牛味雖然唔會太重但白蘿蔔甜味昇華咗個湯底🧈蒜香牛油雞翼 🧄$314隻跟餐價$31牛油味會比蒜味重炸過再放啲醬去兜兜所以有少少偏油但味道係正嘅！👍🏼中環難得相對平嘅選擇味道又ok，價錢不貴服務又好，推薦附近番工嘅打工仔去食！

今日中午想吃一個快餐。位置：在鐵巷里的盡頭，旁邊新開張了一間串燒店，與兩旁的食店與別不同。環境：普通茶餐廳的裝修，不要有期望。服務：我點叫外賣時已經過了1:30，不是繁忙時間，但我自取外賣都需要十分鐘以上，我以為是快餐，但其實是慢吞吞。午市：香茅豬扒扎肉湯檬$48（送熱飲）外賣包裝分開湯和檬粉，所以不會浸軟檬粉，豬扒已切開，並提供辣椒和青靈調味，熱辣辣的湯水很濃味，有冬瓜粒，檬粉幻身易斷，不方夾起，而且不掛湯，最好吃是豬扒，厚身經油炸，不油膩，重香茅味，扎肉完全沒什麼味道，整個湯檬不過不失。熱朱古力好喝，甜度剛好！

去開中環整野，搵到呢間食越式粉麵嘅餐廳，仲有下午茶食喎，價錢幾平。生牛肉湯河湯底好濃味，有誠意，牛肉份量都OK，而且好嫩，河粉好滑雞絲湯檬檬粉份量好多，好夠食，好似食極都有咁！個湯底同樣出色，好濃好好味！雞絲都好味，肉質好腍，唔鞋！細酸辣鳳爪份量十足！估佢唔到咁大碟，酸酸味味咁好開胃，每隻都勁入味，超正！食到好飽，好抵食凍檸檬茶 (冇影相)無諗過凍檸茶都有野要講，但好想讚下佢，叫左少甜少冰嘅份量岩岩好，重點係茶膽都好香，飲過番尋味～兩個人埋單只係$123，食到勁飽勁滿足，CP值好高啊

越僑鋪頭唔算大，喺小巷深處，本以為難找，但當睇到巷尾排長龍 就知個間就係啦。人氣超旺嘅中環越南鋪頭仔。小食：越南春卷。本來expect嘅係非油炸個d透明皮包嘅春卷，未知收到嘅係油炸過。不過加咗料包後，春卷蠻好吃，酥脆外皮，內餡味道鮮美，加上料包嘅甜味，唔錯。香茅豬扒湯粉：豬扒肉質超級瘦，導致扒偏硬。但係香茅味道較濃。湯底味淡，未有很重嘅MSG味道。一碗53蚊左右，對於係中環返工嘅朋友黎講，十足係抵。

四寶pho 入面有生熟牛肉 牛柏葉同牛丸湯底幾濃味 個人覺得少少偏鹹 份量幾大 蘿蔔好淋 整得質素算中偏上 以呢個價錢嚟講算幾唔錯蝦醬炒飯（個名唔係咁叫 但係類似嘅野）個人鍾意食再乾少少嘅炒飯 除此之外 味道同份量都好夠 蔗蝦呢個好好食 蝦肉好實好足料 而且熱喇喇炸起 好香口 味道亦岩岩好唔會偏鹹或淡👍🏻整體而言我覺得呢間野cp值係幾高 特別係係中環味道方面中偏上 即係大約7-8/10個種級數 推介係附近返工或出沒嘅人嚟試下👍🏻👍🏻

要係中環生存，唔容易你估個個都係專業人士非富則貴，未成為下一個有錢人之前，我推介呢間性價比高嘅外賣，等大家買完返辦公室繼續努力💪🏼。呢間越南野幾好食，$50左右啦，夠飽，夠熱，好味道😬😃，係星期一至五平實嘅好選擇。我揀咗香茅牛肉湯檬粉，佢係會分湯嘅。而且會將一系列嘅粵式配料包括青檸小辣椒都會打包俾你。夠晒細心體貼啦。好一見到個樣呢啲牛肉呢嘅Juice程度係格住個mon都feel到啊，真係好好食😋，講真冇介紹錯㗎，呢個係我外賣嘅首選啦，我搵到一間外賣餐廳，係唔會令我覺得喺Office食嘢係一種懲罰，反而係享受啊。牛肉份量夠多，肉質好嫩，每一舊都係林㗎，無un 無咬唔完嘅情況，放心，佢個牛肉湯呢，偏重味，有正宗越南風味❤️😍，我都加咗青檸汁，同埋幾粒辣椒啦，更更好味呀個湯，跟住個夢粉朔左啲湯，令到每一啖都係喺地獄 (office)之中嘅享受😃🤣

以前返中環lunch必食既餐廳！🥰但自從冇係中環返工之後已經好耐冇食過🥲一直都好掛住佢d蜜糖雞翼飯🥺🥺今日咁岩去開中環，終於有機會來食！見間野收8點一收工即刻衝過去食😍😍帶埋男朋友仔分享當年既回憶🤪來到發現原來間野係黃既🤩🤩真係超級開心！係同路人之餘d野食仲好抵食😋🐓蜜糖雞翼飯 $57心思思好耐既蜜糖雞翼飯😍😍都係當年（其實只不過係2，3年前😆）既味道！$57 有5隻雞翼真係超級抵加上碟飯大大碟仲有蔥油🥳餵飽大胃王絕對冇問題😆蔥油好香！同出面燒味d蔥油差唔多😎不過就冇咁鹹同香口d😋雞翼就大大隻，有蜜糖味甜甜地好正😝😝但如果大家鐘意食鹹既雞翼就可以叫蒜蓉牛油雞翼，都一樣咁正😜🐓蒜蓉牛油雞翼 $57🍹胚芽奶茶 🥤龍眼冰 （跟餐加$9）