越南好味館 (已結業)

睇腳順便搵食，附近有間唔起眼嘅越南食店⋯⋯入去試吓先手切上等牛柳河粉$65小店強調新鲜骨熬嘅湯底⋯⋯但我唔覺得湯底有特別飲小少試吓便算但河粉同牛柳係好味嘅牛柳唔鞋牛油雞翼$50熱辣辣上碟，脆口、入味，仲好大隻燒豬頸肉三文治$65法包脆口，裏面有豬肝醬、洋蔥、菜、美極豬頸肉⋯⋯又幾好味青檸忌廉梳打$23小店無加一，非常抵食，正宗越南菜，因為小店入面全部都係自己鄉里⋯⋯

越南小店是由真正在越南做廚師多年的師傅開的店舖，真心好食😋！生牛河、魚餅撈檬、豬手、小食串燒，joint 炸雞翼 ~~都推介！牛油果🥑飲（還有芒果、士多啤梨 ）、青檸茶都是推介

係呢條街有間咁出色既小店，真係估都估唔到MENU其實都有好多選擇~ 但個日我同朋友太早去食晚餐XD所以只係一人叫一碗生牛肉河~ 呢間小店的湯頭非常出色~ 100%唔係味精死咸湯頭~ 答案係佢地用牛骨煮成的湯頭~ 經24小時熬製~ 個湯底清甜到不得之了仲要係勁清~ 又夠熱~ 生牛肉都多架~ 而且配料都多~ 大大碗 ~ 絕對對得住62蚊呢個價格~食到咁上下仲可以加埋青檸入湯頭~ 即時令到個湯頭味道再提鮮~ 進入左第2個層次，又或者可以再加埋辣椒粒真係3個唔同層次出晒黎~  絕對係同個湯頭相當之夾!!!下次再黎~ 要ORDER多D唔同既野食試下佢地因為我聽朋友講話佢其他野都相當出色XD 

讚1.餐牌上有啲特別既湯河，無係其他越南餐廳見過2.碗豬手湯河幾好，湯清但夠味，豬肉味濃香，豬手皮爽肉滑，整體係有水準，香料份量都好足彈1.環境係有啲殘2.侍應真心勁，可以由頭到尾都無望過客一眼同講野。就完成個落單過程，我都唔知佢有無落到單

個人來講，都好鍾意食東南亞菜，越南嘢當然就係其中之一啦。見到呢間越南菜好似大推牛骨湯底咁，咁就想試試佢啦。我就揀咗最大路嘅生牛肉湯河加一杯凍檸茶。個面嚟到，超級大碗，一見到就知道唔會食得晒。佢仲有超多芽菜。既然推薦得個湯底，第一啖梗係咩都唔落就飲湯啦，不過一飲覺得比想像中淡（可能我食得太重口味）不過lunch來講，佢份量都對得住價錢嘅。而佢杯凍檸茶，片檸檬係用青檸，比平時港式茶餐廳嘅檸茶好飲，有一陣青檸嘅香味。

今天工作關係經過此店，店內使用全實木枱椅很舒服，點了香茅豬扒飯，送餐時來了一碗芽菜湯熱騰騰👍🏻香茅豬扒🥩很有心思地用刀切開一半連骨，方便吃用，提供鼓油用作拌飯也是好味；而且味道適中肉身不硬容易咬下，又有幾片青瓜片拌碟，青瓜新鮮清甜🥒值得下次再次生牛肉湯河

不受時間與社會的約束，幸福地填飽肚子，吃飯時不受任何人打擾，也不需要照顧他人的口味。時間や社会にとらわれず　幸福に空腹をすとき　誰にま邪魔されず　気を遣わずものを食べるという　孤高の行為。諗起都成差不多5個月冇嚟幫襯過囉，之前都嚟過三幾次食午飯，次次都叫不同種類嘅湯粉，因為佢地個湯頭非常正，食後完全吾會口乾要追水飲，佢地話用新鮮牛骨冇落味精，我絕對相信！今次嚐 順化牛骨湯檬，入面嘅料有生牛肉、豬手同札肉，個湯頭仍同之前一樣係在水準之上。

平民小店系列🔍快食again香茅豬扒飯$54個雞蛋煎得勁靚😍香茅豬扒都入味 但衰在飯好生好硬蟹肉香葉燒肉越南湯粉$59算係咁多樣嘢入邊最特別最正常水準，又夠足料，依個叫得過✅香茅牛肉撈檬$55有一半嘅牛肉都好多筋咬左好耐先吞到👉🏼👈🏼越式蒸粉包$49入面d餡小到冇朋友😓得幾粒碎木耳⋯⋯好冇誠意❌越式蝦米乾炒芥蘭$55又生又無味😥雖然價錢俾出面平，但係食物質素真係有待改善😥😥😥😥

今日叫網上外賣平台外賣真係一次好惡劣的經驗首先餐廳冇睇清楚自己有冇材料就已經係網上外賣平台接餐餐廳接左order先發現自己冇哂果個餐打電話比我叫我取消張單但係網上外賣平台如果餐廳㩒左ok我就取消唔到佢打黎話唔小心㩒左ok所以refund唔到初頭都冇咩野又廢事煩所以我就轉左第二份餐就算數之後個餐送到屋企我叫撈檬，佢冇比酸汁我我打返比佢同佢講佢地答案係「頭先餐廳忙漏左，你屋企有豉油可以試下，都好好食」我真係笑出聲你地係咁樣處理漏送問題？叫個客係屋企搵豉油解決？

太子區越南野，首推呢間。以前試過檬粉比較多油，所以我通常也點牛骨湯底的粉類。今次午餐點了蕃茄蟹肉湯檬。份量十足，一定夠飽。這店的賣點是牛骨湯，以二十四小時餚製。配上蕃茄很惹味，每次我也會把湯底喝光。平時我很怕吃豬血，怕它的腥味。可是這裡的沒有腥味，而且意外地跟蕃茄味很夾~小肉團(應該是豬肉)也很美味。餐飲點了熱檸檬水，是青檸檬。之前試過點奶茶和檸茶，不過不好喝，手調的不要期望太高。如餐飲建議選擇新鮮椰青。

星期日食個足料火車頭河。湯底係老闆嘅足料燉煮牛骨湯，鮮甜同有微微香料非常好飲，次次都清晒啲湯。火車頭河可以一次食晒佢既牛肉，牛腩，生熟牛肉，都好好咪。另一個係蟹肉湯檬都十分出色。蟹肉丸好有特色，牛骨湯加鮮茄湯底，好鮮甜同有蟹味。中午午餐係最抵食。

琴晚10月20號呢啲特別日子旺角太子深水埗嘅商店全部提早閂門，我呢啲屋企冇人煮飯嘅人想搵食都難，由深水埗行落太子，終於比我搵到間開門嘅餐廳，就入咗去食碗pho。呢間餐廳都幾多選擇，有小食有小菜當然唔少得越南湯粉，收費都合理嘅，唔平唔貴。另外兩個朋友就叫咗會火車頭湯河粉，我就叫咗豬頸肉湯河粉，睇落唔差，不過圖片同實物總有差別，圖片只供參考。實物到啦，呢個係豬頸肉湯河粉，事關我唔鍾意食沖同埋芫荽所以我走晒，望落雖然個湯清清地冇乜色，味道又唔差，係淡左啲，不過我寧願淡啲都唔想食味精，河粉幼身唔會太淋，豬頸肉燒得幾香，不過我就嫌佢薄咗啲同埋唔夠爽口。右上角嗰支魚露係食pho必落，唔係會碗pho會冇咗靈魂😝左上角嘅豆漿就好淡，溝得太多水，甜就唔算好甜，係冇乜豆味囉。火車頭就豐富啦，入面有牛丸，牛腩，生牛肉(餐廳用肥牛),同埋扎肉，個湯就同豬頸肉個湯一樣係d料唔同，因為餐廳用咗肥牛，所以好快就熟曬，冇嗰種啱啱熟嘅牛肉嘅滑溜感，牛丸說不上彈牙，牛腩就幾好食，因為夠淋。在帶咗個炸春卷share，炸春卷最好食，因為本身鍾意食炸嘢，同埋佢係用米子，炸出嚟特別香脆！個餡通常都係嗰啲㗎啦，蘿蔔絲木耳絲肉醉等等

有日係太子唔知食咩好，係附近個幾條街行下行下，係遠處見到有招牌食越南野，即時俾佢吸引行咗入去入面裝修、餐牌都好親民，價錢同樣親民😂我點左一個香茅豬扒粉無唸過咁大碗，配菜又搭到好高餐廳兩旁有簡介，大廚喺越南做過廚師，而餐廳湯底係用牛骨煮二十四小時，所以又香又濃果然有時隱世餐廳都有架勢大廚望下個香茅豬扒，好大塊，好入味！豬扒軟腍腍，煎到好香，兩面都金黃色，香茅味濃！啲越南粉份量夠多，而且好滑，雪一聲就旋風吸入咗😂飲品我點咗越式檸檬水，比平時檸檬多咗份清新味

過來這邊看醫，四周圍行下，不太熟路，都唔知這邊有咩好食。這𥚃食店不集中，行了一會，才見到有間小店，是越南菜，看見門外的相片都好吸引，就入去，是普通茶餐室的裝修。餐牌上好多款特別的越南湯粉，我都咪食過，但我都是叫了最傳統的火車頭湯河。火車頭是雜錦餸，通常都是大大碗的，但這裡可能是街坊小店，所以是正常的一人份量。湯底清清地，不錯。湯河不是太大碗，所以追加了牛油雞亦。雞亦大大隻，炸得脆卜卜，真係傳統煮法。雞亦厚身，炸粉鬆脆，雞亦咬開熱辣辣，又有肉汁，真係好久法有食過啦！

呢排天氣真係太熱，午飯想食得清啲，又唔想行太遠。所以越南好味館都係耐唔耐會來的。雖然太子都係一個旺區，但呢間餐廳座落喺一個唔係太多人行過的地點，有點點隱世。我嗌左一個「魚餅撈濛」。夠哂大碗，裡面除了濛粉外，仲有好多青瓜絲﹑紅蘿蔔絲﹑蔥油﹑莞茜﹑炸蒜，加上撈濛的酸汁，裡面有好多蒜同辣椒，真係好夠清新！濛粉夠哂淋滑！魚餅仲係岩岩炸起，熱辣辣。魚餅唔係求其炸魚蛋就算，係真係鯪魚肉，入面仲有好多香草（但係我食唔出係乜野香草。），好香口同埋有魚味～朋友嗌左「香茅豬扖湯河粉」。店內有寫住話個湯底係用60斤牛骨煲出來.，睇落去好清，唔油，聞落都好香！湯河仲配上好多莞茜﹑生洋蔥同蔥。食完個口應該會有陣味呵呵。我食左一塊豬扖，炸得好通透，肉質好淋，淹得夠哂味！唔錯！無影相的凍檸茶，係青檸來的！夠特別呀。比起普通檸檬，係無咁酸同無左一陣苦澀味。越南食物都算清新得來，又唔係淡而無味。所以我都幾鐘意食。唯一對呢間店有一點點不喜歡的就是，每次一離開，就會聞到成身都係油煙味，久久不散。坐在入面就唔覺，走左先發現。呢樣野令到食客都幾尷尬。