越星餐廳

营业中

休息中

叫food panda外賣 兩個撈檬 無俾汁 啲檬粉好乾好咸 吞唔到落口 蝦餅發現有竹簽 真係嚇親 小心叫外賣叫中呢間嘢 呃錢感覺 叫外賣就俾啲垃圾俾你 撈檬乾啃 完全係好差！以後都唔會幫襯

昨天叫了咖哩牛腩飯如雞翼，咖哩稀如水，咖哩𠕇酸味，牛腩只有兩舊大D D，其他就是膜，牛腩似煲剩了的牛渣，頂唔順終於都要告訴店員「超難食」！最後，掉低整碟所謂咖哩牛腩飯。永不幫襯！雞翼ok, 20 蚊一個order, 即係$10 一隻雞翼。

住附近，已經食咗N次嘅小店~最鐘意食生牛肉湯河，順化蕃茄蟹肉湯河（冇乜蟹肉，不過湯好好飲），炸豬扒撈檬，炸蝦餅。啲湯超好味，飲完唔會口渴！雖然環境一般，而且開放式廚房有啲油煙，但勝在價錢平民，就算唔叫飲品都有杯斑斕水，好有特色，衛生情況都可以接受。

有一晚我係openrice搵越南野同媽媽食，無睇清楚地址就帶媽媽出發，我去到門口先發現我係openrice 搵個個原來係太子 既然都黎到門口就入去試下😂😂😂誤打誤撞又幾好食bor 價錢又親民🤩濱海肉卷好好食，肉卷包住香茅，味道濃郁佢啲牛河粉都好好食又大碗，湯底好好飲無味精，每次都好餓無影相尋晚食左牛油雞翼龍眼冰米紙卷我地尋日嗌個啲小食全部係正價小食😂😂 佢有追加小食價錢好優惠🤑兩個月我已經帶唔同嘅人幫左3次，個個都讚另外一提 cash only 💵

某日經過亞皆老街 偶然發現呢間小店Dinner時間想頹頹地醫肚又見佢價錢抵玩就試試佢估唔到食落係有驚喜!成間餐廳好有越南風味好正宗今次我就試左以下呢兩款撈檬: 1. 越式豬頸肉撈檬 $64豬頸肉好香 外脆內嫩又彈牙配埋醬汁勁開胃而且成個撈檬好足料!性價比極高~2. 順化牛肉撈檬 $60牛肉好好食 帶有輕微既甜味份量都好多不過少少美中不足係牛肉唔係熱既有D食唔慣另外我地仲追加左兩款小食小食價錢就相對貴1. 越式炸春卷 $21春卷好好食個皮夠香脆餡料調味唔錯! 2. 越式炸蝦餅 $29蝦餅脆得泥又彈牙而且炸得夠乾身唔會太油呢間小店真係性價比高!會再Encore

位於旺角亞皆老街 (近洗衣街同黑布街) 嘅越星餐廳, 其實都已幫襯過好幾次, 而幾次過來幫襯後我都非常滿意, 絕對係我本地越南餐廳最愛嘅頭三甲之一，好幾次都見佢地有同鄉來幫襯, 可知道有一定水準 ☺️越星個生牛河十分足料，超多餸，湯底超濃郁入味 (但建議最好唔好太早嚟食，可能湯底未餚得太耐，味道會偏淡)，雖然無另外奉送各種香葉, 但畢竟唔少食客，包括自己以前，都未必受到越南粉香葉嗰啲味，但我相信其實已一早放左落湯裡頭，否則個湯底唔會這般濃郁入味，而且就算成碗湯飲晒都唔會覺得口渴。我亦試過佢地其他小食例如越式春卷, 香茅豬扒/雞翼，同樣出色。市面上，特别係喺商場內有唔少裝修華麗嘅越南餐館，中伏機會其實極高，但越星這間越南小店絕對係信心態之選，食物質素及性價比極高，誠意推介 👍🏻

第一次係偶然發現呢間小店坦白講見到係招牌簡體字真係無乜信心但一試個湯底真係好濃味唔係味精開出黎好咸果種而係濃郁清甜牛味湯河份量好大碗牛肉份量都俾得闊綽差唔多可以一啖肉一啖河粉咁我食到最底都仲有肉剩低$55/一碗真係無可挑剔隔左幾日即刻帶屋企人黎食多次無論係小食定湯河佢都話好食我地嗌左跟餐小食春卷同蝦餅另外加隻乳鴿乳鴿脆皮好似酒樓食咁當然調味上有分別無左五香粉但隱約好似有d香茅咁嘅味我點左撈濛嘅汁覺得好襯呢d小店希望佢多d人知好生意維持得到但又希望無乜人知以後食飯可以唔洗排隊(´Д` )

我叫左個牛展湯河，再加多個炸蝦餅，個侍應同我講無蝦餅，我轉要個菜啦。之後有個男人入來要個湯河同炸蝦餅，最後又有炸蝦餅比個男人渦，我問個侍應，點解我叫炸蝦餅，人地就有，我就無，個侍應話個蝦餅冰左，其實關咩事呢，我同那個男人前後腳入來餐廳既，吾食個炸蝦餅無所謂的，但做生意吾係咁做呀，甘吾老實既，又揀客做生意。

啱啱去咗「越星餐廳」，店內充滿咗越南街頭嘅風味，處處都係濃濃嘅味道！河內牛肉湯河好有驚喜，牛肉嫩滑得嚟唔失牛嘅原味，湯頭濃郁得黎仲一啲都唔油膩，真係滋味十足嘅好選擇👍！嗰啲炸春卷同炸蝦餅，熱辣辣嘅香脆感撲鼻而至，啖啖都感受到料到實、手工足足嘅滿足感。尤其係春卷，啲餡料多多口味正！正所謂「實料實在」，食一口就知冇偷工減料！特飲方面，嘗咗椰汁三色冰，嗰幾款示意紅豆、綠豆同西米露齊上陣，清涼入心，真係解饞之選；啲芒果西米露，芒果香甜滑順，西米細滑彈牙，方便係啱哂口！總括黎講，「越星餐廳」係個好地方去體驗平民化嘅越南濃情，無論係口味定係價錢都係相當吸引。下次再嚟旺角，肯定要再嚟試下其他嘅越式美食！好評如潮，必試非常之選！ 🍜🤤👌

有晚經過旺角東要食個快飯，同行伙伴提議入去食，我起初重有啲猶豫因為睇門面唔係特別吸引，點知食完發現好有驚喜好高質！🤩嗌咗蕃茄蟹肉河粉、牛肉濱海、沙嗲牛串燒，每樣都好好食😋，而且價錢實惠。蕃茄蟹肉個湯底好鮮味，係喺香港無食過嘅味道(⁎⁍̴̛ᴗ⁍̴̛⁎)餐廳入面聽到店員似係操越南口音，見Openrice都有其他人話係越南人開嘅，唔知係咪因為咁味道正宗🤔重有我平時食味精重嘅嘢會好唔舒服，呢間餐廳唔敢話無落味精，但至少食完唔會好口渴，價錢又抵食物又好味食得出用心做，好值得推介😚

今日經歷完黑色暴雨⛈️，好擔心夜晚唔知食咩好！即刻搵返間心目中覺得最好食既越南野🇻🇳快步行去！好彩佢地真係有開！超開心😃 呢間店唔係香港人🇭🇰開嫁～ 應該係越南人一家人開的 一定要叫 C007 既「越式河內三寶飯」入面有（豬扒雞翼扎肉）一碟有齊3樣主打小食，仲可以轉河粉/撈檬香茅豬扒味道夠正宗，肉質多汁，口感鬆軟香茅雞翼有2隻，驚得好香脆，入口超香，肉質鮮美 越式扎肉有2塊，平日吃扎肉味好突出，今次係扎肉頭既位置，感覺麻麻地其次叫了 B004 「順化蝦餅撈檬」（一塊5小條）今日好想食蝦餅！呢間鋪頭既撈檬亦都出名好食～所以就叫呢個啦！ 炸蝦餅炸得剛剛好🦐好新鮮，彈牙 ，配上甜辣醬真係一流！ 但個醬要問店員先會俾撈檬當然無失望啦 ～除了爽口檬粉，超多青菜絲，超多青瓜絲，同紅蔔白絲，個汁都好好味！ 算係好好食既越式檬粉黎，所以2碗都叫左檬粉～ 佢哋既水係青檸水，幾好飲，記得問店員拎 茶底不錯，鐘意飲檸茶既不妨一試吖

******************************今晚係第二次食啦，試D上次想食嘅野先。1: 蕃茄蟹肉扎肉湯檬 比預期中好食，湯底清新，開胃得黎唔口喝。(我再加左D清檸汁)p.s. 食落唔覺有咩蟹肉2: 牛肉沙律 估唔到勁大碟，仲要D牛粒唔鞋口，菜絲好fresh同爽口。3: 越式燒乳鴿 我個人覺得比酒樓大排檔果D更好食，佢冇落咁多味粉之餘，亦都冇話厚肉嘅部位會實的的同唔入味，佢入面嘅肉質仲係滑嘅。

有日想食越南菜，朋友話旺角新開左間越南菜，就帶左我去試下價錢都好大路，吾算貴，但野食就幾多款式嗌左個順化蕃茄蟹肉扎肉湯檬 $60 略為有點淡味但好滿足有得飲椰青，都系$35 幾抵

今日同fd黎左試呢間小店，好地道，我地都好滿意😍😍😍😍😍😍😍😍😍😍😍😍😍😍😍😍😍😍😍飲品賣相已不錯，青檸水超開胃🥰🥰🥰🥰🥰🥰🥰🥰米紙卷配埋酸酸甜甜醬汁，超正🤣🤣🤣🤣🤣🤣🤣🤣🤣😂😂我地另外仲叫左蝦餅撈檬，蝦餅炸得好鬆脆，值得一讚！！！！！👏🏻👏🏻👏🏻👏🏻👏🏻👏🏻👏🏻👏🏻無骨鳳爪超惹味，配料亦好多，正！！！！！

#越星餐廳旺角太多嘢食😋越南菜係我最愛嘅其中之一!每次想食河粉必選越南餐廳😎重量級越南火車頭 $98口味清甜濃郁！超大份！兩個人食完全夠🤣🤣搭配豐富 有牛掌/生牛肉/牛腩/牛丸/肉餅！牛丸彈牙，牛肉香嫩！越南嘅吃法搭配清檸汁同小米辣真是係又鮮又辣！正越式豬頸肉撈檬 $64豬頸肉唔錯！外脆內嫩😋蘸上酸辣醬，酸酸辣辣！清爽開胃🤩越式炸蝦餅 $29蝦餅外皮金黃蘇脆彈牙，唔會太油👍👍椰青🥥$35超大個👍👍非常甜，帶有濃濃的奶香同椰香，在乾燥嘅冬天來一個椰子提神醒腦還清火降燥！非常補水非常爽🤤📍越星餐廳地址:旺角亞皆老街76號地舖