越棧越式湯粉專門店 (荃灣廣場) (已結業)

越棧越式湯粉專門店一入到去聽到有食客向阿姐投訴好耐仲未有野到，個阿姐回答個態度好惡，但都無阻我哋繼續坐低叫野食，其實都唔係等得咁耐姐，我哋大約十分鐘到齊三個餐，唔算耐接受到，又無對我哋惡，睇返OpenRice原來呢間餐廳每間分店店員都好惡，係咪特色嚟嫁！😅😅1.生牛肉配金邊粉 配凍奶茶$58（7/10）牛肉份量算多，真係生生地，無過熟，而且都有6-8片，幾好！2.咖哩牛腩紅米飯 配凍檸茶$62（4/10）牛腩得4舊，而且好硬，又痴牙，唔掂！3.香茅豬扒紅米飯 配凍檸茶$58（4/10）豬扒好乾好硬，唔掂！3人總共價錢$178個人口味總評分：5/10地址：荃灣大壩街4-30號荃灣廣場4樓410號舖#越棧 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies

呢一間越式餐廳都已經食過唔少次 今日收工比較夜 所以都無乜其他選擇😫咁呢一間都系食開 所以都吾怕伏😖平時我去開綠楊新邨果一間分店今日朝頭早同朋友嗌咗個二人餐🍱我嗌咗個手撕雞金錢肚飯🍛朋友就帶咗個香茅豬扒配雞翼飯🍛仲有小食 炸蝦🍤餅 扎肉同胡椒豬肉 二人餐仲包一個蔬菜同2杯飲品🥤手撕雞金錢肚飯🍛呢個真係完完全全失望到極點☹️手撕雞都叫做有少少味 啲金錢肚是完全同白恰冇分別 一啲味都無 真系吾知點配飯食🤷🏻‍♀️小食-扎肉扎肉一擺上台見到已經唔係咁想食🤦🏻‍♀️一望落去成碟都係油 真系要過一過水先食得🤧其他嘢食都係不過不失 下次一定唔會再去呢一間分店🙄

落單嗰時個男侍應仲同我重複多次叫咩餐過咗20分鐘都未嚟又未有收據，問下阿姐啱先落咗未，話落咗落咗，等多陣攞到張單一睇原來我第二次叫先幫我落，直接cut單唔食走單都算，仲浪費我時間等，若然我唔突登check落單時間又要浪費十幾分鐘等餐

入黎坐睇完menu嗌落單，竟然樓面可以一個人都冇，一系就走去收錢，我舉手幾次都扮見唔到，過左10分鐘左右，終於有個啊姐收完錢，迫於無奈先走黎落單，我話點解甘耐都冇人落單？點知啊姐惡過咩甘：你都見到樓面冇人啦，點同你落單啊？冇簁時間啦要乜啊！我姐竟然甘態度同客人講野……野食系好食嘅，但份量越來越少，系其他餐廳冇位嘅時候，快啲食完走，我都明白忙啊，但點安排樓面冇人？又唔系滿座要等，一入黎就有位啦，點解安排人手方面可以甘？啊姐啲態度惡過人，唉，以後都唔想黎……

見到鋪頭都幾大間，坐位幾舒服😌，又有卡位可以坐，行完商場就可以坐低休息一下。 去到咁岩夠兩點係下午茶時間，所以清清地叫左一份生牛肉湯河，係輕食版，感覺都好健康。生牛肉好食，有配料調下味，加上湯底好夠味配河粉浸住食，好爽口。有d口渴又叫左杯特飲三色冰，呢杯特飲就好一般，唔值得再加錢轉特飲，飲普通都ok，總結嚟講性價比好抵食既一間越南餐廳可以再encore。

◦ 香茅豬扒撈檬 ($50)香茅豬扒上枱時熱辣辣，幾香脆，不過肥膏略嫌太多，我個人就唔係咁鍾意咁肥嘅豬扒。豬扒份量都唔少，而呢個價錢屬於合理。撈檬最緊要係個汁，但係個汁麻麻哋唔係好夠味道。◦ 春卷雙拼包括春卷同埋牛腩湯金邊粉 ($66)春卷同樣炸得好脆，都幾好食。牛腩都算淋，咬落去唔會癡牙，加上份量都幾大，呢份整體黎講都幾好◦ 炸蝦餅撈檬 ($64)炸蝦餅同樣炸得幾脆口，識落唔會好油膩，可惜蝦肉嘅味道唔夠重，應該成份都係粉為主。同樣都係因為個汁唔夠好所以撈檬味道麻麻地◦ 三色冰(+$12)、斑斕青檸(+$12)呢樣杯嘢飲都係普普通通冇咩特別整體來講喺荃灣廣場有呢個價錢、有呢一個質素，我都覺得唔錯。 想平平哋食下越南嘢嘅不妨考慮吓越棧

越棧喺荃灣廣場搬咗舖後，就冇再食過了。而且近排疫情都比較嚴重，都好耐冇堂食了。今日趁星期六放工，約埋老公去商場行下，咁行行下老公話肚餓, 又咁岩見到越棧唔駛等位，於是就入去食。睇到MENU 同以前差唔多，但都有幾款新食物。 胡椒豬肉生牛肉撈檬 (走青) - 胡椒豬肉乾左D , 但都入味- 生牛肉係完全冇味, 但都明白既! 因為本身生牛肉應該要配湯- 撈檬花生碎係重點，但係一食落D 花生碎係益嘅, 完全食唔落, 好失望呀! 以一間賣撈檬嘅食店, 但係D 花生係益嘅嚟講, 真係接受唔到! 大失望! 

店員質素，尤其及肩頭髮女店員態度極差，不會再光顧。餐廳再好食，也不會光顧，請公司嚴格請員工落單二十分鐘，一催再催，店員先發現未落單，原來之前催的，通通hea顧客，過份！

今日食評有✍🏻 越棧@荃灣西試食指數⭐️⭐店舖衛生⭐️⭐️侍應態度⭐️⭐⭐((每項5⭐️為滿分)) ·剛出院🏥要食得清淡啲選擇咗人流唔算多的越棧選擇食越南湯河預咗會有少少腥味我唔知點形容嗰陣味總之成餐飯都會聞到嗰濃烈嘅海鮮味·環境衛生中等枱櫈都算闊落姐姐落單快靚正不過唔好預有超水準服務·我哋點了1️⃣扎肉湯河走青⭐️⭐⭐/湯河走晒青ok夠清不過忘記咗叫佢洋蔥都走埋我食咗條洋蔥麻麻哋好味😖味精湯底河粉唔夠多食完唔夠飽😣2️⃣雞絲湯河正常⭐️⭐/5雞絲少得可憐湯河尚算正常3️⃣香橙梳打⭐️⭐⭐/5明知唔係新鮮橙但係味道調得得唔錯4️⃣青檸梳打⭐️⭐/5一定要自己大大力拮爛啲青檸才有青檸味否則等同飲梳打水·建議唔係太肚餓可以就咁散嗌否則叫飯食應該會比較飽啲二人120抵食·599Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

Weekend，宜吃逛！和媽媽到荃灣西shopping，逛着逛着，挺累的！找個地方歇歇！荃灣廣場越棧，店面挺大的！感覺明亮、乾淨！點了２份下午茶餐：#胡椒豬肉湯河，湯底胡椒味濃，份量足！#越式蒸粉包，粉包的皮有點糊，不推薦！#熱朱古力，味道濃郁，好味！#熱柚子蜜，不會太甜，不錯！

今日在這間餐廳吃晚飯，我們在門口等了大概2分鐘也沒有侍應過來接代 (當時大概有三分之二的座位是空的)，然後我們發現門口左側的收錢櫃位有個侍應站在裡面玩手機，叫了兩聲才來帶位。入到去餐廳裡面，我們想坐卡位，但有好幾枱卡位都未「執枱」，要等侍應弄好才坐下。等到食物來到，咖哩飯完全不像咖哩，那些汁濃得像嬰兒吃的「糊仔」，也沒有椰香味，而生牛肉河粉的湯汁則太鹹。另外侍應也很沒禮貌，上河粉時由於枱面放了一些食物，需要移動一下才放得下，我嘗試幫忙，但卻遭到侍應說「這個好熱，你不要碰！」整體感覺就是不好吃，而且服務差，是不可一不可再的餐廳。

今日去到荃灣廣場呢間越棧，同女朋友行下街食下飯，見過價錢及CP值都算ok,就入去試下，點了一個咖喱牛腩飯，同埋豬扒雞絲金邊粉。咖喱牛腩飯黎到枱面個賣相係唔錯，牛腩質感都好好，夠腍，可惜咖喱唔係越棧既強項，係一個好溫和既味道，仲係有點唔夠咖喱香味。咖喱入面真係有香茅及香葉，算係真材實料。豬扒雞絲金邊粉麵食果然係拿手項目，好味好多，湯底好夠味，唔係味精湯！香茅豬扒合乎預期般的好味，雞絲真係有一絲絲，唔係雞肉條，整體質素高，值得推介！

今日放假，行完荃新天地就行去荃灣廣場啦，4點零鐘就又肚餓啦，咁就搵少少野食啦，見到有間越棧有兩個40蚊下午茶餐都幾抵食，咁就入去啦。餐廳有兩個下午茶餐嘅，一個係粉麵加杯飲品，另一個係小食再加杯飲品，咁我地兩個都係叫左個粉麵餐啦。生牛肉河粉再加三色冰，成碗粉份量好足，牛肉都好多，湯底夠味，而且香料好充足，有洋蔥，蔥粒同埋芫茜，河粉都夠滑，完全可以同出面果d6至70蚊級數比較。三色冰就主要係椰汁，有d紅豆同埋薏米等，最大嘅特點係只係加4蚊，超值。第二碗係香矛豬扒湯檬，配料跟生牛河是一樣的，只是生牛肉轉了做香矛豬扒，個人感覺豬扒太濃香矛味，而令到食唔出豬味，整體上來講是好味的，檬粉份量都足，再跟一杯餐飲即蘑咖啡就更加接近完美了。會再幫襯的。

下午茶食越南套餐盛惠$40有得食有得飲都可以喇😁！我們點了2個湯粉套餐，飲品升級要特飲另加$4。生牛肉金邊粉，越式牛脷金邊粉，以下午茶來說份量尚可，味道都不錯，只不過三色冰及珍多冰，椰子味較淡🤔！

今天難得和媽媽到荃灣西下午茶因為媽媽很少出街吃飯他挑選了越棧， 這間連鎖店媽媽吃了個香茅豬扒扎肉湯金邊粉配熱咖啡豬扒很大塊顯得扎肉很少 香茅豬扒是 已切開 方便咀嚼 。金邊粉比較硬 或許媽媽喜歡吃比較軟身。而我吃了個香茅豬扒紅米飯 外形很吸引 基本上和圖片的是一樣 可是紅米飯吃起來比較乾及硬， 加了臺枱上的酸汁 味道比較好，也中和了豬扒的油膩感。有部分套餐配飲品，冷熱是同價的而且我點了凍檸蜜也沒有要加錢。 感覺比其他茶餐廳來得便宜。