越泰軒

营业中

休息中

今天比較遲食早餐， 所以中午決定黎一個輕食下午茶！ 決定黎試下泰國粉。黎到聽阿姐話個下午茶轉左新野， 多左唔同選擇， 心諗有新野試點了一個組合二， 佢都有多個唔到選， 有幾個都幾吸引！ 豬頸肉冬陰公檬粉！ 份量適中，冬陰公好味。 小食選了沙嗲雞肉串燒， 比想像中好， 食完再睇下個餐牌， 原來單叫串燒要成10蚊串！ 感覺呢個下午茶真係抵食～

越泰軒今日去左食呢個越泰軒，因為想食冬陰公湯底既檬粉，其實都第二次食，上次食清湯嗅到好香既冬陰公湯底味 所以再黎試，上次清湯都唔錯呀，今日我叫左豬頸肉冬陰公湯底檬粉小辣 都有椰香味，但個檬粉比較少，而男朋友叫左正常既冬陰公湯底既豬排金邊粉，好明顯男友果個湯底濃d哈 但對我黎講真係辣，所以唔食得辣可以叫佢小辣！

今日中午叫一碗豬扒湯檬外賣，但係返到屋企唔打開由字河，一打開把_幾火，件豬扒去左邊呢？搞到我要走多一轉返到攞番佢比小我嘅野，希望日後唔好再有其他受害者出現正所謂有圖有真相

今日係青山道見到有一間越式泰式嘅鋪頭，見到佢裝修幾間嘅下午茶價格又便宜，咁梗係一試啦。下午茶你講呢一間都算係幾多選擇，你要輕盈得來＄24就搞掂，如果係肚餓嘅話又可以要個＄36嘅。我就一於試一試佢嘅13號餐。一黎見到米網春卷炸得幾香脆咁，配上我最鍾意嘅泰式辣醬，簡直係一流啦。加上豬頸肉金邊粉，豬頸肉份量都唔算少，加上佢一早已經係醃製好，味道真係唔錯。

我每個周末都會黎食早餐，每次都會叫佢個c餐，個重點係佢地用福面做面底，勁香! 再加埋沙嗲既濃，無得頂! 加上價錢平，28蚊，正! 試過夜晚黎食， 叫左冬蔭公湯底，要檬粉， 其實都幾正， 係呢度黎講想食碗泰國粉，呢度都一個唔錯既選擇!

天氣熱辣辣，總是令人欠缺食慾飯就食吾落，反而想食d酸酸辣辣既粉面心血來潮決定同女朋友去食下好耐無食的泰國野今次我地去左間新開的鋪頭仔餐牌選擇以粉面為主，款式都比較多樣化，價錢都十分親民 炸雞扒湯檬 ($32)，揀左冬陰公湯底，湯粉和雞扒都份量十足，上菜時香氣濃郁，先嚐一口湯底，酸辣度適中而且吾會過鹹，檬粉晶瑩剔透又彈牙，雞扒亦醃得非常入味，雞皮雖然浸係湯裡面但仍有少少脆，肉質爽滑，整體開胃惹味 招牌豬頸肉金邊粉($33)，揀左清湯底，湯底清甜而且配料多，有花生碎、芽菜、芫荽、白蘿蔔等，金邊粉爽滑吾易斷，口感煙韌，豬頸肉燒得不錯，肉的周邊微微焦香，加上厚切所以吾會過於乾身，咬落仍然軟淋有彈性，肉汁香濃可口

下午茶時段見到餐牌有呢兩款湯粉忍唔住叫左。[] ～ 湯底：清湯 或者 冬蔭功湯 （一般辣）跟餐有兩款小食，叫晒°°°泰式無骨鳳爪 & 米網春卷°°°個鳳爪係涼拌，好夠凍；又夠酸，好醒胃。春卷好脆口，炸得剛剛好，唔油膩。長沙灣區呢間算唔錯

点了中辣,刚刚好,大辣更濃,飲品点了凍朱古力,想不到用料充足，見到朱古力沉晒底，可惜是座位比较少，要与人同座，欠个人空间，中午更要排隊。下次希望可以尝尝店中的小食， 整体感觉不俗， 豬頸肉有少少酒香， 醃得入味。

媽咪話今日好攰唔煮飯，叫我落街食，我就話要試新野。入到去有耳目一新既感覺，因為條街本來滿是藥房，醫生同較舊的食店，呢間食店以新木色為主，無輪牆身，地板，餐枱，椅子甚至餐牌都係。食店主要的麵食有兩個湯底，一個係泰式清湯另一個係冬陰公。 有十七款餸可選，例如招牌香茅豬扒，豬頸肉，五香牛腩，牛展等。我選了冬蔭公河粉配五香牛肚。 冬蔭公味很濃，夠酸外香茅味同其他香料味都很出。有少許辣，但就咸左啲, 都重椰奶味。 五香牛肚有啲藥材味，新鮮有咬勁，份量又夠多。三十幾蚊一碗冬蔭公牛肚粉，湯底像樣，店內環境乾淨，十分抵食。