越男仔

营业中

休息中

搞咩搞到火燭？上次食啟德嘅”越男仔”比較似food court格局，雖然啲嘢食已經吸引好多目光。但今次嚟到沙田店，既然Menu更多選擇，就揀一啲更吸引目光嘅嘢😂 - “原隻太平燒雞”。原隻太平燒雞 $188 - 視覺效果夠晒震撼，今次唔止附近嘅枱，差唔多全店嘅人都望過嚟😂。當店員倒了酒後，一點火，真係好誇張…跟住店員就會拎去切。味道上佢係飲宴嘅炸子雞升級版。除咗有專屬嘅醬汁，咬落去嘅脆皮仲會滲出南乳味，非常濃郁美味。唯獨要留意份量相當多，我哋最後要打包😅。三色檬紙卷拼盤 $138 - 呢個由三文魚、牛炸醬、手撕雞組成嘅六件裝紙卷，咬落去味道同清爽兼備，做開胃菜又得，填下個肚又得。落埋醬汁，更勝一籌。越式生蝦沙律5隻 $128 - 原本只係想當普通沙律前菜，點知原來嚟到咁大份。咁我心諗都冇嘢啦，五隻蝦啫，生蝦沙律可以有幾飽肚？生蝦本身新鮮大隻，但原來真正嘅核心係個蝦頭度，佢唔只係炸，仲釀咗好多料入去原本好多蝦膏嘅蝦頭度。所以味道豐富之餘都幾飽肚。椰香漏漏啡 $31 - 其實就係滴漏咖啡，個底係有甜嘅椰汁，所以最後撈埋一齊係有甜味。不過個人認為個椰汁味道可以再濃啲。今次嚟到沙田店”越男仔”

沙田圍呢度其實都好多餐廳，今日食呢間超多好評嘅越南仔，餐廳裝修充滿着好多玩味嘅佈置。紅蕃茄火車頭煲天氣凍叫咗個火車頭煲，一上枱已經見到非常豪華。濃郁嘅蕃茄湯基底，酸酸甜甜，用料十足，食得出好多新鮮蕃茄肉，豆角，洋蔥等。火鍋材料非常豐富，包括牛肉片、牛筋、牛丸等。牛肉片嫩滑多汁，牛筋膠質滿滿，牛丸非常彈牙又爆汁。加$8加配黃薑飯絕對值得。黃薑味香濃，仲食得出好香嘅香茅同埋椰奶味。淋上濃郁嘅番茄湯汁，小朋友都胃口大開。天氣涼涼哋，食呢個熱辣辣嘅湯鍋實在非常正斗。蒜蓉牛油海南雞脾撈金邊粉主角海南雞脾非常嫩滑，皮肉均稱，上面淋上蒜蓉牛油汁，濃郁而不過膩。金邊粉非常爽口彈牙，米味香濃，仲加咗好多新鮮蔬菜，好清爽。撈金邊粉嘅靈魂醬汁魚露，酸酸甜甜帶微辣，咸香味濃，清爽解膩，可算係食過最高質嘅撈金邊粉。三色檬紙卷拼盤賣相一流，色彩繽紛。拼盤有三款特色檬紙卷，每款嘅基本元素係檬紙加滿滿嘅蔬菜同檬粉，蔬菜的確好新鮮。牛炸醬帶著燒烤香氣，牛肉軟嫩帶微辣。煙三文魚咸鮮味十足。手撕雞一絲絲肉質細嫩多汁，感覺健康又清爽。整道菜色彩鮮豔，好睇又好食。椰汁拉茶紅豆冰以香濃嘅椰汁為基底，口感濃郁順滑，加上濃郁嘅拉茶。

今日無煮飯，就在屋企附近食晚飯。呢度有間越南仔，又未食過，咁老公就話不如食吓。餐廳燈光淡黃，播放住越南歌，環境乾淨整齊，坐得舒服。餐牌選擇都幾多，老公發辦叫左佢鐘意食嘅燒雞，另外串燒拼盤同撈金邊粉。原隻太平燒雞：燒雞先原隻上枱，職員先倒酒，然後再點火。火燒得都幾勁，其他客人都有望，都幾吸引。燒左一陣熄左後，職員問我哋切唔切，唔切可比手套撕黎食，我哋揀切會方便D。燒雞熱辣辣，皮夠薄，咬落脆，肉嫩帶肉汁，醃得入味，隻雞又唔算多脂肪，好好味。秘製沙嗲串燒大拼盤：除左豬牛雞各兩串，另外仲有菠蘿。肉類燒得好香口，入口juicy，點埋秘製沙嗲醬就更加好食。而燒過菠蘿亦夠甜，好多汁，幾好。蒜蓉牛油雙蝦扎肉撈金邊粉：蝦大隻，食落帶鮮味，面層鋪滿牛油蒜蓉，兩款味道又夾又突出，另外蝦頭炸過，都幾多蝦膏喎，好夠味。扎肉亦有煎過，有香味。金邊粉較煙韌，米味香，裡面仲有生菜，爽口。整體撈埋甜酸汁一齊食，酸酸甜甜，又幾開胃。

🍅紅蕃茄火車頭煲 $193🥖大脆包 +$38 濃濃蕃茄湯🥘包括牛🐮既唔同部位，牛肉牛筋等等！十分足料👍🏻配搭埋大脆包，脆既包沾上蕃茄湯，一流！🐥海南雞黃飯 $79海南雞嫩滑到不得了，黃薑飯好香，唔怪得係招牌菜式，不能錯過🤣🍗串燒大拼盤 $139串燒有牛🐮有豬🐷雞🐥又有菠蘿🍍，大大件，肉質彈牙爽口🍹冰凍水果茶 $33水果好多🤣甜度岩岩好，最怕太甜，食完泰國野飲杯野好清新🤗🥃香茅青檸梳打 $35香茅令到成杯野唔同晒，配合埋青檸同梳打水有氣，飲杯真係好爽☺️

雞 全部都係雞 之前食牛食得多 今餐全部都是雞平時食開荃灣分店 今日見到沙田有就試試佢── ✦── ✦ ── ✦ ── ✦ ──ʚ #原隻燒雞 ɞ 呢隻燒雞真係唔食得都睇得睇到👶🏻👶🏻眼都突埋係你面前即燒 熱辣辣 雞皮脆卜卜肉質都好嫩滑 👶🏻👶🏻食到自己拎住隻雞脾咬ʚ #海南雞黃飯 ɞ個飯唔會好油之餘仲幾香雞都好滑身 而且份量十足ʚ #蒜蓉牛油海南雞脾撈金邊粉 ɞ蒜蓉牛油味香 雞髀位所以更滑配埋佢樽魚露 更加惹味🤤── ✦── ✦ ── ✦ ── ✦ ──

♡我全家人都好鍾意食越南菜 最鍾意食越式湯河同小食 好鍾意嚟呢一間正宗嘅越南菜餐廳 《越男仔》 鍾意佢夠時尚之餘 菜式好 好豐富 有好多越南小食 飲品 而家冬天好想食啲湯河 呢度都出咗 一人火車頭煲 好有打邊爐嘅feel◇紅蕃茄火車頭煲$148勁多料 有牛丸 生牛肉 牛筋牛柏葉 烤牛肉 跟飯或者蒜蓉包 沾上好甜嘅湯底 暖笠笠 好滿足◇招牌去骨海南雞配黃薑飯$79大大舊無骨海南雞 啖啖肉 加上酸辣汁 好開胃 再加上香 好多香料嘅黃雞飯 都係我嘅至愛◇鴛鴦拉茶(熱)$29好鍾意呢個配搭 越南咖啡出名好香 仲要係滴漏咖啡 配上港式嘅香滑奶茶 呢個配搭 可以嘗試兩種味道 好吸引 #devietson #越男仔 #越南美食 #越男仔旺角店 #旺角美食 #香港越南餐廳 #香港越南菜 #香港越南美食 #香港越南粉 #香港越南粉旺角

心血來潮想食越南菜，朋友建議到沙田圍站附近勵城花園的「越男仔」午膳。店內裝修幾有越南風格，環境舒適。翻開菜單，就被琳狼滿目的菜式吸引住，價錢亦相當實惠。招牌去骨海南雞黃薑飯啖啖肉，肉質嫩滑多汁，搭配特製的黃薑飯，再沾上秘製醬汁更惹味。河內三鮮椰汁酸湯煲（送白飯）湯底係用雞骨熬製成的，加入椰汁和酸子等配料，生蠔肥美、雞肉爽滑和新鮮大蝦，真係越食越開胃。串燒大拼盤串燒有菠蘿、雞肉、豬肉、牛肉各2串，燒得好香，食落唔會鞋。新鮮菠蘿烤過份外鮮甜。椰汁拉茶紅豆冰紅豆煮到軟淋，椰汁和拉茶好夾，味道唔錯。#devietson #越男仔 #越南美食#越男仔沙田店 #沙田美食

早幾日同朋友傾計講起去越南，諗起好耐無食過越南菜，加上最近胃口麻麻，就想食下惹味菜，就上網搵到越男仔餐廳風格有特色，而且有多款菜式選擇🍅紅蕃茄火車頭煲火車頭粉就食得多，火車頭煲就真係第一次食，超香濃蕃茄湯底配上牛肉、牛筋、牛丸、牛柏葉同蔬菜，而家天氣凍凍地，可以一邊煲住就唔怕食物會好快凍，小朋友淨係湯汁撈飯都可以食到一大碗，大人都忍唔住要加份蒜蓉包撈埋湯汁食🦐冬蔭功湯+生蝦沙律（3隻）酸辣惹味冬蔭功湯入面有青口同魷魚，大大隻生蝦配以清爽沙律，越食越開胃🍖秘製沙嗲串燒大拼盤（雞豬牛各2串+菠蘿）非常足料的串燒，每一串都有香口脆邊，食落唔乾唔柴，真正做到外脆內軟，加埋秘製香爐沙嗲醬一齊食，啖啖都係滿足，燒菠蘿清甜唔酸，食完串燒仲可以解膩消滯

年尾好多聚會，今次去到沙田園餐廳坐位全部都係卡位，坐得幾舒服紅蕃茄火車頭煲連白飯 $155冬天最中意食打邊爐🍲熱辣辣連食越南野都有得滾住咁有打邊爐既感覺🤣🤣🤣🤣火車頭有牛丸、生牛肉、牛筋、牛柏葉、烤牛肉🐮🐮🐮🐮牛魔王必點好足料，牛肉一d都唔嚡蕃茄底超濃郁🍅🍅🍅🍅蒜蓉牛油海南雞髀撈金邊粉 $98海南雞髀好滑嫰🐥🐥🐥🐥雞味十足面頭有金銀蒜，個底有牛油個味道層次提升😋 香好多串燒大拼盤 $139串燒豬肉、牛肉、雞肉各有2串仲有2舊燒菠蘿🍍串燒配上沙爹醬，有香茅花生碎🥜🥜🥜🥜好惹味‼️‼️‼️‼️冰凍水果茶 $33有d似菠蘿冰🤣 有好多菠蘿仲有薄荷菜既清新三檸七 $33三檸係咸檸、青檸、鮮檸唔洗講檸味爆棚，不錯的👍👍👍👍

沙田區特色罕有越南菜 - 越男仔今日去河畔搵朋友, 行到熱熱地, 大家都想食d開胃野, 一於食下平時比較少食嘅越南菜 - 越男仔. Adrian一坐低就話要海南雞飯, 果然真係一個海南雞飯粉. 越男仔嘅海南雞飯起哂骨啖啖肉, 小朋友食真係啱晒!! 黃薑飯粒粒分明, Adrian密密食密密食, 好快就KO晒個海南雞飯.爸爸叫左佢嘅至愛… 火車頭… 係火車頭煲. 火車頭粉就食得多, 真係第1次見紅番茄火車頭煲… 佢係用個打邊爐鍋一路煲一路食, 好啱而家冬冬地嘅天氣, 咁就唔怕d食物會好快凍晒. 有齊牛肉 / 牛筋 / 牛丸 / 牛柏葉, 啱晒牛魔怪爸爸.媽媽就叫左生牛雙蝦椰汁酸湯檬, 睇個名諗唔到係咩味道, 一試真係又特別又好食, 絕對值得試一試!! 湯底酸酸甜甜好開胃, 再加埋生牛肉同有少少火炙過嘅蝦, 成個配搭好驚喜, 爸爸試左1啖都話可以再encore!!!另外仲叫左串燒拼盤, 分別有雞肉 + 豬肉 + 牛肉各2串, 配埋燒菠蘿, 樣樣都燒到外脆內嫩多汁, 真係為今餐寫上一個完滿嘅句號.

真係好多好多年冇食過越南嘢，今日去食咗位於沙田嘅一間越南餐廳，味道超正宗。菜式都好多選擇。店舖裝修已經充滿越南風味。感覺一踏入去就已經被包圍住。我試咗「軟殼蟹沙嗲粉絲大脆包」。呢個菜式真係好特別，脆脆的包裡面夾住咗鮮嫩嘅軟殼蟹，再加上沙嗲醬，味道濃郁，完全停唔到口。接住就係「至尊拼盤」，裡面有粉絲卷、煙燻三文魚、蝦多士同魚片。每樣都好精緻，特別係粉絲卷，唔單止味道好，仲有一種清新嘅口感。煙燻三文魚更係一絕，煙燻味道適中，搭配其他食材，口感層次豐富。飲品方面，我飲咗「熱龍眼蜜」同「冰凍水果茶」。熱龍眼蜜甜而不膩，暖心又暖胃。而冰凍水果茶則係清新解渴，果味濃郁。

星期日同朋友去咗沙田圍嘅越南仔，餐廳裝修特別，牆上有好多有趣的金句，菜品豐富，每道菜都有越南風味特色！價錢合理又夠飽肚，整體好有驚喜！絕對會再訪！🌊 河內三鮮（生蠔🦪+生蝦🦐+滑雞🍗）椰汁酸湯檬湯檬真係出乎意料咁正！湯底酸酸甜甜，加上椰香非常濃郁，啱晒鐘意濃味嘅人。生蠔同生蝦超鮮甜，滑雞肉質嫩滑，配搭非常出色！檬條煙韌，整體味道層次分明，食完仲想再嚟多碗💯🥖 加$15蒜蓉包（四件）蒜香十足！外脆內軟，趁熱食仲有啲微微嘅蒜蓉焦香，單獨食已經好好味，點酸湯或者海南雞汁一齊食更加一流！值得加錢試！🍗 招牌無骨海南雞海南雞真係啱晒懶人，完全無骨設計，肉質滑溜香嫩，香氣亦都一樣吸引。醬汁鹹香適中，完美提升咗成道菜嘅層次感！👍🥢 三色檬紙卷拼盤三款唔同口味：牛炸醬味濃但唔會太膩，煙三文魚帶有清新鹹香，手撕雞嫩滑而且帶有微微嘅甜味。紙卷皮薄而Q，仲帶少少彈牙感，絕對係越式頭盤嘅經典！🥥 椰汁奶茶紅豆冰椰汁奶茶混合紅豆冰，甜而不膩，飲落香滑又清新。紅豆嘅口感一粒粒好分明，完美為成餐劃上句號。🍹越南仔地址 沙田沙田圍路1-7號勵城花園地下1號舖

突然之間想食越南嘢但又唔想去咁遠食所以近近地去咗附近嘅越男仔食入到去覺得個環境都不錯有好多卡位而我哋就叫咗以下幾樣嘢生牛雙蝦椰汁酸湯檬：呢個好好食，生牛肉配上酸酸甜甜既湯，再加上外表有少少火炙煮得啱啱好嘅蝦，再加埋佢地自家製既醬汁，真係絕配招牌去骨海南雞配黃薑飯: 雞肉鮮嫩滑口，飯充滿黃薑味，好食至尊拼盤 ：包括芝心蝦多士 x 4 三壘煙三文魚檬紙卷 x 4 下龍灣蝦餅 x 4 蒜香牛油雞翼 x 2，樣樣都幾好食，而令我最鍾意既係芝心蝦多士，佢炸得好香口，而且蝦肉爽口彈牙，配埋濃厚嘅芝士，口感一流自製雙檸香茅薑蜜同龍眼蜜：2杯都好飲，解膩一流總括嚟講，我覺得佢嘅嘢都幾好食，位置對我嚟講又方便，可以再食

好耐無食過越南野啦 今日收工就嚟咗沙田圍食呢間越男仔河內三鮮椰汁酸湯煲 (送白飯)湯底係由雞骨熬製出嚟 仲加咗椰汁 酸子同醋 食落酸酸地好開胃 三鮮係生蠔 生蝦同滑雞 仲有蘿蔔 生菜 豆角等配料 好豐富! 蒜蓉牛油雙蝦扎肉撈金邊粉蝦頭炸過仲好多蝦膏 蝦肉表面鋪上蒜蓉入口好香牛油味 連埋扎肉撈埋甜酸汁一齊食 味道好夾秘製沙嗲串燒大拼盤菠蘿 雞 豬同牛各2串 串燒外皮烤到微微焦脆 肉質嫩滑juicy 一定要蘸埋佢地嘅秘製沙嗲醬 勁香濃 食落好惹味!越男仔鮮水果茶 (少甜)有青瓜 菠蘿同檸檬係入面 解渴又夠fresh熱龍眼花蜜茶新鮮自家煲嘅龍眼花蜜茶飲落清甜潤喉 仲有幾粒龍眼肉添

很少來沙田圍路，一場嚟到就試吓越南仔，食個下午茶。走進店裡，裝修風格非常鬼馬抵死，例如請勿拍照😉。讓人感覺玩味甚濃。因為天氣炎熱，我決定點一碗涼的撈檬，下午茶價錢CP值高。這道菜的特點在於它的配料豐富，竟然有四種不同的餸料，讓人感到驚喜，唔使自己煩惱食咩，真的是無得輸。除了撈檬，我還搭配了一杯凍馬拉茶，這也是一個明智的選擇。馬拉茶的香濃香料味道和撈檬的清爽酸甜味道形成了很好的對比，值得推薦給大家。