趣亭餐飲館 (已結業)

平時同朋友出街食飯最鍾意到樓上cafe, 貪可坐得耐,慢慢傾計之餘又有broad game 玩, 所以我經常到處搜尋一D 環境好ge cafe.今日要去信和, 上openrice search 到附近有幾間cafe, 決定到Chatting Cafe, 因為比佢的室內裝修吸引到.座位幾寬敞,舒適.我叫左個鎮店芝堡同百合果沙冰.好怕飲到太甜味太假ge 沙冰. 哩杯恰到好處,不會太甜,百合果味濃, 甜甜酸酸, 好飲鎮店芝堡有幾個選擇:雞,牛,豬,魚,可選兩種, 我選了雞和牛. 芝堡有兩塊肉,還有芝士,火腿同同生菜, 非常豐富.特別要讚一讚雞扒,Juicy 又香口.薯條剛炸起, 不會太乾. 芝堡非常足料!最後亦有甜品附上.推薦愛打機人士, 哩度有埋Xbox打,

今日收工同朋友係旺角行街，行到咁上下當然要搵個地方醫下肚。見到先達旁邊既入口，先施大廈，原來都有幾間樓上cafe 四樓就正好有兩間，選定左其中一間叫chatting cafe上到去可能時間仲早，無咩人，但係環境好好，坐得好舒服。而且仲有多款遊戲可以借玩，都真係幾好，menu 方面有burger，小食，飯，麵等，仲有二人晚餐添。最後我地兩個人叫鎮店芝堡($90)，可配薯條或沙律，再跟特飲。漢堡可以係雞，牛，豬，魚柳，四款選兩款。我要左雞同牛配薯條，漢堡入面除左肉，仲有菜，芝士，咬落好豐富。另外仲叫左個巴瑪臣芝士煙肉蛋黃醬意粉（$98）， 個意粉炒得好香，入面有洋蔥，芝士，火腿，煙肉，個蛋黃醬好香濃，仲有陣陣牛油味，而且硬度適中。飲品呢，我就叫左巨峰梳打，賣相好靚，好好味。甜度適中，正合我口味。呢到真係一個鬧市中既休閒地，而且價錢又唔貴幾好。題外話，佢地有得包場，而且中午就開，星期六，日下午茶黎都得。

假日與太座在旺角街頭蹓躂，遇著有餐廳派宣傳單張，原來是樓上舖新開張，也來湊熱鬧。餐廳地方不大，但裝修和大梳化看來頗舒服，剛好有一個靠窗的卡座，偌大的梳化可讓整個人深沉坐著，令人倦氣全消。看看吃些甚麼，以新開張來說，餐牌的食品不算少，有串燒，小食，套餐和飯麵。太座點了些小食，而我點了斑腩飯。太座點的雞翼很香口，孜然粉的香味四溢，像是在深圳的食街，另一款小食是香腸，也燒得皮脆腸香，歎杯熱檸茶也很悠閑自在。我沒有吃午飯，索性早些吃晚飯，點了斑腩飯，份量頗大碟，飯有炒底，然而樣子不似我常吃的斑腩飯，較似是茄汁魚柳飯，也許可稱他為西式斑腩飯吧！魚柳的質素很好，令我有些驚喜，魚柳上麵包糠炸得很香，配上酸酸甜甜的番茄洋蔥汁，幾開胃。逛街逛得疲倦，歇一歇，飯後要杯鹹檸七，輕鬆忘憂，悠然自得其趣。