影片
电话号码
92731032
营业时间
今日营业
全日休息
星期一至二
05:30 - 15:00
星期三至四
全日休息
星期五至日
05:30 - 15:00
以上资料只供参考，请与餐厅确认详情
上一次我寫左個5星好評比佢，因為我果兜好多肉好好食，今次我就中左招，佢比左我最憎果兜「雞翼雞腳雞背」我，唔可以唔寫劣評！佢成兜野有50%以上都係雞骨！雞腳墊滿底，好心啦、雞腳呢d無肉食嘅野你都擺係度比人食、你當額外加料就話唧，佢真係當主菜咁上比你！仲有d雞翼識唔識斬架？斬到全部打斜d骨想插損人個口咩？？成兜都係雞翼 食皮！雞槌腳一開2 食皮！雞翼尖 食皮！雞背 食皮！雞腳 食皮！我驚大家睇相睇唔明，附有插圖解說。全部都係重骨部份，邊度有肉食呀？連雞髀個槌頭都有！究竟係雞髀槌定雞腳槌？我都分唔清啦，總之斬到好碎。咁樣做生意？一半雞都係無肉！我一見到佢上檯呢兜比我！就即刻叫佢換啦！佢仲要唔肯換！仲要兇返我轉頭！「d雞師傅斬 我唔清楚邊兜無雞腳 因為兜兜都有！我幫你唔到！」「喂，d雞勁多都無肉嘅，又雞腳又雞翼雞背雞翼尖，得一兩舊雞胸有肉食，有無搞錯」「你唔食雞腳下次叫走翼啦」咦？即係雞翼鐵腳配雞腳，但頭先又話唔知？我揭開我朋友兜雞胸，一隻雞腳都無。兜雞上檯後我掂都無掂過！一睇就知成兜骨啦！叫人點食呀？雞皮撈飯呀！人地果兜就成兜雞肉兩層滿滿！好大對比唧！仲有，識唔識斬雞架？唔該d肉同骨分佈平均d la!!!!補充 店主網上聲稱話可以揀雞髀/雞胸/雞翼，仲要唔駛加錢。但我以前次次落order前，都同佢講走雞翼雞腳，佢只會答我「我地有乜比乜，無得指定，盡量啦」最後都一定會照來雞翼雞腳，但情況無呢一碗咁惡劣，所以一直都忍氣吞聲，今次兜雞太離譜，不得不投訴。而家店主主張標榜自己態度差，其實粗魯唔代表惡，但佢連望都唔望下我投訴嘅呢一兜野，就話唔換+兇返我轉頭，我就真係搵唔到理由去忍。不過以事論事做人公道，我無批評過佢唔好食甚至難食，你要去食就全部一齊叫雞髀啦，反正佢而家fb話叫雞髀唔駛加錢架嘛，佢以前唔係咁講架，根本無得揀部位😅 人真係變得快
继续阅读
店舖細細，但味道一流，每次去都一定會選辣湯米粉，胡椒味勁重，冬天吃完成個人暖粒粒，米粉煙靭有彈力，不是一般茶餐廳的林林米粉。而且份量十足，性價極高。千祈唔好以為老闆娘好惡，我見過佢幾次唔收阿婆錢，實在是一間良心小店，一定要支持。
继续阅读
清明掃墓，途經錦田，便到大馬路旁的大排檔吃午餐，隨便點了兩個午餐，蒸肉餅及醉雞麵。原沒有什麼期望，卻有很大的驚喜。蒸肉餅是家的味道，上面再加個超水準的蛋黃，是劃龍點睛之舉. 而醉雞麵更該是大廚的拿手菜，醉雞色澤金黃，該用了黃油雞，皮與肉之間竟不是肥膏，而是水晶啫喱! 酒味十足卻完全沒有苦味,連平時不吃雞皮的我，都忍不住全都吃掉. 分開上的湯麵，看上去平平無奇，原來是胡椒湯底(小辣), 會讓你會忍不住一口一口的喝下去. 真正感受到「高人一岀手，便知有沒有」。必定會專程再回來吧😋
继续阅读
烈日當空, 攝氏34度高溫下貢入錦田係愛定係責任❓係美食啊❗百物騰貴, $37仲食到大大碗飯莫名感動😍大排檔屬冬菇亭格局, 石屎地蒸上來的熱氣, 在豔陽下牛角扇吹極唔散, 但店主一聽到個熱字, 即刻將冷風機對正我, 嘩🙆係愛啊，哈利食物睇相都覺得好食, 仲要係即叫即煎, 夫復何求❕雞扒和豬扒又厚又大件不在話下, 椰菜都份量十足, 蔥油雞扒的蔥花較大粒, 但味道不會過鹹, 比較健康; 而炸豬扒有兩種醬汁(燒汁和芝士汁)味道豐富更重要的是人情味濃, 超多年輕熟客, 又有勁可愛的貓仔🐱是炎夏的賞心樂事🌞
继续阅读
路邊野花不要採但路邊大牌檔一定要吃 成為元朗友三年多，錦田是我不想出城、又想行下、食下，感受閒逸和人情味的好地方！一向對大牌檔興趣不濃，加上大牌檔風味隨年月消失，宗旨是只待偶遇、而不作強求！不強求、不強求，永遠等候，剛過的星期天，經過幾日潮濕陰雨天，行山不成，於是又到錦田去，給我們等到這家必吃的「路邊大牌檔」！身處理念相同的地方，特別舒泰，甫坐下便感到小店的親切，圍繞身邊均是有禮、善良、大方得體的客人！凍檸茶、熱檸水，等食期間我們跟後方客人的兩隻乖小狗玩玩，好一對溫文、視寵物如己出的狗主人！飯麵類加 HK$5，便可享冷熱飲品！廚房內有二人，出餐速度不慢，胡椒湯底鮮牛肉米米粉 HK$35 和邪惡雞翼 HK$30 率先送到。胡椒湯底清澈透明，看不出辣意！最初入口甜味較重，其後胡椒的辛辣會變得愈來愈厚，換句話就是愈來愈過癮！雖然湯底胡椒香和層次未見得非常突出， 但味道來得溫醇、辛辣度恰好，有自家個性，最終我們差不多把整碗胡椒湯喝光，事後亦沒有喉乾舌燥，真的很讚！選用的米粉是鬈鬈的，這款米粉不常見， 只能偶爾碰到！入口軟彈、掛湯能力強、不死爽，相比坊間的更合我心意！以三十多元來說，鮮牛肉的份量來得慷慨，灼得略帶微紅的牛肉軟稔可口，每一塊也夠厚身，口感不錯！同是路邊精選的醉雞麵、胡椒豬雜河也相當吸引，可惜我只有一個肚。邪惡雞翼是以牛油和鮮蒜來炮製，因而洐生出漂亮的黃色！所謂的邪惡要算是雞翼沾上牛油和鮮蒜的皮層，神奇的酥脆香口而不油，但肉質則來得嬌嫩與入味，廚師在醃味和火喉控制上也絕不馬虎！雞翼用了大量鮮蒜，沒有明顯不知名味粉的添加，邪惡得很有良心！不要浪費，我們將鮮蒜拌入以下的雞扒飯來吃！點餐時候向姐姐詢問有什麼好推介，姐姐第一時間回應了蔥油雞扒煎蛋飯 HK$37，還連忙還補充因為雞扒是生煎的，所以需候較長時間，辦事細心的姐姐！蔥油不是時興台式的風格，而是將蔥段以油爆香鋪上飯面，蔥油味道不濃厚！因此，每檯均有的特製飯豉油便大派用場了！自家調製的飯豉油有著平衡的鹹甜與香氣，同樣是溫醇、不搶味，與煎蛋和雞扒同吃，感覺很協調、很有往客的味道！雞扒厚身、外脆內軟！是次偶遇的「路邊大牌檔」不是以重口味來招客，吃得出有別於一般的大牌檔，出品相對的細緻、有 Heart、有住家味道，價錢亦是相當的實惠，怪不得小小的檔子滿有熟客，真的是好料、有料到！吃到一半，假日之選的海南雞飯宣佈已沽清！決定下次再訪！吃得滿足後，就在大街逛，我們碰上才半歲的法國老虎BB 和牠的主人，又跟純純可人的牠邊行邊玩了一段時間。在錦田一事一物的接觸，令人暫時忘記可恥的政權！
继续阅读