車間道 (已結業)

環境4分：地方環境都算寬敞，唔會坐到密麻麻，同一般食開果D車仔麵店有D分別，感覺比較高層次少少，所以畀四分。衛生3分：枱面Ｄ醬油同牙籤都好乾淨下，正常三分。服務4分： 服務算好，快手快腳，畀佢四分。味道3分：叫左三個餸跟油麵，牛筋，紅腸同魷魚，味道都還可以，但份量感覺偏少。抵食2分：三餸麵成45蚊碗，應該份量可以多少少，最少要食得飽，只可畀兩分。

見到有一間新開的車仔麵，就入去試試，個名叫做車間道。😄😄很台灣 feel 的點菜餐牌，一坐低就叫咗個柱侯牛筋牛腩麵，再加左杯熱嘅時令涼茶👍🏿👍🏿。食物嚟到喇，佢有一個辣嘅菜脯，個菜脯超好食，我將佢加埋落去碗麵度食。個麵質好爽口，牛筋好淋好黏口，但牛腩比較硬身。

趕時間諗住食個車仔要就算朋友叫咗6餸$7x,我叫3餸+小食重點唔係難食咁簡單，一個孖寶（咖哩牛栢葉+魷魚）落漏單、追單再追單⋯到第三次答案係「你個野要炸要等架嘛！」吓，我叫咖喱魷魚+牛栢葉哦！要炸？當然係唔會講未做、死話有追做緊⋯打工仔得果一個鐘食飯，咁簡單既野半個鐘都出唔到，點等呀！埋單取消仲要死話做緊，點知廚房既一句話說破了根本未做仲要係到不停咁堅持自己有追，點知我唔係要炸果個⋯大佬，單又係你地落既，menu又你地出既，追錯單唔係關我事嘛！

銅鑼灣好食既車仔麵都唔少, 今日行過見到登龍街有間新開, 入面坐得幾舒服乾淨, 就左去試下。麵底要10蚊, 而餸菜要8-15蚊一款, 其實都幾貴, 不過見佢裝修OK, 諗住貴番少少都正常掛我叫左雞翼、牛腩蘿蔔米粉, 腩汁, 黎到見到個湯底勁淺色, 試左一啖....完全無味!!!雞翼收10蚊得個2隻, 差唔多要5蚊一隻, 但係都係冇味, 又瘦冇咩肉, 我點解唔去隔離叫碟好食又冇咁貴既土匪雞翼?白蘿蔔份量正常, 不過食落有渣 又唔入味 用清水烚咁。仲有牛腩, 收我15蚊, 你地見到張相既份量啦....雖然味道尚可, 但不能接受呢個價錢配呢個份量, 連米粉竟然都有地方可以彈, 煮到勁硬就出菜,仲食到唔熟既粉味。食完好似冇食過野咁完全唔飽, 好少食完一餐飯出黎會嬲, 感覺比人搵笨。我覺得真係完全唔好食又唔值。除左裝修企理之外冇野可以讚。下不為例!!!!

今晩去左銅鑼灣上堂，放學有D肚餓，咁啱成條街都係食店，突然見到對面有間叫車間道就去睇下，見價錢又吾貴就入去食個簡單晚餐。今晚叫左個牛筋麵，又幾大碗，味道吾錯，加個涼茶👍，仲有生菜，好爽，份量又足，抵食。