軒尼詩冰廳 (駱克道) (已結業)

以為茶仔一定會食得唔健康？今日發現位於灣仔呢間新開嘅茶餐廳就有健康嘅選擇喇～聽餐廳名就知唔陌生，因為呢間係第二間分店。餐廳有掋食午餐、小食、炒飯麵、麵包乜都有，但最吸引我嘅就係個沙律menu！大蝦凱撒沙律（$62）- 哇好大盤好豐富！大蝦有六隻，仲係爽口彈牙。沙律菜好新鮮好crunchy，加埋蕃茄仔同芝士碎非常好味。如果唔想攝取過多嘅醬汁可request凱撒沙律醬另上。即磨咖啡（+$9）- 即磨齋啡好香濃，唔錯架！

軒尼詩冰廳 （駱克道） (灣仔)📍灣仔駱克道139號地下🤍銅鑼灣行完街，去左附近間餐廳，軒尼詩撚手小菜，餐廳同平時個d唔同，有得鋸排、有海鮮、經典菠蘿油， 款款特色都有👍🏻紐西蘭直送西冷牛扒$132牛扒肉質鮮嫩，五成熟，味道不錯 ，奉送餐湯、提子包、特飲👍🏻小食類白酒忌廉煮青口$62有大約20 粒青口， 白酒忌廉煮青口，白酒味都幾濃郁👍🏻莫達倫忌廉煙三文魚扁意粉$73招牌推介即叫即煮，忌廉煙三文魚，扁意粉都幾入味👍🏻經典菠蘿油最後叫左菠蘿油，都幾滑，菠蘿皮都幾脆口柚子蜜、奶茶紅豆冰經典既茶餐廳飲品經過開銅鑼灣嘅朋友都可以黎試一試，性價比極高

灣仔抵食軒尼斯冰室呢間冰室好抵食，兩個人都係$2xx,已經叫到一枱都係野食。份量又大，價錢又抵，味道都吾錯，真係好抵！個煙三文魚凱撒沙律，好好味，好多芝士，沙律菜又新鮮，三文魚又好食，叫左足足兩碟，一人一碟！全部食曬呢。白汁焗海鮮飯，好多海鮮，有青口，大蝦，魷魚等等，好好味😋，白汁好香好濃。呢個好滿足呢！板燒黑椒牛扒飯，大大塊牛扒，好肉地，味道唔錯，價錢好抵，最後仲叫多個菠蘿油，好厚牛油，真係太飽啦，最後打包走！

駱克道開左間軒尼詩冰室，環境更加闊落，裝修得更精緻，menu超多選擇！炒粉麵飯， 鋸扒都有！紐西蘭直送西冷牛扒，用料質數幾好！西冷扒用質幾緊緻，size幾大份，切開後微微粉紅！沒有過多既筋位，牛味幾濃幾嫩淋！黃金蝦球，酥炸左既外層好脆身，味道帶咸蛋黃香味，內層蝦球都幾好口感，爽爽彈彈！味道唔會過咸過膩，炒得幾有鑊氣感。西蘭花炒帶子，個醬汁底調得好惹味，蒜香洋葱香好有風味！帶子綿綿細滑夠飽滿！西蘭花清爽脆口，味道相當不錯。還有好幾款小炒都好吸引，所以都會回頭幫襯。

12:30坐低，叫咗個常餐豬扒通粉，成塊豬扒浸喺個湯度冇切開嘅Ok la,唯有吉住成塊食啦炒蛋配提子包變咗做菠蘿包12:45 通粉都未食完將塊豬扒移咗佢去個碟度食侍應已經急不及待收走咗通粉，仲順手收埋我炒蛋嗰碟，我嗰陣食緊個飽，我話仲食緊，碟可唔可以留返俾我🥲12:52 男待應過嚟同我講：小姐，差唔多啦之後另一個女待應收走埋我隻碟同埋杯2/3滿嘅奶茶😅如果唔想入一位客人，你可以唔入唔好咁樣👎本身張枱個位已經衰，喺兩邊卡位嘅中間成個感覺覺得坐喺呢度阻住人侍應送唔到餐俾人，就夾硬成個囉柚攝過嚟又成日踢到張凳腳，坐得唔舒服之餘都登佢哋慘嘢食唔算好食，坐咗喺度半個鐘都冇就俾人趕走

聽佢個名似茶記，睇佢嘅裝修似Cafe，實質係茶餐廳價錢嘅西餐廳，仲有啲真係茶餐廳有嘅嘢食🤣依間好驚喜！冇預佢呢個價錢可以食到依個質素，超滿意🥰🐷紐西蘭直送西冷牛扒 $132西冷牛扒大大件 ，侍應冇特別問我哋幾多成熟，嚟到大概七成熟左右，牛扒好有牛味，基本上都唔使點樣點汁🐮有得揀間飯、意粉、沙律定薯菜，成個餐仲有提子包同餐湯，好豐富嘅一餐，細食會食唔晒🤭🐷大蝦凱撒沙律 $62有五隻大蝦，蝦肉新鮮爽口，沙律菜色澤鮮艷又新鮮🥗有個貼心嘅位係佢已經預先撈好咗沙律醬而唔係淨係倒係面👍沙律仲要跟飲品，減肥嘅朋友可以淨食沙律同飲野😘🐷焗芝士薯蓉肉醬千層麵 $68呢個真係好食，喺其他餐廳食一定超$100😵‍💫薯蓉口感細滑，千層麵夾雜蕃茄肉醬味道啱啱好🍅面頭再有白汁和芝士，芝士唔算好多但足以拉絲😚🐷奶茶紅豆冰 +$9 🐷鴛鴦紅豆冰 +$9依兩杯特飲正價$32，跟餐都只係加$10唔使，抵到喊🤫我飲個杯係鴛鴦紅豆冰走甜，雖然走甜，但係加埋紅豆原本嘅甜度啱啱好！環境 🐖🐖🐖🐖🐽 4.5/5 食物質素🐖🐖🐖🐖🐖 5/5店員態度🐖🐖🐖🐖 4/5✨人均消費 ～$130🏠軒尼詩冰廳📍灣仔駱克道139號地下

今晚到灣仔，食的是軒尼詩冰廳。餐廳裝修都好整潔新潮，有卡位有散枱。Menu 有粉、麵、飯、西式扒餐……等。西蘭花炒牛肉$78 西蘭花吸收了牛肉汁，煮得爽口帶點軟淋。牛肉切得厚薄適中，頗大件，入口已感覺到酒香，廚師調味好好，牛肉夠腍不會靭，酒香味好特別，令牛肉味道更出色。菠蘿咕嚕肉 $80菠蘿咕嚕肉切得不得很大件，粉皮也不太厚，少少酸中帶甜，啖啖肉的，頗惹味。星洲炒米 $64星洲炒米面有火腿、蝦仁、蛋碎……等，口感豐富，調味不會很濃，食落頗清新。至於飲品，要了熱杏仁霜及凍檸檬水。茶餐廳中覺得此廚師炒的菜及味道都較出色。

「禾是窮鬼whita 醉愛買抵野」🛖 軒尼詩冰廳 （駱克道） (灣仔)📍 灣仔駱克道139號地下性價比:🐘🐘🐘🐘/5(窮鬼表示茶餐廳is my favourite🥰)1.菠蘿咕嚕肉呢隻咕嚕肉唔係平時食開酸酸甜甜嗰隻味～係偏向甜味多啲💗唔知有冇人一樣鍾意食甜甜嘅菠蘿咕嚕肉既呢😜炸粉都唔會太厚🤤2.脆脆雞扒飯雞扒大大塊，唔會炸得太耐而乾曬，仲有好juicy既肉汁😍jeng jeng😝3. 炸雞髀薯角不得不提炸薯角！真係好正！即叫即炸🥳好脆！仲要好長～好特別🤤炸雞髀都好juicy🍗4.青口青口好鮮～大大隻，唔會有好重既腥味❣️加埋隻汁更加滋味！😙5.例湯好足料🤩 飲落唔會太重味精味6. 凍檸蜜➕凍奶茶平時一般茶記沖檸蜜，一係好濃味，一係好淡味🥺但呢間真係啱啱好🤤奶茶香濃順滑☕️#灣仔 #灣仔美食 #軒尼詩冰廳 #性價比之選

Boyfriend and I decided to have a quick meal before heading to Sotheby's. But when we arrived at Cafe Hennessy, it was closed and to go to their other branch which was just around the corner. The second branch was nicer looking. It looked a bit like a cafe. Except seating is really cramped. The seats are really close to the table so you have to squeeze to sit. It became a bit uncomfortable after a while.Menu is in English and Chinese. There is no 10% service charge and you pay on your way out. T

今日遲左收工，係公司附近食餐便飯，經過呢間冰室好似幾附小菜選擇。坐低同同事叫左3款小菜食👍🏼估唔到咁驚喜有鑊氣。。小菜配白飯及例湯 另+$12蚊，凍飲就加$9，叫左「軒尼詩小炒皇 $85」超推介呢個！勁好食，料又多，有腰果、魷魚、菜莆、韮菜花、炸蝦乾… 餸飯一流。「香煎芺蓉蛋角 $76」蛋有少少流汁，時間整得岩岩好，夾起身舊舊蛋都有料！「椒鹽豬扒 $80」炒得唔算好乾身，但原來咁先正，肉汁鮮嫩，大大舊，有骨既位置會切細舊啲方便食🤭。冰室都有好食既小炒👍🏼👍🏼

收工同同事喺灣仔附近搵嘢食，見到呢間新開嘅冰室，裝修好靚，而且睇menu都好多食物款式。👍🏻，價錢合理，食物質素高，分量大，性價比高！😍👍🏻不過可能啱啱新開，所以晚市唔係好多人。但我覺得佢既質素絕對值得更多人支持。👍🏻咖喱吉列魚柳飯 ($65)好大塊魚柳，仲要有2塊咁多！外皮好脆好正。😋個咖哩汁都好香，辣味就唔多，我自己就幾鍾意，而且唔會好稀，送飯一！🤩乾炒牛河 ($64)鑊氣好夠，超好食。而且唔會好油，真係做得好好。牛肉以唔會“鞋”，好爽口！😋呢個我覺得係我心目中Top3既乾炒牛河。🤭軒尼詩小炒皇 ($85)呢個小菜係佢特色菜式，幾有驚喜！鑊氣好夠！調味都做得好好，唔會鹹，又唔會覺得油淋淋。🤩而且好足料，有蝦，魷魚，叉燒，蝦乾，韭菜。全部我都鍾意食。法蘭西多士 ($42)好好食，個餡嘅花生醬仲有花生粒，口感好好。而且皮脆內軟，好正👍🏻奶茶紅豆冰 (+$9)奶茶底好正，紅豆粒好爽口。👍🏻