輕鬆一下

营业中

休息中

今日趕時間又唔知食咩好見門面又唔錯，咁就是但入咗依間餐廳食嘢直接拎起個是日午餐牌嚟睇叫咗紫菜勝瓜豆腐魚肉湯飯同埋甜酸糖醋黃花魚飯附送金銀菜蘿蔔豬骨湯，叫咗杯熱檸水碗湯好足了，都有三舊紅蘿蔔，碗湯都好夠味檸檬都有三片，都唔錯主菜都好快到，唔會等得耐，大概10分鐘左右一嚟到都呆咗，原來咁大碗即刻諗應該都食唔晒，超級足料好抵食！想食得清淡，呢個係唔錯嘅選擇勝瓜豆腐魚肉都好多，另外佢加配木耳金針菇口感非常豐富，佢嘅魚肉係生菜魚肉嗰種完全啱我啲口味啲餸係多到唔會見到飯最後我都係食唔晒一碗飯，食餸都可以食飽呢條魚大過我塊面，見到已經覺得好驚喜外觀好靚，炸得啱啱好唔會太燶上面啲配菜汁都好豐富，全部都係大大粒食落去外脆內軟，仲要熱辣辣係好好食都好值得推介！

又到下午茶時間，剛巧經過尖沙咀，見茶餐廳都好整潔舒適，就入去嘆個下午茶先。順便望吓其他餐牌，午市和晚市除普通茶餐廳食品外，還有蒸餸飯、炒粉麵，而晚餐有好多款式嘅小炒、川辣食品，下次晚飯又多個選擇！睇番我個下午茶先，有自選雙拼粉麵、中西式炒飯、特式湯粉麵套餐，我就揀咗麻辣夫妻肺片湯米線，夫妻肺片用小碟盛上，有牛肚、牛舌、牛心，下面鋪有青瓜絲，再淋上紅紅的麻辣醬油，灑上香菜，鍾意食辣嘅我，望到已感到好醒胃，而湯粉一 d都唔單調，粉上面有酸菜、雲耳和芽菜，令食慾大大提升啊！

星期日去尖沙咀美麗華附近，午餐時間搵間比較企理同價錢合理餐廳，哩間行過外面睇到佢裝修幾光猛同整齊，午餐餐牌有套餐同小菜，所以入去坐。服務員服務都幾OK- 主動話你聽邊個卡位凍D,- 走又幫你㩒埋自動門講多謝，可能客人吾多，希望能保持叫了一個午餐同小菜食海南雞午餐 （$62）4分- 雖然同比較出名海南雞店，可能只有70分，但高分系因為佢-午餐都可以選擇走胸，- 好細心，連雞翼都拆骨-午餐有湯又有餐茶，性價比高D - 例湯足料，有豬骨，雪耳，木瓜，湯煲到雪耳都融曬，好膠，唯一奇怪系湯有好重魚腥味，吾系個個中意。- 雞油飯無乜香味。菠蘿咕咾肉（$88）3分- 上菜覺得吾夠熱同吾系新鮮炸- 肉和配料份量適中- 肉都肥瘦合適，但炸得好油，吾知道系眯好似電視話無炸第二次。

今日有朋友唔知死，無啦啦主動話要請食飯直落飲酒🍺🍻有人送上門，我同姊妹梗係唔放過啦😈😈不過都錫住佢荷包既，最後簡左間係諾士佛臺附近既茶餐廳食宵夜，主要係被門口介紹既酸菜魚吸引，而且價錢又唔會好貴💰魚肉大大片，刺骨完全去除乾淨，唔會食到魚骨，魚肉唔腥而且滑身，魚肉底層用芽菜、寬粉、酸菜、娃娃菜墊底，吸曬全部湯汁，酸酸辣辣非常下飯。雞件炒到剛剛熟，雞肉又香又滑，加上其他配料，青椒🫑、辣椒🌶️、炸蒜、唐芹作香料去增加香味，香、辣、鑊氣！成個雞煲既味道極之豐富！椰菜花食落爽脆，用辣椒同京蒽爆炒過，食落陣陣蒽香，一個普通既菜都好香口😋麻辣雞煲同乾鍋花菜係用小鐵鑊上菜，鐵鑊下面小明火爐助熱，令餸菜係完成成餐飯過程中都保持到温度🌡️呢個創意我十分欣賞👍🏻

當有一日誤打誤撞下入左呢間餐飯食午飯。 餐牌選擇有好多。 最後選了咖哩牛腩飯。 到現在已番食了三次！首先成個飯， 咖哩汁， 牛腩， 薯仔都係大份量的， 絕對唔同其他連鎖或茶餐廳份量少， 牛腩得一兩舊。 咖哩汁味道的確好食， 港式味道中帶點椰汁香， 辣道適中！ 撈飯一流。 牛腩份量多， 口感柔軟， 唔會痴牙！牛味都好好！薯仔唔硬， 絕對好食！ 雖然價錢要70， 但絕對係是靚午！

酸菜魚，感覺有啲油，份量睇落去好多，有好多配菜，感覺有啲吾抵水煮牛肉，好油，份量吾多，配菜好多，感覺麻麻客家豬腳飯，幾好食😋，份量多，配菜多，幾推薦環境一般價錢有啲貴服務態度好好唔使排太耐隊

週五晚尖沙咀附近好多食肆都要排隊，諗住求求其其食茶記醫肚就算～店面寬敞明亮，又有卡位坐，睇餐牌，我地兩個人嗌左一個海鮮花甲米粉，一份麻辣雞煲。上菜速度都好快，仲好大一份，花甲米粉味道鮮美，亦好足料，麻辣雞煲味道中規中矩不過我地發現有一舊未熟🤦‍♀️總體來講價格都算實惠，包埋野飲埋單160蚊。

今早叫咗個早餐C餐，火腿通粉，配炒蛋、腸仔、多士，啡走。啡走落得好少煉奶都唔係太大問題，令人最失望嘅係佢份腸仔炒蛋亮然倒埋落碗通粉度，嗰條腸仔仲要係烚，唔係煎(茶記應該都係炸)嘅，正常堂食時都會分開上同埋唔會烚熟就算，係咪外賣就可以做得求求其其？定係個水吧師傅諗住倒曬落個碗就封蓋啲主管都唔知自己出咗啲咩嘢食比個客就可以瞞天過海？另外塊多士變咗方包，希望店主睇到改善下！因為平時都有幫襯開晚市嘅出品係正常好多！

相信對於收夜的朋友來講，收工後食個宵夜啤啤佢是一大樂事。那晚在尖沙咀收工後已經晚上11點，行經金巴利道搵食，經過一間叫 「輕鬆一下」D 類食店仲要有啤酒飲，諗住搵到筍野，點知伏！伏！伏！⋯⋯今時今日呢種食店仲可以生存到都真心唔明辣子雞 $128賣相其實OK⋯⋯但一食落口洗腎式的鹹充斥成個口腔，雞肉炸到乾過紙，死鹹死辣，完全唔明白點可以煮比客人食🙈虎皮尖椒 $68一上枱已覺得唔對勁，個蜆汁似鼻涕，又係死咸，食落去好似落咗超多味精藍妹啤酒罐裝 $25全間店舖唯一可取之處就是$25 罐啤酒，平過去酒吧飲😂

味道真係好一般今日講得切仲可以叫到個早餐，我就order左個常餐。呢個係蕃茄濃湯肥牛烏冬，配炒蛋火腿同多士烏冬我以為唔會唔好食，點知佢係太多湯但係個湯係冇味，完全冇蕃茄味，超淡。另外就係個炒蛋，我懷疑個廚房冇落鹽，另外因為一樣，又係冇味㗎哈哈然之後就係個多士，個多士。。。凍凍地，真係麻麻地我覺得唯一好嘅，就係個檸檬茶，味道啱啱好囉價錢真係一分錢一分貨ge....但都要留意一下，因為早餐常餐真係最basic ge 野黎嫁～

炸髀窩夫紅豆冰，從來未食過咁難食嘅炸髀，好明顯就係個咋爐末熱佢就放落去，咁基本嘅常識都唔知我，我唔明佢點做廚房。個格仔薯餅到唔見得好，同樣都係油淋淋，老實講真係睇見都唔想食，唯有進入永遠嘅黑名單

我朋友疫情之前好鍾意都好鍾意嚟呢度食因為近諾士佛台呀嘛，附近茶餐廳就冇咁近吖嘛，所以成日都會行嘅呢間食，又大間，貪方便食完就出去飲酒啦，不過次次食親都覺得唔好食除咗蒸魚好少少，啲飯有啲硬～個梅菜扣肉又冇乜特別，肉質好一般。同埋茶餐廳嚟講我都係覺得偏貴少少嘅，所以覺得個Cp值低⋯係叫做有一壺茶俾你飲吓同埋有啲茶點食吓，茶點我好耐之前都喺度食過都係麻麻地。所以總體質素都係麻麻地比唔到高分～方便飲酒之人去。

等朋友期間 去佐呢間茶餐廳 之前無食過 咪打算試下 以為茶餐廳都係正正常常無咩特別 點知 真係有驚喜啊 係驚嚇先係 叫佐個常餐 連野飲成60蚊...叫佐肥牛烏冬 d肉少得可憐 話係濃湯 但稀過水甘 得幾塊牛肉碎濕濕甘樣 不如叫碎牛烏冬... 而且味道真係....可以話呢個價錢可以有好多更好既選擇 比錢買難受 希望食完唔會疴...我未食完 阿姐見我飲緊野 問都無問 就收走我未食曬既野 我真係o曬嘴 埋單走人一句多謝都無 尖沙咀租金貴 都唔甘啊...

喺美麗華行完之後，就去咗附近嘅呢一間餐廳，見佢啲卡位幾舒服，又係茶餐廳，我只要求一般茶餐廳質素就OK了，所以入咗去食。點知真係好伏，我叫咗一個常餐叉燒意粉，配炒蛋火腿多士。炒蛋勁凍，火腿超級油，叉燒意都係好多一pat pat雞油喺上面。塊多士真係一絕，硬到好似食樹皮，炒蛋同火腿油到好似d油好似唔使錢買咁。我老公叫咗一個午餐粟米斑塊飯，鼻涕咁嘅 汁，魚就唔使講一定係雪藏，有雪藏味啦。不過我哋都覺得求其食飽就算啦，點知就出事。先係我老公屙咗幾次到夜晚都仲係好唔舒服，然後到我返到屋企又屙又嘔嘔咗三四次，半夜個胃痛到醒咗，起身再嘔過。我而家真係好辛苦，但係我都要完成埋呢一篇食評，唔想再有人中伏，自己小心啦！

其實我都係見到menu 寫粗粒花生醬先入黎好啦， 叫左出黎，幼粒我都見吾到一粒30$ 有杯熱飲多士吾脆其實無粒你咪吾好咁大隻字寫粗粒花生醬囉你吸引左人入黎，你又做吾到？唉又晒我$30