輕鬆飲 (已結業)

本人愛好朱古力...眼見朱古力的飲品種類也至少有5種最後選了"棒果朱古力Milktea"...要了少甜少冰, 但冰也有近半杯... 而且也很甜... 值得一讚是, 朱古力味很濃～

旺角輕鬆飲開咁耐就幫襯咗咁耐, 真係越來越多人, 排隊排死人。 珍珠奶茶飲過一次, 但我都係覺得紅豆沙牛奶最好飲, 雖然成日經過旺角, 亦都好想飲, 但好多時因為太多人的關係, 迫住飲幫襯其他店鋪。

初初開業時被門面吸引而買左第一杯,朋友都話好似TAIWAN所飲到既味道,而且價錢平,之後每次經過都會買..但後來要排隊,條隊仲愈黎愈長,就少左幫襯喇..今次見到條隊少人左又心思思買左杯珍珠奶茶少甜少冰,味道岩岩好,唔太甜,小女唔太喜歡平時其他地方買番黎既奶茶..過甜,好似飲糖水咁..而且同其他地方唔同既係呢度奶味好重,仲有細粒彈牙既珍珠,好好味值得一讚係咁多人都維持到飲品既水準,真難得!

23-4-2009由旺角 en route 何文田行路返屋企, 先到登打士街買0野飲充充電. 呢檔平日長龍到離譜, 今日竟然完全唔使排隊, 又買杯波霸奶茶 ($10 大杯裝),「少甜」, 等了半分鐘都無就有得拎. 「少甜」後的奶茶甜度剛好 (咁正常的咪甜死人?), 奶香頗濃, 茶味就較淡, 果然係台式; 而粒粒珍珠硬度 ok, 口感 QQ, 唔錯.以「大大杯」作招徠, 呢杯0野又真係好大杯, 一路行一路飲都幾難拎. 由登打士街一直飲到中電, $10 一杯幾抵飲的, 不過如果要排長龍的話, 就咪搞我了.

我以前好鐘意飲輕鬆飲傢.....即使要排隊都冇咩所謂....但4月有一排冇去飲....點知近排去返.....嘩....乜差左咁多傢?!?!首先，我依排去左兩次都冇波霸.....唔知點解成日都會冇晒傢呢?!!?咁好啦.....唯有叫珍珠啦!!點知杯珍珠奶茶oD珍珠只有2層.....我肯定之前係有好多傢.....起碼有6層.....係唔係佢地唔夠珍珠，要慳oD用呢?!?!.....但我買2次都係咁囉!!最後，本奶茶真係比以前淡味左囉......雖然都尚算好飲.....但如果再係咁落去......隔離間貢茶遲早好生意過佢呀!!希望唔好賺到笑就退步晒啦~~~~~~~

試左2次之後冇再幫襯輕鬆飲啦...我都唔明點解會咁多人願意咁等法排隊俾錢已經要等好耐,俾左錢仲要等呀等,買一次起碼20分鐘你知啦,果個位咁大臭豆腐味,企多一陣個身都會臭最重要係唔好飲囉, 佢地d奶茶得個甜字(已經叫左少甜), 太重奶味珍珠又少又硬, d仙草凍仲有陣膠味唉....算啦

好多人去排隊,,最快都要等10分鍾,,我覺得佢d珍珠奶茶太甜,太多冰,,,下次叫小冰小甜會好好多,,但係d波霸珍珠好大粒好彈牙,,成700cc,,飲一杯就真係好飽,,係個度飲夠十杯仲會送一杯廿蚊以下既野飲,,爽牙

想飲珍珠奶茶明明想試隔離新開既貢茶但唔知點解最後都係返返黎呢度記得以前頭一兩次飲真係覺得好好飲好正但唔知點解耐左就反而無咩特別好飲既感覺係自己慣左定真係退步左呢?今日叫左粗胚芽奶茶+大珠上次叫苤芽覺得無咩口感所以今次叫粗胚芽....不過一飲....覺得太多啦唔該!即係成口都係個D胚芽...可能你會覺得我好煩但我真係有咁既感覺~而且D珠真係好似唔太彈牙.... 杯奶茶就都係咁..無咩特別我都係應該相信自己既味覺...應該係佢退步左!!!不過十幾蚊一杯咁大杯...都抵既...

終於儲夠10個印仔..諗住換杯貴d既野飲享受下....已經叫左少甜...但杯野最後都係好似飲緊奶精咁北海道奶酪奶茶$18..真係好唔得..失望不過返轉頭新哥哥仔都肯加少少水落原本個杯度..但都係好難飲...飲左10%..扔左

超大杯700cc, 飲完一杯好飽!!! 佢d奶茶好好飲, 好飲過茶餐廳, 仲可以揀大細既珍珠! 讚! 芋香都好正!!~~ 自由度好大,又可以少甜,少冰,仲可以自己加珍珠,好多配搭 一定有一款岩自己, 咁都係十零蚊,抵飲la!!~最重要係佢好飲 但服務員沒有笑容, 仲要改善!!!! 有印花儲? 算啦! 一杯一個, 我都唔知幾時先印滿十個

妹妹食飲~飲就飲~真係要等好鬼耐~一黎到~個個杯軟到我懷疑佢會揸裂好甜~雖然我無叫到少甜但係宦9會係咁甜law無茶味~唔係咁好飲~杯咩700cc都無用~唔好飲幾細杯都飲唔落~更可況係咁大杯好彩我媽跟我分享了~'多謝但無下次~反而想試下comebuy

叫左杯招牌珍珠奶茶, 非少甜, $10杯, 大大杯, 珍珠細細粒不過並不彈牙不覺煙韌,沒口感,奶茶, 奶味超重, 完全覺得飲緊奶多過茶, 雖然是台灣奶茶,不過不能一點茶味也沒有吧~!這相比對上一次來試飲時差了, 保持不了水準呢。P.S.還是最愛春水堂那些珍珠奶茶呢~

這間店的operation做得很好快而準不過出品卻略嫌普通實在唔明點解每時每刻都大排長龍香芋珍珠單是飲品的話全糖太甜了半糖又變得沒有味道珍珠是小型的不夠咬口或許我要求太高了罷

星期六下午人龍很長，結果等了大約15分鐘。要了烏龍奶茶，拿到飲品時有些懷疑，因為色澤太淺，不像有烏龍茶。喝下去倒是喝到一點點烏龍茶味，但是味道太甜了，下次一定要少甜。或者試珍珠奶茶比較好?

排咁耐隊真係唔方唔輕鬆一定要叫少糖少冰如果唔係真係好似飲糖水不過咁平既價錢..如果唔洗排好耐都試得過既