影片
港铁利东站A2出口, 步行约2分钟
继续阅读
付款方式
以上资料只供参考，请与餐厅确认详情
黑心店！唔使幫襯！做完運動食少少嘢， 叫一個四餸麵加小食炸雲吞，二人食咗$65。 四餸每餸收$12，煎釀三寶$6一件， 個茄子薄到比手指仲薄... 唔抵食又唔好食都算啦⋯⋯寫到明$50 四餸餐車仔麵係跟嘢飲，店主就話我唔夠最低消費， 要我自己多付$5 買一罐可樂，態度仲要好寸好不屑咁，佢話每人所謂嘅最低消費係要分單計（出去食嘢一枱要分單每人分開計真係聽都未聽過😆）根本係刻意唔俾我哋。 其實啲嘢都係好食又唔平，正常肚餓食要$120 起碼二個人，點解要計到咁，呃旅客錢？仲要店入面佢寫到明最低消費每人$20 。 找錢仲要找張爛嘅十蚊紙俾我哋⋯⋯走咗先至發現，真係以後都唔使幫襯 ， 估唔到街坊舊店都可以咁差。唔係隔離嗰間無開咁多年都唔會入呢間店， 一試難忘啊！
继续阅读
話說朝早2個人做完運動去食碗車仔麵，呢間車仔麵有最低消費$20，反正食碗麵加小食點都有$40(2人)。餐牌門外已經有貼，咁佢有一個$50四餸麵餐寫明(送飲品 或 + $5轉涼茶)，我哋一枱叫咗1碗四餸麵轉出前一丁麵(老闆娘話要加錢$5)、另加1份炸雲吞$15，我相信睇到呢度已經計到我哋張單合共係$75但佢收咗$65。我哋睇睇食物先，煮得正常但餸量偏小($12得2件煎釀三寶仲要薄過杜_ _0.01)，係呀$15嘅炸雲吞得5舊咋，鴨脷洲大街嚟㗎唔係尖沙咀。我平時食嘢俾錢好求其，所以老闆/老闆娘話幾錢我就俾張$100佢找錢，找返$35(3張$10仲要有一張係爛嘅，不過我當時無睇又無數)。食到尾我先醒起未拎嘢飲就問咗老闆娘先攞，點知佢同我講我地淨係食一碗麵+1份小食未夠最低消費，要俾多$10先有嘢飲。起初我未為意，但後來一睇之下，明明你麵餐係送飲品，你夠唔夠最低消費都要送㗎啦，正路唔夠我再叫其他嘢食囉，你套餐都係要送㗎，但2位共$40就算你收錯錢$65點都夠啦！結果呢？唔送，仲要同你講「食麵嗰個夠，無食嗰個唔夠，應該仲要俾返$10我！」。你分開計最低消費都算，你收我錢嗰時無即刻提我未夠錢之餘，仲要商品說明不符(要送但無送)，我返轉頭同你討論反而係我差你錢。希望大家路過想食之前諗一諗自己數學考幾分先好入去。
继续阅读
10幾年前開始吃的車仔面麵現在市區車仔麵 大多重視裝修及門面重視食物 做街坊生意又有幾多鋪頭細細 簡簡單單餐牌都係大大隻 一目了然4餸送汽水 大份又抵食餐牌簡潔 吾需要過多圖片 不過來的大多是街坊 大家都想好食咩由於太餓 只係叫左3餸雞翼 魚肉餃及釀魚肉豆卜粗麵 34蚊魚肉釀豆卜有4件 其實平時食煎釀3寶就常見 但是車仔麵店 平時食的都講究效率那有時間慢慢包魚肉再炸 豆卜已經可能吸湯 加入魚肉 食出店家心機雞翼有2隻 大大隻 吾係油粉炸翼這個是魚肉餃 比較少見 一般都係韭菜餃 豬肉餃本身只係打算問 是不是豬肉餃 還是什麼 得知魚肉餃 就更加要試了 一共有2粒是鯪魚肉 用水餃皮包住魚滑 車仔麵少見的餸吾錯吾錯 中學食到現在 畢業後少食了 仍然好食
继续阅读
適逢小編要在鴨脷洲大街辦點事，隨意在附近速食。從𥚃𥚃外外觀察「 輝記車仔麵」勻是一間街坊小店，用餐環境衛生一般。 食客自由入店安座，再走到 (相信是) 老闆娘面前挑選車仔麵配料。配料不下二三十種，一半是熟食成品，叧一半是冷藏食物，賣相普通。 一碗貢丸餐肉雞翼茄子蘿蔔腩汁米綫，連汽水飲品作價 $43，不算特別「街坊價」。環顧各種配料，味道上只可説不過不失，尤其是雞翼選材過於瘦小令小編最為不滿。蘿蔔製作清甜軟腍則屬佳作。店家既然有腩 (湯) 汁選項，一試無妨，只可惜腩汁味道很淡，相信與清湯分別不大。反而外加的青蔥能帶來更搶香的味道。雖然小編也鼓勵支持小店，但實在沒有條件推介這間「 輝記車仔麵」。
继续阅读
我是看了過往一則在蘋果日報的報導而來的。文中說店家經營多年，是在鴨脷洲區的隱世車仔麵店，用的是有記的粉麵，自家秘方汁醬，生煎三寶，什麼有名燒賣等等。傳統的東西對我來說最具吸引力，正好路過，必需一試。吃畢，當然又被現今媒體所誤導，浪費了寶貴的一頓飯，不值一試。每去一家店，在給予評論前，都必需給予店家一個公度。要麼點它的皇牌食品、要麼盡量多點它家的不同食品，不然寫一編食評說庸記的西班牙焗飯不好吃是沒意思的。今天去吃時都盡量去點不同的餸菜，店家還問我能吃得完嗎。總括來說，我會說這裡的車仔麵是不好吃的。對我而言，車仔麵是我們吃著在車仔裡賣麵的年代而成長的，車仔麵又名嗱渣麵，所以衛生情況聞其名可知一二。說來也奇怪，那年代的東西有多髒得多髒，但又不見得出現什麼肚痛的情況。說回車仔麵，每一家認真做車仔麵的店，都必會堅持最少有一道菜是有自己特色而好吃的，我點了這麼多，可以敢言這家店連一道好吃的菜也沒有。湯，是清湯、味如開水，咖哩醬，是只有辣而不香濃，入湯即化。車仔麵的湯和醬是一麵之靈魂，兩者不佳者，就只能靠每款餸菜之濃調味來把味帶入麵中。可惜，這裡的魚蛋是軟的，牛腩是硬如柴的，豬腸咬不開，豬紅正常，豬扒、雞翼、煎釀三寶是冰的，最不明白的是為什麼那些煎的東西可以是冰的奉客？這不單是對食物的尊重還是對顧客的尊重。最後，為大家介紹幾家車仔麵家，各有特色，包括香港仔的車仔麵、鵝頸橋街市裡的車仔麵和軒尼詩道的車仔麵，各有特色，別老題著糖街的雞翼尖了
继续阅读