農米莊 (豉油街)

营业中

休息中

無錯又係米線😂今次係雞湯米線！本身諗住食隔離貴川 結果無開🫠呢間除咗雞湯米線 仲有湯飯 燴飯等等-酸辣雞湯米線 $52 [👅7.5/10]因為我鍾意食酸啲 呢個湯底對於我嚟講唔係好夠酸不過湯底好鮮甜 應該真係用雞熬出嚟🐓同埋無乜味精味👍🏻米線就無乜特別 質地都係啱啱好不過要講下啲雞！好正！好滑好嫩🥹皮又薄😋呢款本身跟雞件 五十幾蚊嚟講 雞嘅質素已經超晒班😗一碗入面有生菜雲耳豆卜冬菇支竹🥬-朋友食咗喇沙雞湯 佢就話唔係好夠味 偏淡🫠鋪頭仲有藥膳雞湯 椰子雞湯 花膠雞湯如果下次有機會 都可以試下🤞🏻

平時黎食都係食椰子雞湯米線或者藥膳雞湯米線，今次決定挑戰新口味～午市時間（每日中午12點到下午5點半）食非常抵食，大部分米線價錢都係$50內——-黃椒雞湯米線配農米雞件 小辣 $42配料有滑雞件、冬菇仔、豆卜、生菜，好豐富！一個女仔可以食到好飽～雞件既位置一啲都唔頹，唔會係無肉既雞背位，而且係滑既湯底有黃椒香味，但唔算好濃，我覺得恰到好處～ 店員話黃椒湯底都會辣，所以叫左小辣。但發現其實呢款湯底似乎無咩辣味，定可能因為小辣左，只有嘴唇覺得有啲辣

一日內地遊經新皇崗口岸返香港可惜觀塘車無通宵唯有搭去旺角再轉車返屋企朋友建議落得旺角不如食碗米線再散band見天氣咁凍梗係應承啦🤣暖下個胃都好1️⃣懷舊藥膳雞湯米線一上枱就聞到濃濃嘅藥膳味道材料都相當豐富有紅棗、蟲草花、枸杞、冬菇、雞等等$59一碗 算相當不錯2️⃣椰子雞湯米線湯底清甜雞肉嫩滑唔多骨配左豆卜、雲耳、椰子絲等可惜米線有少少偏硬生菜🥬係苦☹️導致後半碗無辦法再食落去不過呢一餐都算係平民價錢 中等享受😃半夜可以食到一碗熱辣辣嘅米線係何等幸福🤤

懷舊藥膳雞湯米線 $59******************************每次行旺角諗唔到食咩嘅時候就會過嚟農米莊食米線😂因為真係好鍾意佢嘅藥膳湯底🤤寫呢篇食評嘅時候先驚覺我食過咁多次都只係食過佢嘅藥膳雞湯米線🤣朋友就鐘意椰子雞湯米線😗***藥膳雞湯有藥材味但不帶苦清甜唔膩可以當湯飲👍🏻配料有雲耳、杞子、紅棗、蟲草花等等好足料😋聲稱唔用味精煮湯底飲完又真係一啲都唔口乾👍🏻名副其實係一碗養生靚湯米線

【雷門為食街 Layman's Yummy Guide】 星期六睇戲前覓食，六點幾未開始多人唔洗等位👧🏻 🍴 農米莊 NMC Noodles @旺角豉油街68號地舖 1. 生滾龍蝦雞湯泡飯－跟農米雞件 ($128)😗 朋友之前食過龍蝦米線覺得OK就試下食泡飯，覺得濃味咗少少食唔曬啲飯，不過不失～2. 喇沙雞湯米線－跟農米雞件 ($59)😍 喇沙一上枱已經聞到好香，米線夠份量又掛汁，唔辣又夠香！不過雞件今次比較多係關節位～3. 鮮竹龍蝦卷 ($29) 👌🏻 有甜酸醬，食落似墨魚滑唔太食得出係龍蝦卷，不過29蚊有5-6舊而且唔會炸到好燶，整體還可～我哋每人+$5要熱柚子蜜，埋單$226，不過只收現金所以大家去食要撳定錢啊💰💰💰

旺角呢一間嘅農米莊排隊人數非常之多，即使唔係午餐時間嘅話都有好多人嚟食，而佢咁受歡迎嘅原因當然係因為佢嘅米線嘅質素真係非常之高。今日去咗試佢哋嘅芫荽湯米線，成碗都係綠油油嘅，真係非常之搞笑，以食落去嘅芫荽味都剛剛好唔會話泰龍掩蓋左雞湯嘅味道。而米線亦都住得非常之淋，份量亦都真係好多夠晒飽，個人認為農米莊嘅價錢喺九龍區來講都算係唔錯，呢個質素只係40幾蚊一碗嘅米線，簡直係非常之抵，而味道亦都係剛剛好非常之濃郁

今日凍凍地想食暖暖的食物，就醒起這裏有一間雞湯米線。下午茶時間，不太多人。太多選擇，最終選了椰子雞湯，雞湯充滿着椰子的香味。由於椰子雞湯太好飲嘅關係，忍唔住飲晒，仲要有雞件同配菜。食完暖暖的，真係一碗可以飲晒啲湯嘅米線。價錢相宜，而且湯濃又不油膩，感覺健康養生。最適合冬天食。

農米莊見佢開得好多分店都未試過，一於黎食一次，果然不負所望，幾有質素，而且睇到舖頭服務好，人流超大，我地食嘅時候都已經坐滿全場，一半係學生放飯懷舊藥膳雞湯米線材料豐富，豆卜、木耳、生菜、紅棗、杞子、蟲草花，湯底清甜，藥材味唔會過濃，非常好味切雞都非常嫩滑黑蒜油雞湯米線黑蒜油蒜味比較淡，唔太食得出黑蒜味，不過米線份量超大，加埋切雞都5-6件，我一個男人都食唔晒啲米線

［旺角］養生藥膳雞米線Lee 間都有食過好多次，平時食開尖沙咀分店，旺角都食左幾次🤤最鍾意佢嗰個藥膳雞湯米線☁️懷舊藥膳雞湯米線$59份量足，湯好飲，藥材味濃，無味精，啱晒養生的我☺️，每次都差唔多飲晒碗湯🤤配菜包括有冬菇，雲耳，杞子，紅棗，川穹，蟲草花及時菜。整體味道：🌕🌕🌕🌗🌑環境：🌕🌕🌕🌑🌑地區：#arfan_foodie_mk類別：#arfan_foodie_小圈子聚會 #arfan_foodie_couple #arfan_foodie_獨樂樂

同朋友係旺角隨便逛逛，行到餓入左去試呢間「農米莊」米線，晚飯時間去，都要等一等位入到去見到有好多選擇，我同朋友都叫左佢既椰子雞湯米線，飲品叫左凍檸七同凍檸樂，爽到痹講返米線，佢都好足料，雞件啖啖肉十分滑，另外佢嘅椰子湯底都好好飲，飲完唔會好口乾食完之後行出去都熱辣辣，暖笠笠另外叫左5隻花雕醉雞翼，賣相唔錯，味道都相當好下次會再幫襯

已經幫過好多次，湯底好好味，雞量也非常足，一定食飽！湯底試過好幾隻味，都同個名一樣，正！而且，飲完後不會口渴！外賣的份量較堂食少，所以如果可以堂食，建議堂食！！！

椰子雞湯米線好耐冇食，今次水準差左好多🤧個雞有紅肉，食落唔滑，份量都好小。個湯底加多左味精咁，以前係清甜，依加食完好口乾，同埋椰子味都淡左，個米線又煮得唔夠，仲係未散，咬落未淋….🥹🥹好失望，以前仲覺得佢個雞湯number one💰HKD$58

➼ 喇沙雞湯米線（跟農米雞件）未開始食就咁望啲雞件都已經覺得應該會好滑！點知食落真係好滑！連啲皮都好薄☺️果然係主打！而且份量都唔少，四十幾蚊嚟講好抵食！至於湯底方面就比較一般🥺有時會好怕湯底會有一層紅油喺上面，好彩呢度都冇，而且冇好重嘅味精味👍🏻不過就略嫌唔夠濃味同比較稀，可能比較適合食得淡味嘅朋友～

住喺旺角，周圍都係餐廳，而呢間餐廳成日經過，但就係未食過@@門口貼住藥膳雞湯米線係必點之一，就試吓佢喇！另外仲嗌咗小食-黑金雞翼～整體嚟講，藥膳雞湯米線嘅湯底有紅棗同杞子，但味道略淡，雞肉份量多同滑，而黑金雞翼就偏鹹，味道一般般！

今日有啲勁無奈，而且非常唔開心， 2:00凌晨放工的時候，我記得旺角呢一間佢門口寫住去到3:00凌晨都仲可以叫外賣。點知今日星期一去想買外賣嘅時候，已經關門，致電他們，詢問一下不是外賣至到凌晨3:00的？點知店員居然說廚房2:15已沒有人了。請問我怎會知道你廚房幾時沒有人呢？如果你去門口的字條寫外賣至到三點，那請你應該確保廚房運作至三點。如果廚房2:15已沒有人。你應該清楚寫明外賣到凌晨至兩點。我本來非常之喜歡這間餐廳的食品，非常高質素及美味。但這樣不理想的外賣時間安排，我卻非常之失望，下次還是想想吃不吃了。不想再失望多一次。