近水樓台 (已結業)

東涌friend請食飯，唔講都唔知機場有個秘密私竇。中秋有幸去食buffet，有鵝肝、有焗蠔、有魚生，食物種類唔算多，但食物有質數，樣樣精緻好味。就算最普通既炸子鷄，都係黃油脆皮，飯係細細件既迷你荷葉飯。戶外有個觀星台，睇曬機場景，幾特別，同一般香港夜景好唔同。但令我最驚喜既係甜品，一向對中式甜品都麻麻地有興趣，但係今次真係有改觀，呢度啲雙皮奶、酥皮蛋撻仔、西米布甸全部都係新鮮即做迷你版，啱女仔咩都試吓既心態，真係好好味，唔會太甜，蛋撻啲酥皮一層層，好鬆化，上面仲舖咗燕添。終極驚喜係蛋白杏仁茶，由細到大聞倒杏仁霜都嘔，近水樓台呢碗蛋白杏仁茶我連食三碗，原來佢地係用中式龍皇杏，唔係西方啲杏仁，所以味道香而不作嘔，勁勁勁推介。 今年團年飯，一家人總算有個新地方可以去。

中秋節個時黎過呢度食buffet..覺得d野好好食,而且個view唔錯,可以睇晒成個機場景!所以決定黎試下飲茶.......飲茶,d 野同出面有少許唔同....幾特別,佢地既紅棗....一流 ---- 勁煙"un"!!!! 我叫佢做神奇紅棗...哈哈哈燕窩餃~~~d料好足~平時出去有得食既話..都係得"丁屎"咁多燕窩..咩都無~.呢度巧多.仲要就快流出黎咁既樣~唔錯..會再黎...下次我會同男朋友仔黎食佢地既聖誕除夕套餐...好期待呀~~^0^

好豐富既dinner...近排見到報紙介紹話機場有間會所對外開放.......咁好奇就約左兩個朋友去試下~~~之後諗住帶媽咪去食下~~~平時去到機場無咩好食~~~呢間值得推介~~~而且都唔係好貴~~~佢地出面仲有個outdoor可以睇晒機場個view....夜晚同日落個時勁靚...不過有d凍.....聽個度個bartender哥哥仔話依家仲可以搞wedding...佢地之前d member都搞過....個feel 好好呀~仲有直昇機接送呀~~~不過個location唔係咁易搵~~~但搵都值既~~~