連和燒味餐廳

营业中

休息中

Lunch 突然想食乳豬 經過就買 。門口雙拼32蚊我都無買 買乳豬燒肉 $70 買果時同收銀講要薑蓉拎走行左幾步發現無 行番轉頭一野話我下次早啲出聲喂 你收銀無講係你地問題啦等佢不番俾我個阿姐話我出去等唔好阻住晒我真係好家教先唔同佢開拖而家你地啲阿姐大晒啲客買飯食乞㗎？痴痴地線香港飲食業快啲沒落好想睇呢班阿姐乞食

講真，連和燒味餐廳真係有好有唔好🤔 好嘅方面，梗係抵食啦！價錢平，份量又大👍但係講真，品質真係比較參差。😕 試過去到食燒鴨飯，燒鴨唔熟，嗰次真係嚇親！好在之後都冇痾冇嘔😫個環境都麻麻地啫，成日逼到你坐得好唔舒服，好似罐頭沙甸魚咁。🥫🐟 有時啲服務員都好急急腳，態度麻麻哋。🏃‍♂️😑總括嚟講，連和係平嘢嚟嘅，但係你都要睇下自己嘅運氣點。🎲 如果你想搵平嘢食又唔介意品質參差嘅話，連和都係個選擇。但係你想搵穩穩陣陣、有質素保證嘅餐廳，咁就可能要諗多兩諗喇。🤔💭我自己而家都會間中去食，但唔會期望太高。當係平嘢、填飽肚就得啦！🍽️😌 要記住睇清楚先食，小心啲先唔會出事囉！👀🙏

好難食，呢間分店連食兩次燒鴨飯，d燒鴨都係皮黑又厚又肉又柴，無塊皮食得，記得第一次喺佐敦店食超好食，皮又薄又紅，肉又夠juice，因為屋企住太子果邊，食過佐敦一次後專登搵返呢間食，無諗到咁難食，呢間分店以後唔會再幫稱

中午12點幾去到旺角 想食過快飯 行入去啱啱有兩個面壁位 就坐低叫咗豉汁蒸鯇魚腩 枝竹蘿蔔火腩 個阿姐serve我哋態度OK 鯇魚腩好新鮮 豉汁蒸得啱啱好 火腩有兩嚿比較肥 枝竹蘿蔔OK 今日例湯係南北杏霸王花煲豬肉 味道幾好 唔會好似飲滾水加鹽 有機會會再去試吓啲燒味

外賣肥叉燒燒肉飯，收銀打飛收據上無註明肥叉，又無同切肉師傅講，於是我同負責打包的阿姐講，票號***要肥叉，佢無理我，低頭繼續手上的事，我等咗十幾秒，見佢當我透明，只好跟切肉師傅講要肥叉，師傅直接罵人，話唔知自己切到幾多號票，我剛才那個唔理我的阿姐馬上大聲講已經應咗我，已經聽到，咪應咗你，已經知道！回家打看化合一行，叉燒全部係又柴又乾的瘦叉。咁差嘅服務態度唔會再幫襯。外賣飯盒，加薑蓉或芥辣都要收費。超級差勁。

我唔介意你收貴少少 但係唔好次次都畀啲垃圾雞人食 全部都係雞骨 上次堂食要過炒飯 有條鋼絲喺裏面我已經冇投訴 叫你畀多少少薑蓉 斬燒味嗰個阿叔 話已經畀咗好多， 打開盒飯得少少 好似食佢副身家咁 收銀嗰個就黑口黑面 做生意唔係咁做㗎

因為想食燒鵝同趕住返屋企，見到地鐵站附近有間連和燒味，咪行入去買外賣。首先個呀姐都好串，好唔休做咁，都唔係好旨在你一個半個客。跟住買左上庄燒鵝，返到去屋企一打開就戲肉黎，首先份量少，又多肥膏，食唔落口。我呀媽食完仲要話無味又鞋口。個價錢又唔係平，都要110蚊。買完睇到openrice先知原來依間餐廳係咁惡劣，真係唔會有下次。今次依篇食評係希望其他巴打唔好再中伏，俾錢劣質餐廳賺。味道:2/10環境:3/10態度:3/10價錢:2/10總分:10/40評級: F+(極惡劣)

嗌左個30蚊外賣叉燒燒肉飯，燒肉皮唔脆，燶到苦，叉燒又黑晒，菜啲咪都怪怪地，連飯都好難食。。。 😑燒肉唔得，叉燒唔得，菜唔得，飯唔得。。。夾硬食晒啲叉燒同燒肉就算。。。無下次了。。。未試過食一個燒味飯可以難食到咁。。。

本身都買開呢間燒味，d味都唔錯嘅，試過嗌燒排骨師傅俾叉燒我，仲係瘦叉～今次嗌燒肉，嗰燒肉冇皮😂俾左錢後同收銀姐姐講話想要淋d酸梅醬係上面（因為上次有其他姐姐都係咁樣幫我淋上去🥹）然後佢話你唔早d講，就唔理我啦🤣🤣服務行業，洗唔洗咁姐😂做咩咁勞氣呀😂又唔見你痴張紙寫需要醬汁提早揚聲🫠

被衰人所害，揾食肥華和靚媽做咗新冠肺炎患者嘅親蜜接觸者，被逼在家隔離，坐疫監9月9日坐疫監期滿肥華和靚媽即刻出旺角太子搵食主要係去陳意齋買蝦子扎蹄 ，做送禮嘅賀節禮物，然後路過此店見窗廚掛起的燒味外觀唔錯， 又不用等位所以肥華就和靚媽入內，每人食一個燒味粉麵茶餐，若以今日呢個價錢來評價呢兩碗燒味濑粉及米粉，可說抵食夾大件，粉底夠多 ，叉鴨瀨同叉雞米都係有脾位， 叉燒雖然唔算肥但仍可接受更有燶邊， 加埋兩杯一凍一熱嘅飲品 以咁嘅價錢埋單 ，肥華絕對滿意💯👍

趕時間，喺旺角食個晏，沖入連和叫個燒肉肥义飯，再加個例湯，碟燒肉义燒飯飛快送到，頂唔係肥义，係鞋颯颯嘅义燒，就連燒肉都勁瘦，好彩燒肉唔係好鞋，又少豉油汁，飯又唔够熱，真係食到鞋口鞋面，好彩碗例湯還可以，係雞腳瘦肉青紅蘿蔔老火湯，都够熱，飲落唔多味精味，啊姐重比咗一碗滿滿青紅蘿蔔和瘦肉嘅湯比我，青紅蘿蔔出奇青甜，瘦肉都鞋咗啲，但都比鞋义燒易咬! 最慘食食下有個啊伯入嚟搭枱，頂呀！噤只好快快飲完個湯，爬半個飯就比錢走人。真係感覺差勁的一餐!

外賣燻蹄飯有例湯送大份過堂食，$44堂食貴成$20 整體都幾好呢個價錢無咩要求唔難食 不過收銀態度麻麻問佢拎䜴油話燻蹄飯有汁加其實我就係想加豉油可以再做好d#外賣app無得送要自取

12點去到同價錢無湯，唔知點解其他人同樣價錢會有，離2點下午茶仲有距離應該關下午茶嘅事凍飲熱飲同樣加10蚊份量少夾唔抵食，仲有個燒鴨肉質真係好差，皮又唔脆，人均60蚊來講我覺得唔值呢個價今次完全係俾佢伏得好厲害，仲要食完唔飽，要再食先夠好差

今天做節，原想斬料加餸，去了旺角一間老店，好似好出名，自己明明選了一塊靚燒肉，奇怪這個燒肉佬問，要不要斬件，我當然要啦，他話地方路窄，容易碰倒，要我們暫時離開，過了五到十分鐘，已經包好就直接拿回家，一家人吃，誰知道全部變成肥膏，番查Open rice 紀錄，原来已經有人留下這一間的評語，這種手段已經不是第一次，早知道買之前，先看Open rice 評語，現在希望大家不要再受這種“不一様”的待遇，小心他們的手法。避免影响過節心情，唯有寫下来警告大家。

叉燒飯(少飯）望落好多叉燒，但其實真係可以食嘅只有好少。d 叉燒有d 係瘦叉有d 係肥叉，肥到d 肥糕咬都咬唔開，d 瘦叉乾同柴到不得了，仲要無密汁同埋唔入味，最正常係d 菜。雖然好平$28,但好又一餐唔好又一餐，只會係諗唔到食咩時先會食