連和燒味餐廳

营业中

休息中

中午到旺角開會， 經過西洋菜街原來已經中午時段， 快快搵間餐廳食午餐。🍽️🥢到連和燒味餐廳， 一間港式茶餐廳， 就試下這裏的燒味啦！叉燒油雞飯$44 + 凍奶茶$8。 賣相都幾靚又吸引，叉燒半肥瘦， 好開心有油雞髀， 雞髀肉質嫩滑好味， 凍奶茶口感好順滑。 整體都算唔錯， 因為平時茶餐廳的飲品多數都是普普通通的， 再加上這裏價錢適中， 在旺角區五十幾蚊一個午餐算是抵吃的。😉連和燒味餐廳地址: 旺角西洋菜南街222號地下

下班之後在家裡附近看到這家燒味，看到櫥窗裡的很誘人，就要了一個雙拼，滷味豬腳拼叉燒，價格都很便宜，只要38蚊，豬腳味道一般，叉燒也不夠Q彈，總體有點失望，下次不會再去幫襯了！

加料好選擇講緊半隻油雞都$50但係三隻雞髀先至$30我諗唔到理由點解要買半隻油雞而唔買雞髀本身我諗住買兩隻算但姐姐話買三隻先可以斬 兩隻唔斬咁唯有買三隻啦都ok嫩滑 拎番屋企淥個麵又一餐

買左咁多次燒味從來未試過比人呃😡至少我買燒鵝唔會比燒鴨我🤷🏻‍♀️個人好鍾意食燒腩骨幾個星期前第一次路過幫襯燒腩骨覺得幾好食，皮脆肉軟又入味就打算以後有機會就會再幫襯今日專程坐幾個站車去旺角買我：唔該一條燒骨女人：好呀拎住罐啤酒的男人：呀妹幫呀媽買餸呀？我：唔係（心諗關你咩事）拎住罐啤酒的男人：等等 好快有等左一陣女人：呀妹 多謝90蚊我：（心諗貴左咁多，上次買兩條燒腩骨先150蚊，不過覺得幾好食就算啦，同埋我好少討價還價）拎左袋燒味後好好奇到底係幾大條所以打開個盒睇，發覺得兩舊係有骨，即刻火滾！😡我：唔好意思呀先生，呢盒唔係燒腩骨拎住罐啤酒的男人：點會呀 拿 燒腩骨有好多種 盒入面呢種叫腩仔骨我：我係買燒腩骨喎，唔該換返比我拎住罐啤酒的男人：其實都一樣架 你睇吓都有骨呀我：先生，生意唔係咁做架，呢啲係叫燒肉唔係燒腩骨！😠拎住罐啤酒的男人：唉 換比你啦今次見住佢砍條燒腩骨見住佢秤，見佢無講幾錢就比左盒「燒腩骨」我，咁我又無問要加幾錢就拎左走。過左馬路開始覺得都係打開盒望一望穩陣啲，一打開真係嬲到出煙（見圖），根本就係第一次比我個盒燒肉，根本無換過，唔怪得無多收我錢。當下嬲到dum左盒燒味

係門口見到有燒肉 念著買返屋企岩岩俾完錢 店員就立即是但拎左一舊肥到無肉既燒肉去切 叫都叫唔切 買完完全食唔到態度黑面 買完仲要一肚氣 做生意非常唔老實 絕對唔會有下次！好失望！

第一次黎食，原本想食飯，但見有這個下午茶，豪不猶豫。都說過這個是對厨房測試的菜式，一則味道調配、二則火候，今日呢度食完，就產生了三則用料！燒味店講究用料，從未食過如此多鴨絲！你看，未食完都仲有咁多料！開店不易，尊重食品本身更不易，雖說老店，舊舊的，珍惜。

如果你係追求平食得飽,呢間真係唔錯最抵價: 單拼 $26 雙拼 $28雙拼組合真係食足一個禮拜都唔厭我最常食的食燒鴨拼燒排骨燒鴨皮好香而且脆,好食過後面街的x記燒鵝 燒排骨唔係鹹,係似叉燒咁甜甜地香口的!之前有試過叉燒,但我覺得一般姐~雙拼太平啦~所以每次都係雙拼.但其實單拼都係豐富會舖滿飯面我每次都要叫少飯,少完食晒都覺得好濟~成日都有人話佢餐廳D員工態度好差,我又覺得佢咁平,差D都唔係問題試過有次去X記燒鵝,已經叫外賣,伙記唔理人,外賣又貴呢間你態度好D,佢對你都好D

住附近間唔中都有幫襯開。自從多咗人幫襯之後加曬價，唔憂做態度差咗好多。以前啲叉燒燒得好靚，燒味飯又抵食。油雞脾細隻咗好多，燒肉唔脆，叉燒好硬😥唔抵食收銀員態度好差，經過都唔會再幫襯啦！

Been craving char siu for a while and decided to give this restaurant a try. The char sui rice was pretty good, but I would’ve liked it if they gave me more veggies They only gave me like 3 stems of chinese broccoli, but at least it wasn’t really hard to chew.The char siu was so juicy and I loved how the rice soaked up the fat from the meat, but the rice was also soaked with soy sauce, making it really salty. Will ask for less soy sauce next time if I come here again.

呢間餐廳非常唔老實， 他們所謂的下午茶其實是有古惑的，話就話2點開始， 不過他們的收銀員會調教收銀機的時間慢3-4分鐘， 然後照收你正價。當你發現左同他們講的話，他們馬上會發脾氣，唔想做你生意， 逼你自己走。他們的員工態度都很差，黑口黑面，唔知點解。我當時去呢間是因為離地鐵站近， 同有下午茶食，之前是沒有來過的，點知就中伏了。 我看旁邊的食客都唔敢點出聲，可能因為班員工太沒有禮貌。我很希望這餐廳能改善服務態度和老實一點， 其實你們是有前途的，不要因小失大。加油！

我好少食野肚痛嘅，估唔到呢世人第一次食物中毒就係呢間野，真係冇下次。事緣過年前行在附近行街買嘢，經過呢間野，見到d燒肉看似幾靚，於是買咗百幾蚊燒肉同老婆兩個人食，返到屋企一小時以內已經食，結果兩個人第二日就不斷肚疴，睇醫生話係食物中毒，疴咗兩日先至好d。由於嗰兩日我同老婆一齊食飯的就只有這一次，而且我老婆平時煮食又非常小心（寧願太熟唔好食都好過唔熟𠴱隻），所以最大同唯一嫌疑就是呢間嘢。真係怕怕，冇下次。

平時買飯已經見到連和啲阿姐係咁凶想買燒味啲阿婆阿伯，今次到自己出事！叫左個燒肉飯拎走，番到屋企發現有一半都係叉燒（係單拼既份量，絕對唔係雙拼），因為本人真係唔太喜歡叉燒所以都寧願行多幾步番去換去到門口已經等阿姐搞埋單生意先同佢講我唔要叉燒，佢俾個*師父*過目之後話「呢啲唔係燒肉咩？」我叫佢翻開望下，有一半都係叉燒黎（我冇影相，因為我冇諗過佢地咁黑人憎而且冇諗住搞到人地做生意）個*師父*就眼超超咁話「呢啲邊係叉燒呀，你識唔識分架」食左燒肉廿幾年稱得上為燒肉忠實粉絲既我十明白燒肉有靚有唔靚，肥有肥食瘦有瘦食，但絕對唔會唔識分咩叫叉燒咩叫燒肉，然後扯火咁答佢「即使呢啲唔係叉燒，都唔叫燒肉囉，冇皮既點算係燒肉？你咁唔願斬過可以退錢俾我」佢繼續堅持果盒係燒肉（入面的確係有燒肉但係有一半係叉燒！）我費事理佢，叫收銀退錢俾我，點知個*師父*好大聲咁鬧「唔係唔想斬俾你！係因為你冇禮貌！原本斬啲叉燒係益左你呀！」心入面有千言萬語想回應佢，但同佢地拗係冇用！我以後都唔會再幫襯！even以前食開銅鑼灣分店幾好味我都唔會再幫襯連和！

今天看到這店子很平民化，便走去試試。店內姐姐態度有善，看看價錢合理，我們便點了燒鹅飯和叉燒拼燒肉飯。店子好安排，桌子上有一壺熱水和杯子給食客使用，真細心，不似有些店子，左叫右叫也送不到一杯水來，這裏值得一讚！更開心的是甜酸醬任用，大大支，太好了！兩碟飯來了，大大碟，餸舖滿了碟子，使人食慾大增！叉燒入口淋身，水準達中上，燒肉皮脆，肉不會太鹹，還有菜心伴碟，入囗爽脆，沒有苦味！燒鵝肉質正常，水準亦達中上，件數也不少，比起一些有牌子的店子更好吃！要提提白飯煮得不錯，軟硬適中！例湯用料足，不會太肥，真的不覺有味精！總體不錯，是有良心飯店！

今次係第二次去買外買食。每次都帶被人有全新感覺。上次買得多，义燒都叫過得去，所以都有點信心。今次員工見人客買得少，價錢小。就態度勁衰。我都係想買少少自己食，之前舊店都感覺好親切。夠貼地。現在可能你窮就唔好去食會好點。

在旺角上班 想要便宜地解決一餐絕不容易 雖然熟食中心已經夠廉價 但仍要三四十蚊一餐 如果想終極慳錢 只能吃飯盒 所以每逢月底就愈多同事買燒味飯 開源節流以應付糧尾我例牌叫叉燒飯 單拼$26 這價格在旺角來說算是便宜 但對比其他地區 已經貴了幾蚊 份量算多 一排叉燒鋪滿飯上再搭兩條菜心 菜心無草青味無苦味 合格 叉燒通常偏瘦 今次亦不例外 個人其實比較喜歡半肥瘦 但不敢提出要求 皆因收銀阿姐比較躁底 但今日見有人買的時候提出要瘦點 阿姐亦有轉告師傅 我下次也應該鼓起勇氣提出呢