迪森飽飽店

营业中

休息中

經過上環見到間少有的傳統餅店，見價格平就買兩件做下午茶。老婆餅/外表不錯，而且有暖爐一直烘熱，可惜餅皮好厚，冬瓜蓉比例好少，似食緊無味的腰果酥。紙包蛋糕/吃起來紮實，有份量的。口感黏口，雖然是熟的，但有點像未熟蛋糕。整體味道質素不太好，但勝在價格便宜又大件。

麵包非常新鮮定價也非常便宜普通麵包賣八個半, 對比起附近最平的凱斯，都要平一蚊美心而家可能普通一個包都賣十一二文，三文治12文也是十分抵食質素也不差的， pret 可能差不多嘅嘢賣緊三四十文，加奶茶也不要十文 所以實食得飽啊，基本上亦都好味。

中午於上環做體能測試，只有十五分鐘吃點東西。便和友人到附近看看有甚麼快餐店，走到街口望見對面馬路有間麵包舖，於是決定買麵包食算了。這間店舖不大，但麵包種類都很多。買了合桃提子包$6、蛋三文治$13、迷你奶黃面包$10三個。本來只是想醫飽肚，沒有太大期望，喜出望外是這裡面飽很新鮮。合桃提子包很軟熟，雖然合桃及提子很小但麵包很軟熟，沒有硬身實的的感覺。友人說三文治也是做得很好。迷你包也一樣，非常新鮮鬆軟。

當天早上買定兩個麵包,也不會太多人~舒適的環境~可以慢慢選麵包~ 咸卷 $3.5比我想像中的size比較細…味道不錯,整體帶少少咸味 菠蘿包 $3.5菠蘿包的味道仍是好吃,帶甜美的味道,個菠蘿皮的水準確實不錯 所以一試再試~收銀的有笑容~買得開心

服務態度認真麻麻…勝在麵包價錢夠平!朝早吸引唔少上班族前來買麵包~提子棒$5麵粉好似湯丸似的「軟林林」口感,完全無酥脆的口感,Too bad~雖然麵包size係幾長,幾大條,可惜食落口唔係咁討好,加上食左少少已經感到好「濟」…完全不建議買呢款麵包 表面塗上的蜜糖過多,個麵包一放入麵包袋已經好wet….. 麥包 $3.5呢款麵包幾大個,脹卜卜,口感也不錯,滿口也是麥香~新鮮

十二月中旬‧有雨下午，想吃一點東西，就來這裡吃個蛋撻。見酥皮蛋撻不太吸引，就要了個牛油皮蛋撻。牛油皮鬆軟酥化，蛋餡香滑而不太甜，味道很不錯。當然，便宜不便宜，也是比較。當同街的店子蛋撻賣四元而這裡只賣三元半，加上味道不錯，就是便宜。

去買完桂林米粉，順便走嚟買蛋撻。見到有香蕉蛋糕，結果兩樣都買咗！我真為食！脆皮蛋撻 $2.5比較呢度嘅酥皮蛋撻細些少，但係我鍾意食呢款多啲。曲奇撻，香脆得嚟夠鬆化，好味！以往質素都唔差！不過，今次焗得過火有點燶。香蕉蛋糕 $4實在比較其他餅店細得多！我擺喺杯墊上面，一睇就知幾咁細！一咬已經好乾身，甜味都夠；食多兩啖真出事！澀口兼難食！真係唔知呢度落咗啲咩....? 好失望！

經過上環. 見到有間麵包店.又入去睇下買咩包試好.其實一心入去買幾個迷你麵包試下.但見到有幾個香蕉蛋糕＄４. 睇落個樣又唔錯.所以放棄左買迷你麵包. 食落冇咩特別. 香蕉味唔太出.但聞落好重香蕉油味.唔知係我唔中意食香蕉蛋糕定係真係味道麻麻.不過睇落好似細細件. 但都好重手.因為舊蛋糕好實心.大家經開過可以試下買再話我知個味道. 收銀姐姐好好人. 因為我係個度考慮左買邊款好耐.佢都冇出聲話我. 都算唔話得了.