迷客夏 (利園山道)

营业中

休息中

本身就好中意飲迷客夏嘅芋頭鮮奶，但今次唔係飲芋頭鮮奶呀，今次係因為MC代言巨峰提子🍇系列，身為賦二代一定要去支持下啦😆佢有三款分別係巨峰提子乳酪，芝芝同冰茶，因為乳酪同吱吱都肥仔啲，所以揀咗冰茶,。亦由於養生只可以走冰，不過甜度係固定嘅🥲試飲完後都明嘅，其實唔係好甜，我估應該真係提子打碎成汁？🤔事先聲明我好鍾意食巨峰提子，但係巨峰提子製品唔係好感興趣，因為好多時都係藥水味🤫🤫今次去飲真係純粹支持MC係冇藥水味都幾似颶風提子嘅味, 但你但你問我係咪好好飲? 我覺得都幾好，同我預期嘅藥水味差好遠。我估計乳酪應該最好飲，但冇辦法始終無咩quota 😵‍💫總結就係始終芋頭鮮奶係世一🤗迷客夏皇牌🥰

今日天氣實在太熱 要飲返杯手搖飲品解一解暑 每次飲都係揀返珍珠高峰烏龍拿鐵🤭茶同奶味配搭得岩岩好 珍珠又夠煙韌👍🏼飲完即刻成個人上返電呢個夏天見佢出左其他新品等我下次再試下先💛

平時好少介紹台式飲品店，因為大多都開到成巷成市大家又已經好熟悉😛不過今次私心想推介下迷客夏Milksha新出嘅米麻糬芋泥鮮奶，鍾意軟糯麻糬糯米類嘅你都可以試下😚😚米麻糬芋泥鮮奶Milksha嘅手感芋泥一向都係招牌，香甜嘅芋泥夾雜粒粒芋頭，口感好正，配埋新嘅米麻糬，糯米香十足，質感軟糯，同芋泥鮮奶味道好夾🤩🤩口感又有層次，我試完第一次已經encore咗lol呢杯甜度同冰度都無得揀，不過好在唔係太甜，食到食材原味。👍🏻人均消費：$40推介指數（10分為滿分）：8.5分

係網上見台灣YouTuber WAwa狂推，之前香港好似停售過，沒機會飲。平時去銅鑼灣多數買隔離隔離個間，懷著期待嘅心情去買，叫一分糖……好開心攞住返去working space慢慢歎……一飲……what what…咁甜……而且完全係果gem 溝茶之味…完全伏，難怪OpenRice 無人上載照片啦。但值得一讚係茶底還算好。會俾多次機會，下次試下清茶會唔會好啲。完

Milksha又新出品 - 米麻糬芋泥鮮奶先講鮮奶，一貫作風用上全脂鮮奶，香奶味亦有牛奶個種獨特嘅味道。芋泥比平時無咗綿滑嘅感覺，稱不上芋「泥」，而份量少、同奶嘅比例不符，值得一讚係有芋頭粒。敗筆係米麻糬，一pat嘢咁，成個texture同杯嘢飲嘅combination好唔得，又吸唔到，最後係用匙羹先食到總括，milksha都係飲佢嘅芋圓芋泥好了。同埋啲staff嘅態度可以好啲，明白係辛苦但未致於要dump支吸管比我呱

珍珠伯爵紅茶拿鐵($29)💛一睇完雪姨條youtube片，就好想去試下🤣，不過佢分店唔係好多， 今日終於經過銅鑼灣店，叫咗杯雪姨推介嘅珍珠伯爵紅茶latte🤗🤗 佢有五款甜度，分別係1分糖、2分糖、3分糖、微糖同全糖。 店員話佢哋嘅珍珠係用蜜糖浸嘅，唔係用糖水，我就揀咗2分糖。10點買完，一分鐘都唔使即刻有得拎。 伯爵茶味好香好出，珍珠好有咬口好煙韌👍🏻👍🏻 2分糖對於我呢啲想飲肥仔水，又怕肥怕冇味嘅人嚟講啱啱好*\(^o^)/* 細細杯，一個人自己飲都好易carry到🥰🥰🥰🌈迷客夏銅鑼灣利園山道17號地舖#milksha #milkshahk #迷客夏 #ktravelneat台式飲品 #ktravelneat飲品 #ktravelneat連鎖店 #ktravelneat銅鑼灣 #ktravelneat港島線 #ktravelneat黃小店 #hkfoodstagram #hkdrinkstagram #hkfoodies

身為草莓控 見到呢到出左全新嘅士多啤梨系列飲品 當然要一試🍓睇樣已經超級吸引 成杯粉紅色 少女心爆發 麻糬士多啤梨鮮奶 飲落唔會好甜 草莓味唔係假甜嗰種 飲落酸酸甜甜 再加埋入面煙韌嘅麻糬同清爽嘅茶凍 口感超豐富😈

「姜濤全部都係姜濤」🙉🎶🎵小編近排係咁經過銅鑼灣，所以收集到好多姜濤俾大家睇睇有幾誇張😂，無論你左邊右面前面後面，周圍都係姜濤，連去間店飲野，都見到姜濤應援‼️ (唔好講你，小編自己都覺得難以置信😂)-Btw講返正題，Milksha 近排出左3款新品 🆕今次試左草莓麻糬茶凍鮮奶‼️由法式草莓Coulis醬🍓、配上原創手工米麻糬🍚同手工綠茶凍🍃，草莓味濃，仲有清新嘅茶凍，不過麻糬就難少少食到🤣~Strawberry milk w/ mochi and green tea jelly-⚠️：Milk Sha 銅鑼灣店有姜濤生日應援免費索取，先到先得

Milksha全新三款自家製100%手煮真味又出動啦，適逢夏日炎炎正好眠既時侯，整返個法式草莓系列，一D都唔過份呀？你話係咪先？👇📌HANDMADE · STRAWBERRY COULIS -▪️ Strawberry Coulis · Milk Mochi and Jasmine Tea Jelly - $36▫️ 三杯裡面最後我揀左「草莓麻糬茶·凍鮮奶」，全港第一間夠膽將米漿再煮成米麻糬做鮮奶配料，呢個idea夠哂創新，而鮮奶入口夠哂濃郁幼滑，而麻糬啖啖煙韌，配搭草莓味道可謂一絕！

點餐之前如果有留意店舖放出嚟嘅人氣飲料名單，我應該會見到多芒芝芝同草莓芝芝長期都係處於頭三名，而事實上試過咁多間珍珠奶茶或者台式茶飲店嘅奶蓋茶類之後，的而且確覺得佢嘅奶蓋係做得相當出色，帶微量鹹味、芝士香味突出、加上濃稠嘅質地，配合芒果同士多啤梨呢一類酸酸甜甜嘅生果，味道同口感層次都非常豐富，亦都好夾，生果沙冰就更加特別，好多其他舖頭都係做緊果茶配奶蓋，呢度嘅沙冰令到成件事更加有summer vibe（雖然我連冬天都會好想飲佢哈哈），已經多次回頭到訪，推介推介～

雖然迷客夏好出名亦都有好多分店但咁耐以來今次真係第一次試我今日嚟到銅鑼灣行街，最鍾意飲台式飲品嘅朋友極力推介迷客夏一於一齊買杯嚟飲吓我就唔太好牛奶但非常之鍾意食珍珠最後揀咗初露青茶加珍珠因為嗌咗無糖嘅關係所以真係淨係飲到茶味茶飲落好濃 珍珠咬落好煙韌不過睇嚟下次最少都要嗌返低糖 因為無糖嘅濃茶真係好削胃 btw迷客夏個珍珠真係幾正希望迷客夏會推出牛奶轉植物奶系列嘅飲品咁我就會有更加多選擇啦 仲可以令彈性素食更加普及

小編愛飲珍奶係人都知珍奶既夢幻口感同滿足味蕾既感覺非一般飲品可比對於有手足對牛奶敏感未曾試過珍奶可以點?Milksha就推出左燕麥奶奶茶味道竟然同用牛奶沖出既珍奶可以比擬 一於去試下先~😆珍珠伯爵紅茶燕麥奶伯爵茶葉帶有清新既佛手柑香氣同燕麥奶都幾夾珍珠Q彈嚼勁飲落滑順不甜膩😁仙草高峰烏龍燕麥奶燕麥奶口感滑順輕輕散發著穀物味道而烏龍茶底淳厚加埋仙草底口感層次真豐富整體黎講都幾唔錯， 珍奶既精髓都係度😆

📍植物奶奶茶飲過未‼️• 三款茶底任你揀😋 -- 迷客夏😛•Follow @pigfoodiexhk for more food!🐷💛#pigfoodiexhk_銅鑼灣#pigfoodiexhk_飲品#pigfoodiexhk_黃店===========================睇開小編嘅post應該都知我係milksha既fans😍😍😍最近見佢哋推出由OATLY植物奶沖製嘅珍珠奶茶，而且仲可以揀茶底，有伯爵、烏龍、綠茶❣️飲唔到牛奶嘅朋友仔都可以享受珍珠奶茶嘅滋味😛------------------------------⭐️伯爵紅茶燕麥奶珍珠奶茶⭐️烏龍茶燕麥奶珍珠奶茶燕麥奶茶其實味道飲落同一般牛奶沖嘅無大乜分別，係texture會稀身少少，～伯爵茶同烏龍茶各有千秋，前者味道非常清幽，後者茶味較濃，有烘焙香🤩🤩另外珍珠好彈牙好煙韌👍🥰------------------------------賣相：3.8/5味道：4.3/5回頭度：4/5------------------------------店舖資料名稱：迷客夏地址：銅鑼灣利園山道17號地舖前往方法：銅鑼灣站F2出口

迷客夏milksha 🐄呢日出咗銅鑼灣，知道 @milkshahk推出全新《燕麥奶珍珠奶茶》🍵照顧到飲唔到牛奶嘅客人又可以飲得健康啲，所以特登過嚟試吓☺️新出嘅燕麥奶用上Oatly燕麥奶製作，口感冇咁厚身同鮮奶茶相似度接近100%！簡直神還原珍珠奶茶嘅味道🥤茶底有三款(伯爵紅茶、茉莉綠茶、高峰烏龍)選擇揀咗伯爵同烏龍，飲落好滑身而且兩杯叫咗微甜甜度剛剛好，白玉珍珠軟軟地口感幾好味，好飲😊唔飲得鮮奶嘅朋友一定要過嚟試吓你杯珍珠奶茶啦！📍銅鑼灣利園山道17號地舖

🥛🐄【 迷客夏 Milksha 】🧋🍼⋄—————⧫♟⧫—————⋄新上市‼️全港最好飲之燕麥奶茶🌾⋄Milksha團隊最近研發出用Oatly燕麥奶神還原珍珠鮮奶茶嘅味道，相似度接近100%，健康得來又好飲，係飲唔到牛奶的人士嘅福音呀🤩⋄┄ ┄ ┄ ┄ ❖ ┄ ┄ ┄ ┄ ⋄☕️珍珠鮮奶茶（伯爵茶底）🍵珍珠鮮奶茶（綠茶底）⋄┄ ┄ ┄ ┄ ❖ ┄ ┄ ┄ ┄