適香園茶餐廳

营业中

休息中

食物正常飲品正常裝修正常客人正常人 就不予置評唔明點解要無那那得罪客地點也方便但行過對面 (老廟東姑亭/老麥皆可)選擇更多價錢也不差點解要辛苦自己如有半句謊言不得好s

適香園食過好幾次好唔錯既早餐，等等，依間餐廳係佐敦食早餐既首選，今日晏左少少去差d冇位坐，好彩唔洗排隊叫晒嘢食，影晒相，先知道芝士吞拿魚三文治唔記得加烘底我會推薦比身邊朋友同埋同學過黎多多支持真係好鍾意店內既環境見到前面d求9奇奇評價，就好忍唔住上黎托返個好評環境真係好乾淨，食又開心，每次食完埋單之後都覺得值得下次再去幫襯 (/^▽^)/ 岩晒我依d貼地既凡人埋單紅紙一張仲有找幾十希望下次杯熱杏霜可以再濃郁d

下午大概3點幾去, 門口唔係好吸引, 老板係門口招呼人, 入面唔係好多人, 本來想食瀨粉, 但都係改食下午茶乾炒牛河, 因為menu圖片影得好靚, 等咗8分鐘度就黎咗, 顏色好靚, 份量充足, 食第一啖就好鐘意, 好有鍋氣, 河粉每條都入曬味, 完全係正宗炒河粉既標準, 牛肉唔係用蘇打粉閆嗰d, 係純鮮牛肉, 非常好食, 坐咗1個鐘,就黎走既時候, 越黎越多人入黎食, 已經入咗黎佐敦必食既一間茶餐廳。平靚正!

兩個人係附近行過搵晚飯食見佢無咩人心知不妙但太攰就照入去坐諗住茶餐廳難食有個譜點知。。。叫左佢menu既兩個小菜沙薑雞 - 完全係蒸雞+沙薑醬（似花生醬多d）鮑汁鮑片冬菇炒西蘭花 - 似用清水炒多過鮑汁。。。完全無味個一星係比碗湯的，算係不過不失但唔會再食🤮

行開佐敦諗住食間茶記，點知中左大伏，喊出來💀💀叫左個海南雞飯，勁鞋勁冇味，好似食緊橡膠咁😅😅啲飯又唔係好味果隻油飯，價錢又唔係平，食到啲咁嘅質素非常之失望😞上海粗炒超油，啲麵又腍到喊，啲料求其幾條椰菜絲，食左一半就已經頂唔緊，浪費勁多好折墮🤦🏻‍♀️🤦🏻‍♀️見老闆係前tbb藝人仲諗住會有啲保證，但原來勁唔掂檔，點解會生存到依加呢間餐廳，嚴重黑名單⋯下次真係唔洗錢都唔會食💀💀💀

昨天家有喜事來到佐敦一帶飲宴，4點多突然肚皮打鼓想來個下午茶，偶爾記起有一間茶餐廳老店就在附近，遂趁機一試。來到門口已見大大隻家寫著開業自1978年，數數手指原來已有40年歷史，但可能經翻新裝修過，歷史的流痕不太著跡，門面的舊式霓虹招牌，店內綠色的椅子配上米黃色主調的桌子和牆身，顯得色彩豐富，特別醒神，環境亦算整潔。望望餐牌，下午茶餐有齊雞肶豬扒薯條，濃湯公仔麵和鑊氣炒粉麵的選擇，還包有咖啡/茶，全都由$2x至4x不等，價錢合理不算貴，但當見到賣相就會覺得算很抵食。生炸的雞脾不算太大隻但勝在皮脆肉嫩，雞皮咬落清脆的「嚓嚓」聲，調味略嫌清淡不夠惹味，但加上那脆卜卜的海量金黃間間薯條，那種懷舊的感覺即時了湧上來，是學生時代的童年回憶！期間還見到鄰枱點的干炒牛肉公仔麵，堆得像座山般份量十足，望落甚具鑊氣，下次一定要點來一試。這類懷舊小店其實已買少見少，加上近期經濟環境欠佳，相信經營更見困難，希望小店能夠繼續堅持，讓這種另類集體回憶不至消失，希望大家也要繼續支持這類傳統懷舊小店唷！

老闆係前tvb藝人 十分熱情親切😍食物好味 足料 會再回頭午餐雞扒腸仔飯 洋蔥汁好好味唔記得影相早餐雞扒蛋烏冬早餐個湯底真係好重要凍檸茶茶底靚用碎冰而家好少 好有風味👍🏻👍🏻🙏🏻

最近係佐敦發現一間隱世懷舊茶餐㕔，餐廳外表屬於懷舊呢種，但品嚐左幾款食物之後，真係令到小妹和朋友大讚！不得不在OpenRice 寫上食評，鼓勵一下呢間絶世頂好味既懷舊茶餐㕔！亦值得介紹比朋友去品嚐！就在佐敦諾冨特洒店對面！餐廳用左好多60-90年代的電影海報做布置，感覺特色，另外小妺和朋友味嚐左幾款小茶及小吃，味道絕好！值得推介的小吃絕對不少得炸雞翼，配合泰國甜酸醬味道更好，不油不膩！👍🏻第二款蛋包豬扒飯，非常好味！👍🏻👍🏻👍🏻👍🏻

前幾日有朋友一家大细由新加坡黎香港玩幾日，住佐敦Novotel洒店，因為佢地到洒店已經晚上八點，所以同佢地係洒店對面食飯，諗住求其揾間茶餐廳，食完可以早D休息，點知睇到一間門口好有香港懷舊風格既茶餐廳，之後點左幾個小菜，其中椒鹽肉排同雞翼好正夠香口惹味仲有鐵板餐，味道很好，價錢又抵，老闆仲好好人，送左幾碗老火靚湯比我地飲，又夠熱，真係有屋企呀媽煲湯果D感覺。後來覺得呢到好方便，就係洒店對面，所以決定聽日朝早都叫我D朋友食埋個早餐先去海洋公園下次午餐一定要試下老闆話嘅蛋包飯至得一

那天中午前已經在佐敦，不知道該吃什麼就隨便到一間茶餐廳已經有午餐可以叫，我就叫了上海粗炒...男友叫了海南雞飯其實茶餐廳我不會要求很高...可惜先說說那個湯，看起來跟喝起來都像粟米湯吧但我望回牆上的餐牌才知道是南瓜什麼的，一點也沒喝出來而且很稠密，UM...有點像漿糊...至少那個粗炒，味道還可不過太濕了...我覺得應該乾一點至於海南雞，一看就知道...難吃！雞是白切雞，很"鞋"...飯是白飯！不是油飯...而且價錢並不便宜絕對絕對不會再來！

來到佐敦，為年底父母的金婚之喜做一些資料搜集。心中有兩個地點，一是《彌敦酒樓》的舊址，簡單一點《迎囍》，一是《彌敦酒樓》的替身，彌敦酒店內的《嵩雲廳》。不過，媽子不想大搞，無奈地把這兩個對他們有甚有意義的場地否決了。(50年前，父母的婚宴就是在《彌敦酒樓》舉行。)我辦好事之後，就近找地方食東西，不過時近9點半，這一帶有好多茶餐廳已經關門，找了幾條橫街，最終只有這一家《適香園》開門。不知吃什麼好，眼見他們推介海南雞飯就沒有多想，直接點上店方推介的。出來的袪骨海南雞飯，看起來好正宗，不過，吃入口就覺得不是太妙，首先，這是真真正正的冰鮮雞，肉既嫩又鞋口，沒有雞油，沒有雞香，沒有味道，幸好有三個醬，不然...沒味道點送飯呀...再者，雞油飯沒有那鮮香的雞味，入口乾，感覺好像生水米，基本上，我食晒碟雞就完全地放棄了...這兒真的吃到我《不適》...

第一次來這間吃午餐,人多要搭檯,點了一個午市套餐盛惠36蚊有洋蔥腸仔湯,這湯第一次飲味道不像洋蔥像忌廉湯加腸仔於湯內亦不發現有洋蔥於湯內,咸魚雞粒炒飯雞肉多,咸魚少不太咸像普通炒飯,熱咖啡太苦像啡膽沖一樣飲不了整杯要放棄.唯這裡客人多數是熟客會互相交談,頗有一份人情味

四月中旬‧有雨連這間有點資歷的茶記也是首發？真令人意外。下午蛇了出來吃下午茶，也不要說，這裡附近的不少也近三十元。唯獨是這裡只二十多，幾划算。以前來過，咖哩還不錯，是次吃的熱狗也好。包烘得熱，微脆。腸煎過，夾進了蕃茄、生菜及沙律醬，是好吃的。還有一杯香濃咖啡，就是一頓不錯的下午茶。