逗點

营业中

休息中

成日去粉嶺都唔知有咁多美食經過呢間「逗點」見到裝修幾趣緻雖然細細間，但食物種類都唔少叫左D外賣拎返屋企慢慢食紫薯甘粟薯餅才$18蚊，都幾大兩塊個人覺得好好食我太鍾意紫薯，又鍾意所有薯餅燒汁雞腿🍗卷飯 都唔錯👍雖然夠食，但忍唔住買多份鹽酥雞$38有6塊下午當零食吃都唔錯，配一杯柚子蜜剛剛好店員服務態度好好👍支持本土良心小店！

粉嶺新開主打外賣小店🥕日式吉列豬扒$58  ⭐️⭐️⭐️⭐️☆揀左咖喱汁多汁，都幾香辣下，大大塊吉列豬扒炸到好香脆，配菜仲有蘑菇、粟米、胡蘿蔔絲、菜同車厘茄夠晒營養均衡。🥕香煎雞扒三文治$38  ⭐️⭐️⭐️⭐️☆雞扒煎得好香口，大塊又厚身夠juice ，再夾左d菜，夾上2塊烘過既麵包好正。🥕香滑豆腐花$18⭐️⭐️⭐️⭐️⭐️要晒糖水同黄糖，一入到去就新鮮整加所以即時要番一碗呀～真係好香滑，豆味都夠出。🥕柚子蜜⭐️⭐️⭐️⭐️⭐️好香柚子味，不會太甜🥕日式煎茶⭐️⭐️⭐️⭐️⭐️茶味夠濃小店都有幾個位可以俾客人堂食，走木系田園風，播住舒情歌。======詳情======逗點粉嶺和泰街4號和泰樓地下K1號舖👣海聯廣場/上水宣道小學巴士站落，步行5分鐘================#香港美食指南  #hkfoodie #hkfood #hkeat #yummy #相機食先 #吃貨 #吃貨日常 #RR吃貨 #美食 #香港美食 #粉嶺好去處 #粉嶺美食 #RR粉嶺  #RR日本菜  #RR三文治 #日本菜 #三文治 #甜品 #甜品控 #糖水 #豆腐花 #雞扒三文治 #雞扒 #日式吉列豬扒 #吉列豬扒 #豬扒 #香煎雞扒 #柚子蜜 #逗

台式煎雞扒(醬汁：肉燥）$58生煎雞扒即叫即煎，外表煎得香噴噴, 裡面仲有豐富既肉汁, 份量仲大大塊，醬汁方面有幾種選擇， 肉燥既滷肉味道香醇濃郁，配埋珍珠飯一齊食，就是好！仲有半隻留心蛋同樣配飯食一流，有少量沙律菜減少肉嘅膩感吉列豬扒厚切三文治 $38吉列豬扒炸粉厚度適中，咬落口脆香酥化，肉質鮮嫩多汁，夾埋做三文治，夠晒飽肚套餐仲有免費日式煎茶/柚子蜜附送，十分抵食紅豆芋圓豆腐花 $28綿綿地嘅紅豆沙配上豆味香濃既豆腐花，仲有熱辣辣煙煙靭靭既芋圓，味道配搭好好

今日經過聯和墟想買下午茶，喺海聯廣場附近見到有間深綠色店面嘅外賣店，舖面有個逗號，幾特別，所以行過去買咗個下午茶試吓。入到去見到餐牌主要都係日式餐點為主，收銀姐姐態度好好，介紹咗幾款tea比我，反正第一次幫襯，就照佢意思order。和風牛肉飯 +日式煎茶 （$48）一打開個盒有小小驚喜，估唔到會有啲沙律前菜，份量仲要好大份。一開始以為係一個好似連鎖店嘅牛肉飯，但食落完全兩回事，牛肉唔韌，好有牛味，牛肉飯下面有個汁，令到個牛肉飯層次再昇華。下次一定要encore。跟住叫咗個吉列豬扒厚切三文治+日式煎茶（$38）脆卜卜嘅豬扒配酸酸甜甜嘅醬好開胃，就算返到屋企，塊豬扒都仲係好脆口。三文治外面有張紙包住咁食好方便。芝麻手羽先 （$28）未返到屋企已經聞到香噴噴，因為外賣關係，餐廳好細心無冚實個盒，以免有倒汗水，所以返到去屋企都仲係好脆。一盒有三隻好抵食，雞翼外面好多芝麻脆脆，食落好好味。溫馨提示，餐廳主打做外賣生意，店舖內只有幾個座位，打算堂食須留意呢點。逗點 comma地址：粉嶺和泰街4號和泰樓K1地舖

疫情玩左幾年終於完（？）除左養成左戴口罩呢個習慣另外一個就係帶飯/買飯返公司食一講買飯，就諗起兩餸飯…🙈唔係嘅，間中都可以食好少少聯和墟雄泰行嗰個位而家做外賣飯同小食價錢唔貴，包埋嘢飲最貴唔洗$60諗住試一次，點知幾有驚喜佢係即叫即做，勁新鮮👍同煮定嘅兩餸飯冇得比啦三條友一人叫一個飯日式燒汁吉列豬扒飯豬扒厚切，炸得幾靚，炸粉唔厚配日式吉列豬扒嗰隻燒汁真心係非常好食😋台式雞扒配肉燥呢個不得了，塊雞扒大到咁！皮脆，肉嫩，唔油膩仲有半隻蛋！加埋個肉燥抵食喎呢個，必叫👍燒汁牛肉飯唔洗講就梗係好食過吉乜家啦人哋啲汁啱啱好，唔會太多搞到糊曬仲有甜甜地嘅炒洋蔥，好食👌叫得外賣都唔會太介意個賣相不過我覺得呢間個外賣幾靚仔啲雜菜有色水（仲幾好食添）附送熱柚子蜜（甜）或煎茶（冇甜）包裝唔馬虎，有個殼裝住㗎你見張相濕濕地嗰啲係倒汗水，唔係漏汁呀份量我會話女仔夠食男仔就半價買多份小食穩陣🤣整體來講係有誠意嘅小店收銀姐姐勁好笑容有禮貌幫襯得好舒服😌下次再黎👍

好鍾意墨綠色，認為佢代表寧靜、恬淡與自然，所以呢日經過和泰街，見到以墨綠和胡桃木色為主調嘅新開小店「逗點」，眼球不自覺被吸引。細望餐牌，覺得無論外觀設計、菜式選項都有心思，再望望兩位店主在廚房埋頭製作食物，就決定入黎一試，又好有驚喜😊😊行入店內，感覺好舒適，除了店主殷勤有禮招待，佈置都很和諧，莫怪店舖取名為「逗號」，感覺就係提供一個讓人「短暫停頓」下來的空間。好快，我就揀左個日式吉列豬扒飯（肉躁汁）、金時煉乳吐司（$28）同埋紫薯甘栗薯餅（$18），跟餐有杯柚子蜜。😍😍日式吉列豬扒飯，豬扒香脆，珍珠米肥美，肉躁汁好少有之餘，仲要係類近茶粿陷料嘅肉躁，感覺獨特。🤩🤩至於金時煉乳吐司，煉乳吐司金黃鬆軟，用涼香嘅金時配煉乳，口感一流。而個紫薯餅，味道清新，入面亦有足料栗子粒，$18有兩大塊，非常抵食！👍🏻👍🏻整體來說，「逗點」為有誠意的外賣小店，下次經過，一定會再嚟幫襯😋😋逗點地址：粉嶺和泰街4號和泰樓地下K1號舖

聯和墟開咗間台式餐廳，裝飾得好靚，可以打下卡，雖然堂食位置比較少，外賣食都唔錯，食物款式都幾多～～日式吉列豬扒，有幾款汁可以揀，今次揀咗咖喱汁，都幾辣下，唔係一般嘅甜咖喱，辣得幾過癮，跟咗飯～燒汁雞腿卷，跟咗烏冬，撈勻嚟食就味道剛好，雞腿卷啖啖肉，有唔少配菜幾豐富～本身套餐有得送煎茶或者柚子蜜，但有優惠可以半價加配小食或轉其他飲品～我加左一個唐揚魷魚鬚，熱辣辣炸起，酥脆～同埋，轉咗樽仔奶茶同白桃烏龍冷泡茶～樽仔奶茶值得一試，茶味濃郁，又有絲滑奶香～～冷泡茶都唔錯，清香少甜～

僅僅開咗兩個星期既新店，差唔多每日經過都會見到，身為街坊當然要支持一下🤭店內有幾個位置可以堂食，相信主打外賣，睇返價錢都非常相宜，係做街坊生意👍🏻所有外賣包裝都乾淨企理，飲品更加有紙托防止灑出😬台式煎雞扒飯～雞扒非常大件，而且煎到外皮非常香脆，配上半隻蛋，非常滿足！日式吉列豬扒～由於豬扒係生炸既，相對地等一段小時間，但絕對值得👍🏻薄薄嘅麵包糠，包裹着香滑無骨嘅豬扒😋😋鹽酥雞～雞塊外脆內嫰，非常厚肉多汁，啖啖肉令人很滿足😬