通記麵食專家

营业中

休息中

唔明點解咁多人話好食，真係好普通的質數，佢地唔係傳統雲吞麵果種湯底，但又唔係傳統食牛雜牛腩果種湯底，湯底好淡，但食完又好口渴。價錢又唔係平，雙拼要$24，魚片魚蛋墨丸，勁細粒，豬手骨"參參"，牛丸有牛肉味但好淡，腐乳通菜d腐乳得個死鹹，好唔掂! 其他如牛腩，滷肉，牛肚就OK，無乜特別。

9-4-200910 件唔行女人街, 從來唔知呢間老式麵店的存在, 呢日幫襯都係因為睇了大家的食評及相片. 叫了魚角 + 鹵肉米 ($24)... 鹵肉係豬頸肉, 份量好多, 幾入味, 不過太瘦了, 食落幾乾硬, 唔夠豐腴又唔夠爽口, 麻麻0地;「魚角」係魚片頭, 食落香口彈牙, 帶濃濃魚味, 好食! 可惜得0個 3 件啦; 米粉淥得剛好, 索滿落了少少腩汁的湯底, 都唔錯; 仲有生菜, 幾油不過幾清甜的.環境比好旺角 (http://www.openrice.com/restaurant/commentdetail.htm?commentid=1972770) 更舊, 招呼就帶點家庭式作業 feel, 唔知經營0左幾耐?唔錯的速食選擇, 以後去旺角唔使頭痛了 下次0黎, 會試試墨丸, 牛丸, 魚蛋, 豬手... etc etc.

卤肉拼猪手面。我一意孤行地使用了辣椒酱，鼻水眼泪持续不断。出店门时头顶突然一凉，非常清醒6大片猪颈肉层层叠放诚意十足。卤水卤得入味，肉又软嫩，价钱合宜，太过瘾。猪手相比之下虽然软稔，明显精彩不足。面放勺上老样式和认真的摆放才是香港街头最有型格的角落

同男友見冇劣評...試下先..叫了一個豬手河同牛筋河....仲有介蘭豬手真係幾好食..牛筋男友話唔錯..餸0既份量算多!~yummy!~河粉好普通..個人認為偏"淋"介蘭d油多0左dd~辣油一匙已經好辣環境比我想像中好dl!但等食時間算耐....d餐算平..正..咁囉

在永合隆叫了最差的燒肉和义燒之後, 食不下嚥, 心心不忿, 要對自己有些補償, 於是要吃些好東西. 選擇了這裡, 因為對這裡的食物有信心.這裡的招呼不錯, 假如不介意地方不潔, 食物是頗佳的.叫了豬手麵, 一大碗在五分鐘內到. 有三大件豬手, 有幾片生菜葉在底, 賣相做足.下了一匙勁辣的辣椒油, 十分過癮, 豬手十分入味, 不太腍, 有咬口, 麵是爽但有小許梘水味, 湯底因為有豬手汁, 十分濃味, 好!食完後, 才把剛才的不滿, 一掃而空.

同一條街另一間旺角區老字號粉麵鋪，不以平價招徠實行以質取勝但仍然人頭湧湧。大部份粉麵都由$18起亦有飯類供應。次食咗個魚角（即魚片頭）米線，生意太好等咗一陣至有得食。魚片頭十分爽口，味道亦佳，米線大大碗都幾抵食。其實唔使一味要平，只要品質好都一樣有人幫襯，唔同人有唔同需要，百花齊放，各得其所，俾人有得選擇至係最重要。

前排行過呢間麪店, 記得都有好多好評, 於是入去試下. 叫左牛肚米線, 碗麪有好多牛肚, 但淋了一點, 重有生菜! 米線一般ok. 吃完至發覺原來呢度出名豬手, 魚旦同牛丸, 下次再來時要試下先.

行完電腦廣場,想食番碗麵於是叫左個豬手撈麵食,麵好彈牙,上湯味道適中,唔會太咸,可以當湯飲添!豬手鹵得好入味,雖然好似乾身d同埋可能擺太耐,所以唔熱,但係味道好所以加番分!整體嚟講係一碟中上既豬手撈麵,食完再去買mp4!

十分欣賞這裡食物的味道,但郤很介意這裡的衛生狀況,本人走遍大江南北去找吃的,假如有污穢獎狀的話,這裡當之無愧.下午二時多,店內每一張枱都有客,於是直入至接近鋪尾,差點對正製作部門口的小枱坐下,叫了牛筋撈麵.發現枱面油膩不堪,差點黏著手肘,地面濕淋淋,滑漉漉,油淋淋.地磚日子有功的給重甸甸的湯鍋拖得蝕出一條黑色的軌跡..情況比許多街頭的大排檔還差.製作部依稀的傳出一陣腥氣,這些都嚴重地影響食慾,所以惟有怱怱吃完便埋單走人.牛筋撈麵: 七分, 牛筋十分腍,入味,但是混合了一些碎濕濕的牛腩,口感稍差,辣椒油是一向的超級勁,要小心不可落太多.

鳳爪撈麵--鳳爪香味都有,不過唔夠淋,麵有鹼水味牛腩撈米--牛腩唔錯,夠鬆軟,汁太淡,用嚟撈米麻麻地

呢度見到很多人都讚通記，今日就特登同媽媽一起去品嚐。一碗價值港幣18元的魚蛋麵，有1個麵餅、4粒白魚蛋和3塊魚片，碗底還有少量的生菜(很難得)。魚蛋同湯無味精，喝後一點都不口渴。餐\牌上寫著湯底以豬骨和地魚怪不得湯味濃郁；而魚蛋非常彈牙好好味，麵爽而無水味，真才實料的一碗麵，一句講晒美味兼滿足。辣椒油果然係好辣，但又愛又恨﹗(流晒鼻水呀)一間51年歷史的麵店，吃不只地道風味，還有人情味﹗

處處都是加價聲,這裡也加價,魚角麵變了18元,除非不出街,不消費,難逃加價命運,姑且忘記這種種,用心欣賞美食可也.魚角是炸魚片的頭尾部份,有雙重口感,炸的甘香,內裏的部份軟滑,烟韌有咬口,有豐富魚味.的是佳品.麵只是一般,有梘水味,不太爽,不是銀絲細麵那類.湯底有魚腥味,不太喜歡,味精少不了.不太欣賞.辣椒油是真的有料到,一匙更己經夠,再多便吃不消.可惜香味不足.地方污穢不堪,已是老生常談了.假如介意,便請不要來.要品嚐正斗的魚角,就是這裡.

A nice bowl of Beef Ball noodles soup, once you tried you will love it! Environment is below average, however, it's worth to visit again for a quick noodles!Must try Fish Ball Head & Beef Ball & the chilli sauce!

其實去過好多次,都係因為別人鍾意食片頭,我只好陪他食吧!我都係比較喜歡它的片頭,因為牛腩同牛筋都住好多肥糕,仲有陣味,我好怕的.至於啲牛丸係好彈牙仲有些芝麻,但都係有陣味,我唔鍾意.其實它的炸魚皮也不錯呢?很香脆,湯另上,大家試試吧!

16/10(二) 12:30nn早上到旺角找tutor作考試前最後衝刺.給其悉心輔導個多小時後,致電男友約定於女人行找點吃的才繼續埋頭苦幹.沿著女人街直走,抵達了位處街頭的通記.踏足女人街無數遍,此刻方知久仰的"通記"近在眼前.店子外表普通不過,其茅廁小的連轉身關門的難度達9.9.說回食物,貪婪地要了碗八寶河$30,以及豬手牛筋撈$29.八寶河--丸子們皆精巧有彈性,魚蛋爽口具魚香,魚片片頭亦然,質地更滑溜;牛丸最為彈牙,豬肉丸及墨丸口感也不賴;魚皮餃餃皮滑口,肉餡鮮香;而河粉頗薄滑,大地魚湯縱不是十級濃郁,但真材實料沒味精已夠煞食!豬手牛筋撈--牛筋先腍後爽,而豬手相當爽口,談不上極腍且入味,優質的幼麵爽而富嚼勁!欲嚐出品上乘的麵食,代價是花上最少十分鐘去等待...慢工出細貨...zzzz