連和燒味餐廳

营业中

休息中

向樓下商場食野食得太多有點悶，今次試下行落一條街發現好多燒味舖，見到呢間門口都排好多人，順便買埋飯上公司食單併$28 雙併$30除飯之外，仲可以轉瀨粉，米粉添同事既燒肉飯$28佢話燒肉皮好脆，份量算多，係差少少汁撈飯。自己食雙拼叉燒燒肉飯$30叉燒同燒肉係滿晒飯面同樣燒肉脆到卜卜聲，叉燒切得大舊左肉淋唔會韌。豉油雞脾12蚊隻咋，放工既時候買左隻比老公食話好味燒肉都好靚燒鴨比下次要試下最愛掛滿燒鴨鵝，燒肉，油雞，叉燒的櫥窗一目瞭然想要邊件，指住叫佢拎就得。以而家疫情抵下廿零蚊食到個飯已經好好落單最好快少少，排隊時唔該諗定，真係好多人排隊唔好阻住後面

冷氣機滴水，客人投訴之後叫客人自己處理，個位置係你自己揀既，真係從來未聽過！有個長者食飯跌咗啲飯落地下，仲要兜口兜面俾你鬧，咁樣侍應真係無得輸，以後都唔會再幫襯呢間垃圾！

點咗一份油菜，叉油雞飯加咸蛋同燒肉燒鴨飯.優點：1, 叉燒肉質夠冧，份量足夠，味道亦夠甜.2, 冷氣足夠.缺點：1, 油菜只係落豉油，麻油蠔油欠奉！2, 油雞得隻無咩肉嘅雞中翼！雞皮多過肉！3, 服務有待改善，叫先俾蔥蓉，見到有幾個客，都係開聲問先俾蔥蓉！4, 蔥蓉咸到死，係本人食過最咸嘅蔥蓉，食少少啞嘅都開翻聲！5, 燒肉份量不足，皮又唔脆！6, 燒鴨又係無咩肉！皮同骨多過肉！7, 咸蛋毫無油份，好似擺咗好耐嘅風乾咸蛋！垃圾燒味店一間，永不幫襯！

中午同女朋友食個叉燒燻蹄飯，女朋友食叉燒瀨，啲叉燒好似啲乾柴咁咬都咬唔L開，完全係一個敗筆，飯同汁比較好，因為很少，否則更差。平時都唔食寫評，但今次堅係忍唔住，$50一個飯已經唔平仲要難食。加上隔離有個呀叔都係食一樣既嘢，嗌既方法仲要一樣（即係冇嗌肥叉），結果人地碟嘢啲肉汁同色澤都勁靚，擺明就睇人黎恰架啦，見我地後生啲就整啲劣質嘢出黎，靚個啲就留黎唔知做乜狗。BTW，介紹番大家想食靚叉燒不妨得閒去上環龍邦（一流燒味）。

一提起燒味，我就真係忍唔住，脆皮燒肉、蜜汁叉燒、切雞、油雞、燒鴨/燒鵝、化皮乳豬等，連和嘅燒味真係首屈一指，呢度嘅叉燒我食過好多次，每次都係肥瘦均等，最重要係唔會燒得過火，或者太硬，甜度適中，因為叉燒如果太甜或者太硬，就真係好難食，至於白切雞同桶子油雞，都有一定水準，唔錯！

一家十二口在家吃飯....已經有六餸一湯另外在附近燒味店斬料....今天斬了兩隻鼓油雞！雞肉嫩滑，豉油香甜冇過鹹！！！全檯人就算平時唔食飯嗰啲都要再添飯嚟撈汁食！食晒啲飯都要留返啲汁點餸，可以想而知呢個汁幾咁不得了！此店燒味飯店出品吾錯我們一家經常光顧....爸爸媽媽自少也幫襯每逢一家大小，斬料加餸大家都喜歡這裡

呢間啲燒味真係唔錯，除左燒鴨之外。最衰最黑人憎最討厭係服務態度一流差！！！態度說話語氣衰到低點唔止一次我惠顧好多次，十次得2次正常啲不如唔好做啦做得生意就做好服務反省下啦檢討一下啦

今天，工作又晏了，跑到附近經常光顧的老牌燒味店食午飯。這間店舖我已光顧了差不多十年了。它永遠做到快、靚、正，對於我時常跑急的人，這間飯店是我的救星。這間飯店時常都滿座！它有永遠的燒鴨飯配飲品午餐，如你不喜愛燒鴨，那你可隨便選任何燒味，只不過唔包飲品吧！相差都只是數元。。。。經濟實惠，並不花巧，內心款待，這就是我對這間店舖的評語！它的叉燒非常惹味，燒肉做到皮脆肉軟，每次到來都抵擋不住這兩款燒味的美味呢！其實它燒鴨及燒鵝都做得同樣出色！它還有下午茶餐，小炒粉麵都做得不錯，價廉物美。我每次想起食燒味飯的時候都會到這間店舖光顧呢！

乳豬燒肉飯62蚊！有啲失望😞乳豬皮唔脆、燒肉超肥燒肉皮又係唔太脆！可能甘啱我呢個係咁啦＄62個飯，真係唔太抵食！下午茶都抵食嘅，有湯有個雙拼粉面，但係記得係要堂食先係呢個價喎！已經由＄32加價到＄35了