連文記冰室

营业中

休息中

好味道 胡椒豬肚雞米，雞份量有差不多5份1隻雞，豬肚幾舊，有調味過非常好，胡椒湯底味夠濃，花膠大大細細有成4至5舊，配雞脾，雞湯底 煮及調味亦好。。會再幫襯。由荔枝角港鐵 D2 出口，到路面向左邊後轉，工廠大廈內，入口比較隱蔽，及需要行樓梯上一樓，工廠大廈飯堂牌照，門口寫只招待工廠大廈人員，😁😁當然係。。無人理。但注意店舖，只做星期一至六，假期休息，上午7點至5點，下午4點半截單，花膠雞，胡椒豬肚雞，11點後先供應。

呢間茶餐廳喺地鐵站隔離非常方便😋今次已經係第三次再幫襯啦🥰嗌咗個爽口花菇雞米線🍜冬菇超級肥大，而且仲好入味好淋，喺嗰啲海味舖都未必見到咁大隻🍄另外食過幾次都係比雞髀，間唔中有啲雞件係雞胸，但都唔會鞋口🐥唯一係自己本人嘅口味比較重，所以會落啲鹽，佢亦都好細心咁每張枱都放咗一樽🧂佢個湯底係雞湯味，食完唔會好頸渴，唔似有落好多味精🙈另外多青好抵讚，叫咗多青就真係成個匙羹都係🥄環境方面都算闊落，服務都算係咁，幾有禮貌普通茶記水準☕️

之前睇過YouTuber介紹，一直心思思想試但又怕等好耐位。咁啱見到外賣網有得落柯打，於是試下啦雖然貴左點 $65+ $25外賣費不過味道真係好滿意，湯係飲哂咁款雞都夠足，如果豬肚畀多少少就仲開心☺️下次，一定要堂食 更新鮮熱辣☺️☺️

疫情再次來襲，唯有選擇外賣，來到平日荔枝角叫好叫座的連文記一試，外賣速度快，這點值得稱讚，但外賣的質素真是強差人意，讓人卻步。叫了店內出名的蔥油雞排飯，滿心歡喜，點知打開一看，整塊雞排像中了輻射一樣，全塊也是燶的，咬走面頭的燶邊後，底面的也是燶的，一塊雞排也可煎到如此，真是垃圾。燶也不在話下，連肉也燶到硬，一點肉汁也沒有，像是咬一塊硬膠。之於蔥油得一個鹹字，一點也不香，差到不敢再次光顧，失望之極！

之前一路聽同事講堂食都好多人，等位比較耐，所以之前一直都外賣！但係今日真係好想出去呼吸下，就去左博一博，好好彩唔駛等！😍🥰平時食開雲吞雞嘅我，今次食左個冬菇雞米粉（$69）等一隻冬菇切半，都真係幾少，係入味嘅。。。不過真係好少。。。以為收埋左係下面，搵左好耐都係得2粒😭😢下次都係食番雲吞雞

已经听朋友介绍了好多次，上次去的时候店外有人龙，最后都没吃到。这次提早一点，12点前去提早吃午饭，避开繁忙时段。从荔枝角站 D1 出来，马上就见到这个宣传海报。沿楼梯上一层马上到达，不用经工厂大厦的大堂。一如所料，没有人龙在外面等待，直接进去就可以了。主要是吃他们的米线，肯定点他们的招牌，不用多想就下单了。桌上放了一叠小碟子，是供客人放骨头，简单干净，想法不错。跟餐点了热咖啡，普普通通，味道不怎么样，期望不要太高。最后主角出场了，大大碗的花胶鸡米线，放了大半隻鸡髀，还有几件大大块的花胶。其实汤才是秘密武器，真材实料，清甜无比。原来没有味道的花胶和米线也变得可口，鸡也没有雪味。整体是非常好吃，最后把汤喝完。餐牌上还有几个推介食品，下次要试试他们的胡椒猪吐鸡米线。

聽同事推介呢間既花膠米線好出名，今日lunch就一於黎試下，雖然佢係工廈入面，但依然有好多人黎朝聖，lunch time真係非常多人，大約等左半個鐘先有位。座位大約有30多個，裝修帶有懷舊風格，以lunch黎講，價錢都唔算平。滋補花膠雞米線 一場黎到，當然要試下招牌花膠，花膠份量都算多，而且仲好大塊，雞肉亦好滑，湯底亦好清甜，可惜米線唔算太多，如果男士黎食可能唔夠飽。胡椒豬肚雞米線胡椒味好香，好惹味，雞肉亦都好滑，雞肉份量都唔少。

平時我去開佢哋的大排檔，今天終於有機會再來到荔枝角店舖連文記冰室啦！因為我和朋友晏了去到， 最後只得一碗花膠米線，我朋友唯有點牛魔王米線了，花膠加埋冬菇米線仍十分好味，我覺得絕對保持到水準呀！

朋友介紹帶我黎左呢一間茶餐廳😙 佢話呢間好食到下午茶時間已經會賣哂🙈 今日咁岩晏就時間黎到，好好彩唔洗等位又未賣哂！ 我地叫左花膠雞湯一個湯飯同一個湯米線。一上菜其實嚇一嚇，啲花膠同雞嘅份量多到呢，每個人都有一隻雞髀，另外都仲有好幾舊雞肉係入邊，花膠都唔係得一夠兩舊細細地而係好多份量😱 $69蚊連野飲可以做到咁既份量，真係好抵食！仲要咁多人食，依然有品質保證👍🏿 真係好佩服啊❤️大家得閒都黎食下喇😙😙

今日睇完醫生係荔枝角搵食，記得上次去過呢間連文記食蔥油雞扒飯時，見到對面兩位小姐食花膠雞米線，見到個賣相好正今日特登走去試。我叫咗花膠雞米線，大人叫咗胡椒豬肚雞米線。花膠雞個湯底係比較淡味，但可以接受，個花膠唔錯，比起我平時去稻香嗰啲花膠煲啲膠......明顯好好多，仲有雞肶肉食添，真係要感恩。$69仲想點....老婆個胡椒豬肚雞湯底有幾好味，仲有我喜歡嘅酸菜...好好味。之前見到有啲食評麻麻但當你好似我咁係荃灣沙咀道尾近有線工作，每日中午喺美食沙漠搵晏食，你就知點解我會感恩多謝主

朋友介紹這裡有滋補的米線，米線十分大碗。有好多雞肉，當中更有一個大雞腿，啖啖肉，骨頭相對比較少，雞肉鮮嫩幼滑。湯底充滿雞味及雞的精華。不過湯上有些許油，如果店家會幫忙走走油會比較好。米線及花膠的熟度剛好，不會太硬或太稔。店家不吝惜花膠的數量，有數大塊。60多元的價錢算是不錯了，偶爾試試這滋補米線也不錯。

我唔係第一幫襯連文記，過去咁多次都冇問題！今次叫嘅冬菇花膠米粉亦唔係第一次食。我地一食個冬菇已經食到有叔味，試第二舊一樣有叔味，即刻同侍應講，佢話哩隻冬菇係咁，今日賣咗好多，都冇人話有問題，就咁打發我。 OK我唔同你嘈，我出去埋單時，我再講你d冬菇係叔咗，我唔係第一次食，佢話佢係知d冬菇有d味，我話咁你同事仲咁答我！這就是真正嘅連文記！食物中毒係可以預防嘅，明知食物有問題都照賣，就冇乜良心囉。我唔會再幫襯。

話說網上評論一直很好， lunch就去試下啦。花膠雞湯飯因呢個有所以就一於試下。望落去就唔錯架。但食落口好淡，咁真係似無咩味精既。所以，淡都唔緊要，咪落鹽＆胡椒粉囉。湯頭都係好普通。而個雞唔知係咩原因，一d味都無。話明是花膠雞，我完全食唔到過舊雞有咩味道。都知唔會係鮮雞，但連雞既味道＆咸味都無。白烚雞可能仲好食過佢。唔知係d雞用泥淆湯底定點。完全好失望，淡而無味，冰鮮雞都唔會無雞味，但佢真係一d味都無。仲食左差唔多$70蚊。

已經好耐都冇返工lunch time出嚟食今日難得同事有興致就一齊早少少出嚟食不嬲lunch time都好爆我哋早咗啲嚟等兩張枱就到等咗大約10分鐘左右但我哋入去嘅時候已經起碼有7,8張枱等緊所以想食都真係要早少少嚟首先主角雞好嫩滑一啲都唔鞋 份量好足 有3大舊另一主角 花膠就有4,5舊 加埋好吸湯嘅娃娃菜真係齋食餸都飽d米線份量啱啱好 不過我覺得有d太淋d湯好好飲如果有下次我會想試湯飯仲有就係我唔食芫荽佢都好嘅 方便我一下就可以畢起曬

上次初嘗胡椒豬肚米線簡直驚為天人 本身唔好豬肚既我突覺得好食 豬肚爽口彈牙，胡椒味勁濃 ，雞脾仲好嫩今次突登11點到 坐得舒服好多 同唔使同人搭枱叫左雲吞雞米線 同蕃茄豬扒米線但結果令人失望同胡椒豬肚米線同價既雲吞雞 明顯湯底份量都失色不少 上次食既時候飽到肚腩都突埋🤭 今次就食完都只得7成 而湯底都清好多， 冇花膠雞咁濃，最後要落2匙辣椒油食先夠味😐 同可能靚雞留比招牌米線 ，所以雞件比較少同比較柴，冇咁靚仔，有舊雞仲有少少黑色點。至於蕃茄湯底就偏家常，但豬扒比較柴，冇咩特別所以覺得如果突登咁辛苦過黎叫返招牌個幾隻會食得開心好多（有thumb up個d)， 雖然價錢貴，但起碼質素有保證, 足料， 胡椒豬肚真心冇得輸， 同樣58蚊抵好多 附返上次食既圖