遊樂 (已結業)

跟好友約了日子飯聚, 於是上來openrice 找找銅鑼灣有什麼好地方, 看見食客們對"遊樂" 發出一致好評, 更有“非去不可”之標題, 因而決定前往....結果... 環境方面, 由於店內空間很小, 座位狹迫. 只是安頓肩上的手袋及另一小袋戰利品已足以令我感到狠狽... 而更糟的是店內的抽油煙系統不佳, 我跟朋友坐在bar 檯鈄前方, 結果吸得一身衣服及頭髮都是油煙味.. =( 食物方面, 也只是一般水準, 真的不能說得上是好味. 我們order 了手造漢堡, 大阪薄餅(厚), 凍豆腐, 炒墨魚.. 另外飲了calpis soda 以及巨峰soda. 我對寄予了厚望的手造漢堡, 最感失望. 後話: 帶好友到了此店補祝生日, 令我感到超唔好意思哦. 於是離開此店後, 我們轉移陣地往agnes b cafe 食甜品補飛~

17 March 2007 (Sat) - 晚飯上網睇到食評唔錯，一行三人特登走黎試下，只係需要排第二，見都夜夜地，應該唔會再有人等位，同埋啲人應該好快食完走，決定等佢一等，點知又真係好快就有位！入面其實真既好屈質下，舖子好細小，確實都有啲似日本似既地道拉麵店！我哋三人坐正喺個鐵板師傅前面，好開心，因為我只係著件背心加大褸，徐咗件衫會好凍，唔徐又熱死，喺咁既情況對住個熱烘烘既鐵板真係份外溫暖！坐低想話要杯茶，點知原來呢度唔包嘢飲，唔會有茶比，要自己叫嘢飲，我同好友叫咗一支烏龍茶Share，另一友人叫咗罐可樂，我哋再望下食乜，見到佢牆上有張好賣的食品List，我哋二話不說就叫咗幾樣上面所寫既嘢：一個大阪薄餅（厚既）加豬肉既，因為佢話我哋知大阪薄餅只係得生菜同麵粉；一個手造漢堡扒同一個芝士奄列！第一樣黎既係個手造漢堡扒($58)，睇住佢整時我啲口水已經流出黎咁滯，雖然個size 唔係好大（亦因為咁我哋決定會再叫第二啲嘢食），但係個扒真係好厚，而且好有肉汁味，令人食完後第一個反應係好似上天堂咁，我知自己好誇張，但係對於好食既嘢，我都唔介意再誇張啲！第二樣黎既係大阪薄餅(厚)($48+$10加

雖然老闆佢中文好差，整係識講好少好少不過笑容搭夠晒; 妨且佢泥得個半年未有都差唔多啦^^"服務態度一流，老闆佢見我地幾個女仔坐係bar位特別俾左紙圍巾我地，d衫唔洗索晒d味>V<佢徒弟雖然好似唔係好幫得手，不過見佢咁努力而且笑容又好好所以完全無問題間舖的裝修唔差，入到去勁似係日本食野; 雖然細細地，但係好COSY囉~ 唔錯喎!食野方面我稔應該唔係我地心理作用，但真係比起其他地方以佢咁GE價錢~~~~超好食>V<食得勁開心喎^___________^去開銅鑼灣唔洗再稔其他地方食野LU

首先, 我係被其犀利的抽風系統呃左入去的。門口香到呢... 入到去, 得十個位, 不諳英語廣東話的媽媽叫我"下ji來過", 行完一round, 都係死死地氣地等, 點知又有位喎。店是不諳兩文三語的日本母子開的, 加上幫唔到手乜滯的兩個本地人, 用廣東話溝通, 佢都勉強聽得明, 用英文就唔使旨意佢識聽。我是用世界大同的語言加oishi跟師傅仔溝通的。舖面只得一條巷咁闊, 行多個人都唔掂果隻。有7-8bar檯位, 對住鐵板, 咪話d煙唔攻。不過見住師傅整野食, 算另一番風味。先吃了漢堡扒及1號煎餅加豬肉。我唔知咩為之正宗, 總之味道是不錯的。口感加醬汁搭配都好吃。漢堡扒大大件, 加上調味汁, 都算惹味, 不過偶爾食到幾啖"粉粉地"。來呢度下次都係吃煎餅正d。最後師傅仔幫我弄了一個蛋包炒麵, 估唔到蛋皮包著炒麵是十分搭配! 酸酸的醬汁醒胃, 五花肉惹味, 是encore得過的。有2張檯可以自己弄煎餅的, 感覺幾好玩。一邊吃, 一邊見師傅仔整左個好多蔥的煎餅, 同好多蔥的炒麵, 相信幾好食。服務就爭些少, 可能同未上軌道有關。同師傅仔傾開, 佢來香港只不過四個月, 所以值得原諒。店舖有紙圍裙供

全店日本人打理, 唔識講廣東話, 要用英文溝通! 一貫日式舖頭, 舖十分細好少位地方好迫, 全店得一張bar,係對住塊鐵板(全部食都係度出ga la!), 可以睇住師傅好有心機咁整自己order 食, 特別覺得好食! 好得意! 雖然舖頭抽煙系統做得幾好, 但坐得耐少不免都成身油煙感覺.大阪燒餅(厚) $48賣相幾靚, 蛋漿唔多所以蛋味唔重. 但料就好足, 好多蔬菜, 唔油唔膩, 幾好!豚肉燒餅(薄) $48呢款多d蛋漿, 豚肉一片片好長, 幾新鮮, 少少鹹.餃子(五隻) $28底煎到金黃色, 層皮就仲係白白地有少少透明咁. 食落出奇地好味! 因為食開d皮都係硬身, 但呢度就好軟綿綿, 好正! 餡唔係d 多到塞滿成隻餃, 而係份量中份量, 唔會好多肉好膩咁! 而且餡料好新鮮好鮮甜!!!芝士omelette $48又係質地好驚訝!睇住整時d蛋漿好"杰", 估唔到食到落口係好鬆軟!好味呀! 可惜係芝士份量太少, 大約得一片左右,變得無咩芝士味, 同埋食得出d芝士係普通芝士, 所以食時候唔會係溶溶地一絲絲,仲有少少雪藏味, 可能係鐵板煎始終都係唔夠熱.soba 拉麵$68soba 拉麵即係om

晚上, 與老公約好到銅鑼灣吃「好味燒」. 「遊樂」門口只比車位大一點, 不易找, 認住「住家菜」附近好了.店內客滿. 等了半小時, 才有位. 落單後, 飲品Calpico（Calpis + Cola）馬上奉上, 然後是...等.一小時後, (附圖)「手」（手造漢堡扒$58）出場. 我們餓壞了, 狼吞牛肉、肉汁及蘿蔔醋汁. 清醒一刻, 仍記得comment 漢堡扒是何等juicy, 比日本賣得平（日本約1000 yen）, 90分！15分鐘後, 「好焼」（大阪燒餅$48）與「焼」（蔥燒餅$48）奉上. 是日本人homemade 的味道, 大阪燒餅內的椰菜都有用心finely dice, 我略嫌Mayonnaise 及木魚絲下得不夠多.蔥燒餅有點像印度Roti Canai, 上加大量的蔥, 賣相極討好, 味道就...用大陸蔥是敗筆, 完全無蔥味. 我想因為成本問題, 是難以改用日本產的蔥吧.以上兩樣的「碟頭」都是一人份, 由於上菜時間分隔太久, 我們食極唔飽, 又加幾個菜. 半小時後, 「焼」（炒Soba $58）新鮮炒起. 味道可以, 最起碼比祟光超市的

第一次去呢間日本餐廳食野, 因為朋友睇到雜誌介紹呢間餐廳, 所以就決定要去試下。間鋪個門口好細, 入到去, 原來間鋪都係好細, 但好有日本食店o既感覺，間野得十多個位, 仲要得一個店員, 覺得佢好勁。有5個set lunch 揀, 我地叫左一個日式燒餅set + 一個soba set。日式燒餅and soba set :一個好傳統的燒餅, 但味道唔錯, 仲要提供左個鏟黎食個燒餅, 都幾正宗(日式燒餅set)一碟炒soba, 味道很好..好鍾意個醬汁(soba set)一小碟醃青瓜+ wasabi 八爪魚一小碟蘋果香蕉沙律一小碟薯蓉沙律一個紫菜蛋花湯賣點個個待應兼廚師係日本人, 很好禮貌, 好有笑容, 一個人搞掂晒整野食, 收錢, 落單...總之就係一腳踢, 但佢都好似做得好輕鬆, 一o的好趕o既感覺都冇, 但o的野食都唔算黎得慢, 因為o的燒餅or soba 即叫即整, 得一個人搞掂晒, 都係咁上下啦~很喜歡o個度o既格局, 因為好有日本o既感覺, 佢會o係你面前整燒餅, 炒野, 整餃子等等, 見到佢係好有心機整野食, 仲要係成個set 一齊上, 唔會分開上, 不過佢仲未申請到酒牌,