那些年

营业中

休息中

嘢飲有好多選擇而且仲好好飲（最鍾意香芋朱古力！）食物都好正，午餐晚餐都間唔中去食，晚餐嘅炒豬大腸雖然鹹咗啲，但係都好正！非常推薦！💖手撕雞都好好味，如果味道可以重返小小就完美！

街坊一名，間唔中都會幫襯下，咁多年黎無論換左幾多次侍應，個問題一直存在就係d侍應長期背住d客！一係玩手機，一係同廚房傾計，一係圍埋傾計嗌唔該都冇人有反應因為佢地傾得太開心其實野食唔算太差我都幾鐘意食佢哋啲米粉野飲都睇得出有心機update下但d侍應真係好趕客一間食肆唔想對客唔想做客其實可以淨係做外賣就連個經理都係背住d客同水吧傾計個經理落單又落列好似想打人咁款今次都係第一次寫食評希望有關方面睇到可以改善下

Lunch Time過嚟 得依間唔洗等位 所以就揀咗食佢午餐嘅選擇都幾多 湯飯、麵、肉燥飯、咖哩等等都有…揀咗個鹽酥雞粒肉燥飯和鹽酥雞排肉燥飯 $50幾蚊份量都唔少 仲包咗杯熱飲（凍飲+$3）味道都不錯 雞粒唔會炸到好乾個肉燥飯都唔差 肉燥份量都夠餸飯食

晚市去到叫豬手麵，張相有菜有蛋，出到黎得三舊骨加少少麵，豬手完全係皮包骨，當人係狗咁，催佢先肯比返菜同蛋，收人62蚊，完全唔飽，我唔認為廚房會一次過漏兩樣，極離譜。

週日 我們一行四人 到這餐廳吃下午茶，落單後首先發現計錯錢，多收$6，通知職員後改回賑目。再發覺 麻辣撈麵沒有了麻辣醬 再叫職員查看。他們 說漏加了麻辣醬， 給了小碗的麻辣汁自己加添。 還有一位 的胡麻醬手撕雞撈麵，本應很簡單餐食；但是等了20分鐘也未出餐，問那位女職員沒有反應，再次追單也是徒然。最後要自己到廚房窗口看及繼續追問才在廚房很慢的製作。還有職員的服務態度非常惡劣，沒有說多謝；唔該 ；不好意思等等的禮貌術語。 不會再回頭！

見到店舖裝修幾靚 座位尚算舒服 就試下Lunch set都幾抵 價錢大約$4x~$6x{大大碗照燒汁鰻魚肉燥飯}鰻魚有大半條 肉燥同飯既份量好多 仲配有4粒青瓜和冬瓜茶值得一讚就係冬瓜茶 好飲至於飯方面 最敗筆就是照燒汁 太鹹🫠食到最底勁多油 最底既飯就放棄了{排骨肉燥飯}排骨賣相普通而家越食越鹹{古早味新竹炒米粉}炒得好香 三款之中最好食 但都係太油總結：宏觀周圍嘅食客主要食湯麵為主 例如牛肉麵 湯新竹米粉 可能湯麵比肉燥飯更出色📍那些年 (屯門)屯門田景路31號良景廣場2樓206號舖

下午茶時間較靜 只有少量客人迷你肉燥新竹米粉配炸貢丸，墨魚丸雖則話迷你 份量好多 肉燥濃味 味道唔錯炸丸即炸都冇什麼好挑剔 小心盪口😂餐飲點了無糖茉莉綠茶茶味夠濃👍🏻可以半價點其他台式飲品 價錢合理 坐得舒服下次試下鹽酥雞先🙈

間唔時都會嚟食下，雖然唔係話好好食，但係都不至於難食，今日同屋企人久違去食下，點知出事⋯⋯叫咗個平時都食開嘅米粉加滷水拼盤，個滷水拼盤真係差到一個點，成個滷水拼盤除咗藥材味就冇其他味啦。特別係豆腐，咸都唔咸下，淨係得濃濃嘅藥材味，都唔知我係生啪中藥定食緊滷水豆腐。雞翼都好啲，都叫做可以食落肚，有少少🤏咸，多多藥材味👍🏻出色嘅廚房先做到㗎🌝

本來是長期食客，放暑假後的第一次來。以後不會再來！難食到一個點！肉燥拌面，變醬油泡面！又鹹又酸。。。。叫了三個餐，個個都難食，小朋友都話黑暗料理。。。。本來我點小朋友都唔挑食的，居然都話好難食。。。真的越做越差。。。

晚巿時間，店內有兩三張吉枱，3位想入，A職員叫等等… 又唔見係做緊野，但又等幾分鐘唔理我哋… 再問多句，咁B職員叫我哋坐..咁入去，張椅有汁，同佢哋講，A職員擺塊布將啲漬由左fing 去右，我話仲有漬，佢再fing 一fing 就呆企咗响度… 由於張椅仲有漬，我坐唔倒，咁B就走嚟再抺&同我哋落單…等咗陣，A攞咗兩杯野飲嚟，一杯啱，一杯唔啱size, 佢話我哋係叫咗呢啲，對完單係唔啱就攞去水吧倒落另一隻杯想再上…. 期間員工C就上咗杯啱嘅過嚟… 佢又一齊上，我哋退返佢唔啱嘅果杯，咁佢就將杯野再轉轉又上咗過隔嚟枱….食物質素其實麻麻，而且價錢偏貴，例如圖中一小碗仔肉燥飯+檸茶就要$50，中式餐就$80-$90…其間見做倒野，做得最多野係職員B，見啲人入坐、抹枱，主要上菜，同收錢都只有B跟進…. A同C基本都係只識呆企，但估計A係店長，佢呆企得嚟會鬧B, 一枱2人叫得太多野，無位上菜，咁店又唔多客，B拍隔離張2人枱上菜，A就即刻鬧，話張枱平時係唔郁，佢搬乜鬼枱…

21號吃下午茶唔記得拎走BB水樽，23號致電分店，話係舖頭，我話我會過去拎，26號今日去拎話扔左😓😓雖然唔係話貴野，但已經講左會去拎，就應該幫客人留下😖😖，十分之差既體驗

晚市叫了一個鹽酥排骨滷肉飯$58，送上泥嘅鹽酥排骨只有三四條條形嘅豬肉，而唔係一塊完整的豬扒切成的，似係執頭執尾砌埋做一份餐甘，正常應該係原塊豬扒炸好先切件，應要有完整的形狀。問了職員依家份量係咪少到甘，佢地話都唔知廚房嘅野，見到係甘就甘。圖入面嘅分量就係未食過嘅樣。另外叫了西蘭花炒魚片，分量正常。

返工食飯叫外賣，同事推介「那些年」，我見人人都叫鹽酥雞肉燥飯，我都跟住叫了。鹽酥雞嘅面好脆，鹹鹹地，肉質琳琳的，好味。我會將肉燥撈埋啲飯一齊食，肉汁撈埋啲飯真係好開胃，再加多杯凍奶茶，返工都食到咁好食嘅飯，好幸福啊！🤭🤭🤭

琴晚同媽媽兩個人去咗食呢間台式嘢那些年😂我哋分別叫咗一個古早味炒米粉同埋小食拼盤（鹽酥雞、炸地瓜條、炸花枝丸、甜不辣）仲叫咗一杯水果茶share飲😘古早味炒米粉好好味 而且非常之大碟😍但係個小食拼盤就真係麻麻地🥹🥹🥹啲炸物感覺上好油但唔夠香口🤣唯一好味啲嘅係個甜不辣 但可能因為我本身都已經鍾意食甜不辣🤣🤣杯水果茶入面有好多生果 我叫咗少甜 幾好飲😊順帶一提，我覺得呢度服務態度算係幾好，幾友善 但食物質素就一般般😊

本身想打電話去落order, 有人聽咗之後話等等，等咗9分鐘都無再人再聽，（我估是身材較胖及短頭髮的店員），我唯有收線再打，都係無人聽，放是我直接去店，發覺店內都仲有2枱吉枱無人，都唔爆，我企在counter,那位店員都無理我，等咗幾分鐘至有另外一位唔多熟餐牌的店員幫我落單，我本身幫趁了年幾，今次體驗十分差，又唔係好好食，質素都無剛開店時那樣，服務十分之差，以後都不會再幫趁！今次是十分差的體驗！！！