郁鍵快餐

营业中

休息中

🍪【上環】郁健快餐💥太平山街大排檔 地道港式碟頭飯💥.🍪郁健快餐喺太平山街開業多年，想食港式碟頭飯，就嚟啱地方！餐廳座位唔多，而且都係戶外位置，星期六有唔少捧場客，亦有遊客慕名而來，要預時間等位！~~~~~~~~~~~~~🍽 豉椒雞柳飯 $44 (4/5) +$9凍檸茶雞柳滑溜，豉椒汁送飯一流！男朋友俾4分，我就覺得味道稍鹹。坐喺度食確實幾有風味，一試無妨！~~~~~~~~~~~~~味道 Taste：🍪🍪🍪/5環境 Ambience：🍪🍪/5💸消費 Spending：$53 /人 Person🔥推介度 Recommendation：3.5/5.📍 郁健快餐上環太平山街6號寶雲樓地下A舖 (上環站 A2 出口)Shop A, G/F, Po Wan Building, 6 Tai Ping Shan Street, Sheung Wan (Exit A2, Sheung Wan station)

4/5咖哩炒飯得喎！curry fried rice is good! Flavour and texture, fried and mixed nicely. Egg is beautifully fried as well. Just the pork chop texture is marinated to too soft . Also is a super cozy area, that you can see outdoor on their mini table. Enjoy the food and the lovely neighbourhood.

十一點半到，人唔太多，坐係出面邊角位，點左個咖哩炒飯加杯凍鴦，轉個頭就有得飲，姐姐話轉頭收埋64，ok啦，價錢都咁上下，最緊要好食就徥啦！十分鐘左右飯到，色味俱全，飯粒分明，有中虾兩隻，料飯比例合理，唯一就係細碟左小小。其他茶餐廳嘢都無嘢好評。個飯可以再聚

只收現金服務態度：正常，不過職員記性差啲環境方面：真係好古舊快餐店，店內其實無位，都係開枱出行人路坐，我比較鐘意佢有高枱自己坐，不過人多時，我多數外賣15分鐘就可以回到家。食物質素：炒飯真係出色，因為佢真正做到有獲氣，每一粒飯都係咁熱，就算我外賣，要15分鐘後食一樣熱辣辣。我係一個鐘頭飲齋啡的人，這店齋啡好唔掂，飲後竟然有苦澀留係邊舌頭度性價比：合理，以炒飯尼講佢55有這種質素合理，但可以我食咖哩入面得兩隻蝦會略嫌無餸。總結：會再光顧，一定食炒飯，會選，擇有餸果啲。好味指數😋😋😋

係咩驅使我同男朋友係35度2點幾去食郁健(´-ω-`)真係純粹屎忽痕想行下太平山街附近但又真係無想像中咁熱喎佢風扇幾夠力 起碼無食到滴汗人流仲唔少 睇黎真係有一班忠實熟客第一次去就一定要叫招牌咖哩炒飯啦我地配左豬扒 加左蛋佢炒緊既時候已經聞到好香有星洲炒米既感覺(˙𐃷˙)飯係炒得唔錯 有鑊氣 一粒粒豬扒就無乜驚喜反而覺得加蛋係畫龍點睛.ᐟ‪‪‬蛋汁同個飯好夾如果隻蛋再燶邊啲就好另外見沙咦牛肉麵關注組有推介過我男朋友身為沙嗲牛lover當然要試試佢( ⋅֊⋅ ).ᐟ.ᐟ沙嗲汁同牛肉份量都多沙嗲汁厚身 偏咸左少少有少少蓋過花生香牛肉肉質就幾好 唔係乸到無口感果種整體會比一般茶記好食啲啦另外加左炸雞翼 都可以的無咩事涼啲先去啦|ω・）✿✿✿✿✿✿✿✿✿✿✿

35度、紫外線指數屬於9，強度屬於甚高底下都阻擋唔到我對鑊氣嘅尋覓，上環太平山街郁健快餐可以話係其中一間鑊氣快餐，全部即叫即做，我叫咗個咖喱豬扒炒飯加隻太陽蛋，上枱熱辣辣，入口之前仲要吹一吹，每口充滿咖喱香、豬扒正常、雖然今日可能有少少失準、炒飯有輕微濕，但係見到佢哋一家大細幫忙，小妹妹放學幫忙落單抹枱跟單，爸爸做伙頭智多星，媽媽打點一切、呢啲就係香港精神，希望我啲小朋友都會咁生性

今日去開上環就順便去試下呢間餐廳既咖哩豬排炒飯，去到發現原來而家只做外賣，好彩隔離有個公園仔，所以我地就決定買外賣去公園仔食，係公園食飯都係我人生的第一次，又有一番新體驗！咖哩豬排炒飯炒飯好乾爽有鑊氣，炒到粒粒分明，咖哩香口惹味，吾會好辣，豬排混在飯中，入口鬆軟度適中，好多人會為左個咖喱炒飯而黎。

好耐冇上過咁遠食飯，就特登過嚟試吓佢嘅水準有冇下降。今次照舊叫咗黑椒雞扒炒飯。可能今次人數比較多，平至五至10分鐘出餐。今次就等咗成四五個字先有個飯食。真係餓死人。個飯一上枱仲有煙喺即炒，依一方面依然Keep到水準。講返啲飯，果然冇乜點退步，啲飯炒到粒粒分明，而且黑椒味好夠，又唔會搶走啲蛋嘅香味。師傅炒飯嘅功力果然厲害。之後都講吓隻雞扒。份量唔算好大，我諗大約100克左右。但係就好脆口。明顯有處理過。所以我覺得呢個雞扒其實係幾好食。唔會覺得呢一個配搭好奇怪。我哋食嗰陣有好多人買外賣都係叫炒飯。所以我會推薦大家上嚟試一下佢啲炒飯。但係有心理準備因為人越來越多，可能等嘅時間有啲長。但係侍應嘅服務態度都唔錯。如果唔係太遠嘅話我都會成日上嚟幫襯佢。

名過其實炒飯👎🏻👎🏻👎🏻話說有一次上左去東街等lunch 外賣, 聞到好香既炒飯味, 唸住下次一定要試下佢既炒飯! 今日試左, 一個字 "shxt” 真係名過其實......我睇佢D 食評好似好正咁, 又講到係隱世炒飯......點知......唉 ! 話說叫左個咸魚鷄粒炒飯, 無乜咸魚香味之餘, 仲要淡茂茂, 而且有好強烈的燶味....大佬呀, 收人$62個飯, 我會有期望囉! 講真, 普通一個生炒鷄絲飯都係$47, 你賣得$62, 我覺得真係要俾足料人先好收人咁貴......No Next 了! 五星滿分價錢:⭐️⭐️⭐️味道:⭐️位置:⭐️CP 值:⭐️郁健快餐 (上環)上環太平山街6號寶雲樓地下A舖

係呢度叫左2個炒飯，一個咖哩炒飯，一個生炒牛肉飯。果然冇失望，兩個飯都好鬼香，直情係有鑊氣。時下要搵反有鑊氣嘅炒飯真係唔容易架啦，但呢度可以搵到！好好食！唯一不足就係環境差少少，又室外，夏天黎食真係可以好熱。不過計食物黎講真係好食，唔係“頹”飯！

睇左網上交友平台香港沙嗲牛肉麵關注組，有唔少高質沙嗲牛肉麵嘅推介。其中呢間郁健快餐有無數好評，今日見得閒就自己嚟到朝聖唔想咁肥叫左沙爹米 米粉煮過左少少 太淋沙爹冇明顯花生味 依點我鍾意牛肉淋身冇根 但味道唔太入味沙爹汁一加入湯裏面就變得好淡口只能講我期待太高 一般般。唔值得特登去上環試特別一提 街坊小店 坐戶外對馬路 怕熱的自己要注意呀

豬扒有五塊，比較韌同有筋，但醃得入味👍飯嘅黑椒味好香好出🤩都炒得足夠粒粒分明，但就偏油🙈環境就唔好追求喇🙈比較煩係嗰日有人食煙😕😕姐姐幾有禮貌，午市好多附近打工族買

約朋友去上環飲咖啡～同朋友講起⋯⋯沙爹牛⋯⋯對面就係郁健快餐朋友話嗰度都有沙嗲牛肉麵！因為咁啱我未食野超級肚餓⋯⋯成個攤檔好有港式風味呀～趕係4:30前食過沙嗲牛肉煎蛋面啦！賣相唔錯！我好滿意！沙嗲醬味濃，就冇乜花生味，不過我自己號呢個味道😍我馬馬地有花生味嘅沙嗲醬🤣牛肉都算嫩，算掛汁，份量啱啱好！重點係窿邊蛋😍，吉爆蛋黃！正正子！公仔麵硬度岩岩好！整體來講都係唔錯，不過有少少咸～去上環飲咖啡！可以食返個沙爹牛呀！

今日中午去中環食飯，朋友就話介紹我食一間快餐，快靚正唔知大家鍾唔鍾意食碟頭飯，頹飯，我就幾鍾意啦呢間位於中上環之處，係中環行過去都要行20分鐘斜路真係少D腳骨力都唔得去到本身想跟朋友叫黑椒炒飯，後來見到咸魚雞粒炒飯，就毫不猶豫簡左後者！黑椒雞排炒飯（＄48) 用上粗黑椒粒，蛋，蔥花炒既飯，其實真係有少少驚喜，係炒飯黎講都係7-8分，雞排都炸得唔差，而且份量對得住個價錢咸魚雞粒炒飯（＄60)見到個價錢高咁多，緊係心有期待，果然無令我失望，咸魚好有咸香味，坊間既咸魚雞粒炒飯好多唔夠咸香，又或者炒到濕濕lup lup，呢間並唔會，係師父一炒就覺得好香！食過返尋味指數：7.5/10如果唔係個位太遠，應該都會多D去食係少有既炒飯好有獲氣！立場未知，但佢會meet走建制派既宣傳海報囉😂郁鍵快餐地址：上環太平山街6號

Yuk Kin Fast Food is a long standing local restaurant on Tai Ping Shan Street which sells typical local cha chaan teng style rice and fried rice. Trying it for the first time, I got myself an Assorted Steak Rice in Onion Sauce. I was slightly disappointed as there was only pork chop… Other steaks were replaced with chicken wings for poultry, sausages for beef…Nevertheless, the whole dish was really good. The pork chop was quite tender. The two chicken wings and the sausage were nicely pan fried.