影片
营业时间
今日营业
11:30 - 21:30
星期一至日
11:30 - 21:30
以上资料只供参考，请与餐厅确认详情
食家推介
今次第二次同另一半黎食車仔麵，🆚大家做個參考A1#招牌麵 河粉配牛腩汁 $55 包以下餸#時菜 #蘿蔔 #魚蛋 #牛筋腩 55蚊包到4個送 而且份量都唔細鋪滿碗面，價錢都幾抵 菜夠爽脆，蘿蔔冇渣而且多汁好甜！魚蛋係陳皮魚蛋，結實彈牙！牛筋煲得夠耐，入口輕輕咬就化開！牛腩入味同樣都非常軟腍，食物質素都冇乜好挑剔！巴士站附近，交通方便！順路都可以去試試！#凍檸茶 #三餸幼麵（咖哩汁小辣） $67 配以下餸：#酸菜 ：有種酸辣爽口既感覺 #咖哩魷魚：冇雪藏味，而且爽口 咖喱味道好夠#板燒豬頸肉：豬頸肉口感爽口，即使有油花都唔會覺得好油膩#凍菜蜜
继续阅读
今日在元朗發現大埔郭仔記車仔麵在元朗也開了間分店，我最喜歡吃車仔麵，當然要入去試下，店內環境整潔，座位寬敞坐得舒服。車仔麵的靈魂在於湯底，而這間郭仔記的湯底由新鮮豬骨、金華火腿和大地魚等多種材料熬製而成，味道濃郁，令人讚賞。我選擇了足料湯底搭配牛腩汁和幼麵，咖喱魚蛋和牛筋腩，牛筋腩很入味好有口感，特別是咖喱魚蛋，香辣可口，令人回味無窮。家人點了足料湯底配上沙嗲汁河粉，選蘿蔔、豬紅、墨魚丸和豬腸的搭配，店家很細心把沙嗲汁分開另上，多少自己加，滿足了不同的口味需求。蘿蔔清甜吸收了湯底味道、豬腸煮到很腍很入味。除了車仔麵，他們還提供多款美味飯餐，選擇多更為豐富，讓喜愛米飯的食客也能找到合適的選擇。吃車仔麵怎能沒有檸檬可樂，檸檬加冰底簡直絕配。整體來說，郭仔記車仔麵不失車仔麵味道，簡單得來選擇多，期待下次再來嘗試更多的配搭。
继续阅读
要搵一間坐得舒服嘅地方食車仔麵其實唔容易㗎，通常都好逼，坐膠櫈，背脊冇得挨嘅，仲要同啲陌生人背對背、手踭撞手踭，尤其是大熱天時，絕對唔好受🙈🙈🙈不過我竟然喺元朗發現到一間有卡位又夠冷氣，可以坐得舒舒服服嘅車仔麵，完全唔使驚夏天食麵會出汗。📌豬三寶麵🐷🐷🐷有豬紅、豬皮、豬腸同時菜，仲可以鮑魚汁加咖哩汁同小辣，非常之有彈性。油麵份量好多，勁足料。每一啖餸同麵都索性啲汁非常入味，冇油膩咁👍🏻📌香煎豬扒麵🐷🐷🐷豬扒煎得香啱啱好，而且剪好咗，方便入口。估唔到車仔麵都可以揀薯粉，連埋啲撈咗沙嗲汁加咖哩汁嘅湯一齊食，唔經唔覺就成碗ko。額外仲加咗酸齋同埋陳皮魚蛋🐟🐟🐟。好少地方有酸齋嘅，所以一見到就即刻要加餸，又係最好索湯底嘅朋友😂😂😂而陳皮魚蛋都好有彈牙，唔會有腥味，係久違咗嘅味道🥹🥹🥹📌傳統咸檸七🍋🍋🥤有成大半個咸檸檬同一片檸檬，睇住嗰啲七喜倒落去個杯嘅時候所產生起嘅化學作用令人聽到好自癒🤗🤗🤗📌鴛鴦紅豆冰🍹鴛鴦味出，紅豆綿密有趙口，又唔會太甜。因為天氣太熱☀️，啲冰溶得好快，但係店員都好好即刻畀一杯冰我哋自己加落去，咁先稱得上係紅豆冰🧊😂😂😂🤫偷偷話畀你知呀，啲麵加埋佢個自家製嘅辣菜脯仲好食㗎，脆卜卜又辣辣地相當開胃😁😁😁📍郭仔記車仔麵元朗擊壤路17號順發大廈地下F號舖@kwokchaikeehk#郭仔記#車仔麵#元朗#舒服#陳皮魚蛋#自家製辣菜脯
继续阅读
2024年1月9號買左一個外賣既三餸車仔麵 收銀同我講 等幾分鐘就有 之後我就企係出面等 點知整完就咁放係張枱到又唔叫號碼 我一直以為個餐係其他人所以都無留意 但我等左差唔多10分鐘左右都未拎得就覺得奇怪 就入去問個餐有未 佢地話呢個係你架 咁點解你又唔叫號碼？ 仲要個時有兩個樓面見到我一直企係出面等 仲要兩個一直企係到傾計 依家客人問你地野三個人又出聲？又一間可以唔洗去食既野 未見過有間態度可以差到咁既餐廳你地最好永久營業 唔好比我見到你地有執笠既一日😡 如果唔係要比細評 我半粒星都唔會比
继续阅读
今日同屋企人經過想食下車仔麵就選擇左呢間車仔麵檔。價錢方面四個人食咗二百幾蚊，有埋野飲！雖然阿姐落錯咗個油麵，但員工態度都唔錯，其中一碗米粉略嫌煮得有啲林，但都可接受嘅！配料份量比起其他車仔麵檔多，女仔食到尾有啲飽添（叫左三餸）豬腸好大條，唔知其他車仔麵檔得一塊，不過豬軟骨可以再煮得林啲就好，陳皮魚蛋份量都多有七粒，但都係略嫌煮得有啲耐左，欠缺左一啲彈性，但湯底味道同份量救翻成件事！整體抵食唔錯！
继续阅读