都會坊餐廳

营业中

休息中

昨晚諗住同太太食扒餐，到咗叫完餐，重要無湯改飯、意粉或薯菜，等咗20分鐘未有得食，咪追吓order，係有店員幫手追吓order，但奈何再等多20分鐘，即足足40分鐘，末有嘢嚟，只好原單比返店員離場!

明明餐廳冇乜人，佢有好幾個卡位，我都已經行到上2樓少人啲嘅地方，都要逼我坐去中間。香港飲食真係需要提高競爭力，可唔可以嘗試尊重客戶意向。明明想去支持你，偏偏俾你趕走！

食早餐咁多年第一次見到多士中間穿了一個窿。到底塊多士係比嘢咬咗一啖？定係製作期間穿咗個窿呢？冇人知道。明白麵包都是來貨，但餐廳廚房明明見到穿窿都仍然俾客人，都真係世界一級服務。☺️☺️

呢度都算由出嚟做嘢食到而家帶小朋友嚟食既老鋪，由以前食鐵板到而家轉做石板都係咁好食！真係大件夾抵食架！一家三口叫左個$388買一送一安格斯肉眼加龍蝦！送餐湯餐包仲有韓式罐裝野飲任飲！我哋仲叫多客芝士薯條！上石板嚟個時，個侍應哥哥仲會細心咁話要小心，好熱唔好辣親，個牛滋滋聲！🤤🤤🤤又嫩又有牛味👍🏻個龍蝦唔係淨係得浸芝士，啲肉係有海水味嘅，唔會無味又霉！我哋以為跟餐薯條唔會多，所以再叫多客芝士薯條，嚟到我哋就一窩蜂咁搶嚟食，點知到個扒嚟到原來都大大兜！仲脆卜卜！食到尾都仲脆！一定好過金拱門！

諗咗好耐都唔知食咩好，正好經過呢間餐廳，一於試下啦，餐廳共兩層，我哋坐樓上，環境寬敞舒適，服務員態度優良，有親切感。👍🏻服務員推薦我咗一份$388的2人餐，其實係買一份，送一份，有前菜、餐湯，每人可以有一份牛扒，半隻龍蝦，仲有一粒帆立貝，而韓國飲品就任飲的。男朋友選擇咗食肉眼牛扒，我就食安格斯牛柳，兩份都係揀咗黑椒汁。最後當然都係牛柳較為嫩口，而且較為厚身，肉眼牛扒就較薄身，同埋口感稍為韌啲，味道不過不失～食物賣相不錯。今次我自己嗰份羅宋湯味道偏淡，唔夠酸，西湯味道都係偏淡～

今年冬至自己一個人過，好似好慘慘，為左令自己睇落開心d，冬至就出街搵野食下啦，路過旺角登打士街同砵蘭街交界，見到City Loung(都會坊餐廳）門口餐牌有靚牛排食，我本身就係牛魔王，見到d相影得d牛幾靚，又有鵝肝，就入左去試下啦，但講句公道說話，喺唔記得幾多年前入過去食牛扒，真係好勁梳打粉味，唔太好食，但今次見d相咁靚，決定比多次機會佢，入去揀左個K1安格斯肉眼配鵝肝，飲品如果飲佢d罐裝果汁就任飲，都幾抵食，埋單計埋加一都係240蚊。首先想讚下個男侍應真係好有禮貌好有心機介紹餐牌比我，非常好服務態度，到個扒黎啦，有塊非常熱既熱石比你自己煎塊牛扒，可以自己控制幾成熟，舊石都好西利，可以熱好耐，食到尾都仲可以煎到塊扒慢慢熟，鵝肝亦好大塊好好味，食完後我都覺得得閒可以再返食

慶祝呀媽60歲，由元朗出去油尖旺呢間扒房食飯，係第一次黎，餐廳位置在彌敦道內街不起眼。去到店員都好熱情招待，因為我地7個人都想食買一送一嘅牛扒龍蝦餐，店員話可以單丁嘅餐價錢除返2，真係好好。牛扒係用熱石上面燒，可以自己控制生熟程度，意粉唔頹，有煮過唔似出面餐廳咁白烚自己撈汁，野飲仲要任飲，又無限時，而且店員好好咁幫我地一家人影相。之後一啲祝福節目都會想揀黎呢度。如果要comment唔好嘅野我諗係坐位有啲窄，因為成份set好大份，張枱唔太容納到，但整體真係唔錯，有下次，會試下其他set~

今晚開心去食扒餐，點知扒嘅質素實在太差，重衰過茶餐廳嘅牛扒！$200一個餐，兩個人$400幾蚊埋單唔係比D咁嘅扒客人食嗎？好睇但好難食以後都唔會再去食！完全係一間完全冇質素嘅西餐廳！

旺角竟然仲有$26嘅午餐！就係登打士街馬路轉角位嘅都會坊！！ 最平$26蚊嘅有焗肉醬意粉，吞拿魚意粉，但我唔記得影相，不過同事都話好味，所以成日叫.我經常叫黑椒雞脾腸仔飯$32呢隻雞脾真係大過我塊面同水樽差唔多大隻，非常抵食，仲係好食雞脾皮炸到非常脆，雞肉無雪味，應該唔係用緊千年油，腸仔都似廚師腸。仲有其他好多選擇，唯一唔好只能外賣，同埋如想有任何更改都要+$5，例如轉菜，轉意粉，轉汁，都要+$5蚊

因為本身都做扒，所以想試下人地手扒，咁放工同兩個朋友去食，一個叫左一份西多，正正常常，跟住我同另一個朋友就試扒，一個就叫菲力，一個就因為半價叫左份西冷，，西冷就冇味，同埋建議換個做法 因為實在太簿，放係石板上對一般唔知點處理既人黎講會做成過熟。變相唔好食，而菲力實在太失望，係鬆肉粉….食扒最緊要係梅納反應，而我只係食到霉….何況塊板跟本唔夠熱去做依樣野….百幾蚊貴就唔貴，但感覺唔係好值，真係可以做好少少，牛扒除咗質素，處理手法都好重要，不過值得一讚既係店員好有禮貌，服務態度好好

從來未食過一間店食物質素奇差總共叫左兩個set 牛舌餐同牛肩胛400G先講牛舌一直都鐘意食牛舌見佢先7x幾好似唔錯一黎到 賣相奇差仲有利胎 🤮🤮🤮🤮🤮🤮已經無乜食欲食落去仲冧之之….（唔知係咪因為d利胎…）已不堪回首🫠唉…諗住個牛肩胛好d仲叫左最一份最大$2XX上到台賣相已經伏…望落仲差過大X 樂打邊爐d肥牛…個source 仲要係已放了千年上面層膜簡真可以敷面💩燒出黎又乾又柴又無味個店員仲問我識唔識燒🤐食除了為生存外 還是想享受享受🥹我決定唔應該作賤自己在原封只動兩塊肉地埋單走人奉勸各位此餐廳 🚨不可一🚨没有再🚨🚨敬請珍惜生命🚨PS 由於從來没有寫食評習慣，當時無留低倩影😓無圖但有真相😥😥

夜晚一支公入黎 原來係8成滿 佢仲有樓上琴晚食完大家樂牛扒 唔得 所以要揾返間覆桌我唔鐘意相機食先 食完好食自然想講叫了豬扒拼台灣腸 加帶子例牌湯上先 白湯Garlic飽 的確只係一般西餐廳貨色 是整定先或者攞返黎 不過都好過我昨晚食大家樂水汪汪的湯都要76蚊或者改一改用餐飽會好的 蒜蓉飽必須要即焗先至好食 不能返叮豬扒好快上枱 擺枱治到好處 腸仔同豬扒骨頂住鐵板兩邊睇落好似好大份咁 隔離枱都望過黎黑椒汁 同意粉另上 意粉有落蒜油 無煮過龍 黑椒汁有黑椒味但唔辣 唔會搶左肉味去鐵板由頭食到尾都仲係滾燙的 好多時出面食食下會唔夠熱 廚師將小小洋蔥放係底 同埋佢專登將肥油個度貼住鐵板 豬扒唔會焦左同肉味會出的 結果成份餐食曬完美離場整體除左飽同意粉會扣分,都係有CP值的 牛扒未試過下次再食睇下有無野可以挑剔

平時都有食開，今日都幾多人食，好彩唔使等位，好耐都冇新鮮嘢食啦，今日終於有新嘅下午茶，有新菜式，好極，點咗個焦糖西多，見到個賣相，不錯不錯，食落都幾好味😋！奶茶保持水準，一直飲開都冇變。

超差的經驗🥲🥲1.收費極唔清晰，本身第二樣半價向侍應查詢先知一定要西冷牛扒（無問題），點知下完單，上埋湯收到賬單先知原來第二份半價就享受唔到午市免加一！！但向侍應查詢的時候並沒有表明。🥲2.餐湯不過不失，但牛扒好令人失望！重鬆肉粉味，衰過大家樂🥲🥲🥲餐牌寫配薯角結果係薯條⋯⋯⋯⋯又中伏🥲🥲3.醬汁單一，都唔想講了⋯⋯第一次嬲到俾負評🥹🥹🥹唔想大家中伏先

今日過開黎，約埋朋友又黎食晼餐，一諗座得舒服，唔怕俾人眼超超，就黎番呢間餐廳。基本既早餐都有，今次我就點牛扒，有d餓，朋友點沙律餐，件豬扒就煎，都算幾快有得食，見到個牛角包，開心，夾埋個炒蛋入去，正，豬扒沙律，都幾開胃。除左食物，想搵個地透傾下計，無人騷擾，這間就啱晒，鐘意佢仲有二樓，夠晒私隱，座位夠寬，傾得開心，又食得好，good ar。