都會自助餐廳 (已結業)

今日油麻地見客諗住近近地喺佐敦食個lunch，又想食得好少少，決定去逸東酒店，因為之前去都係食buffet，覺得OK，今次打算試下散叫睇下掂唔掂。嗌左個香煎老虎蝦意大利寬條麵配辣椒蒜茸白酒汁，一黎賣相都唔錯，見到D蝦果然好大隻！食落D蝦夠新鮮彈牙，麵都唔會煮得太淋，炒得幾香，再加埋少少辣同酒香，整體食落都好開胃，唔會油膩！埋單$168加一，食物質素唔差，加埋環境舒適，絕對合理。下次黎除左buffet，散叫都係一個好選擇。

呢排窮但又想食buffet，平平地塭左呢度，一來有生蠔，二來交通又方便，三來訂枱又超容易經Openrice訂位撳幾下就攪掂！星期六價錢折後$422.4/位，有咁多款都算ok啦！平時我會食嘅items都有齊，冷盤同熱盤相比，熱嘅少款啲，要特別提一提嘅係羊架、栗子mousse cake、翡翠螺。羊架好軟、調味又好，千祈唔好點sauce，原汁原味至正！栗子蛋糕好香但絕對唔漏！翡翠螺size一般，但係勁鮮，唔會硬去相啦

午餐自助歺大多是百多元，見这间也是这价錢而有生蠔，想想試下无妨不存期望，一试才知超值，因為对生蠔不是太喜歡，但这裏生蠔好新鲜，我吃了十隻之多破哂以往紀錄，也令我吃不下其他，印度食品及冬陰公湯也不錯，立即想再來一次，超值👍

在網上訂位有65折不防試試，朋友準時6:30pm到達給了她一枱近廁所入口位置，朋友說想調位，該名員工説沒有位置可調動，如果是我已經走咗，食物方面已經沒有太大期望！朋友生日我已通知酒店職員安排寫上生日牌,令我感到驚訝個服務員只是拎著一隻紙上面一塊生日牌給我我真的呆了。哭笑不得，維有自己出去攞件蛋糕問職員攞支蠟燭點著同朋友唱生日歌！從未試過這樣尷尬

試左午市buffet, 經openrice book就有6折，唔使print紙咁煩，去到排隊等人帶位，主要想食生蠔，唔錯，冇腥味，雖然唔大，但細隻有細隻好食既地方，中意食生蠔，應該呢度算好好，6折後每位150左右連加一，仲想點？p. s. 熟食一般，刺身，甜品都唔錯

一行六人 係父親節正日食lunch buffet 生蠔刺身唔洗搶 一d都唔孤寒 會不斷refill 生蠔都鮮甜的 食左一打又有小龍蝦同青口甜品種類算多 但味道一般 布甸好水 怪怪地 有個朱古力噴泉 可惜甜品真係冇咩好推介 同埋冇我最想食既macaroons熱食種類比較小 叫有齊粥粉麵飯 個冬陰公湯真心唔錯雪糕都有好多款揀 但我冇食到 見其他人話好食 總括黎講以團購$198+10%算係唔錯了 服務態度亦非常好 早左小小到可以坐住等 收碟收得好快

和家人一行四人來歏lunch buffect , 因為有六折優惠，計埋都系$150/1 ，確實吾錯。食物種類頗多，特別是沙律吧！熱食方面也很多種纇，lunch 都有生蠔，雖然小一點，但也很新鮮。 整體非常好，十分抵！

同女朋友週年紀念所以黎食個lunch buffet慶祝。星期日$248，用openrice優惠劵折左再加一$174，算好抵 (非常好荷包唔駛出血…..)！其實問心呢個價錢有生蠔有龍蝦仔有青口又有其他海鮮咁，都真係幾抵，回本野梗係狂隊生蠔，食左一打！之後試埋D熱食，唔算多款但味道OK，非常欣賞個咖哩、燒牛肉同埋即煮麵，有水準！其實阿女朋友見到架movenpick車已經冇再將其他野放在眼內，食左一round咸野已經話要食雪糕，唔知邊個話怕肥只會食兩球，扮晒野拎多兩球俾我試其實最後都係佢食埋=_= 不過movenpick又真係幾好食嘅，我都試左兩隻味。都食得滿足，有機會想試埋佢個dinner buffet。

六月十號訂左位同朋友食自助晚餐慶祝生日。朋友大讚呢度d生蠔好正，好好食。除左生蠔之外，我覺得炒蟹同甜品都好食。雖然款式唔多，但食物質素都唔錯。當晚同朋友都食得很開心。

屋企人話想食buffet慶祝端午節，上網見到呢間做緊團購，價錢合理又有生蠔同龍蝦仔食，所以買黎試下。我地當日坐係落地玻璃果邊，天氣好好，感好開揚，心情都靚d。Movenpick雪糕攤檔都係呢邊，岩晒我！生蠔有大有細，通常一拎出黎就會被人夾晒，我第一轉夾嘅都係比較細隻。不過佢refil幾快，所以我後來都搶到d幾大隻、飽滿嘅！除左生蠔之外，仲有青口、藍青口等。刺身方面，三文魚好肥美，厚切，都好正！熱食選擇唔多，主要係咖哩菜式，味道不過不失。我食左成20隻生蠔之後就轉攻甜品啦！甜品款式都幾多，賣相唔錯。仲有個好少見嘅黃色朱古力噴泉。咁多樣入面我覺得個藍莓慕絲同牛奶果凍最好味。最後梗係要留肚食最愛嘅Movempick雪糕

炎炎夏日，最好就是吃buffet；香港逸東酒店 Metro Buffet & Grill 最近推出了「中西海鮮盛薈」自助晚餐，除了生蠔、鱈場蟹腳、燒烤草飼牛外，重點是11款Movenpick口味雪糕，吃完徹底透心涼！  很喜歡逸東酒店 Metro Buffet & Grill 這片室外園林位，還記得去年8月一家人來吃午餐的 愉快情景，不知不覺一年又過去了！ 這裡自助晚餐六點就開始了，提早15分鐘抵達來拍照／拍片的我們，還可以在日光下，非常清楚地拍下迷人的 Movenpick 雪糕車！除了11款口味的 Movenpick 雪糕，連配料及醬料也非常多元化，加上新鮮即焗的 waffle 杯，大人小孩看了都笑不攏嘴！ 除了強勢 Movenpick 雪糕車陣，海鮮也是這次推廣的主打。一進室內自助餐區，首先就見到大量新鮮紐西蘭生蠔任取任食；隨著夏天來到，南半球進入冬季，蠔隻剛好當造最肥美呢！ 除了生蠔，海鮮吧又有澳洲小龍蝦、鱈場蟹腳、蜆貝、加拿大青口、藍青口、東風螺、翡翠螺、凍蝦等等，拌著三文魚、吞拿魚、八爪魚、鯛魚，以及雜錦壽司、卷物、軍艦等，陣容相當豐富。 另一邊的沙律吧則有蝦

都有一排冇去食buffet，喺心思思嘅情況下就打算搵間平平地嘅食。結果揀左逸東酒店，星期四都係$478，用openrice coupon六五折左加埋一都只係$358，平到喊咩料！有生蠔龍蝦仔長腳蟹同其他海鮮刺身，我覺得都算多款，同埋好鍾意佢有幾多款沙律，個人黎講好buy。熱食選擇雖然唔係好多，但味道都可以，特別係咖哩，好出色，好食過出面好多專食咖哩嘅地方，仲有佢呢期主打海鮮主題，有粉絲炒蟹、法國海鮮湯、白酒青口同埋軟殼蟹沙律咁都好好食！甜品就基本啦，選擇唔算少，味道OK，其實我都係focus喺個movenpick車！有成11款咁多，我chur盡食左6款，超滿足！結論係，我覺得呢個價錢食呢個質素嘅食物我一定會再黎！下次同媽媽黎再戰！

因為有高慶的事嘛，見有優惠、咪訂座食下lunch buffet 囉~刺身、生蠔、日式豆腐熱葷壽司熱葷要encore 梗係好野沙律款式很多！鐘意大大粒蜜瓜！最正係 movenpick 雪糕，仲可加不同 toppings，encore 再encore 試均不同口味！飲品自己斟，野食都幾得，平平地幾多野揀（寫寫下都想去多次～）不過我們二人坐牆邊的細枱係有啲迫。

好耐無去逸東食buffet見到而家做優惠6折星期六，日 248加埋一都係$174即刻book位去食其實野食選擇真係唔多。海鮮有4-5款生蠔。青口。龍蝦仔。蜆。魚生有三文魚，劍魚，八瓜魚。但呢啲我都唔係好食！沙律都幾款撈好左嘅同有啲生菜。青瓜。車里茄等都有幾多款醬汁。但竟然無黑醋嘅！仲有煙三文魚同ham沙律同煙三文魚都係我必一食再食嘅野！呢到嘅沙律菜都幾新鮮！熱食好似有5-6款但唔太岩我食。有湯同粥。仲有啲腸仔。春卷。燒火腿。即煮意粉。擇左肉醬長通粉。都唔錯！呢到嘅咖哩都幾好食。唔辣但有咖哩香！呢個羊肉丸。我覺得好好食！有羊味！但又唔太羶！甜品有我最愛嘅芝士蛋糕！夠實又夠芝！一個人對半個無難度！香蕉朱古力蛋糕都好食。麵包布甸都唔錯！意大利芝士蛋糕就麻麻地！好淋。怪怪地！仲布其他甜品。不過無試哂！生果有西瓜。哈蜜瓜。菠蘿都夠甜！仲有4款movenpick 雪糕！食左咖啡味！正！勁香咖啡味！自助咖啡同茶！

位於佐敦鬧市, 位置好, 座位舒適, 價廉物美, 服務態度良好! 尤其是海鮮類, 算是不錯. 但時間方面, 稍為不夠, 當日到達時間是1:30, 不知不覺, 食到2:30, 但見服務員開始執拾食盤, 而且非常迅速, 唯有跟時間競賽, 盡快添食, 到最後, 還好能夠多叫一杯奶茶