里的茶 (已結業)

同男朋友係香港仔中心四期Mee...lemongrass晚餐, 嗌飲品時(黑糖珍珠鮮奶), Mee...lemongrass 職員就叫我地出去《里的茶》買入去飲, 做緊買一送一優惠 (Mee...lemongrass同里的茶應該同一間公司? 我都唔太清楚haha)飲品系列選擇好多, 有鮮果茶, 珍珠奶茶, 泡茶等等, 我就交比男朋友出去慢慢揀喇(因為太多選擇, 我一定揀勁耐)佢返黎放底後我第一句反應係, 🧀火炙芝士黑糖珍珠鮮奶 ($28) ⭐️⭐️⭐️⭐️⭐️上層芝士口感好smooth, 唔算好濃厚, 所以唔會特別膩, 而鮮奶係用日本北海道3.6牛乳, 本身自己都好鐘意呢隻奶, 好濃好香, 正, 而珍珠口感煙韌, 嚼得起勁, 因為本身黑糖煮珍珠已經有一定既甜度, 所以飲飲下覺得略甜 (大家記得揀甜度啊) 🍑白桃烏龍茶 ($22) ⭐️⭐️⭐️⭐️啖啖白桃香味, 唔會好甜好假, 亦都唔會蓋過烏龍茶本身既茶香, 感覺好清新唔知買一送一優惠做到幾時😅不過本身價錢以呢個size都算比其他台式飲品店平少少同抵飲 (之前飲過無芝士蓋都要over$30, 有芝士蓋over$35)

香港仔新開這間珍珠奶茶長期買一送一，最愛他的果茶，隔離還有餐廳可以坐下來，地方光鮮，不過優惠不適用於堂食，店員服務態度也不錯，會經常來幫襯。希望會長期繼續有這個優惠。

去開香港仔做野，食飽飯見到有間新開台灣茶飲做緊新張promotion買一送一，加上俾佢個店名吸引到，最後買咗兩杯黎試吓～白桃烏龍奶蓋奶蓋唔算話好濃厚，但啖啖嘅烏龍茶都帶有陣陣嘅白桃香，都不錯！富士蘋果芝芝冰茶平時叫開少甜少冰，今次落Order時都有叫到，但位Staff溫馨提醒話如果少冰咗個冰茶會稀咗，所以最後就無少到冰，果然無呃我，杯野飲落好有沙冰feel，仲好香蘋果味，夏天飲真係又fresh又透心涼，如果個奶蓋整得濃厚啲就仲正嘞！

香港仔沒有很多既食店，更沒有好多飲品店。自己住在南區多年，好多時都係銅鑼灣才會飲到好飲果茶。個人對水果茶的興趣好大，皆因夏日炎炎，飲水太淡，飲奶太飽，水果茶，或者有水果成份的飲品特別容易入口，所以一直都好喜歡。朋友提過，香港仔開了間飲品店，在海南雞店隔離。今日中午12點就來到，可能大家都在午餐時段，人不算多，但店面相當吸精，光猛。而且開放式，可以睇到沖調過程，睇到既係乾淨整潔。款式很多，有好多不同系列既飲品，最近好hit既，芝士茶，果茶都有供應。岩岩遇到買一送一。真係好抵飲。叫了一個冰糖雪梨苿莉綠茶茶底好濃香，苿莉花茶本身就係每間茶店必備，味道好清香，吾會覺得苦澀。叫了微糖少冰。好清爽清涼，雪梨本身多汁，亦是夏天解渴之選。另一個鮮果東方美人茶。每到夏天，水果茶大熱，幾乎每間cafe都會提供。今次水果茶好清新，水果相當足料，杯仔細細，但全部都鮮果味。都不用落糖都已經好夠味道。最後d鮮果比我拎出黎食仲有自助八達通機，人多就更方便

香港仔里的茶做緊買一送一優惠 抵到咁 唔飲真係對唔住自己 ( 這個是新張期間的優惠)這裏的台式飲品大致分為幾類 手搖奶茶，日本沖繩黑糖鮮奶，鮮果芝芝茶，鮮果茶，北海道十勝紅豆，手爆純茶，海鹽芝士奶蓋！選擇飲品嘅系列款式多 而且價錢合理 飲品size好大杯 甜度可選擇無糖，微糖，少糖或者正常冰塊多少亦可選擇伯爵仙草奶茶$25草莓芝芝冰茶$35草莓芝芝冰茶係我最鍾意飲嘅芝士奶蓋上面嘅芝士又細又滑 好重芝士味 味道甜甜鹹鹹顏色除咗靚之外飲到落底仲有粒粒果肉味道一啲都唔假伯爵茶奶味唔算好濃 但係好香茶味 配上仙草 增加口感 是不錯的選擇店舖光猛企理 店內只有兩個職員 要稱讚一點 店員手腳好快三兩下手勢 就整咗好杯台式飲品 除咗可以櫃檯去落單之外 旁邊仲有自助機 方便客人落單營業時間是早上11時至晚上十時

話說有間台式飲品店係香港仔開左，個名幾得意 ，叫 ◤里的茶◥ 。究竟係咪我的茶呢？決定去試下先！見到紙牌上特別推介兩款飲品，望落都唔錯，就佢地啦。1️⃣鮮果四季春ᴴᴷ$34 都幾大杯，水果亦幾多算新鮮，四季春茶底既茶味幾清新，唔會太苦澀，仲有幾款茶底可以揀。就算無特別要少甜都唔會太甜。2️⃣火炙芝士黑糖珍珠鮮奶ᴴᴷ$28見餐牌寫住用日本北海道3.6牛乳沖製，入口係幾香濃。而上層既芝士口感順滑咸香，無喜x咁厚實，不過配上濃濃既牛乳剛好，飲完唔會太濟。珍珠質感煙韌，唔會太稔。掛杯既黑糖夠曬甜，記住搞均勻先飲。以後口痕痕想飲台式飲品，係屋企附近都有選擇啦 ！⚠️小提示：依家做緊買一送一既優惠，用八達通仲可以自助落單好方便⚠️。

今日朋友邀請咗我去香港仔一天遊，食完個地道艇仔粉緊係要飲返杯美味嘅飲品去滿足一下自己啦🍻見到呢度做緊買一送一優惠～真係超優惠🥂唔買返杯都對唔住自己啦～哈哈環境非常開揚，可以睇到職員調製自己嘅飲品，呢點幾吸引，真係吸引咗我全程去望住自己杯飲品😂黑糖珍珠珍珠煙韌彈牙之如，每粒珍珠都被黑糖包圍住，每啖都有黑糖香味奶好香好幼滑同黑糖嘅份量比例拿捏得好好，真係一試難忘，好有水準嘅一杯黑糖珍珠👍👍鮮果四季春茶本身個茶底做得好，再配埋大量新鮮果肉，蘋果、士多啤梨、橙、西柚果肉，啱啱四種生果代表咗個茶名，四季，幾特別另外水果鮮甜味融入茶香，令整杯飲品提高了香甜味道👍重點係，而家買一送一，唔會將貨就價，依然有高水準，真係物超所值

今日入左香港仔探個朋友，平時好少機會會入去香港仔，所以對果度唔算好熟悉。朋友介紹左一間飲品店，正好覺得熱辣辣想飲杯凍冰冰的飲品。里的茶，店鋪乾淨整齊，我買左兩杯飲品試下！香港飲品店，當中我最欣賞xx堂，今次試完依間，完全味道質素都唔錯啊！鮮果四季春，鮮果茶味道茶香濃厚，清甜果味重，果汁甜度唔高好清香，內裡有大量生果，夠哂fresh和清新。另一杯買左玄米蕎麥珍珠奶茶，奶斯味香濃突出，粒粒珍珠夠哂煙韌，玄米蕎麥茶底茶味香濃，有陣陣玄米香，好特別啊。

平時如果喺香港仔買嘢飲 就多數會係天仁茗茶但係原來最近多咗一個新選擇啦！🥳利港中心開咗一間新嘅越南泰式餐廳😉門口仲有嘢飲買添！今日同朋友行過特登買咗兩杯嘢飲先再入去餐廳食嘢😝呢間嘢飲店都幾新潮 有部機喺門口俾你自助落單而且裝修好新淨！我哋叫咗一個西柚烏龍茶微甜同埋一個芝芝芒芒冰！西柚烏龍茶夠晒fresh 又有新鮮西柚！唔錯唔錯🥰而且茶味都幾濃！芝芝芒芒夠晒大杯！一見到就好開心！呢杯茶同最近Hit爆嘅喜茶都有幾分相似！芒果味夠晒甜！😆

今日帶囝囝去香港仔參加生日會，經過里的茶、就俾以下呢個買一送一牌吸引咗埋去養個小朋友要400萬！有著數梗係唔會放過啦！依家中午時間，在我們之前有幾個人排隊，都唔使點等而店門面有自助落單機！好方便飮品種類都幾多！仲有我最愛嘅鮮果奶蓋系列！😋不過朋友整咗好多食物開生日會！要忍吓口唔可以點太飽肚飲品最後我同老公選擇咗健康的桂圓黑糖珍珠鮮奶，珍珠好Q,黑糖味亦好香，奶又很滑！讚呢杯富士蘋果茉莉綠茶，甜度剛好，茉莉茶香！亦能喝到蘋果香，好喝👍🏻

噚日出開香港仔, 去食日式燒肉午飯,食完燒肉經過見到”里的茶”,想買返杯茶消滯,咁啱里的茶做緊PROMOTION新張期間買一送一優惠, 當然同老公一人一杯啦。我揀咗熱嘅伯爵珍珠奶茶, 老公揀咗凍蜜香奶蓋紅茶。等了大概4分鐘左右就可以拎, 先講熱伯爵珍珠奶茶,打開蓋飲, 先聞到好香嘅伯爵茶味, 喝一口, 奶味香濃, 伯爵茶味剛好,經由奶味送出伯爵茶嘅溫婉味道, 珍珠亦好好咬口, 整體呢杯飲品唔會太甜, 我覺得值8.5分/10分。凍蜜香奶蓋紅茶, 我第一次飲奶蓋紅茶, 感覺新鮮,味道不俗, 紅茶清清地配上奶蓋, 滿搭的。

呢日去左香港仔中心食野，就順便行下啦，咁啱見到新開左間飲品店。里的茶，聽落就似“你的茶”店名幾得意咁，唔知係咪都係我杯茶呢?因為見佢而家有買一送一，就啱啱好可以同朋友一人一杯我就叫左杯芒果芝芝冰茶有新鮮嘅芒果蓉加埋茶整成，面頭仲有好濃郁嘅芝士奶蓋 因為有埋好清新嘅茶配著飲，完全唔覺得膩同邪惡朋友就叫左杯凍頂烏龍奶蓋

今日去咗香港仔郊遊 去到呢個商場香港仔中心度食午餐 食完之後 中咗台式飲品同嘅港女我就梗係要買番杯嘢飲 見到呢間里的茶好多人排隊買 埋去睇下 原來新張期內做緊買一送一 非常抵飲 梗係要試下喇 門口仲有電子售賣機 十分方便芒果芝芝冰茶 近排大熱嘅芝士奶蓋鹹鹹香香 飲落好似食緊液體嘅芝士蛋糕咁 配上有芒果肉嘅冰茶 甜甜地又有茶香味做緊特別推介嘅係富士蘋果芝芝冰茶 飲落好有蘋果嘅清香味 加咗芝士都唔會漏 咁啱中和到芝士嘅油膩感 見到店員將蘋果肉打入冰茶入面感 覺上足料

知道香港仔新開左間里的茶，仲要有買一送一優惠，一定要去試試！照地址去搵，行左個圈都唔知香港仔中心三期係邊！度度都叫香港仔中心！原來係Watson隔離就係！上到去，又唔係咁易搵到，要問人先知，原來係有條小路轉入，有間新開越南餐廳對面！離遠睇以為只有越南餐廳，行入去先會見到里的茶！呢度有部機，可以自助落單，又可同職員落單，好方便！第一次飲，我叫左草莓芝芝冰茶（$33）及鮮果四季春茶（$32）兩杯都好好飲，不過我一直飲開全糖珍奶，呢間我叫少甜（70%）都仍然覺得偏甜左，下次再試下半糖先😋

今日去左香港仔飲茶，表弟話去買野飲，佢成日都飲，間店係天仁上一層，Mee...lemongrass 既出面，新張期間，外賣飲品買一送一，仲可以唔同款，真係好抵飲，估唔到香港仔都有咁正既飲品店。鮮橙四季春茶 $28，表弟成日都買呢個，我飲過覺得有d 清潔劑味，始終果茶唔係我杯茶，係佢杯茶🤣。我今日飲左伯爵珍珠奶茶 $25，叫左少甜，估唔到又幾好飲喎，有驚喜，伯爵茶好香，好怕d 珍珠奶茶好似奶水咁，呢個又唔會，珍珠有咬口好煙韌。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨