重慶劉一手火鍋店 (已結業)

今日同公司班女人放工後黎麻辣一下平時同屋企人打邊爐0機會食麻辣火鍋！今次聽到話去食，第一個Say Yes我地坐低一睇menu, 嘩左幾聲！因為樣樣都貴，牛肉有d用片數去計，百幾蚊得4-5塊我地叫左個鴛鴦鍋，一邊麻辣一邊椰子雞鍋！然後去左拎豉油！張調味料檯都大過人🤣6個女人叫左下面咁多野仲有個烏冬野食係新鮮好食既！個麻辣湯底唔會好麻，但個辣味好正👍🏻啱晒我6人埋單$2300！有點兒貴左些小！因為我地都唔係食左好多野

一個星期五，5個朋友聚會，有訂枱，食1830嗰節（用餐時間2個鐘）。去到時唔使等位，被按排左上樓上坐。湯底點左鴛鴦窩：「正宗重慶麻辣鍋（小辣）」同「椰子滑雞鍋」。一上湯嘅時候，大家都拎起匙試味。大家都大讚「椰子滑雞鍋」有驚喜！煲到最尾大家都仲係咁飲，即使中間加咗清湯都好夠味。至於「正宗重慶麻辣鍋（小辣）」就冇咩驚喜，少少麻少少辣，人人都食到。由於點左好多食物，我唔一一介紹，只係講下覺得要注意下嘅：牛骨濃汁牛丸：（中間）我哋有encore嘅牛丸，牛丸又彈牙又多汁，仲有少少筋可以咬。人人都好鍾意，五個人總共食咗一打牛丸。脆肉鯇：呢個魚真係麻麻哋！一份有大概七小片，份量好細，重點係唔脆。可以唔使點。牛頸脊：呢個牛味龍濃郁，又嫩口。唔好以為全部都好薄，其實都有少少厚度，有得咬又快熟。🌽粟米：要點粟米係因為要煲湯，早啲放入椰子雞湯可以令個湯更好飲。所以如果有叫椰子雞湯，會建議都點粟米，咁個湯就會更甜更好飲！順帶一埋提：侍應都幾好人，收碟上菜都俐落，有禮。

公司希望辦一場氣氛熱鬧融洽的聚餐而選了這間火鍋～ 幸運地在前一天也訂到唯一的房間～ 火鍋最重要是湯底，他們選了正宗重慶麻辣湯，因為我們唔係全部食辣，我們另外選了豬骨湯～他們點了很多食物，我唔想逐一列明，想知我們食左咩就自己睇相啦～ 全部食材都新鮮味美～ 劉毛肚爽口-我覺得放麻辣湯滾熟比較滋味，其實麻辣湯都有得揀辣度，建議先選小辣，已經好辣🥵，如果中途覺得不夠辣是可以加辣的🤧～ 而內臟及鴨血等不吸湯的食材放麻辣湯是更好吃，可能除去內臟的臊味～ 還想提提同事最欣賞是這兒的紅糖糍粑，不過我掛住食都忘記拍照了～

每次經過銅鑼灣都見到好多人排隊，聽過呢間火鍋店好耐，但一直都未有機會去試，上個星期終於去試咗，入面裝修簡單，有兩層，我哋就坐樓上，醬料需要自己去吧枱拎，我哋叫咗一個麻辣湯底湯底，一個清湯底，麻辣嗰邊真係好辣，不過辣得好過癮，所有食材都算新鮮，基本上，我冇點過任何醬汁，已經好好味，最有印象，係個鮑魚，新鮮到仲識郁㗎，個桶蠔都好算新鮮大隻，其他食材就同其他火鍋店差不多，最後三個人埋單 $1800 ，略嫌有點貴。

今日放工周圍尋覓下點知 無意中發現 裝修得好靚嘅火鍋店原來係食四川麻辣火鍋企喺個門口已經聞到好辣嘅麻辣火鍋睇個餐牌都比較偏貴不過難得遇到幾有特別嘅裝修都想試下啦由於太辣啦又嗌番杯 椰汁 汁沙冰試下仲叫咗個男朋友鍾意食嘅豬腰我今日嗌咗兩個湯底一個係小辣一個係雞湯嘅湯服務員的都知道我怕太辣 食唔到 亦都好小心咁將 火鍋內嘅辣椒幫我拎走哂呢碟牛雖然好食飯真係好貴兩個人埋單要成千蚊不過出到嚟食都要預咗呢個價錢不過我會建議大家寧願返大陸海底撈食

這間店火煱好出名，我驚太辣食唔到，先試下它的午餐先，早期有留意它的午餐，同事們食過也大力推介，我今日要體驗一下點左個雙拼餐，好期待左邊系酸菜魚麵右邊系炒豬頸肉飯我好喜歡食魚，厚身魚块，帶有微辣，酸菜味突出麵條彈牙爽口生姜汁豬頸肉，超香，炒得爽口嫩滑下次可以試火鍋

雖然最近天氣唔凍，但係火鍋係一大班朋友聚會非常好的選擇。今次就試下重慶火鍋劉一手。我地點左重慶麻辣併椰子雞湯鴛鴦鍋，本來想點中辣，但係店員話呢度嘅小辣就等於出面店嘅中辣，所以建議我哋點小辣，唔夠辣先再加。餐廳會一次性圍裙提供給客人，非常貼心。極尚牛肉拼盤盛(細)霜降牛肉粒，澳洲和牛小排，美國雪花肥牛，唔會太肥，而且牛味好濃，就算係麻辣湯底都依然食到牛味，好好食呀！黃喉原來係牛的喉嚨，只需要碌6-8秒就可以食，非常爽脆。牛肚，好爽口，都係碌幾秒就食得。

我地選擇左麻辣湯底配椰子雞湯底麻辣湯底味道好濃，而且會越食越辣，食到頂唔順就食返椰子雞湯，好清甜，d雞都好好食。紅糖糍粑煙煙軔軔口感好正，而且雖然係甜品不過唔會好甜，所以就算邊食火鍋邊食都絕對無衝突。牛肉拼盤呢個一定要點！有幾種唔同既牛，每一款都好新鮮好好食。仲有點左其他野，不過掛住食唔記得影相haha。本來仲想點小油條，但係已經食得太飽所以就留返下次先再食啦。總括黎講食物質素都幾好，而且好多選擇，值得再去食。

冷氣開得好大， 記住要帶多件褸。 環境坐得很舒適， 很寬敞， 不過食完成身一陣味。自己可以整自己喜愛嘅醬汁， 啲料都幾新鮮 👍左邊係正宗重慶麻辣火鍋， 我哋嗌咗小辣， 味道非常好， 愈食愈麻辣 😋 右面係皮蛋芫茜鍋， 清清地幾好味👍。 佢哋個鍋比較大， 可以一次過放好多嘢， 仲有個小籃子， 煮食嘅時候唔洗搵唔到啲細粒嘅食物 😆手切牛頸脊， 非常鮮美。龍躉非常新鮮， 好值得食。魚蛋芝士丸超級好味， 手打蝦丸非常彈牙。👍不過就對粟米貢丸有少少失望 ， 因為硬咗少少。迷你生煎包都有少少奇怪， 放咗落啲湯之後淋曬 😅娃娃菜， 金菇，蘿蔔， 全部都好新鮮。醬爆芝心魚蛋， 一定要試食 👍士多啤梨奶昔呢碟牛肉花係送嘅， 只要有兩個人like佢哋嘅facebook， 佢就免費送俾你 ❤太多花生

和牛肉set - 每款都寫埋係牛的邊部分，免得食完都唔知食左咩😂，非常細心。一見到個紋理就知道係靚和牛！當然個價錢都唔平啦，不過如果多人食，咁每人都可以食到之餘攤分開都OK既。呢個午餐肉好正！因為好厚切，非常建議擺落麻辣味果邊，會更加分。旁邊的鴨血(?)我就無食，不過d fd 就話口感麻麻地，唔係新鮮整，所以可以唔使點。鵝腸 - 一定要點呀！好新鮮！同埋真係碌6-8秒就夠，就會好爽口，否則就會變到好難咬架啦～黃喉 - 第一次聽呢個名，聽店員解釋原來係牛的喉嚨，同鵝腸一樣都係碌6-8秒就食得，冇咩味但係好爽口。

天氣寒涼，最適合打邊爐，這天想吃辣，想起中國十大火鍋品牌之一的重慶劉一手火鍋店，知道平常假日都要輪候頗長時間，那天晚上大約八時選擇去踫踫運氣，結果等待接近十五分鐘便可入座。餐廳內有混醬區域， 放在架上的小瓶是一罐罐的麻油，客人可取來混入醬料內，加入麻油後把肉類蘸醬料，口感會更滑。這次點了重慶麻辣（小辣）拼椰子鮮雞鍋，店員說這裡的小辣相等於一般餐廳的中辣辣度，並建議我們點小辣，湯會愈煮愈辣，如不夠辣可額外再加。餐廳提供一次性圍裙，方便客人。茴香小油條- 特色小食，煙靭的麵包條，很特別。萵筍- 碧綠爽脆黃喉- 是牛的喉嚨，同樣爽脆，建議放在辣湯內煮。牛脷酥蝦滑- 平常一般吃油炸鬼墨魚滑，牛脷酥蝦滑是較少見的食品，帶香甜的牛脷酥配上辣湯煮後中和了一點麻辣，更突出了蝦滑的鮮味如放在椰子雞湯內則提升了蝦滑的甜美必試！灌腸豬紅- 豬血被灌在薄膜內，煮後都不會散掉。建議放在麻辣的湯內煮，吸收辣湯後，味道一流。試了一塊放進椰子鮮雞湯內感覺較淡囗，即使點了醬亦欠了一點鮮味。赤貝- 鮮活的赤貝原隻帶殼冰鎮上桌，爽脆 ！巴蜀辣雞肉片- 一上桌可會被這鋪滿乾辣椒片和籽的雞肉嚇倒吧！不用怕，把鮮紅火辛辣的雞肉放

呢排聖誕新年勁打邊爐，呢度係一個月内都食左三次真係有d變態了。我唔食辣嘅嘢所以會㨂鴛鴦湯底，唔識comment辣嘅湯底好唔好味但試過其他清嘅湯底都唔錯，最鐘意幾樣嘢但唔知有無記錯名：龍躉片，牛湯汁牛丸，皮蛋丸同埋蝦都好正，牛都好味但唔夠之前果d咁正。價錢都比想像中平，大約$350-500落樓。最唔鐘意就係會成日sell你食海鮮同入會，如果唔好咁chur就好啦！仲有雖然有個籃比你放大褸或袋入去但食完都有好大陣邊爐味，搭車返屋企都幾老尷。

香港越來越多內地開過黎o既麻辣火鍋店，要食勻咁多間都還要唔少時間！成日聽人講，今次去試重慶劉一手！鴛鴦湯底要咗麻辣湯底 （$84 半鍋）+ 酸菜魚湯底 （$198 半鍋）麻辣湯底好夠麻，見到湯裡面有好多花椒同乾辣椒，夠香夠濃。要咗中辣湯底，一開頭剛剛好，到後來越滾越辣，建議唔係好食得辣o既朋友可以由小辣開始。另一半係酸菜魚湯底，係少見o既火鍋湯底。 魚肉係滑o既，唔多骨。裡面已經有唔少魚，淨食魚都半飽了調味混醬區有好多選擇油係一小罐，好得意！極尚牛肉拼盤盛（細）$398有霜降牛肉粒 + 澳洲和牛小排 + 美國雪花肥牛賣相無錯，雪花係靚o既，唔太肥～我鍾意！牛味夠濃，即使係咁濃湯底都冇蓋過d牛味～劉一手啤酒 毛肚 $138ok爽口，記得滾幾秒就好食紅糖糍粑 $58紅薯粉 $38吸收曬d麻辣湯精華！ 必食！

麻辣湯底配椰子雞，強烈推介，椰子雞湯底清甜超級好味。油炸鬼蝦多士，香脆可口主角牛肉拼盤，牛魔王必備，有牛頸脊，一口牛柳粒，手切肥牛，三款各有特色，特別推薦牛頸脊，牛味十足入口即溶，好似食緊和牛咁，諗起都想再食！配菜仲有叫咗鮮腐竹，豬紅，芝士波波腸仔，豬紅配合麻辣湯底， 簡直一流，完全冇得輸！鮮腐竹配椰子雞湯亦係一絕！仲有紅薯粉爽口彈牙，無論馬勒湯底定係椰子雞湯底都非常夾！最後嚟多個甜品，紅糖糍粑，為今餐畫上完美句號！

想食重慶劉一手火鍋很久了，今日來到銅鑼灣，终於來試吓朋友介紹並大力推介的正宗重慶麻辣鍋。餐廳装修充滿了古典氣息，金色的茶壺，一排排罐裝的油，火鍋枱上那個纸板牛牛，非常可愛，枱櫈都用了古色古香的木製品，令餐廳更是典雅。紅糖糍粑一份$58朋友推薦紅糖糍粑不错，所以趁等待火鍋期間要了個紅糖糍粑，煙煙軔軔的带甜的口感，非常好味。鍋底有正宗重慶麻辣鍋，龍蝦海鮮鍋及山珍雜菌鍋...等。火鍋配料也是非常多，有招牌劉毛肚，功夫腰花，水餃王，羊肉片，美國雪花肥牛及魷魚扒...等。鴛鴦鍋$168先揀了一個正宗重慶麻辣鍋半鍋配山珍雜菌鍋半鍋。羊肉片$108羊肉片上枱感覺非常抢眼及有惊喜，切得圆形的大大片，顔色鮮艷，羊肉片我喜歡用麻辣鍋，因為油香麻辣令羊肉更為惹味。水餃王$58水餃王也感覺令人惊喜，每粒都胀卜卜大大粒，用山珍雜菌鍋水餃味道較显原汁原味，我喜辣，感覺還是麻辣鍋令水餃麻辣中带香，令我更爱。魷魚扒$68初見還以為是芋頭糕呢，形狀與芋頭糕無疑，裡面非常多魷魚，麻辣魷魚扒都是第一次食，感覺辣得來又有口感，非常特別。凍豆腐$38食火鍋都喜歡要個凍豆腐，因為豆腐有钙質，豆腐我喜歡清一㸃的，所以比較喜歡用山珍