影片
港铁筲箕湾站 B2 出口, 步行约1分钟
继续阅读
电话号码
25694361
营业时间
今日营业
10:00 - 23:00
星期一至日
10:00 - 23:00
*必须预约
以上资料只供参考，请与餐厅确认详情
若然想吃传统蜑家菜，位于筲箕湾东大街的「金东大蜑家私房菜」是不二之选，拣手海鲜，正宗蜑家做法，水准稳定，无需担心冇质素，只怕埋单方知海鲜价！我们是熟客，年廿九团年饭在此落脚，预先订菜冇惊吓！咸鲜尤其出色，特别点两条咸鱼吃，方知咸鱼有分霉香及实肉两款；大家每次来必吃招牌膏蟹蒸肉饼，记得配煲仔白饭，没有一次令我们失望；今晚的野生石蚌非常鲜美，京葱豉油皇濑尿虾炒肠粉惹味无比；唯独龙虾萝卜紫菜汤过咸了，不合我个人口味！鱼皇糕瑶柱咸鱼萝卜糕，开心新口味。姜粒蒸咸鱼原来咸鱼有分霉香及实肉两种选择，平日少吃咸鱼唔知道！今晚一次过尝两种口味，油份丰富都几香。白灼海虾九节虾，拣手货，非常鲜甜。紫菜墨鱼卷炸至皮脆肉滑，恰到好处，自家制手打墨鱼胶，所以新鲜有弹性。豉汁咸菜炒蚬加了咸菜，倍添咸香，蚬肉圆浑肥美。清蒸野生海鱼 两条石蚌，味道鲜美，蒸得出色，有水准。脆皮烧鸡特别拣两只细细地嘅鸡，绝对唔系打针肥鸡，皮脆肉嫩，炸得出色！膏蟹蒸肉饼（配煲仔白饭）招牌菜式，据说是金东大首创，水准稳定，肉饼有蟹香，蟹有肉香，现在坊间也有不少抄作，始终都是金东大最好。京葱豉油皇濑尿虾炒肠粉非常浓厚味香，肠粉吸尽精华，虾鲜满溢，永远只嫌不够，肠粉相比濑尿虾更抢手。龙虾萝卜锅做了两款口味，首先是龙虾萝卜清汤，新鲜肉弹，清甜可口。第二式是萝卜紫菜龙虾汤，即是加了紫菜煮，但估计是用了有盐分的紫菜，汤头变得过咸，也许这是蜑家口味，个人认为盖过了龙虾汤的鲜味，亦就不符合现代人少纳的健康饮食标准。一口麻沙包细细个，几好食。
继续阅读
不停听朋友介绍呢间「金东大餐厅」好食终于有机会嚟到星期日虽然冇订位，好好彩都有位佢嘅「猪膶炒蚬」真系好出色再额外点多份米粉加埋米粉，一齐炒简直系出色💯👍🏻👍🏻👍🏻👍🏻「皮蛋浸菜心」菜好食👍🏻新鲜「黑松露香芋香菇饭」用煲仔饭的方法煮有好多饭焦好好食😋男朋友整个饭食晒😂😂😂食完反寻味，下次再去😊
继续阅读
作为金东大常客，推到身边成村人食完又再带 Frd 去，一听到开咗蜑家私房菜【水黄金】即刻揾老细订台 🏃🏽♀️ 1️⃣ 好味好味好味 👅2️⃣ 融入大量本地食材，选料上乘连米都靓 🍚3️⃣ 厨师有心想做好件事 ❤️- 前菜 -⋄ 乳猪虾春卷香脆春卷皮、油香乳猪同弹牙虾胶融合，手工繁复可见有几用心 💗⋄ 鹅肝海胆墨鱼饼钟意粒粒墨鱼嘅口感，采用即日开嘅西贡海胆 x 法国金罐鹅肝酱，好豪华嘅阵容 ✨⋄ 咸鱼煎酿三宝将香港独有嘅街头风味搬上餐桌，苦瓜、红尖椒同茄子酿上满满鱼肉，缀以豉汁同咸鱼茸微辣又香口 🌶️⋄ 蒜香避风塘炸鲜鱿新鲜大尾鱿厚肉爽弹，坊间避风塘做法通常都会加味精，大厨反其道而行以蒜蓉猛火炒香 🧄 发挥食材天然鲜味 🦑⋄ 鲜蟹肉陈皮烧鸭花胶羹花胶烟烟韧韧好有咬口，陈皮香气突出，加埋烧鸭丝同新鲜蟹肉可以话不惜工本，全场赞不绝口 😋 强烈建议加浙醋吊味，巧巧味！⋄ 清蒸野生靓海鱼专程由东南亚运到香港嘅野生游水黄皮老口虎斑，咁巨型都可以蒸得滑一滑，体现师傅功架 👩🏼🍳 鱼皮胶质丰富带韧性、鱼肉爽滑，最后将啲鱼骨攞去煲粥，物尽其用得嚟真系好暖胃 💞⋄ 威士忌炒龙虾龙虾啖啖肉，威士忌嘅醇香非常惹味，伴以弹牙吊桶鱿鱼仔，仲有好似咸鱼肉饼嘅猪肉碎，一齐竟然好夹，有创意得嚟好好食 👏🏽 有无人明煮到透咗嘅葱段完全入晒味有几正 🥹⋄ 蜑家三宝蒸金蚝捞面蜑家传统海味系无得输 🙌🏻 自家晒虾干、鱿鱼干同鱼仔干各有特色，鱿鱼干好鬼好食 😭 主角金蚝出自流浮山，蚝肉细致柔软又唔会太干身，形成介乎新鲜海货和干货之间嘅独特口感，咁靓嘅金蚝出面食唔到㗎 🤫 加啲辣椒油捞面更美味！⋄ 猪油渣炒菜心苗菜心只取中间最嫩嘅菜远部分，清甜无渣，简单用蒜蓉同猪油渣煮已经好好食 🥰💡 以上菜单每位 $1,588 仲有 Wine Pairing，私房菜暂时只接受Referral ，不过去返本店都足够惊艳 🥰📍 水黄金筲箕湾东大街 59 - 99 号东威大厦 M 层2 - 3 号舖
继续阅读
因为6月中要出trip，提早同爸爸食父亲节饭，就拣咗呢间bookmark咗好耐嘅金东大。环境方面就不过不失啦，宽敞企理，晚市都几热闹所以有少少嘈，不过食物质素的确值得令我哋留返个好评！鲜蟹⾁鸭丝花胶羹原本以为汤羹都系同酒楼差唔多味，但系呢款好特别，鸭肉嘅香气好突出，仲散发住淡淡嘅陈皮香，估唔到两者味道系咁夹，入口好舒服。而且蟹肉同花胶都好足料，每一啖饮落都有几层口感，加埋多重鲜味，好满足呢😄明炉自家制烧鹅因为家父钟意食烧味所以试下叫嘅烧鹅，出乎意料地好食！上菜嘅时候好够热，外皮脆卜卜，鹅油香满溢，肉质结实得嚟完全唔靭，估唔到水上人整嘅烧鹅拍得住啲香港老字号，好有惊喜～清蒸野生老鼠斑不嬲都知野生嘅老鼠班系好嘢嚟，今次呢条仲要四斤重，真系执到宝。我哋同隔离枱客人各分半条，大家都食到赞口不绝👍🏿 师傅蒸熟嘅程度拿捏得非常完美，鱼肉又嫩滑又弹牙，简直系海鱼嘅天花板！重点系配搭埋佢哋特制嘅蒸鱼豉油，听店员讲系老板研究咗好耐用好几款豉油嚟调配，份外甘香，我哋秒速清晒条鱼仲留咗碟豉油嚟捞白饭😂咸鱼蒸肉饼听讲肉饼喺呢度嘅招牌菜，仲要系老板亲自出马打，我哋一于叫款最怀旧嘅试吓，果然冇令我哋失望！肉饼肥瘦均匀，咬落去非常松化同香口，惹味得来又唔会过咸，吸收晒咸鱼嘅咸香，唔觉意又食多咗碗白饭😋
继续阅读
第二次嚟金东大食晚饭 水准依旧出色 传统蜑家菜有好多其他地方唔会食到嘅味道 ！材料新鲜，调味到位，推介海鲜同煲仔菜式 😋必叫生爆吊桶、最深刻系猪润炒蚬必配米粉底好似炊饭咁尽收精华 🥰 啲姜葱同猪膶嘅结合真系好好食，啲蚬系好有鲜味！前菜叫咗卤水鸡脚新鲜，啲卤水入晒味，feel到班厨师系用心煮出嚟楼面同事服务都好好，好有气氛～ 星期日夜晚去座无虚席，今次同4位朋友一齐食，下次一定会同屋企人/朋友再嚟，食得好满足开心！特别推介：老板娘亲自整嘅甜品马蹄条超级好食 😍
继续阅读