金鳳大餐廳

营业中

休息中

今日放假，但冇朋友得閒陪我，只好自己周圍轉轉，行吓行吓有啲肚餓而且突然好想鋸扒，就打開OpenRice search吓屯市廣場附近有冇好介紹，就見到「金鳳大餐廳」覺得唔錯，就決定去試試。 去到餐廳大約三點左右，門口已經有10多人等待叫號入座，但等左一陣就可以入座，非常好👍。餐廳佈置很有懷舊感，地方不大但坐得幾舒服。餐牌樣樣都很吸引，選擇多，價錢又合理，但今日我係為鋸扒而嚟，所以我叫咗個貴族牛扒餐，五成熟、黑椒汁，加生蒜（另加$2），餐湯要羅宋湯（可選白菌忌廉湯），餐茶叫咗凍檸檬茶走甜 落單後服務姐姐好快就送上熱辣辣嘅餐湯和牛油餐包，羅宋湯係用多種蔬菜🫑🥕🥬和辣椒🌶️熬製而成，食到微微辣和蔬菜甜味，係由細飲到大嘅傳統口味，再配埋餐包一齊食，簡直係絕配。 因近排有啲燥熱，所以鐵板改為碟上，牛扒份量大，又厚又香，原以為會又柴又韌，但當我切開之後見到牛扒啲肉好粉嫩，入口腍滑，一啲都唔鞋，咬落仲有肉汁，再加埋黑椒汁同生蒜更加惹味，師父控制火候非常到位，超抵讚👍👍👍 今日真係冇失望，餐廳還有很多抵食套餐就留待下一次再嚟品嚐吧！😋

以前接觸嘅金鳳裝修比較老派咁啱行開街 見到間餐廳既招牌吸引咗去望原來係金鳳而家變得非常新式同年輕啲感覺去到門口拎飛嘅時候 侍應都好有禮貌唔同以前😬😬😬等咗一陣終於有位侍應又會好熱情帶位未用餐 感覺已經好好我哋叫咗貴族牛扒餐（美國牛肩肉） 5成熟由於好耐無食過扒房 我哋叫咗鐵板上 待應倒汁落去 吱吱聲 好有懷舊感覺🤣🤣牛扒肉汁足夠 非常嫩份量亦都好足夠 其一份牛都已經夠我哋兩個人食！然後我哋叫左咖喱羊肉飯個咖喱香料十足 喜歡重口味既一定鐘意！羊肉亦煮好冧😋😋飲品🥤叫左杯唂咕 真係未飲過其實係味道似阿華田、美祿，又似朱古力既飲品我覺得係無朱古力甘甜既飲品好少茶餐廳見到今晚食得非常滿足

今日放假去到屯門 相信好多人都聽過呢間平民扒房 「金鳳大餐廳」我哋平日2點幾去到都要排隊 不過都係等十幾分鐘就有位美國安格斯肉眼扒🥩因為係鐵板上 朋友嗌咗三成熟嚟到啱啱好 淋上黑椒汁 勁大塊肉眼扒蓋滿成個鐵板 肉質鮮嫩好有牛味西冷牛扒 🥩好厚身我叫左全熟但一啲都唔靭仲好多肉汁 加左$2蒜蓉更香口惹味 底部仲有我最鍾意既波浪薯條和蔬菜非常抵食嘅一間餐廳 除咗牛扒都有豬扒雞扒帶子 蝦等等 選擇眾多 職員好細心倒汁前俾張大紙巾你圍住 香噴噴仲有好軟熟餐包加埋鹹鹹地嘅牛油一齊食🧈餐廳有羅宋湯或者忌廉湯 味道濃郁🥘📍金鳳大餐廳 (屯門)屯門屯順街1號屯門市廣場1期G樓G076號舖

今日好想食下鋸扒，屯門最方便嘅選擇就係金鳳！！！系正商場下面，行完街食下飯好就腳我1430左右去到，等左5張枱就有位！！！都好快，可以啲人食完飯要返工！！！我就叫左一個扒餐：1. 貴族牛扒餐3成熟 黑椒汁 加左2蚊生蒜茸2. 跟 餐包+牛油3. 羅送湯4. 凍檸茶 走甜點左餐未幾耐就即刻上左羅送湯、凍檸茶、同餐包1. 羅送湯辣辣地、香牛味、蔬菜煮到好淋2. 餐包 有加熱 上到黎時微暖！！如果再熱啲仲正！！3. 凍檸茶 走甜：茶底味夠濃offset到牛油嘅膩4. 貴族牛扒餐3成熟 黑椒汁 加左2蚊生蒜茸加2蚊嘅生蒜：系牛扒上一大堆！！！配埋黑椒汁食個牛扒非常惹味，食完好大口氣🤣🤣🤣牛扒好 香濃嘅牛味，而且好tender同juicy呢間餐廳啲姐姐笑容好親切

懷舊扒房餐廳🌸細個嗰陣因為窮好少去扒房餐廳食鋸扒，可能講緊幾年先食到一次，到大個咗終於可以有機會試吓小時候嘅味道🩷金鳳呢個名聽得多，但都係第一次試呢間餐廳，裝修格局非常經典，好似進入咗舊香港時代，今次就試吓佢嘅午市套餐先，價錢合理，份量都足夠🍴~套餐配有餐湯、餐包及餐飲🫶包係好鬆軟，塗上牛油，暖暖地超級好味😋羅宋湯就好足料有好多蔬菜，酸味岩岩好，味道濃郁 🍜牛柳餐🍖揀佐黑椒汁，以傳統鐵板上，仲有一堆薯條同伴菜喺底，但係d薯條就淋哂，同埋好細條，牛柳煎得剛好，肉質都算嫩，雖然見到有啲人話呢間餐廳服務態度唔好，但咁啱服務我嘅侍應幾貼 心，佢會比張大紙巾我喺佢臨上醬汁前可以遮住，避免彈到周圍都係，另外亦因為二人餐桌比 較細，佢又會同我重新擺盤，超級細心!~吉列豬扒餐 🍖豬扒肉質比牛扒仲嫩，外脆內軟，配一條司華力腸~值得推介~

記得細個時一知道有得食鐵板餐就好興奮😝😝人大咗反而醒起好耐冇食過～呢間歷史悠久嘅扒房🍴原來而家喺屯門都有分店～每次喺市中心經過都見大排長龍～是晚襯住未夠6pm可以直入用餐～二話不說walk in早啲今晩餐😁.✨牛油餐包✨餐湯：可選羅宋湯/忌廉湯.✨招牌牛柳餐 $148以鐵板上枱～淋上醬汁滋滋作響～令人食慾大增🤤🤤記得+$2 加蒜蓉就更好味！令牛柳加倍惹味！牛柳非常有質素🐂醃得鬆軟又保持到肉汁Juicy！底下仲墊有懷舊波浪薯條&野菜🫶🏻🫶🏻.✨咖喱牛扒飯 $98轉套餐 +$25～咁就有埋牛油餐包、餐湯、餐飲啦🤗🤗金黃且香料味濃郁嘅咖喱～味道突出卻唔嗆辣👏🏻牛扒肉質軟嫩～加埋薯仔撈汁伴飯食好開胃！！.餐飲： ✨凍檸七 +$8✨凍檸樂 +$8兩杯均以鮮檸檬片🍋加入冰凍汽水！解渴透心涼！！.✨加一服務費

叫枱快。無禮貌。企係門口相距15步，都可以已經叫下張枱。坐得辛苦又迫。又催促快d叫野食。問多兩句語氣差無耐性。上甜品都要叫幾次。全部員工黑口黑面好趕客。見食完野又不停暗示要你結帳走人。張枱已經好窄，個扒一嚟，都未等我拿紙巾擋，已經倒汁，彈到我身都有。店員全無反應，急急腳走人倒汁倒得極度求其。完全無想過客人死活。沙律求其到我以為食緊食剩菜再加一兩滴沙律汁。塊扒講左5成嚟到全熟。凍檸茶 個杯細都算 冰多 飲2啖冇哂。呢間野一定無下次。

在這家餐廳的用餐經歷非常不愉快。我到場後，按照正常流程等候叫號，但職員卻突然間極速狂叫號碼，讓我和其他客人感到十分困惑。當我詢問情況時，職員冷冷地回應說已經過了五張桌子，要求我們重新等待。首先，這樣的安排明顯存在問題。在短時間內叫號，讓客人根本沒有時間反應，這樣的管理方式極其不合理。其次，服務態度讓人失望，職員的回答缺乏基本的禮貌和耐心，讓人感受到他們對顧客的不重視。今晚的服務體驗實在令人無法接受，難怪這麼多人選擇北上用餐。我不會再光顧這家餐廳，也希望他們能夠改善服務質素。

國慶去到話要等，等咗一個鐘慘過食大家樂。場細，即刻全部縮埋一舊坐，員工服務態度又差，成碗湯仲有一半淨飲緊，佢要上扒張枱冇位竟然想收走碗湯，話未飲完，仲好似個客唔岩。見着隔籬個侍應倒啲汁落客人個身，整到人哋條褲，係個客自己用紙巾兜住。但員工第一時間唔係放低手上嘅嘢幫手抹，而係繼續攞第二個汁淋落另一個客舊扒度，完全冇理過個客。食物質素差，叫個五成熟嘅扒上到嚟係凍嘅，鐵板上面嘅薯條都仲熱過舊扒嘅外表，同枱叫七成熟嘅扒上到嚟應該得三成，叫佢再煮過拎到出嚟就燒到黑晒。咁嘅價錢食咁嘅食物質素服務態度環境，會建議大家去快餐店好過。

平時我們是去開荃灣分店食的 嗰日經過屯門順便試一試屯門分店的牛柳餐 於是入座了點了兩份牛柳餐 但牛柳未到已經要埋單 嗰時候9:30都未到 直接隊埋嚟俾啲咩 唔好意思都冇講聲 我見營業時間是10:00 感覺服務一般 去返荃灣食會穩陣啲

心血來潮想鋸扒靈機醒起屯門有金鳳食想當年我第一次食，都係一個十幾歲中學生，同幾個女仔一齊等位，嗰陣已經要等位，幾巴閉！而家金鳳愈開愈多，係方便左的星期六既六點半，門口都叫到幾枱人等緊，今時今日，咁既情況好難得但就搞到我地要分枱坐其實我好鍾意港式餐廳既餐包，平時都習慣左會上餐包餐湯，所以有d情懷真係唔可以無的！我叫左鴛鴦扒餐，加蒜！雞扒好好好味，豬扒好大份，個鐵扒根本就唔夠大，所以淋汁嗰陣漏左d出黎！好彩無加白飯，一定食唔晒！下次都係搵平日夜晚黎食先！

今天和朋友在金鳳大餐廳用餐，點了招牌的鐵板帶子西冷牛扒及芝士肉醬意粉。身為鐵板牛扒的愛好者，我對金鳳大餐廳的評價一直很高。這次造訪，再次印證了它的美味。餐廳的環境雖然簡單，但充滿了港式風情。服務人員態度親切，上菜速度也很快。鐵板帶子西冷牛扒最讓我期待的鐵板帶子西冷牛扒，果然沒有讓我失望。牛扒煎得恰到好處，外層焦香，內裡肉質鮮嫩多汁，搭配濃郁的黑椒汁，每一口都是享受。帶子鮮甜Q彈，份量也相當足夠。芝士肉醬意粉芝士肉醬意粉口感不錯！意粉煮得軟硬適中，口感Q彈。芝士香濃，拉絲效果非常好，每一口都充滿濃郁的奶香味。肉醬的肉質細膩，調味恰到好處，香氣四溢。整體搭配非常完美，讓人回味無窮。芝士肉醬意粉的份量很足，完全可以吃飽。芝士烤得金黃焦脆，和軟嫩的意粉形成了鮮明的對比。肉醬的鹹香和芝士的濃郁完美結合，每一口都是味覺的享受。除了主餐，沙拉的醬料清爽開胃，湯品濃郁暖心。羅宋湯和忌廉湯的味道就正常發揮，沒有太大的驚喜。甜品有芒果味雪糕，口感細緻，為這餐畫下完美的句點。餐廳的環境乾淨整潔，服務人員態度親切，上菜速度也很快。用餐體驗還不錯，是一間適合和朋友聚餐的好地方。整體來說，金鳳大餐廳的餐點品質穩定

今日同朋友去金鳳大餐廳屯門分店食午餐，地址係屯門屯順街1號屯門市廣場1期地下G076-G080號舖。這裏除了排餐亦可配意粉或飯，有沙津，海鮮及特色小食。我地共叫兩份餐我叫咗一個野菌忌廉煙三文魚意粉配餐飲一杯檸檬雪碧及餐湯牛油麵包$102，我朋友就叫咗一份招牌牛排餐配薯莱一杯凍檸茶及餐湯牛油麵包$148。我叫嘅野菌忌廉煙三文魚意粉，忌廉好creamy三文魚新鮮份量亦夠大份。我朋友叫嘅招牌牛排餐八成熟不過略為生咗小小如果再熟d就更可口，總括來講餐廳環境，食物質素及服務都可以直得一試。

話說好耐都冇食過香港舊式嘅鐵板扒，所以今日約咗個friend嚟到金鳳大餐廳食嘢六點去到都已經滿座咁滯唯有攞飛等咗陣入到去嘅時候環境都幾好feel ，真係有舊式扒房嘅感覺不過座位就好過舊式好多啦因為呢排戒食牛嘅關係，所以我就叫咗另一個至愛，羊扒。朋友就嗌咗個西冷牛扒其實食鐵板，除咗好期待個主菜之外，我個人就好鍾意食個包，呢度嘅包都冇令我失望上枱嘅時候係溫暖㗎，而且望落去好軟熟，牛油都係一開就搽得，原始平時快餐店啲雪到實一實嘅牛油，而且擺落去個包度即時溶咗 齋睇都覺得治癒到主菜，我冇諗過我個羊扒咁大碟㗎！朋友個西冷牛扒都唔少嘢😂😭好細心叫我哋攞起餐巾幫我哋淋上黑椒汁，汁呢一刻完全勾起細個同屋企人食鐵板餐嘅回憶🥰嚟講，佢真係好出色，唔係淨係講緊佢個份量，而係佢嘅味夠晒羊味！鍾意食羊嘅朋友，其實可以試吓食佢嘅羊扒朋友就話牛扒三成熟煎得好好好有肉汁嘢飲方便我哋就嗌咗凍檸茶同凍奶茶，正常茶餐廳質素要讚吓嘅係以前食呢啲鐵板餐一定會覺得好鹹，係咁飲水，但係金鳳做得好好嘅，就係佢唔係落好多調味，所以食到肉味之餘亦都唔會令你覺得鹹到要係咁飲水，一個字講晒，.正！

香港鐵板真係好有🇭🇰香港特色， 八九十年代嘅時候真係一個潮流， 但係今時今日仲食到以前嘅味道真係好🥰感恩❣️細個嘅時候每逢假日屋企人必定帶我去🥩🔪鋸扒， 所以依個都係兒時嘅回憶👧🏻👶🏻今晚終於可以食到啦真係好正啊， 睇住個熱鐵板熱辣辣再加埋🖤黑椒汁， 最鍾意呢度加多兩蚊就有勁多🧄蒜蓉， 重口味嘅我梗係好鍾意啦😆呢度除咗鐵板餐出名之外佢仲有皇牌焗豬扒飯都係冇得頂， 茄汁🍅底又做得好好而且好多🧀芝士添仲拉絲㗎😍飲品方面都有好多懷舊飲品啊連🍦🐮黑牛都有, 我哋就叫咗杯凍檸賓, 因為真係好想飲利賓納👿童年回憶返晒嚟😂😂😂