金鳳大餐廳

营业中

休息中

今日喺屯門行街購物，順路食個二人晚餐，呢度晚餐最出名係牛扒，所以我就叫咗一份set dinner，主菜係大蝦牛扒，套餐包括餐湯，羅宋湯、牛油餐包、芝麻醬蟹籽沙律；主菜係大蝦牛扒配蒜蓉汁。餐飲揀左凍檸茶，仲有甜品雪糕糯米糍。另外，散叫左焗肉醬意粉及小食拼盤，小食拼盤心包括：吉列炸蝦、炸魚柳、炸薯格格、雞翼4款炸物。晚餐主菜「大蝦牛扒」，傳統嘅牛仔形狀鐵板，燒到好熱咁樣上枱，專人攞個醬汁幫你倒落去，醬汁有蒜蓉汁同埋黑椒汁可以選擇，夥計預先會叫你攞起嗰張好大嘅餐巾，遮住個鐵板，因為個鐵板燒到好熱，一落個汁落去，就會治治聲，啲汁彈到周圍係，為咗保護你件靚靚嘅衫，所以要用餐巾擋一擋，夥計10分貼心。至於主菜嘅味道，牛扒好鮮嫩，內裏仲有肉汁保留，肉質琳琳地，口感非常好。而大蝦燒到啱啱好熟，唔會感到太乾身，食到蝦嘅鮮味，好正。另外值得推介嘅係「焗肉醬意粉」，肉醬非常香濃，好足料，好惹味，意粉口感好好，唔會太林身，覺得好正。而小食拼盤，有四款炸物，大大碟，份量十足，好抵食。食完全個晚餐，覺得非常滿足。

金鳳大餐廳分店眾多，素日都很多人慕名而來，需要排隊，今天便來到屯門朝聖一番。今天幸運地只等了20分鐘便被安排入座，座位闊落舒適，店員都很風趣會主動與我們搭話，氣氛輕鬆。叫了兩個牛扒餐，分別配忌廉湯、羅宋湯及餐包，飲品是兩杯凍檸茶。羅宋湯帶微辣，有少許椰菜及甘筍一起煮，椰菜煮得較腍，甘筍不會煮得過爛。忌廉湯質感棉滑，內有蘑菇。餐包方面，每個餐包配有一份牛油，從餐包中間打開，把牛油均勻地塗抹，餐包的熱力溶化了牛油，每一口都散發着牛油的香味，餐包簡直是牛扒餐的標配！🍞貴族牛扒餐 $208朋友點了五成熟的牛扒，店員姨姨說廚師推介用碟上，我想應該也不影響牛扒的美味！伴碟方面有蕃茄，和沙律菜，口感爽脆美味，此餐亦配有薯格，無論吃薯格還是薯條，每張桌子上面都放有蕃茄醬，方便客人。切開後的牛扒粉嫩，每口都充滿肉汁。帶子牛柳餐 $173牛柳上面，放有兩顆帶子，因為我加了蒜蓉($2)，所以蒜蓉山掩蓋了兩顆帶子，帶子即使沾滿黑椒汁和蒜蓉但鮮味依然。牛柳方面我點了五成熟，每一口都充滿了肉汁，不會過於韌，或是難咬開。黑椒蜜糖雞中翼 $58一份有六隻，雞翼甜甜的真的很上癮！入口香脆，黑椒惹味，感覺即使是小孩子也會

香港人嘅集體回憶👉🏻鐵板餐!!! 黑漆漆公牛造型鐵板上, 一大塊牛扒, 下層墊住波浪紋薯條, 侍應拎著一大壼醬汁上前, 叫你揚起大餐巾, 佢將醬汁淋係鐵板, 醬汁四濺+滋滋聲響+煙霧瀰漫🔥諗起都想食💗..講到鐵板牛扒餐廳, 不能不提金鳳大餐廳, 1969年於太子開第一間店, 後來分店開到尖沙咀山林道等各區, 間間分店都有捧場客, 早前更殺入屯門, 分店位於屯門巿廣場Donki樓下😋🍽️..『帶子牛扒餐』HK$173牛扒好厚肉! 煎得啱啱好🫶🏻帶子好重海水味🍴又大大粒😍..『香煎雞扒餐』HK$116雞扒我本身唔大期望, 因為好容易就會好重雪味, 點知食落一啲雪味都無! 仲煎到香脆香脆咁😝..下次可以考慮下加錢要飯/意粉😉..°°°°°°°°°°°°°°°°°°°°°°°°°°°°°°金鳳大餐廳 @goldenphoenixhk📍 屯門屯順街1號屯門市廣場1期地下G076-G080號舖#MrsLong #hk #hkmami #hkbloggermama #Longs #influencer #hkmom #mamablogger #香港美食 #餐廳推介 #hkfoodie #親子好去處 #

今日到訪位於屯門市廣場的老字號扒房「金鳳大餐廳」，久聞其名，今天終於可以朝聖到；紅磚牆的大招牌非常吸睛==========🔹野菌牛柳餐 $158配牛油餐包、餐湯及餐飲牛柳點選7成熟、蒜蓉汁；餐湯點選羅宋湯，餐飲凍奶茶毋須額外收費塗上牛油的餐包特別滋味；餐湯羅宋湯集甜鹹辣於一身，蔬菜份量充足牛柳上檯時由店員將醬汁淋到扒上，發出「渣渣」聲風味十足牛柳有一定厚度，肉質軟腍帶有不俗的牛香，肉汁豐富；配菜有波浪紋薯條、翠玉失及胡蘿蔔，薯條薯香突出又夠粉糯==========🔹美式什扒餐 130配牛油餐包、餐湯及餐飲什扒包括豬扒、牛扒、雞翼，香腸及火腿，點選黑椒汁；餐飲點選熱檸水經煎香的豬扒巨大毫不乾身，肉質緊實；牛扒厚實細緻，質素不錯；雞翼嫩滑，配合輕辣醒胃的黑椒汁夠美味

好耐無去金鳳，差唔多9點去到都要攞飛，以為依家唔會太差。本身去都唔求會好食，但諗住間唔中試下無妨，但真係又驚又喜，去一次中一次伏，我發誓一世人唔會再去，未埋單就嬲到要比劣評。塊T 骨，骨大過肉，無味之餘，外邊煎到香口膠咁，裡邊就生勾勾。收10點，9點半唔夠就攞張單埋嚟迫你出去埋單，唔即刻出去埋就企喺個客後邊啤實個客，趕客走，係咁急一早截單唔好比人入嘛埋單三百幾，出邊好多選擇，食花園、或者茶記小台一定好過佢，仲好意思收加一

呢間餐廳我去過幾次五隻手指都數得晒，入到去態度極度惡劣，個個都俾面色人睇，冇禮貌、挑釁攞啲嘢好大力咁拍落個枱，發脾氣，說三道四批評顧客,不盡不實！自己幫自己人（當中好幾個侍應有批評顧客）嫌我BB整到佢成張枱污糟，但係本人已經即時清理好，叫好啲嘢食放晒成枱等人就俾佢說三道四講是講非！下次都唔會再光臨！一直冇改善。。。甚至冇人帶位個個自己做自己嘢完全唔理顧客

今日非常之開心，去咗屯門附近嘅一間金鳳餐廳鋸扒，食咗一次一試難忘，原來有咁高質素的人世餐廳在屯門，所以一定要推介俾朋友食啊，我哋平日去，都見到好多客人要排隊等位，就知道呢一間餐廳係老字號，好受歡迎，有質素保證，不過都好快入到去坐，入邊裝修好企理，乾淨衛生，服務態度良好，很有工作效率，而且餐牌嘅選擇數量好多，主打鐵板餐，仲有唔同牛肉嘅配搭，一定要推介嘅係大蝦牛肉或者帶子牛肉，睇相都已經好好食，全部都好有鑊氣，牛柳可以揀幾多成餸，我哋叫咗七成餸，裏面嘅肉質呢都好鮮嫩多汁，汁方面有兩個選擇，下週三同埋蒜蓉三，我哋兩個執得有事，都好惹味，而且仲有配搭薯菜，都好飽肚，而且佢有餐湯餐包配送，仲有餐飲餐湯可以選擇忌廉湯同埋羅宋湯，我哋選擇咗忌廉湯超大碗，都有口感，而且個餐包都係外脆外院已經好好食，牛扒嘅size份量好夠，大大塊，仲要好多塊，所以我覺得呢一間餐廳真係好經濟實惠❤️❤️👍👍👍

細個話去鋸扒，唔係講乜靚扒房食，而係去平民到爆既金鳳，估唔到開左間係附近，見咁耐無食，決定去重拾兒時回憶，會一會佢！個鋪頭門面裝修得幾靚，靚到完全唔似細個嗰間金鳳咁，仲要等幾張枱先入得去。坐低叫左個鐵板牛肉拼雞腿肉，同一個椰汁焗雞肉飯，跟手就來左個熱辣辣既餐包，仲有一紅一白兩個湯。個湯就唔多講，普通到爆，個餐包同牛油夠哂熱，唔係一舊舊咁，值得一讚。個鐵板來到一淋個黑椒汁就炸炸聲好大煙，食呢d鐵板餐就係要呢啲！d肉份量好足夠，唔使加飯都食唔哂！個焗雞肉飯椰香味好夠，不過就太甜，食到好攰。最後要講d服務真係有啲差，上菜個陣時完全唔理人，差啲車到人，真係要改善下。

我同屋企人一家三口今晚6:45去攞飛，去攞飛嘅時候都係話要等多10張枱，咁我哋就諗住等啦。去到7:05嘅時候3-4/5+人兩條隊都叫做郁咗少少，入咗幾個客。點知去到7:15嘅時候突然不斷入1-2人嘅客。我哋等到7:30嘅時候，有啲即場嚟攞1-2人飛嘅客唔使等已經可以直接入去。我哋7:45搵店員理論嘅時候見到入面仲有幾張吉嘅大檯😧😧😧😧 7:45嘅時候 我哋同出面喺到等嘅3-4/5+客都即刻走哂，嬲到震 😡 （3-4上次入座已經喺7:10；5+喺6:30左右lol

我最近到金鳳大餐廳位於屯門的分店用餐，經驗愉快。餐廳幾受歡迎，我平日的夜晚去食，多有幾檯等緊位，不過好快就排到入座。我地嗌咗兩樣餐點。餐廳主打鐵板餐，好多選擇，唔同牛肉，配大蝦/帶子，唔洗驚得1,2款唔啱食，好多款選擇睇menu都睇多好耐😂。首先是帶子牛柳餐（七成熟）配黑椒汁。這道菜的帶子非常大顆，而且鮮甜嫩滑。牛柳剛好七成熟，肉質嫩滑多汁，幾淋 搭配香濃的黑椒汁更顯豐富。我喜歡這道菜的口感和味道，真的很滿足。羅宋湯多料又夠味，唔經唔覺飲晒成碗。另一道菜是鴛鴦扒餐，包括豬扒和雞扒，配蒜蓉汁。這道菜將豬肉和雞肉的風味完美結合在一起。豬扒和雞扒都煎得香脆，豬扒的肉汁豐富，雞扒嫩滑多汁。蒜蓉汁的香氣和濃郁的味道增添了菜餚的層次感。這道餐點搭配熱檸檬水和羅宋湯，讓整餐更加豐富。金鳳大餐廳的環境舒適，座位寬敞舒適，坐得很舒服。此外，這家餐廳的服務態度也很好，員工上菜速度好快，即叫即應，令用餐體驗更加好。

金鳳細細個在佐敦，由細食到大，都知道是傳統扒房，今日本想到屯門分店用餐，門口服務員態度勁差，都唔緊要，繼續門口等直至入坐，進入餐後，坐位要搭枱又唔事先講聲，另一服務女服務員態度惡劣並大叫「行呢邊」相當冇禮貌，進入坐位時，坐位後面又堆滿紙箱，環境非常欠佳，其實以呢個價錢嘅消費，屯門市中心真係好多選擇，為何要受氣，又要屈就的環境氣氛進餐呢？我永遠都唔會再去屯門呢間金鳳，最後去了另一間餐飯，是最好選擇！

貴族牛扒牛扒係 US Chuck（美國牛肩）🥩五成熟，肉色粉嫩、肉質軟淋、size 好夠份量、大大塊、好厚切鐵板上，職員淋上蒜蓉汁時，發出吱吱聲 好療癒，睇住冒煙同聞到香噴噴，食指大動薯條🍟索晒蒜蓉汁，好味！翠玉瓜🥒好新鮮脆口另加蒜蓉，好啱蒜蓉控，十分滋味隨扒餐附送 餐湯、餐包🍞、餐飲餐湯 可擇忌廉湯和羅宋湯，我哋選了忌廉湯，好大碗，口感 creamy 醬汁可揀蒜蓉同埋黑椒汁，我哋選了蒜蓉汁而餐包🍞入口暖暖地，又軟熟職員好細心解釋 牛柳同貴族牛扒嘅特質，仲建議五成熟最好💯又好貼心提醒我哋收好手機，拎起紙巾遮住自己，以免整烏糟。咖喱香燒羊扒飯🐑羊扒肉質軟淋、有羊味配菜紅蘿白鮮甜，脆肉瓜 juicy職員溫馨提示+＄25可以有 餐湯、餐包、餐飲，但怕食唔晒 浪費食物，所以只叫了 一杯茶走整體嚟講：物有所值大人冇失望，小朋友覺得新奇同食得開心比下一代感受下 港式鋸扒食物質素 冇因疫情而下降職員 又友善 又殷勤

金鳳餐廳是香港其中一家極具聲譽的餐廳，排隊的人相當多，果然這家多年老店仍然受到廣大顧客的歡迎。金鳳餐廳的港式扒必定會搭配湯和餐包，而他們的餐包特別美味，大小適中且鬆軟，給人一種極佳的口感。由於我今天主要想品嚐扒類菜式，因此我點了他們的鐵板牛小排餐。這道菜由兩塊牛小排組成，份量之大實在讓人驚嘆，因此我要求將牛排煮至五分熟，這樣不僅能保留牛肉的香味和肉汁，還能帶來適度的咀嚼感。另外，我還點了金鳳餐廳的蘇格蘭牛扒，同樣要求煮至五分熟，使其內部呈現粉紅色，肉質鮮嫩且有咬勁。這份牛扒的份量非常豐盛，還搭配了薯條和蔬菜，整體而言相當令人滿足。金鳳餐廳的美食不僅味道出眾，而且份量十分慷慨，讓人感到物超所值。這次的用餐經驗讓我更加期待下次再來品嚐

今日落緊雨，啱啱無位，所以要攞飛，諗住喺到等一陣，點知個侍應要我係出面淋住雨等...... 一陣間到我嗰時，又話未齊人所以被驅逐出門口繼續淋雨，於是去第二間餐廳食，我同自己講永遠不會幫襯呢間嘢

細佬新工出咗糧，當晚請全家去屯門市廣場 <金鳳大餐廳> 食鐵板餐！我們一家4口，等了20分鐘！幸好被安排到4人卡位！Menu餐包入口溫熱鬆軟而微甜！餐湯：羅宋湯及忌廉湯忌廉湯質感濃稠！細佬推介+$2加蒜的確更正啊！ 蒜蓉放在鐵板上加熱，會更甜香！而且，$2 都好值得加呢！爸爸選擇：焗豬扒飯 $78正所謂一分錢一分貨，焗豬扒飯的豬扒相對薄身，好似我手指尾的厚度！肉質有點硬實， 勝在有芝士拉絲及香濃芝味，不同風味！媽咪選擇：美式什扒鐵板餐 $130包括：豬扒、雞扒、牛扒、雞翼、香腸，包羅萬有！絕對滿足為食的她，也是抵食之選！我的選擇：荷蘭豬扒鐵板餐 $122有兩大塊肉質柔軟的豬扒，厚切！ 還加上鹹香的煙肉提味！配蒜蓉汁，香濃惹味！細佬選擇：招牌牛柳鐵板餐 $138落單前，問清楚店員招牌牛柳跟另一款有什麼分別？招牌牛柳入口比較軟腍，適合他要求的口感！只有一大塊牛柳！餐飲熱奶茶口味一般！勝在夠熱及香滑！