金利銀輝茶餐廳

营业中

休息中

由於美孚有好多餐廳都比教貴... 味道又唔係太好~ 不過銀輝d野比較大碟+ 味道唔錯... 所以我同屋企人成日去食... 不過地點問題~ 佢都係做熟容多d~

假日通常會落街食早餐, 多數會叫呢個組合, 雖然麵包類係外面來買, 品質都ok! 有時會食多士餐, 因其他款式太豐富, 我食唔哂先唔叫囉~ 在假日有個叫"蕃茄排骨螺絲粉"餐($20)好多人食架.. 唔錯架~ 有時10點就賣哂架啦~ 想食就要早D啦~

平時食下午茶好少食飯, 不過今朝食早餐時見到今日下午茶其中一個炒野係---越式炒飯($24), 比錢時就順便問問係用咩炒, 有菜甫/肉崧/蛋/蝦米仔/翠肉瓜粒... 哇~ 聽完就好有興趣試喇~ 下午3點就嚟食下午茶餐喇~ 好味呵~

今日星期一放假, 11點過DD飛落樓下嘆個遲來早餐先~收錢亞姐介紹我食呢個清清哋嘅 "鮑魚雞絲火腿通粉" ($20) 又真係幾清播...... 味道啖啖啦~ 嘻嘻..... 好full呵~

醉雞煲好好食,好重酒味,refill加酒ga.肥牛好鮮,似是上價貨.海蝦又爽又甜,老板話澳州返的.不過十一點就冇勿人,要趁早食

中秋節早放。反正成七點半至開飯，跟老爸到這兒吹水煲煙hea 陣。五點九入到來，還有下午茶餐供應，好！點了客「西多士茶餐」配熱鴛鴦（$16）。約八分鐘便上桌，都好快呵！西多士係花生醬餡，熱鴛鴦要少奶，兩樣都唔算差。志在吹水hea，味道唔太差，這兒不失為一個好蛇竇。題外話：《鋼之鍊金術師》都幾好睇播，雖然遲左成三年！都話我係老土人…！

朋友來美孚辦事，約在這兒見面，我煲住煙等！傍晚六點三，午茶時段早巳結束。見隔離枱的水尾茶餐「雞脾薯條」裡的波浪形薯條，心癮起。點了份「炸薯條」、「熱鴛鴦」。加上友人的「熱華田」，埋單$38，好貴！！！原來碟薯條要成$18！！！！！！！！！茶記來講，好貴呀！

就在屋企附近一間茶餐廳, 耐不耐會嚟呢度食呢個簡單配搭! total $13

週六晚上，好熱，決定買外賣回家吃。女友說想吃茶餐廳小炒，想起呢間，這可是不少司機大佬的飯堂，應該差極有限。在門前打量著餐牌，不消五秒，班企枱阿叔巳經招呼我入舖頭，笑道：「哥仔，出面熱啊，入來涼吓冷氣，慢慢睇。」說罷，開開，拉椅子，遞餐牌，仲整杯茶給我！瞧，這就是招呼！（附近的「多多」、「美孚冰室」、「牛車水」、三間「佰味X」、「餃子妹」…學嘢啦！）點了個$70 的「兩餸晚餐」，另加$3 要杯凍奶茶。平平地，又即管試試。偌大的食堂，大概可以容納八十人，有部大CRT 電視，播放著無線節目，飲著企枱阿叔倒的熱茶。好快，約十分鐘便pack 好，出得門口，效率相當！例湯：是老黃瓜甘筍瘦肉湯，可以再煲耐些少。個湯削咗 D！京都肉排：份量不少，實為約四大片帶骨薄豬扒，再一開三而成。豬扒夠滑和軟。配料的鳳梨和洋蔥都是厚切件。鳳梨不是罐頭貨，好！呢個甜酸汁調較得幾好，甜酸適宜，濃稠亦剛好。唔錯！菜甫肉鬆煎蛋角：約五巴掌大的份量，量巨！咬咬豬肉碎和菜甫，料多！蛋角唔算油膩。唯有些少鹹，是菜甫的關係！？但相當下飯哩！白飯：兩碗滿滿的。凍奶茶：要求少甜亦做到，茶味中等。因只要加多$3（冷熱同價），所以無太大要

好多味菜都好好食, 有醉雞煲... 必食!! 服務好!! 地方清潔!!