金功夫點心小廚

营业中

休息中

這間酒樓其實已經開業了大概三年左右，還記得它剛剛開張的時候，我和家人便來過這裡吃過幾次午餐了，印象中味道是不錯的，我還寫了一篇食評呢(最前的第二篇)可惜，由於它的位置比較偏遠，無論是乘車/步行到達這間酒樓，都要需時30~45分鐘以上，所以我們已經有一段時間沒有再來光顧了不過，難得今天十分天朗氣清，惠風和暢，我們便決定先來這間酒樓飲荼，然後再到附近的黃金海岸沙灘漫步我們大約在中午12:45左右到達，即使是星期日的中午時段，都沒有太多人等位，我們等了15分鐘左右便能入座了現在酒樓推出了兩款特別的包點，分別是 飄香榴槤包 和 清香抺茶包 這麼稀有而且難得一見的包點，我們當然不容錯過而且我們更點了一份 酥皮焗叉燒包，真的是 包、包、包！！另外，我們亦點了蝦餃，叉燒腸，鮮竹卷等傳統點心No.1 【飄香榴槤包】這是一款期間限定的特色包點，如果我男友在場的話，一定十分喜歡和大快朵頤可惜從來沒有如果，這份精緻美味的包點最後便來到我的胃中【旅行】了榴槤包除了有著小巧可愛，維妙維肖，美輪美奐的榴槤造型，榴槤的外殼更雕刻得栩栩如生，玲瓏剔透，十分精美絕倫，完美得無懈可擊飄香榴槤包除了賣相一流，它的味道更上一

很不錯的廣東小炒餐廳。自從好多酒樓晚市做火鍋之後，大部份酒樓的小菜都每況愈下。金功夫算係做得唔錯而且價格合理。性價比幾高。但係人多左d，排長龍。不過個女部長好好人，見我地有bb,俾我地入先！是日精選: 砵酒焗蠔 ~ 蠔夠大，中間啖啖肉，而且軟綿綿好多汁。砵酒僻晒d 腥味。好正！

叫左碟青椒炒黑豚肉，瑤柱蛋白炒飯同埋海皇雜菜煲，等左10零分鐘黎左個青椒炒黑豚肉，幾好食，但係個炒飯同雜菜煲差唔多等左成個鐘，真係好耐，問啲職員要等幾耐都係hea幾句就算，最後食完碟青椒炒黑豚肉就埋單走人，經理幾有禮貌，但其他同事就普普通通。

周末郊遊時會去下黃金海岸，順道食下點心，我愛吃呢間㸃心多過容龍or 海天，款款點心質素唔差，又可以有帶狗仔🐶坐戶外，之前有款炸點心：杏仁花枝餅，包住香脆杏仁嘅墨魚膠彈牙有墨魚味，好味👍🏻，但轉左餐牌就冇再出😩燒賣嘅上面嘅蝦仁好大粒彈牙，粒粒豬肉新鮮無雪味有口感，又唔多肥肉👍🏻趁熱食叉燒包，叉燒醬夠香，包皮夠香軟，啱啱👍🏻炸蝦腐皮卷，蝦仁大大粒，夠彈牙又好多韮黃👍🏻推介：呢個灌湯餃即煮要等半個鐘，上湯用左魷魚乾，蝦米煮，味道帶鮮，餃餡豐富，肉餡無雪味，唔太咸👍🏻； 另外煎糥米鶏味道又係唔錯

黃金海岸通常係西餐Bar 或者高檔餐廳。這間是平民中菜，又好食又唔貴！首先叫左個茄汁乾煎虎蝦，茄汁味濃，蝦的size 適中，亞女食過不停另外蜜桃咕嚕肉又係亞女至愛，真係有桃架🍑🍑平時食都係菠蘿賽螃蟹有個圓圈寫住金功夫推介，就試下喇！蛋白夠滑，蟹肉適中，好味！

味道一般 賣相還好 但服務態度真心差 好似係我欠左佢咁話要等一個鐘 等唔到就走 等到就俾我入我心諗 乜咁多謝啊 要你批判我入去你餐廳食飯 如真係非必要就唔好去呢到食飯 廢事受啲服務員嘅氣🤦🏻‍♀️

又是明星效應，以為此店在黃金海岸地段，質素應該有番咁上下，點知原來係非常差，點心種類太少，比一般小店的更少，點了個排骨蒸飯，一人份量都不足夠吃，份量太少，味道⋯一般，冇選擇下再試個又是排骨的蒸陳村粉，個粉皮不似陳村粉晶瑩，似在大陸質素低劣的河粉又鞋、又硬、又厚，重來未吃過這麼差陳村粉，酥皮香麻蘿蔔餅，蘿蔔唔知咩味，水多致個飽濕到琳⋯失望⋯义燒飽、腸粉味道一般，點心質素非常差，已經不想再點，連相機都無興趣吃，絶不會回來再吃！

朋友住喺嗰頭，又想係朋友屋企食，又想食點心喎，喺度OpenRice搵左好耐！終於搵到一間又平又好味嘅點心啦！因為時間關係冇逐張影，一張大合照啦雖然係外賣攞到上來（自取），但係都仲好熱！好好味！全部即叫即篜！我覺得最特別係嗰個煎糯米雞！我大概等左20分鐘就有得攞啦，下次聰明啲打咗電話去order 先，落到去餐廳應該就可以有嘢攞啦！唔使等咁耐！成張單買單只係＄200！如果有會員卡仲有折！喺黃金海岸食到啲咁嘅價錢係好抵嘅！

Order 咗點心, 收銀姐姐話要等20分鐘..ok 明白點心要耐啲. 過咗20分鐘返去問, 個職員話"未得" 當然佢亦冇諗住要幫我跟...咁我再等..我見張枱有一半pack好咗, 有啲未pack. 10分鐘後..都冇人理過我..我問返個職員得未..佢好唔耐煩叫其他人跟..仲同我拗未pack好, 跟都冇用. 我話其實我已經等咗30分鐘, 你起碼同我講聲..唔係叫個客企喺度等冇人理. 另外一個職員即刻pack, 仲同我講燒賣係要蒸耐啲. 其實我見到籠燒賣已經擺喺度10分鐘冇人理. 啲職員只係顧住出堂食嘅點心.呢間餐廳我唔係第一次去, 其實次次去啲態度都係唔友善. 食物質素亦一般. 我今次之後亦唔會再幫襯. 希望如果有負責人睇到, 可以改善吓啲員工質素。

今日同朋友過嚟黃金海岸，好多西餐都滿座左，我哋唯有過嚟食中餐😁😁我哋一人叫咗一個燉湯，唔記得左個名不過好好飲，絕對係真材實料☺️☺️避風塘茄子， 咁樣整嘅茄子真係好好味！不過可能我哋食得太慢，口感略為偏油🤔🤔蒜蓉蒸粉絲同埋聖子，可能近海嘅海鮮特別新鮮😸😸同埋應該係即刻落即刻蒸，呢兩個真心好味😽下次過嚟主打食海鮮先😋😋

今晚一家三口去完沙灘，打算近近地去黃金海岸食晚飯。原本想食隔離果間新加坡野。點之收4點。唯有試下其他野啦。我地試左呢間金功夫，原本食物質數都ok, 但到埋單的時候，竟然收我地小食費，我就心諗點解有小食費，因為由入座到埋單，都從未見過或食過既小食。當埋單時候，我們再問清楚，點解要收呢？ 侍應話就算沒有吃小食都要收費， 但由頭到尾侍應從來沒有放低過任何小食，連小食會有d咩野食都唔知。侍應堅持有放低過，要我們付小食費。還大聲說是她帶位，一定有放低小食。她說可能是收碟時收走。那我即時反應就話，從來沒有見過任何小食。或者你睇下cctv, 就知到我們說真。連我的小朋友都說沒有見過小食。最後，她只好取消小食費。只是一餐晚飯，埋單都要打擾一段時間。如果大家要去，真係要小心，侍應的態度是很有問題。原本開心的一日，食到一肚氣兼一肚火。p.s.有食就預左要俾錢，連小食也未見過，也不知是什麼，不是小食價錢問題，而是態度問題!

Food is OK but takes way too long to arrive. Only ordered three relatively small dishes between two people and they took an hour to arrive, bearing in mine the restaurant wasn't even half full. When the dishes did arrive the main Chinese meal staple - rice was missing. The lady that sat us down was very cute and we felt like we couldn't complain. Wouldn't come here again (avoid the nice lady so you don't feel too guilty complaining). Waited for 50 minutes ate for 10. All in all a terrible dining

本來假日開開心心到這裏嘗試下這店，誰知食到一肚氣，門口帶位服務員態度勁差，當來店客人係狗一樣的態度。我們帶著2歲囝囝一起來，她呼喊聲地同我地講坐外面露天有位，叫我地坐就入唔坐就等。我們當時覺得沒所謂啦，都來到，就拿拿聲食完走啦。但當我們坐下沒多久時間隔來檯的大叔突然食煙，我的囝囝氣管有過敏的，於是我老公便和帶位服務員講可否轉檯，點知個服務員粗聲粗氣罵我老公，我即心裏著火走去和她理論，終於吵左一會後她把責任推給經理。本人覺得其實這店比起出面茶樓都不算忙，這店的服務員其實不願做就型點唔好打這份工，想要這份糧就應拿出你工作應有的服務態度來。還有其實林小姐如果你想做高級點這食店而選擇這地段開店的話，我覺得你應該到員工培訓注重一點，咪攪到我好像去舊式大排飲茶一樣而食物方便本人覺得味道沒特別好味，太普通，正常食得落口

每逢假期，住市區的人都希望到郊區走走，放鬆下心情，小欖黃金海岸可能係其中一個你想去的地方，背山面海，可能因為有黃金一樣的沙灘，因此叫黃金海岸，今天不是假期，因工作關係來到這里，有幸在這渡假勝地食個午餐：他們取用的餐具非常細緻，每個茶杯，碗，碟，茶壺都印有金功夫的LOGO，盡顯氣派。礙於是一個人的午餐，食飯之餘也要愛護地球，不能浪費，所以只叫了1個飯和1個餸煲仔飯要好食，鼓油很重要，可惜它沒有重視這個細節，他的鼓油除了咸還是咸。令本來不錯的飯失色。同樣是煲仔上，這裏面的卻是魚肚，腐竹，蝦干，上湯很濃，魚肚有些很淋有些偏硬，令口感不一致，同飯一齊食可以增加胃口，單食的話必須接受到濃味的人才行。同時還有茶和水奉上，可以解渴。這個一人午餐埋單約65元，這種地方食不算貴了。下次有機會還會來試一下這里的點心。最後附上附近沙灘黃昏靚景

The food is okay but plates and utensils seem a bit unclean. Food takes a long time to arrive. Wouldn't recommend.