金唐爺爺

营业中

休息中

觀塘午市$40蚊都可以食得飽!?金唐爺爺最近在美食重地駱駝漆大廈新開張，主打潮汕牛肉及特色食品，全部飯麵都$50蚊內，絕對值得一試!! ✌️- 潮式車仔麵 (自選): 🍜可選不同麵底及配料，配料HK$8起就食到新鮮材料非常抵食!!沙茶拌麵 HK$8 🍜可選粗麵幼麵，選用彈牙爽口蛋麵，再拌上香濃沙茶醬。自家卷章 HK$9 🐷潮汕特色食品，香脆腐皮包住豬肉滑煎香，非常惹味。溫體牛丸 HK$13 🐂牛味濃郁鮮牛丸，必試!!吊龍 HK$16 🥩牛背位，肉質嫩滑又充滿牛肉鮮香!!- 墨魚卵粿 HK$38 🦑必試潮汕美食!!將墨魚卵打膠製成。煎香後口感煙韌充滿墨魚鮮香!!配上開胃辣椒醬超惹味!!- 沙茶吊龍滑蛋蓋飯 HK$42 🥩🥚🍚潮式車仔麵 (自選): 🍜- 沙茶拌粿條 HK$8 🍜- 馬鮫魚丸 HK$9 🐟- 鮮蝦尖 HK$13 🦐- 黃牛牛腩 HK$16 🥩

阿女暫時回office幫我攪網站，好丑也慰勞下，隨便吃....找了一家潮州小食店~金堂爺爺。一聽就知道家庭式，難得輪胎人也推薦，潮州食材，不過不失，但内寫上：“意見接受，態度依舊”，甚有霸氣，原來是老闆娘又甜又美，永遠態度是笑容十足，觀塘寶藏小店不少，匿蹤在各工廠大厦角落，年輕人剛入社會，平民飯堂還是和譪可親！

今日下午同同事試咗呢一間潮州牛肉粉麵店。 終於俾我哋喺香港試到潮汕山區黃牛肉！😍 我哋叫左沙茶吊龍滑蛋蓋飯($48)，沙茶吊龍炒粿條($48)加$5蛋，超好食😱！濃濃嘅潮州沙茶醬，加上吊龍(肉眼)。 牛肉味超重，潮州牛肉果然唔同啲！好推介👍👍下次再試埋啲粿條😋😋見到菜單仲有牛三寶入邊有吊龍牛腩牛丸，好多人食，下次一於是呢一個。店員話吊龍即係美國肉眼嘅位置，但係佢哋用潮汕山區黃牛，所有丸都係自家工場做，湯底係牛骨湯，每日新鮮煲！

今日經過，見到想試吓，但個鵝肉飯，只有4-5塊碎鵝肉，份量超級少，另外一份湯面內吊龍（牛肉）又老又乾又碎，2個墨魚丸又偏咸，蝦丸只有1個，份量好少，中伏，不值得推薦，完全唔值

星期日去觀塘工廈買梳化，路經原本想試同層另一家米線，點知原來星期日休息⋯路經此家價錢合理環境也ok就試吓1）沙茶吊龍炒河$40味道ok，不辣，略乾，不過不失，性價比高2）大老闆河粉$46有吊龍、蝦棗、墨丸，收這個價算係抵，但係吊龍煮得太熟好靭，牛味淡，嘥咗！蝦棗同墨丸反而都幾鮮味，蝦棗係食到蝦肉嘅，感覺買番去自己煮粉食或者放氣炸鍋都會幾好食；結論係幾抵食，路過可以試吓，唔需要專程過來覓食。

8月13日，中午買了牛三寶菠菜麵。牛坑腩，吊龍又實又乾，完全咬不開，紫菜有沙，只有牛丸，及菠菜麵還可以食，但不值推介。由下午1點14分落單，直到2點10分，先有得食。我係直接係駱駝漆大廈舖頭落單，其間又做錯餸，拎回公司先發覺錯。致電話俾舖頭，電話接聽人話自己返咗大陸，叫我去搵舖頭人😑，呢間舖無另外一個電話號碼，我又要再行落街去舖頭更換該碗麵到更換完即拎返公司食，點知大失所望😣😣米之蓮到底是怎評分？😒😒

係駱駝漆3期1樓睇menu每樣野都好平！有飯有粉有小食 最平$30幾蚊搞掂！潮式車仔麵 最少要揀3款餸我叫左total $39麵底沙茶炒粿條 ($8) 勁大個蝦尖 ($13) 魚丸 ($9) 卷章 ($9)叫左少油 所以沙茶醬唔係好多😂可能因為撈嘅關係 會有埋一碗紫菜湯咁食落就冇咁乾 非常好😋蝦尖同魚丸都幾彈牙卷章係扎肉黎 正常味道 都好食沙茶吊龍炒粿條 ($40)呢個炒時已經撈左沙茶醬吊龍姐係牛脊背上嘅肉冇筋 唔錯 食落似沙爹牛😂又係勁大份 食唔哂！煎韭菜粿 ($38)有4粒 可以同其他小食雙拼不過冇咩興趣 所以要哂韭菜粿外皮係粉粿皮 幾煙韌 不過有d厚入面韮菜好香 不過要沾豉油/辣椒油先夠味如果有d肉係入面就更好呢間又平又唔錯 推介啊！

星期六悶悶地，於是走去觀塘駱駝漆第三期行吓，行咗好耐，行到腳都軟埋，見到不同形形色色嘅美食，最後行到去2樓經過「金堂爺爺」，見佢地做緊promotion，蚵仔煎 $20一份，即煎，跟住就入去試吓，入到去環境乾淨舒適，職員免費送上一小碟花生同埋兩杯潮州茶，吃完蚵仔煎後，味道好好味。之後再點了一份沙茶牛肉炒河，亦好好味。爺爺仲送上一份甜品。由於蚵仔煎太好吃，所以再點多份，最後埋單90元正，有招呼、有嘢食、有嘢送，感覺好好👍🏻。

朋友介紹呢間麵舖。我覺得最特別係菠菜麵，麵條係全綠色的。未食之前好好奇係咩味。招牌四寶菠菜麵 $40 有得送茶／可樂菠菜麵的味道同平時食的麵冇分別，但勝在夠厚身及彈牙牛丸，魚皮餃，扎肉，墨魚丸超好食又大粒又彈牙湯底好清有好多紫菜，感覺整碗麵又健康又好味，分量剛剛好

駱駝漆食街一向都美食林立，剛巧經過金唐爺爺，見職員熱情招待就嘗試一下，原來都不錯。金唐爺爺本身是一間售賣凍肉食品的店鋪，出名自家製的潮汕手打丸，就連HKTVMALL 都有得賣。職員介紹了幾款招牌菜式，價錢親民，都幾值得一試滷水鵝飯🍛鵝肉入味，還有配搭豬手，最愛潮州咸酸菜，撈飯一流招牌四寶菜麵🍜選擇了波菜麵，四寶有牛丸、魚皮餃、扎肉、墨魚丸。手工丸爽口彈牙，真材實料👍🏻韭菜粿🥟好多韭菜，粿皮煙靭有口感黃金鹹蛋卷🌮鹹蛋黃皮包著非常甜的柚子/糖冬瓜蓉，外層煙韌而酥脆，非常特別的菜式

位於觀塘駱駝漆大廈< 𝐆𝐨𝐥𝐝 𝐆𝐫𝐚𝐧𝐝𝐩𝐚 >, 一間潮汕專門店, 設有凍貨區及熟食區, 主打多款潮汕菜式。招牌四寶菠菜麵 $⁴⁰放有牛丸、魚皮餃、扎肉及墨魚丸, 質感爽口彈牙, 每款各有特色, 再配以魚冊及紫菜, 而菠菜麵份量十足, 整體充滿潮州風味。招牌四寶上海麵 $³⁸同上一樣, 而上海麵質感較軟身。黃金咸蛋卷 $³⁸玻璃皮包裹咸蛋黃, 外脆內嫩, 蛋香濃郁。手作油柑汁 $²⁸味道甘甘甜甜, 健康之選。金唐爺爺 (觀塘)📍觀塘開源道60號駱駝漆大廈第3座1樓G室

駱駝漆大廈第3座一向不乏美食，成日去戈度搵好西食，最近又搵到新餐廳～系一間潮汕人家族開嘅粉麵店，見到餐廳logo戈位老人家嘅真人，原來佢身份真系爺爺👴🏼戴住頂帽好有性格😆主要招呼客人嘅系佢孫女，佢同孫女都好nice😁餐廳主打粉麵，同時亦不乏小食，小食亦系傳統潮汕小吃。另外有沙嗲牛肉炒河粉同滷水鵝飯都好正咁！炸蝦尖蝦膠打得實在，食落有嚼勁，雖然系炸又吾會話好油膩。老闆仲好好人請我地食咗兩隻蟶子😆系朋友送咗好多比佢地食吾曬所以請我地食啲，感覺很好💕招牌四寶麵，可以揀河粉或者菠菜麵💚揀咗菠菜麵，健康美味。有牛丸、魚皮餃、扎肉、墨魚丸，丸類爽口彈牙，扎肉口感都吾錯呀。另一半向來系牛肉控，叫咗沙嗲牛肉炒河粉，沙嗲味濃，牛肉滑溜，成個組合幾好。手作油柑汁應該冇額外添加糖份，好啱解膩，呢個天氣飲一流。

👧🏻😋👅🍽✨駱駝漆新野 - 潮汕特色小店-金唐爺爺🇭🇰 觀塘開源道60號駱駝漆大廈第3座1樓G室 🇭🇰-👨🏼‍🦳早幾個禮拜行駱駝漆見佢新張擺左個booth係門口好似超市咁有試食, 今晚終於有時間黎支持一下~👨🏼‍🦳餐廳主打潮汕肉丸, 仲係香港有自家工場😮 最正係有$38全日特價麵食👨🏼‍🦳除左粉麵仲有好多特式潮汕小食, 同埋客人食完野可望望凍貨有冇野岩, 連潮式清心丸都有得賣, 真係正宗!-🍜 招牌四寶河 $38 轉菠菜麵 +$2💯湯底都飲得! 老雞湯底好香冇味精; 四寶係牛丸, 魚皮餃, 魚冊, 扎肉, 已包紫菜同脆蒜勁正🤗💯魚冊第一次食! 即係魚蓉包豬肉, 食落有D似魚皮餃; 牛丸細細粒但爆汁好香濃; 最抵讚係菠菜麵份量好夠, 出面加錢轉菠菜麵兩撮就食晒😂 麵質彈牙, 味道清淡同個雞湯幾夾-🍛滷水鵝飯 $68✨鵝肉好滑, 肥瘦適中, 滷水好入味, $68好抵食份量好多!-🥔 土豆粿 $28💯鍾意食薯仔唔好錯過, 佢係後面廚房即整已聞到勁香! 煎到個皮金黃色, 但食落唔油-🦐 炸蝦尖 $38✨打邊爐食蝦滑就食得多, 炸既就好少, 冇泰式炸蝦餅咁厚粉, 食落更突顯蝦肉鮮味!

今期我哋去咗觀塘駱駝漆搵咗間開張無幾耐嘅潮州食店，好有潮州風味，美味的滷水鵝飯、招牌四寶菜麵和水晶肉皮凍都係佢哋生招牌😚.🍛滷水鵝飯呢個道鵝肉經過秘制醬料滷製而成。鵝肉鮮美多汁，同時滷水的味道滲透肉質，搭配上香氣四溢的米飯，滷水鵝飯係幾好.🍲招牌四寶菜河招牌四寶菜麵是金唐爺爺的另一道人氣菜品，湯雞味鮮美濃郁，最緊要係真係好香🤓。以佢嘅四寶當中的牛丸，墨丸，魚蛋都尤為出色。墨丸係採用新鮮嘅墨魚，每日自家工場新鮮製造，然後送過嚟門市，比平時食開嘅咁彈牙😚.🥟水晶肉皮凍水晶肉皮凍作為金唐爺爺的招牌甜品，以其獨特的口感和美味受到廣泛好評。肉皮經過精心熬製，呈現出晶瑩剔透的質感，配上甜甜的口感甜而不膩。這道甜品是結束一頓美食的完美選擇。.頭先我哋食食以上食品嘅時候都食埋佢嘅小食，全部都相當不錯，所以我哋係推薦大家嚟呢間餐廳食嘢㗎。

🌳招牌四寶河$38叫咗一碗菠菜麵同河粉，菠菜麵幾有口感，坊間都極少有，推薦🤩最正係$38食到碗四寶河，有齊牛丸、魚丸、扎肉、魚皮餃同紫菜，肉丸非常彈牙，正宗潮汕口味🌳潮香滷鵝飯$68有滷蛋同滷鵝，超中意食滷蛋好入味😍我覺得可以直接當係一款小食推出都得😀滷鵝鵝味好重，肉質厚實🌳炆沙嗲牛河$48牛河炒得夠鑊氣好大碟，帶微辣，幾惹味🌳炸蝦尖$38 蝦尖同肉丸一樣非常彈牙，全部都好好食🤣尤其係佢嘅甜醬，帶小小蜜糖味咁，點炸蝦尖好夾🌳黃金咸蛋卷 $38老闆極力推薦，話係潮州特色菜色，本身好怕鹹蛋味太濃嘅小食，結果同想像完全唔同，鹹蛋味唔會好濃，主要係有佢嘅口感，帶陳皮香又甜甜地，意想不到咁愛上呢款食物😂成餐飯都讚不絕口👍🏻真係一定要試吓！🌳韭菜粿$18外層有微微煎香，韭菜份量好多🌳牛肉丸拼墨魚丸$20餐廳門口有得試食肉丸，食過就知幾有料，真材實料，粒粒都好彈牙，買返屋企煮麵食真係絕配😆好過成日係超市/街市買嘅打邊爐肉丸好多🤤即刻買咗半斤，最好嘅地方係可以選一半牛丸一半墨魚，仲要真空包裝埋👍🏻🦥金唐爺爺 (觀塘)觀塘開源道60號駱駝漆大廈第3座1樓G室