金城粥麵 (已搬遷) 新店位置

好耐未嚟過啦,難得今晚响附近,一於行到夠鍾等腸粉出場,一坐低馬上叫咗豬潤腸同叉燒腸各一碟,唔洗一分鐘,3個人即刻掃清,再n call一碟豬潤腸,一碟蝦腸,同一碗肉丸粥,粥底唔錯,肉丸都幾好味,蝦腸就差d,無咩蝦味,都係豬潤腸最正,兩吓手勢,腸粉又清哂,仲係唔夠喉,又再叫多一碟豬潤腸,今次個伙計放低碟腸粉時,仲話專登比多d豬潤你地架,果然係多d豬潤,確係豬潤香軟,腸粉香滑晶瑩,個個都食得好滿足,捧住個肚出門口....

同林小B食完糖水後仍覺有點餓,所以到了金城買魚片粥同鷄絲腸外賣回家。回家後看到粥蓋上畫了條魚,估不到伙記們雖則個樣都幾惡下,但有時都幾搞笑,尤其是有個伙記個髮型加外形有幾分似田鷄(田啟文)。粥---水準保持得好好,林小B平時不愛食粥的,但也很喜歡食。鷄絲腸粉---腸粉皮太厚太硬,不軟滑,但好在鷄絲夠多又新鮮。

食是好食的,,,及弟粥,,,腸粉但.....要飲幾多水

很奇怪openrice只有一個關於金城的食評. 一個月前從雜誌看到晚上十點後才有的即拉豬潤腸粉, 男友是個"豬潤怪", 看完7點半場再去找吃的. 在附近閒逛(也沒甚麼好走,抬頭是紅綠招牌)一會到十點, 走進狹窄的店面, 門口是一鍋鍋生滾粥底和材料, 我們謹記著"吃腸粉"的任務,一坐下叫了三碟腸粉($14@).先來的叉燒和蝦腸躺在黑黑的豉油加滾油中,腸粉皮很薄,同行朋友不吃豬潤,先吃掉兩條叉腸,大叫好味.即做的食物當然零舍不同,男友期待的豬潤腸隨後跟上,豬潤是剛熟的,碎粒的在薄薄的粉皮中,眼見男友獨"拍",我再點了一個灼魚皮, 伴炸花生加薑絲加醋, 廿蚊的宵夜再哪裡找??

O係佐敦都已經食左唔少野，粥都已經食左2次，今次係一間比較local既粥店，仲要大多係男人幫襯，入去個陣都有d驚。叫左最例牌既生滾及第粥，見到佢個門口係對住個小巴站都覺得有少少唔衛生，但係見到間舖都唔少人幫襯都唔怕掛。個粥都算幾足料，有齊豬既各種內臟，尤其是個豬潤好爽。上個陣仲非常熱辣辣，真係要攤一陣先敢食。食緊野個陣到個侍應抓完頭冇洗手就摸d食物，嘩...下次都係唔敢幫襯啦