影片
开饭介绍
有「日本第一天丼」美譽的日本過江龍天婦羅丼飯專門店，連續7屆榮獲日本全國天丼金賞。食材、醬汁等均是日本進口的。店舖主打江戶前天丼，提供鳳尾蝦、帆立貝、魷魚天婦羅餅等各種配菜。
继续阅读
营业时间
今日营业
11:30 - 22:00
星期一至日
11:30 - 22:00
公众假期
11:30 - 22:00
公众假期前夕
11:30 - 22:00
*最後落單時間: 21:15
以上资料只供参考，请与餐厅确认详情
朋友約我收工去奧海城既新春市集睇下買下野, 所以我地就揀左我地兩個都鐘意食既金子半之助食好野入面既環境都日式為主, 有回到家鄉日本既氣氛, 令我地更有胃口食飯今次我地好認真咁睇下個餐牌, 發現除左我地食開既天丼之外, 其實都仲有好多野可以試下, 咁次我地決定要SHARE新野黎食!半之助沙律-$48D個沙律竟然係用餐廳個名黎命名, 睇黎係佢地既信心之作, 食完就知我地冇叫錯, 沙律菜好新鮮, 口感好好, 而且個甜酸酸甜甜咁, 好開胃, 上面仲有幾隻金子半之助成名既天婦羅蝦, 食完又健康又滿足!車海老壽司卷-$108用壽司飯做外皮去做成壽司, 我鐘意D個口感, 而入面仲有一隻保留到脆度既炸車海老蝦, 口感好豐富, 令人不自覺咁一啖接一啖咁去食燒鹽麴鮭魚&迷你天婦羅御膳-$148友人好鐘意食燒三文魚, 而我都係好想食下金子半之助既天婦羅, 咁我地叫D個SET就岩晒啦, 個燒三文魚既魚肉仲KEEP到好嫩滑, 魚油味好香, 好送飯, 另外仲有個迷你天婦羅, 基本野都齊, 對我黎講最緊要就有隻蝦, D個SET都幾多野食咁, 幾抵食食下見到有張紙介紹下丼碗, 丼碗的碗底部份係空心用來保溫, 我睇我自己個碗好似又唔多覺, 真係唔講唔知係咁!總結, 金子半之助除左食開既天丼外, 其他既食物都好唔錯, 令我地有更多的原因再黎金子半之助食野
继续阅读
2024年11月20日 星期三今日放工後突然間好想食天婦羅丼，所以就同老婆去左奧海城二期既金子半之助食最正宗既天婦羅丼位置好方便，由地鐵奧運站行過嚟只係十分鐘內，全程室內，打風落雨都唔怕，餐廳一行出邊又有巴士站，而且我哋一去到就可以入座，唔洗等位餐牌比起之前食嘅時候更新咗，多咗好多款唔同類型嘅食物，除咗天婦羅丼之後，仲有前菜同壽司提供，所以我同老婆每人叫咗一個set，再加沙律同壽司另外只要每人加$13 ，就可以有任飲放題，可以任飲餐廳提供嘅水果汁同水果茶等咗一陣沙律就首先送到，係半之助沙律，同一般嘅沙律好唔同，除咗有蕃茄同生菜之外，仲有天婦羅蝦同炸脆脆，令到口感即時提升，食落去脆卜卜，又唔會太過油膩，同沙律醬都幾配合呢個係我要既燒鹽麴鮭魚加迷你天婦羅御膳，鮭魚整得好嫩滑，食得到鮭魚嘅鮮味，又唔會太鹹，上面仲有三文魚籽，一齊食口感更加豐富老婆就要左一個天丼，同之前食過嘅水準一樣咁高，炸漿唔算太厚，咬落去脆卜卜，蝦天婦羅嘅蝦肉好彈牙，蔬菜天婦羅炸完仍然有水分，醬汁用嚟送飯一流最後有海老天押壽司，壽司壓成長方形味道更加集中，醬汁食落去酸酸甜甜，同醋壽司幾夾，每一件壽司裏面都有炸蝦，完全唔覺得油膩一貫嘅水準加上舒適嘅環境，令到呢一餐飯食得好滿足！！
继续阅读
金子半之助，一如傳統的日本餐廳乾淨整潔，侍應服務殷勤有禮。半之助沙律 - $48好大碟，有新鮮翠綠嘅蔬菜同車厘茄，炸得金黃嘅蝦天婦羅，配上沙律醬同吃，感覺清新開胃，海老天押壽司 - $88係蝦同紫蘇葉，混和了秘製醬汁，一件件好似壽司咁，上面香脆，下面鬆軟，紫蘇葉的香味搭配着炸蝦，味道超夾，迷你牡蠣天丼&稻庭烏冬 - $128餐廳會送來其他配料可以自己自由配搭，有蔥花、海藻、鰹魚花和天婦羅碎，天婦羅炸物炸得超酥脆，呢間嘅天婦羅炸物有特殊嘅胡麻香氣，比起其他天婦羅專門店係做得特別出色，稻庭烏冬超滑溜，爽滑彈牙啱啱好，仲有個天婦羅炸溫泉蛋，勁正，篤穿個溫泉蛋之後，裏面嘅蛋液流出嚟沾滿着每一粒飯粒，充滿着蛋香，炸白身魚 - $28 & 帆立貝魷魚天婦羅餅 - $28天婦羅白身魚外脆內嫩，從側面看可以看得出很厚肉，帆立貝魷魚天婦羅餅炸得剛剛好酥脆又惹味。
继续阅读
今晚專誠去大角咀奧海城, 第一係 約了朋友在 [金子半之助] 食晚餐. 第二就係看看俏熊貓 . 商場設計得好靚, 店舖多, 地方闊落, [金子半之助] 餐廳好容易搵, 奧海城站直出行兩分鐘就到, 餐廳日本裝飾, 好有日本風味. 客人坐滿吧枱, 坐近師傅, 用餐更方便.我們訂了卡座方枱,整齊優雅, 傾偈食嘢係一個好地方. 侍應送上日本黑豆茶及 餐牌, 我們一齊點餐, 先點了開胃前菜, 半之助沙律. 賣相擺設吸引, 好新鮮. 沙律菜翠綠, 車厘茄紅卜卜, 還有沖繩島特產海葡萄, 天婦羅大蝦 好香脆, 混上蛋黃醬, 醬汁酸酸甜甜, 醒胃又清味蕾. 車海老壽司卷壽司餡料滿滿, 望落去好隆重, 上面鋪有三文魚籽, 令人食慾大增. 六件排列得好整齊. 配秘製醬汁. 內餡有天婦羅蝦, 青瓜, 蟹籽. 天婦羅炸蝦好香脆, 蝦肉爽甜, 有點像中式點心.....春風得意腸粉, 內脆外軟. 配上醋飯, 沙律醬, 再沾上秘製醬汁. 真正美味.御膳, 鹽燒三文魚 & 迷你天婦羅. 我們加了$20 由海老轉為 軟殼蟹. 一盤子送到, 小食味噌浸漬茄子, 麵豉湯, 鹽燒三文魚, 迷你天婦羅, 白飯, 好豐富, 給人好印象.味噌浸漬茄子, 茄子好入味, 伴有木魚絲. 三文魚有兩塊, 厚肉, 魚肉嫩滑, 魚油豐富燒得香, 還伴有大大粒魚籽.天婦羅. 先吃軟殼蟹, 口感香脆可口又惹味. 迷你天婦羅, 用鐵網乘載, 無油脂積聚, 又可散熱即食, 真好. 我喜歡吃枝豆天婦羅, 南瓜天婦羅, 好鬆化. 天婦羅菇菌, 菇味濃. 海苔天婦羅味道脆爽, 外面有層薄薄炸衣. 吾油膩, 炸得好鬆脆. 吃口白飯又飲味噌湯, 又飽又暖胃. 內有海帶豆腐, 這個晚餐吃得好滿足.餐後看看俏熊貓, 節目吾錯.
继续阅读
輕輕鬆鬆又到五點鐘，處理埋手頭上嘅文件又係 #MeTime 嘅時間🍃 商場滿佈唔同造型嘅 #熊貓仔 🐼 非常可愛☺️ 難得嘅免費娛樂，#小秘書 當然要影個夠本… 搞到爭啲誤咗 #飯聚 嘅時間😅好耐都無返過「家鄉」嘅我，呢日除咗過嚟打卡，實際上係為咗尋味道👅 仲記得每次去到 #日本，我總會幫襯 #金子半之助，一嘗充滿 #胡麻油 香氣嘅 #天婦羅 🍤 仲有各式各樣嘅 #天丼 🍚🥢 香港店裝飾得跟正店幾乎一樣，正好慰藉一吓思鄉病嘅我🤭 而我發現最近佢哋原來加咗唔少新口味，一於試吓佢🤤🥗 #半之助沙律 滿滿嘅 #沙律菜 上配上特製嘅醬汁，口味好清新，加埋充滿 #胡麻油香 嘅 #天婦羅蝦 一齊食，外脆內軟嘅口感，非常治癒🤤🍤 #車海老壽司卷 師傅將新鮮嘅 #炸蝦 放入 #壽司卷 內，再加上 #三文魚籽 做點綴，造型吸睛之餘，口感亦非常豐富🤤 #小秘書 嘗試一啖一口，雖然係失儀咗啲😅 不過咁先可以一次過試晒唔同嘅層次感吖嘛🤭🐟 #燒三文魚天婦羅御膳呢個定食都幾豐富，前菜漬物嘅 #茄子，口感冰冰涼涼，令人特別開胃🤤 主角 #燒三文魚，入口充滿魚油香，用嚟配 #珍珠米飯 一齊食，有種家嘅感覺❤️ 最後再嚟一份迷你雜錦天婦羅🍤 我哋將大大隻天婦羅蝦、蔬菜輕輕浸落特製嘅醬汁，味道梗係另一個層次🤤食飽飽之後再配埋佢哋特有嘅 #黑豆茶，暖暖胃、好有飽足嘅感覺🥰 唔知我幾時可以飛✈️ 試埋日本師傅嘅手勢呢😗😗📍 金子半之助(大角咀) 海庭道18號奧海城2期地下G29-G30號舖
继续阅读