影片
以上资料只供参考，请与餐厅确认详情
金家乐餐厅大角咀呢间金家乐餐厅，藏喺大南街大富楼地下，就好似个隐藏嘅宝藏地，等住人去发掘。店面装修真系好街坊，简简单单，充满住生活气息。今次叫咗碟烧味饭，一上枱就好有睇头。烧鸭皮色金黄，油光水滑，咬落去皮脆肉嫩，皮下𠮶层脂肪唔肥腻，反而增添咗香味。腊肠切片整齐，咸香适中，肠衣有少少弹性，肉质扎实，味道好浓郁。半只卤蛋，蛋白嫩滑，蛋黄微微流沙，好入味。配菜嘅青菜，炒得刚刚好，保留咗爽脆口感。个蒜蓉汁好加分，蒜蓉新鲜，加埋适量嘅油同调味，用嚟点烧鸭同腊肠，味道更上一层楼。白饭粒粒分明，口感软硬适中，吸收咗啲烧味汁，简直绝配。同我之前喺一间主打广式烧腊嘅连锁店食过嘅烧味饭相比，𠮶边味道虽然标准，但呢间金家乐餐厅嘅烧味更有家常风味，好似阿妈煮嘅饭菜咁亲切。价钱方面，呢碟烧味饭唔贵，性价比算高。不过有个小问题，餐厅人多时环境有啲嘈杂，而且出餐速度有啲慢。烧味饭对我嚟讲，就系童年回忆嘅味道。细个时，阿爸成日买烧腊返屋企加𩠌，一家人围住食饭，充满温馨。金家乐餐厅嘅烧味饭，虽然有小瑕疵，但𠮶种熟悉嘅味道，又勾起咗我好多美好回忆，希望呢度可以一直保持住呢份家常嘅温暖！
继续阅读
嚟到大角嘴揾野食，见到呢间食炒𩠌食饭，就入去试吓我叫咗霸王鸡、虾酱通菜炒牛肉同埋菜心炒斑片🤤霸王鸡🐓霸王鸡份量相当大碟，鸡肉嫩滑，仲附送葱油，点住嚟食相当滋味🥳虾酱通菜炒牛肉通菜相当有咬口，虾酱炒但一d都唔辣，咸咸地几好食👍🏻牛肉都好新鲜同埋软熟😚菜心炒斑片呢个𩠌有埋芡汁捞埋一齐食，个调味令我本身唔中意食斑片都觉得好好食🤪菜心亦好爽口，呢个𩠌简直系健康推介💕今次食呢个晚市套餐系送埋例汤同饭，例汤好足料！有青红萝卜、蜜枣、同埋猪骨等等天气冻饮翻碗暖笠笠嘅例汤相当暖胃❣️总括而言，呢间茶餐厅都几值得食，虽然夜晚时段都几爆人，但系都即刻有得入去坐👍🏻 呢间茶餐厅系好适合一家大小或者同一大班friend去食嘅中餐，上菜速度亦都快手🥰推介指数：⭐️⭐️⭐️⭐️
继续阅读
经常去呢度食嘢，味道都算得上系唔错，重点系你点啲乜嘢嚟食？如果你系食一般茶餐厅嘅食物，你只可以预期佢水准普普通通，餐蛋面似餐蛋面，午餐碟头饭亦可以食饱你，只系味道普通。不过如果你夜晚嚟食佢嘅小炒套餐，就会发觉厨房的功夫真系唔错，特别系佢嘅老火汤，食得出冇味精，但系材料丰富味道十足。小炒亦够镬气，睇得出系有功夫底。份量唔算大碟但足以食饱你。最钟意佢食饱你之后仲有一个糖水送。两旧水两个人食小炒仲有老火汤同糖水，算系一个相当经济实惠嘅好选择。计我话，日头去食，佢只系一间好普通好普通嘅茶餐厅，但夜晚去食就系又抵食又好味嘅小炒饭店。至于佢哋嘅服务态度，你要知道香港嘅茶餐厅就系咁嘅服务，人系会睇心情，佢心情靓就对你好啲，佢心情唔靓就粗声粗气，因为佢真系当你系街坊。
继续阅读
除了好难泊车，炒牌要走鬼，有枱疑似其中一位老板娘3位女人放大喉咙be lee bra la 外，食物系一流的。呢间外表系老茶，内里食物质素奇高，食物质素好似食紧酒楼/大排挡感觉。汤好早己沽清所以试唔到。圣子-正，个汁都好正。椒盐九肚鱼，皮簿松脆。九菜花莲蕅猪颈肉，爽脆有镬气。粉丝蒸虾，丰富的粉丝，足料了葱蒜，虾也非常新鲜。芋头腊味煲，芋头粉，椰汁香，腊味份量足，全部𩠌菜也是水准之作。佢地既服务也非常好，老板，老板娘好亲切。
继续阅读
餐厅有一半坐位都系卡位，一半系大圆枱，坐得都几舒服系大角咀比较出名而且有历史既茶餐厅🙈🙈香港最经典早餐沙嗲牛肉公仔面🍜🍜餐肉抄蛋+牛油餐包🥚🥚包仲可以自己选择，有餐包/多士/方包🍞🍞仲可以+$2转萝卜糕包热饮，奶茶好饮👍🏻👍🏻落单几分钟就已经上齐快靓正返工前早餐必选
继续阅读