金家樂茶餐廳

营业中

休息中

经常去呢度食嘢，味道都算得上系唔错，重点系你点啲乜嘢嚟食？如果你系食一般茶餐厅嘅食物，你只可以预期佢水准普普通通，餐蛋面似餐蛋面，午餐碟头饭亦可以食饱你，只系味道普通。不过如果你夜晚嚟食佢嘅小炒套餐，就会发觉厨房的功夫真系唔错，特别系佢嘅老火汤，食得出冇味精，但系材料丰富味道十足。小炒亦够镬气，睇得出系有功夫底。份量唔算大碟但足以食饱你。最钟意佢食饱你之后仲有一个糖水送。两旧水两个人食小炒仲有老火汤同糖水，算系一个相当经济实惠嘅好选择。计我话，日头去食，佢只系一间好普通好普通嘅茶餐厅，但夜晚去食就系又抵食又好味嘅小炒饭店。至于佢哋嘅服务态度，你要知道香港嘅茶餐厅就系咁嘅服务，人系会睇心情，佢心情靓就对你好啲，佢心情唔靓就粗声粗气，因为佢真系当你系街坊。